ພີເອັມເອັດ ເທຄວັນໂດ ສ້າງປະຫວັດສາດ ຄອງຂັນຊະນະເລີດ ທ່ານເອກອັກຄະລັດຖະທູດ ສ.ເກົາຫຼີ ປະຈຳລາວ ສະໄໝທຳອິດ

ເມື່ອວັນທີ 27 ສິງຫາ 2026 ທີ່ຜ່ານມາ, ສະຖາບັນກິລາ-ກາຍຍະກຳ ຮ່ວມກັບ ກົມກິລາລະດັບສູງ ໄດ້ຈັດຕັ້ງການກວດສຸຂະພາບ, ສະມັດຕະພາບຮ່າງກາຍ, ແນະນຳກ່ຽວກັບຈິດຕະວິທະຍາການກິລາ ແລະ ໂພຊະນາການ ໃຫ້ແກ່ນັກກິລາທີມຊາດລາວ ທີ່ກຳລັງເກັບຕົວຝຶກຊ້ອມ ເພື່ອກະກຽມເຂົ້າຮ່ວມແຂ່ງຂັນກິລາເອຊຽນເກມ ຄັ້ງທີ 20 ທີ່ເມືອງໄອຈິ-ນາໂກຢາ ປະເທດຍີ່ປຸ່ນ ປີ 2026. ການກວດສຸຂະພາບຄັ້ງນີ້ ເປັນຮອບທີ 2 ແລ້ວ ໂດຍມີຈຸດປະສົງ ເພື່ອເປັນການທົດສອບ ແລະ ປະເມີນ ກ່ຽວກັບ ສຸຂະພາບ, ສະມັດຕະພາບຮ່າງກາຍ, ສະມັດຕະພາບທາງຈິດໃຈ ແລະ ແນະນຳກ່ຽວກັບໂພຊະການອາຫານ ໃຫ້ແກ່ນັກກິລາທີມຊາດລາວ ເພື່ອນຳເອົາຜົນການທົດສອບແຕ່ລະດ້ານມາປະເມີນຫາຈຸດແຂງ, ຈຸດອ່ອນ ແລະ ຫາວິທີປັບປຸງແກ້ໄຂ ແລ້ວນຳມາວິເຄາະສ້າງແຜນການຝຶກຊ້ອມຮ່ວມກັບຄູຝຶກທີມຊາດ ໃຫ້ມີປະສິດທິພາບເພີ່ມຂຶ້ນ ເພື່ອພ້ອມທີ່ຈະເຂົ້າຮ່ວມແຂ່ງຂັນ ກິລາເອຊຽນເກມ ໃນທ້າຍ ເດືອນ ກັນຍາ ທີ່ຈະມາເຖິງນີ້. ພາບ-ຂ່າວ: ນ້ຳສອງສີ #ກົມກິລາລະດັບສູງ #ໜັງສືພິມສຶກສາວິທະຍາສາດແລະກິລາ #laosportsnews #laosportsmedia