“ຊິນເນີ” ກາຍເປັນນັກເທັນນິດອີຕາລີຄົນທຳອິດ ຄວ້າແຊ໋ມ ໄຊນາ ໂອເພັນ 2023

ການແຂ່ງຂັນເທັນນິດ ATP 500 ລາຍການ ໄຊນາ ໂອເພັນ 2023 ກັບມາແຂ່ງຂັນອີກຄັ້ງໃນຮອບ 4 ປີ ຫຼັງສິ້ນສຸດການແຜ່ລະບາດຂອງເຊື້ອພະຍາດໂຄວິດ-19 ທີ່ສູນກິລາເທັນນິດແຫ່ງຊາດ (National Tennis Center) ໃນນະຄອນຫຼວງປັກກິ່ງ  ສາທາລະນະລັດ ປະຊາຊົນຈີນ ໃນທ້າຍເດືອນກັນຍາ ຫາຕົ້ນເດືອນຕຸລານີ້.

ໂດຍປະເພດຊາຍດ່ຽວຮອບຊີງຊະນະເລີດ ເປັນຄູ່ຊີງໜ້າໃໝ່  ຢານນິກ ຊິນເນີ ມື 6 ຂອງລາຍການຈາກອີຕາລີ ພົບກັບ ດານິວ ເມດເວເດບ  ມື 2 ຂອງລາຍການຈາກຣັດເຊຍ. ຜ່ານການແຂ່ງຂັນຜົນປະກົດວ່າ ຢານນິກ ຊິນເນີ ໂຊຟອມເກັ່ງໄດ້ຢ່າງໂດດເດັ່ນ ເອົາຊະນະ ດານິວ ເມດເວເດບ ໄປໄດ້ແບບສະບາຍ 2-0 ເຊັດ 7–6 (7–2) ແລະ 7–6 (7–2) ຄະແນນ.

ຊຶ່ງ ຊິນເນີ ເປັນນັກເທັນນິດ​ທີມ​ຊາດອີຕາລີຄົນທຳອິດ ​ທີ່ຄວ້າແຊ໋ມ ລາຍ​ການ ໄຊນາ ໂອເພັນ ຮັບຂັນແ​ຊ໋ມ ພ້ອມເງິນລາງວັນ 679.550 ໂດລາສະລັດ ແລະ ເປັນແຊ໋ມລາຍການທີ 9 ໃນອາຊີບ ແລະ ເປັນລາຍການທີ 3 ໃນປີນີ້ ຕໍ່ຈາກລາຍການ Open Sud de France ແລະ Canadian Open. ສຳລັບ ເມດເວເດັບ ຮອງແຊ໋ມ ໄດ້ຮັບເງິນລາງວັນ 365.640 ໂດລາສະຫະລັດ.

ຮຽບຮຽງໂດຍ: ບຸນທະວີ ນະວົງສາ