ເກັ່ງຫຼາຍ! ແພຣວາ ຜ່ານເຂົ້າຮອບຊີງຊະນະເລີດ ຍີມນາສະຕິກ ຊີງແຊ໋ມອາຊີ ພ້ອມຄວ້າໂຄຕ້າໄປ ເອຊຽນ ເກມ 2026

ນ້ອງແພຣວາ ມິສາໂຕະ ພິລາພັນເດດ ຜ່ານເຂົ້າຮອບຊີງຊະນະເລີດແລ້ວ ໃນການແຂ່ງຂັນກິລາ ຍິມນາສະຕິກ ຊີງແຊ໋ມອາຊີ 2026 ທີ່ປະເທດຄີກິດສະຖານ ພ້ອມຄວ້າສິດຕາງໜ້າປະເທດລາວ ຮ່ວມແຂ່ງຂັນງານມະຫາກຳກິລາເອຊຽນ ເກມ 2026 ທີ່ເມືອງນາໂກຢາ ປະເທດຍີ່ປຸ່ນ ຮັບກຽດເປັນເຈົ້າພາບ.

ນ້ອງແພຣວາ ມິສາໂຕະ ພິລາພັນເດດ ສາວນັກກິລາຍີມນາສະຕິກທີມຊາດລາວ ໜຶ່ງດຽວຈາກປະເທດລາວ ສາມາດສ້າງຜົນງານໄດ້ຢ່າງໂດດເດັ່ນ ຜ່ານເຂົ້າຮອບຊີງຊະນະເລີດແລ້ວ ຍິມນາສະຕິກ ຊີງແຊ໋ມອາຊີ 2026 ຫຼື ລາຍການ Asian Championships 2026 Bishkek, Kyrgyzstan ຈະສືບຕໍ່ຈັດຂຶ້ນໃນວັນທີ 25 ພຶດສະພາ 2026 ນີ້ ທີ່ປະເທດຄີກິສະຖານ ເປັນເຈົ້າພາບ ພ້ອມຄວ້າໂຄຕ້າ ຕາງໜ້າປະເທດລາວ ຮ່ວມງານມະຫາກຳກິລາເອຊຽນເກມ ທີ່ປະເທດຍີ່ປຸ່ນ ຮັບກຽດເປັນເຈົ້າພາບ ໃນເດືອນຕຸລານີ້.

ສຳລັບຜົນງານຂອງ ນ້ອງແພຣວາ ມິສາໂຕະ ພິລາພັນເດດ ສາວນ້ອຍໜຶ່ງດຽວຂອງປະເທດລາວ ໃນຮອບຄັດເລືອກ ສາມາດຈົບອັນດັບທີ 18 ຈາກນັກກິລາ 36 ຄົນ ໃນທົ່ວຂົງເຂດອາຊີ ເຂົ້າຮ່ວມ ພ້ອມຄວ້າສິດຕາງໜ້າປະເທດລາວ ໄປຮ່ວມແຂ່ງຂັນ Asian Games 2026 ທີ່ເມືອງນາໂຫຢາ ປະເທດຍີ່ປຸ່ນເປັນທາງການ.

ຂ່າວໂດຍ: ສົງການ ພັນແພງດີ