ກະຊວງສຶກສາທິການ ແລະ ກິລາ (ສສກ) ຈະສຸມໃສ່ປັບປຸງ, ແກ້ໄຂຫຼາຍບັນຫາສຳ ຄັນຕິດພັນກັບການພັດທະນາ ດ້ານການສຶກສາ ກໍຄື ການຮຽນ-ການສອນ ຢູ່ເຂດຊົນນະບົດ, ຫ່າງໄກສອກຫຼີກ ມີຄຸນນະພາບ ແລະ ເທົ່າທຽມກັບ ຕົວເມືອງ. ທ່ານ ຮສ.ປອ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ, ລັດຖະມົນຕີກະຊວງສຶກສາທິການ ແລະ ກິລາ ໄດ້ຊີ້ແຈງຕໍ່ຄຳຊັກຖາມຂອງສະພາແຫ່ງຊາດ ໃນຫຼາຍບັນຫາສຳຄັນກ່ຽວກັບການສຶກສາ ໃນກອງປະຊຸມສະໄໝວິສາມັນເທື່ອທີ 1 ຂອງສະພາແຫ່ງຊາດ ຊຸດທີ X ໃນວັນທີ 8 ກໍລະກົດ 2026 ນີ້ວ່າ: ເພື່ອເຮັດໃຫ້ການສຶກສາ ຢູ່ເຂດຊົນນະບົດ, ຫ່າງໄກສອກຫຼີກ ມີຄຸນນະພາບ ແລະ ເທົ່າທຽມກັບຕົວເມືອງ ກະຊວງສຶກສາທິການ ແລະ ກິລາ ຈະສຸມໃສ່ການຂະຫຍາຍ ແລະ ສະໜອງອາຫານທ່ຽງໃນໂຮງຮຽນ...

ໃນວັນທີ 7 ກໍລະກົດ 2026 ທີ່ຜ່ານມາ ທີ່ຫ້ອງປະຊຸມໃຫຍ່ຂອງພະແນກສຶກສາທິການ ແລະ ກິລາແຂວງ ໄດ້ດຳເນີນກອງປະຊຸມເຜີຍແຜ່ ແລະ ເຊື່ອມຊຶມເນື້ອໃນມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ປະຊາຊົນປະຕິວັດລາວ ຢ່າງເປັນທາງການ ໃຫ້ກຽດເຂົ້າຮ່ວມ ແລະ ຊີ້ນຳໂດຍ ສະຫາຍ ວາລິຍະ ສີຈັນທອງທິບ ຮອງເລຂາຄະນະບໍລິຫານງານພັກແຂວງ, ຜູ້ຊີ້ນຳວຽກງານການເມືອງ-ແນວຄິດ, ວຽກງານພັກ-ພະນັກງານ, ອົງການຈັດຕັ້ງມະຫາຊົນ ຂັ້ນແຂວງ, ມີສະຫາຍ ອະນຸສອນ ສຸດທິວົງ ຮັກສາການເລຂາພັກຮາກຖານ, ວ່າການຫົວໜ້າພະແນກສຶກສາທິການ ແລະ ກິລາແຂວງ, ຄະນະພັກຮາກຖານພະແນກສຶກສາແຂວງ, ຕາງໜ້າຈາກຄະນະຈັດຕັ້ງແຂວງ, ຄະນະໂຄສະນາອົບຮົມແຂວງ, ຄະນະກວດກາພັກ-ລັດແຂວງ, ຄະນະພັກຮາກຖານຫ້ອງການສຶກສາທິການ...

ກົມສາມັນສຶກສາ, ກະຊວງສຶກສາທິການ ແລະ ກິລາ (ສສກ) ຮ່ວມກັບ ອົງການອຸຍນີເຊັບ (UNICEF) ປະຈຳ ສປປ ລາວ ໄດ້ຈັດກອງປະຊຸມ ຜ່ານ ແລະ ຮັບຮອງດ້ານວິຊາການ ຄູ່ມືສົ່ງເສີມການຈັດຕັ້ງປະຕິບັດວຽກງານສົ່ງເສີມໂພຊະນາການ ສຳລັບຊັ້ນມັດທະຍົມສຶກສາ ຂຶ້ນຢ່າງເປັນທາງການ ໃນວັນທີ 9 ກໍລະກົດ 2026 ທີ່ໂຮງແຮມ ຄຣາວ ພລາຊາ, ນະຄອນຫຼວງວຽງຈັນ ໂດຍພາຍໃຕ້ການເປັນປະທານຮ່ວມຂອງ ທ່ານ ນາງ ນວມຄຳ ຈັນທະບູລີ ຫົວໜ້າກົມສາມັນສຶກສາ ກະຊວງສຶກສາທິການ ແລະ ກິລາ ແລະ ທ່ານ ນາງ ຄາຣີນາ ໂລເປດ (Karina Lopez) ຫົວໜ້າແຜນງານໂພຊະນາການ ຂອງອົງການອຸຍນີເຊັບ ປະຈຳ ສປປ ລາວ, ມີຜູ້ຕາງໜ້າຈາກບັນດາກະຊວງ, ກົມກ່ຽວຂ້ອງ, ອົງການຈັດຕັ້ງສາກົນ ແລະ ຄູ່ຮ່ວມພັດທະນາ. ນອກນັ້ນ, ຍັງມີ ກົມອາຫານແລະຢາ,...

ທີມບານເຕະລູກຫຼານພະຍານາກ ສະໂມສອນ ດັບເບິນຢູໄອຈີ ນາຄາ ໄດ້ເດີນທາງກັບເຖິງບ້ານເກີດເມືອງນອນ ພ້ອມຂັນແຊ໋ມ ເຕະບານເຍົາວະຊົນຊີງແຊ໋ມນານາຊາດ ລາຍການ ໄອເບີ ຄັບ 2026 ຈັດຂິ້ນທີ່ປະເທດປອກຕຸຍການ ທີ່ສາມາດປ້ອງກັນແຊ໋ມສະໄໝທີ 2 ຕິດຕໍ່ກັນ ຖືກການນຳ ນະຄອນຫຼວງວຽງຈັນ ແລະ ພໍ່ແມ່ປະຊາຊົນບັນດາເຜົ່າຊາວລາວ ຕ້ອນຮັບຢ່າງສົມກຽດ. ພາຍຫຼັງທີ່ຂຸນພົນພະຍານາກ ສະໂມສອນ ດັບເບິນຢູໄອຈີ ປ້ອງກັນແຊ໋ມສະໄໝທີ 2 ຕິດຕໍ່ກັນ ລາຍການ ໄອເບີ ຄັບ 2026 ທີ່ປະເທດປອກຕຸຍການ ກໍໄດ້ເດີນທາງມາເຖິງນະຄອນຫຼວງວຽງຈັນ ສປປ ລາວ ໃນຕອນເຊົ້າວັນທີ 8 ກໍລະກົດ 2026 ທີ່ສະໜາມບິນສາກົນວັດໄຕ ນຳພາໂດຍທ່ານ ວຽງໄຊ...

ນັບເປັນຂ່າວທີ່ໜ້າຍິນດີ ແລະ ສ້າງຄວາມພາກພູມໃຈໃຫ້ກັບປະຊາຊົນລາວທົ່ວປະເທດ ເມື່ອ ນາງ ວິນນາລີ ວັນທະລັງສີ ນັກກິລາລົດຖີບຄົນພິການຕາທີມຊາດລາວ ພ້ອມດ້ວຍ ນາງ ໂບຕັນ ວິໄຊ ນັກກິລາລົດຖີບຄົນປົກກະຕິ ທີ່ເຮັດໜ້າທີ່ເປັນນັກປັ່ນນຳທາງ (Pilot) ສາມາດສ້າງຜົນງານອັນໂດດເດັ່ນ ດ້ວຍການຄວ້າຫຼຽນທອງ ໃນການແຂ່ງຂັນລົດຖີບຄົນພິການສາກົນ ລາຍການ “Yangyang Para-cycling” ທີ່ເມືອງຢາງຢາງ ສາທາລະນະລັດ ເກົາຫຼີ ເຊິ່ງຈັດຂຶ້ນລະຫວ່າງວັນທີ 7-9 ກໍລະກົດ 2026. ການຍາດໄດ້ຫຼຽນທອງໃນຄັ້ງນີ້ ແມ່ນໄດ້ມາຈາກການແຂ່ງຂັນປະເພດລູ້ (Track) ໄລຍະທາງ 1,000 ແມັດຍິງ...

ເມື່ອການແຂ່ງຂັນເຕະບານໂລກ 2026 ເດີນທາງມາຮອດຮອບ 8 ທີມສຸດທ້າຍ, ລະດັບຄວາມດຸເດືອດ ແລະ ເມົາມັນກໍຍິ່ງເພີ່ມທະວີຄວາມຮຸນແຮງຂຶ້ນເລື້ອຍໆ. ຫຼ້າສຸດ ຊູເປີຄອມພິວເຕີຂອງ ອັອບຕາ (Opta) ເຈົ້າພໍ່ສະຖິຕິບານລະດັບໂລກ ໄດ້ອອກມາຄໍານວນຕົວເລກເພື່ອຊອກຫາທີມທີ່ຈະໄດ້ຍໍຂັນແຊ້ມໂລກ, ບອກເລີຍວ່າມີຈຸດພິກຜັນທີ່ໜ້າສົນໃຈ ໂດຍສະເພາະແຟນບອນຂອງແຊ້ມເກົ່າທີ່ອາດຈະຕ້ອງໄດ້ລຸ້ນກັນໜ້ອຍໜຶ່ງ. ຝຣັ່ງ ຍັງຄົງແຂງແກ່ນສຸດໆ ໃນຕຳແໜ່ງເຕັງ 1, ແຕ່ໄຮໄລ້ຈຸດສໍາຄັນ ແມ່ນຢູ່ທີ່ ທີມຊາດອາກຊັງຕິນ (ອາເຈນຕິນາ) ທີ່ເຖິງແມ່ນວ່າຈະໂກງຄວາມຕາຍຜ່ານ ອີຢິບ ມາໄດ້ແບບຫວຸດຫວິດໃນຮອບ 16 ທີມ, ແຕ່ຄະແນນຄວາມເປັນໄປໄດ້ກັບຫຼຸດລົງມາເຖິງ 2 ອັນດັບ, ຕົກມາຢູ່ເຕັງ 4 ເປັນທີ່ຮຽບຮ້ອຍແລ້ວ....

ທີມຊາດ​ສະວິດເຊີແລນ ດວນຈຸດໂທດຊະນະ ໂຄລອມບີ 4-3 ຫຼັງຈາກສະເໝີກັນໃນ 120 ນາທີ 0-0 ຜ່ານເຂົ້າຮອບ 8 ທີມສຸດທ້າຍ ເຂົ້າໄປພົບກັບ ອາກຊັງຕິນ (ອາເຈນຕິນາ) ແຊ້ມເກົ່າ ໃນວັນອາທິດທີ 12 ກໍລະກົດນີ້. ​ສະຫຼຸບຜົນການແຂ່ງຂັນ: ສະເໝີໃນ 120 ນາທີ 0-0 ດວນຈຸດໂທດ: ສະວິດເຊີແລນ ຊະນະ 4-3 ​ ລາຍຊື່ຜູ້ຍິງຈຸດໂທດ: ​ ຮວນ ຄູອິນເຕໂຣ (Juan Quintero) ​ ກຣານິດ ຊາກາ (Granit Xhaka) ​ ດາວິນຊອນ ຊານເຊດ (Davinson Sánchez) ​ ເຊກີ ອຳດູນີ (Zeki Amdouni) ​ ຮາມິນຕັນ ແຄມປັດ (Jaminton Campaz) ​ ມານູເອວ ອາຄານຈີ (Manuel Akanji) ​ ຮວນ ເຮີນານເດດ (Juan Hernández) ​ ເຊດຣິກ ອິດເຕັນ (Cedric Itten) ​ ຫຼຸຍ ດີອາດ (Luis Díaz) ​ ຣູເບນ ວາກາດ (Ruben Vargas) ...

ທີມຊາດອາກຊັງຕິນ (​ອາເຈນຕິນາ) ໂຊຟອມສົມລາຄາແຊ້ມເກົ່າ ໂກງຄວາມຕາຍຫຼັງຈາກຕາມຫຼັງກ່ອນ 0-2 ແລ້ວມາໄດ້ 2 ປະຕູຕີສະເໝີຈາກ ຄຣິດຕຽນ ໂຣເມໂຣ ແລະ ລິໂອເນວ ເມດຊີ ກ່ອນຈະມາໄດ້ປະຕູໄຊໃນນາທີບາບ (ຊ່ວງທົດເວລາບາດເຈັບ) ຈາກລູກໂໝ່ງຂອງ ເອນໂຊ ເຟີນານເດດ ເຮັດໃຫ້ພິກກັບມາຊະນະ ທີມຊາດອີຢິບ ໄປໄດ້ 3-2 ຜ່ານເຂົ້າສູ່ຮອບ 8 ທີມສຸດທ້າຍ ໄປລໍຖ້າພົບຜູ້ຊະນະລະຫວ່າງ ສະວິດເຊີແລນ ຫຼື ໂຄລອມບີ ໃນວັນອາທິດທີ 12 ກໍລະກົດນີ້. ​ ສະຫຼຸບການຍິງປະຕູໃນການແຂ່ງຂັນ: ​ 0-1 ຢາດເຊີ ອິບຣາຮິມ (Yasser Ibrahim) ນາທີທີ 15 ​ ລິໂອເນວ ເມດຊີ ນາທີທີ 21 (ຍິງລູກໂທດບໍ່ເຂົ້າ) ​ 0-2 ມອດຕາຟາ ຊິໂກ (Mostafa Ziko) ນາທີທີ 67 ​ 1-2 ຄຣິດຕຽນ ໂຣເມໂຣ (Cristian Romero) ນາທີທີ 79...