ສາມັກຄີໄຊ ສອບເສັງນັກຮຽນເກັ່ງ ປ.5, ມ.4 ແລະ ມ.7 ຂັ້ນເມືອງ
ວັນທີ 5 ກຸມພາ 2026 ນີ້, ເມືອງສາມັກຄີໄຊ ແຂວງອັດຕະປື ໄດ້ຈັດການສອບເສັງນັກຮຽນເກັ່ງ ຊັ້ນ ປ.5, ມ.4 ແລະ ມ.7 ທີ່ໂຮງຮຽນປະຖົມ-ມັດທະຍົມຕົ້ນມິດຕະພາບລາວ-ຫວຽດນາມ, ໂດຍການເປັນປະທານຂອງທ່ານ ປະໂລມ ເຮືອງສັກ ຮອງປະທານຄະນະກຳມະການປົກຄອງເມືອງ, ມີທ່ານ ນິຄົມ ພົມມະຈັນ ຫົວໜ້າຫ້ອງການສຶກສາທິການ ແລະ ກິລາເມືອງ ພ້ອມດ້ວຍຄະນະອໍານວຍການໂຮງຮຽນ ມສ, ມ.ຕົ້ນ, ປະຖົມສຶກສາ ແລະ ນ້ອງນັກຮຽນເຂົ້າຮ່ວມ.
ທ່ານ ນາງ ແກ້ວມະໄລ ກົມມະສິດ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ໄດ້ລາຍງານວ່າ: ການສອບເສັງນັກຮຽນເກັ່ງຂັ້ນເມືອງສາມັກຄີໄຊ ໃນຄັ້ງນີ້, ມີນັກຮຽນເກັ່ງ ທີ່ເປັນຕົວແທນມາຈາກ 8 ກຸ່ມໂຮງຮຽນປະຖົມສຶກສາ ແລະ ມັດທະຍົມສຶກສາ 15 ແຫ່ງ. ໃນນີ້, ມີນັກຮຽນເກັ່ງເຂົ້າຮ່ວມສອບເສັງທັງໝົດ 146 ຄົນ, ຍິງ 89 ຄົນ. ດ້ານວິຊາສອບເສັງໃນຊັ້ນ ປ.5 ມີ 3 ວິຊາຄື : ວິຊາພາສາລາວ, ວິຊາຄະ ນິດສາດ ແລະ ວິຊາ ວິທະຍາສາດ ແລະ ສິ່ງແວດລ້ອມ; ຊັ້ນ ມ.4 ແລະ ມ.7 ມີ 4 ວິຊາ ຄື: ວິຊາພາສາລາວ – ວັນນະຄະດີ, ວິຊາຄະນິດສາດ, ວິຊາຟີຊິກສາດ ແລະ ວິຊາເຄມີສາດ.
ສຳລັບຜົນການສອບເສັງຊັ້ນ ປ.5, ວິຊາພາສາລາວ ອັນດັບທີ 1 ນາງ ພຸດທະສິດ ຄິດທິຄຸນ ມາຈາກໂຮງຮຽນປະຖົມເພັດມະນີ; ອັນດັບທີ 1 ວິຊາຄະນິດສາດ ທ້າວ ທິດສາຄອນ ໄຊສະຫວ່າງ ຈາກໂຮງຮຽນປະຖົມສຶກສາທິບພະເນດ; ອັນດັບທີ 1 ວິຊາວິທະຍາສາດ ແລະ ສິ່ງແວດ ລ້ອມ, ທ້າວ ຫັດມີໄຊ ສຸກກະເສີມ ຈາກໂຮງຮຽນປະຖົມສຶກສາວຽງສະ ຫວັນ.
ຊັ້ນມັດທະຍົມສຶກສາຕອນຕົ້ນ ມ.4 ອັນດັບທີ 1 ວິຊາພາສາລາວ – ວັນນະຄະດີ ນາງ ທິບທາລາ ດວງດາລາ ຈາກໂຮງຮຽນທິບພະເນດ; ອັນດັບທີ 1 ວິຊາຄະນິດສາດ ນາງ ສັນທະນາ ອຸດົມສອນ ຈາກໂຮງຮຽນ ມ.ຕົ້ນ ທິບພະເນດ; ອັນດັບທີ 1 ວິຊາເຄມີສາດ, ນາງ ເພັດພອຍນິນ ຄຳສຸວັນນົງ ຈາກໂຮງຮຽນທິບພະເນດ; ອັນດັບທີ 1 ວວິຊາຟີຊິກສາດ ນາງ ຈັນສະຫວັນ ໄຊສົງຄາມ ຈາກໂຮງຮຽນທິບພະເນດ.
ຊັ້ນມັດທະຍົມສຶກສາຕອນປາຍ ມ.7 ອັນດັບທີ 1 ວິຊາພາສາລາວ – ວັນນະຄະດີ ນາງ ດຸດີ ຂຽວອາພອນ ຈາກໂຮງຮຽນ ມສ ໂພນໄຊ; ອັນດັບທີ 1 ວິຊາຄະນິດສາດ ທ້າວ ສຸກປະເສີດ ສີຊານົນ ຈາກໂຮງຮຽນທິບພະເນດ; ອັນດັບທີ 1 ວິຊາເຄມີສາດ ນາງ ກິນນາລີ ວັນທານຸວົງ ຈາກໂຮງຮຽນທິບພະເນດ; ອັນດັບທີ 1 ວິຊາຟີຊິກສາດ ນາງ ທິບມະນີ ຫຼວງເພັດ ຈາກໂຮງຮຽນ ມສ ຈັນທາ. ທັງໝົດນີ້ ຈະເປັນຕົວແທນນັກຮຽນເກັ່ງລະດັບເມືອງ ເພື່ອໄປສອບເສັງລະດັບຂັ້ນແຂວງ ປະຈໍາສົກຮຽນ 2025 – 2026 ຕໍ່ໄປ.
ໂອກາດດັ່ງກ່າວ, ພິທີຍັງໄດ້ມອບຂອງຂວັນລາງວັນ ແລະ ໃບຍ້ອງຍໍໃຫ້ແກ່ຄູອາຈານ ແລະ ນ້ອງນັກຮຽນເກັ່ງດັ່ງກ່າວນໍາອີກ.
ຂ່າວ-ພາບ: ຂາວພອນ.