ວິທະຍຸກະຈາຍສຽງແຫ່ງຊາດຫວຽດນາມ ລາຍງານວ່າ: ສັນຍາການຄ້າເສລີ ລະຫວ່າງ ຫວຽດນາມ-ເອີຣົບ (EVFTA) ໄດ້ຊຸກຍູ້ການສົ່ງອອກຂອງ ສສ ຫວຽດນາມ ໄປຍັງສະຫະພາບເອີຣົົບ ຫຼາຍພໍສົມຄວນ ໂດຍເພີ່ມຂຶ້ນຈາກ ຈຳນວນ 35 ຕື້ເອີໂຣ ໃນປີ 2019 ເປັນ 48 ຕື້ເອີໂຣ ໃນປີ 2023. ຊຶ່ງການເພີ່ມຂຶ້ນດັ່ງກ່າວ ໄດ້ສະແດງໃຫ້ເຫັນຢ່າງຈະແຈ້ງ ໃນຂະແໜງເອເລັກໂຕນິກ, ຕັດຫຍິບ, ເກີບໜັງ, ກະສິກຳ ແລະ ສິນຄ້າອາຫານທະເລ. ໃນວັນທີ 1 ສິງຫາ 2024 ແມ່ນວັນຄົບຮອບ 4 ປີແຫ່ງວັນເຊັນສັນຍາການຄ້າເສລີ ຫວຽດນາມ-ເອີຣົບ (EVFTA) ມີຜົນສັກສິດ (1/8/2020-1/8/2024). ນີ້ແມ່ນສັນຍາການຄ້າ ເສລີ ທີ່ມີລັກສະນະບາດລ້ຽວ, ກາຍເປັນກຳລັງໜູນສຳຄັນໃຫ້ແກ່ການຄ້າ ແລະ ການລົງທຶນ ລະຫວ່າງ ສະຫະພາບເອີຣົບ ແລະ ສສ ຫວຽດນາມ. ດັ່ງນັ້ນ, ສະມາຄົມວິສາຫະກິດເອີຣົບ ປະຈຳ […]

ສຳນັກຂ່າວຕ່າງປະເທດ ລາຍງານຈາກນະຄອນຫຼວງນີວເດລີ ປະເທດອິນເດຍ ເມື່ອວັນທີ 31 ກໍລະກົດ ຜ່ານມາ, ສຳນັກງານມຸຂະມົນຕີ ແຫ່ງລັດ ເກຣລະ ທາງພາກຕາເວັນຕົກສຽງໃຕ້ ຂອງອິນເດຍ ແລະ ເປັນແຫຼ່ງຜະລິດຊາ ທີ່ສຳຄັນ ຂອງປະເທດ ໄດ້ລາຍງານຍອດຈຳນວນ ຜູ້ເສຍຊີວິດຈາກເຫດດິນເຈື່ອນເປັນວົງກວ້າງ ໃນລັດເກຣລະ ເພີ່ມຂຶ້ນເປັນ 108 ຄົນ ແລະ ເຈົ້າໜ້າທີ່ຊ່ວຍເຫຼືອຜູ້ລອດຊິວີດໄດ້ຢ່າງໜ້ອຍ 250 ຄົນ, ໃນນັ້ນເກືອບເຄິ່ງໜຶ່ງ ໄດ້ເຂົ້າຮັບການປິ່ນປົວຢູ່ໂຮງໝໍ. ໃນຂະນະດຽວກັນ ຍັງມີຜູ້ສູນຫາຍອີກ 100 ກວ່າຄົນ. ນອກນີ້ ຍັງມີການອົບພະຍົບປະຊາຊົນ ປະມານ 3.000 ຄົນ ໃຫ້ໄປ ຢູ່ ສູນພັກອາໄສຊົ່ວຄາວ. ປັດຈຸບັນ, ອິນເດຍ ພວມຢູ່ໃນໄລຍະລະດູມໍລະສຸມ ໂດຍເລີ່ມແຕ່ ເດືອນມິຖຸນາ-ເດືອນກັນຍາຂອງທຸກປີ ແລະ ລັດເກຣລະ ເປັນໜຶ່ງໃນພື້ນທີ່ ຂອງອິນເດຍ ທີ່ປະເຊີນກັບ ຝົນຕົກຢ່າງໜັກ ໃນຫຼາຍວັນຜ່ານມາ. ໃນຂະນະດຽວກັນ ຂົວສາຍຫຼັກ ທີ່ເຊື່ອມຕໍ່ […]

ສໍານັກຂ່າວສູນກາງເກົາຫຼີ (KCNA) ສຽງຂອງພັກແຮງງານ ສປປ ເກົາຫຼີ ລາຍງານ ໃນວັນທີ 31 ກໍລະກົດ 2024 ກ່ຽວກັບສະຖານະການອຸທົກກະໄພຢູ່ເມືອງ ຊິນອີຈູ ແລະ ເມືອງອີຈູ ແຂວງພາຍ່ອງອັ່ນເໜືອ ຂອງ ສປປ ເກົາຫຼີ ຊຶ່ງຕິດກັບເມືອງ ຕານຕົ່ງ ແຂວງຫຼຽວໜິງ ທາງຕາເວັນອອກສຽງເໜືອຂອງຈີນ ວ່າ: ໄດ້ສ້າງຄວາມເສຍຫາຍໃຫ້ບ້ານເຮືອນຫຼາຍກວ່າ 4.000 ຫຼັງ ແລະ ເນື້ອທີ່ກະສິກໍາປະມານ 200 ກວ່າເຮັກຕາ ຫຼື ປະມານ 12,722 ໄລ່. ໂດຍກ່ອນໜ້ານີ້ ວັນທີ 29 ກໍລະກົດ ຜ່ານມາ, ທ່ານ ຄິມ ຈອງ ອຸ່ນ ປະທານປະເທດແຫ່ງ ສປປ ເກົາຫຼີ ພ້ອມດ້ວຍການນຳຂັ້ນສູງ ແລະ ພາກສ່ວນກ່ຽວຂ້ອງ ໄດ້ລົງພື້ນທີ່ປະສົບໄພ ຢູ່ເມືອງ ຊິນອີຈູ ພາຍຫຼັງເດີນທາງມາແລ້ວເທື່ອໜຶ່ງ ໃນວັນທີ 28 […]

(ໃນໂອກາດວັນສ້າງຕັ້ງກອງທັບ ປະຊາຊົນຈີນ ຄົບຮອບ 97 ປີ ວັນທີ 1/8/1927-1/8/2024) ລັດຖະບານຈີນ ໄດ້ປະກາດປື້ມປົກຂາວກ່ຽວກັບ “ກິດຈະການປ້ອງກັນປະເທດຈີນໃນຍຸກໃໝ່” ໂດຍລະບຸເຖິງນະໂຍບາຍວຽກງານປ້ອງກັນປະເທດຂອງ ສປ ຈີນ ໃນຍຸກໃໝ່ດ້ວຍ 6 ດ້ານຢ່າງລະອຽດ ພ້ອມທັງກໍານົດທິດທາງຍຸດທະສາດຫຼັກການພື້ນຖານ ແລະ ຄວາມສໍາຄັນລະດັບໂລກຂອງກິດຈະການປ້ອງກັນປະເທດຈີນ ແລະ ການສ້າງກໍາລັງທະຫານຂອງຈີນ ຢ່າງຊັດເຈນ ໂດຍສະແດງເຖິງການເປີດກວ້າງຄວາມໂປ່ງໃສ ແລະ ຄວາມໝັ້ນຄົງ. ນອກຈາກນັ້ນ, ປື້ມປົກຂາວດັ່ງກ່າວ ຍັງໄດ້ລະບຸຢ່າງຊັດເຈນ ເປັນຄັ້ງທໍາອິດວ່າ: ກິດຈະການວຽກງານປ້ອງກັນປະເທດຈີນ ໃນຍຸກໃໝ່ ມີເອກະລັກສະເພາະຢ່າງເດັ່ນຊັດຄື: ບໍ່ດໍາເນີນນະໂຍບາຍລັດທິຄອງຄວາມເປັນໃຫຍ່ ແລະ ບໍ່ຂະຫຍາຍອິດທິພົນ ໂດຍຖືການສ້າງປະຊາຄົມ ທີ່ມີອະນາຄົດຮ່ວມກັນຂອງມວນມະນຸດ ເປັນພາລະກິດສໍາຄັນລະດັບໂລກ ຂອງກິດຈະການປ້ອງກັນປະເທດຈີນ ໃນຍຸກໃໝ່ເປັນຄັ້ງທໍາອິດ. ນີ້ຖືເປັນຄວາມກ້າວໜ້າທີ່ສໍາຄັນຂອງນະໂຍບາຍ ປ້ອງກັນປະເທດຈີນ ແລະ ສະແດງໃຫ້ເຫັນເຖິງເອກະລັກແຫ່ງຍຸກສະໄໝ. ອີງຕາມຂໍ້ມູນຈາກຊີອາໄອ, ນະໂຍບາຍປ້ອງກັນປະເທດຈີນ ໄດ້ຢືນຢັນແນວຄິດຫຼັກ ໂດຍເນັ້ນການປ້ອງກັນມາໂດຍຕະຫຼອດ ຊຶ່ງສອດຄ່ອງກັບນະໂຍບາຍທາງການທູດຂອງຈີນ ທີ່ເນັ້ນຫຼັກການ 5 ປະການ ດ້ານການຢູ່ຮ່ວມກັນຢ່າງສັນຕິຂອງຈີນ. ປື້ມປົກຂາວດັ່ງກ່າວ ຍັງລະບຸອີກວ່າ: […]