“ໜຶ່ງ ເມືອງລາວ” ປາບ “ພະອາທິດ” 5-2 ເຟຣມ ຄວ້າຫຼຽນຄໍາ ສະນຸກເກີ 6 ແດງ ດ່ຽວຊາຍ ງານມະຫະກໍາກິລາແຫ່ງຊາດ ຄັ້ງທີ XII

ວັນທີ 19 ພະຈິກ 2025 ທີ່ສະໂມສອນ ເດິຄິງ ສະນຸກເກີຄັບ ບ້ານໜອງໄຮ ເມືອງຫາດຊາຍຟອງ ນະຄອນຫຼວງວຽງຈັນ, ການແຂ່ງສະນຸກເກີ ປະເພດດ່ຽວຊາຍ 6 ແດງ ມີທັງໝົດ 7 ທີມ 14 ຄົນ. ຮອບຊີງຊະນະເລີດ ເປັນການພົບກັນລະຫວ່າງ ສິດທິເດດ ສັກບ່ຽງ ນັກກິລາຕົວແທນຈາກແຂວງສະຫວັນນະເຂດ ດີກຣີທີມຊາດລາວ ເອົາຊະນະ ພະອາທິດ ກໍສະພານຄໍາ ຈາກກະຊວງປ້ອງກັນປະເທດ ໄປໄດ້ 5-2 ເຟຣມ ຄວ້າຫຼຽນຄໍາ ໃຫ້ທັບນັກກິລາສະນຸກເກີ ແຂວງສະຫວັນນະເຂດ, ສ່ວນ ພະອາທິດ ກໍສະພານຄໍາ ໄດ້ຫຼຽນເງິນ ແລະ ຫຼຽນທອງຮ່ວມ ພອນສະຫວັນ ຊາພັກດີ ຈາກນະຄອນຫຼວງວຽງຈັນ ແລະ ດາວພະຈັນ ພຸດທະບັນດິດ ຈາກແຂວງຄຳມ່ວນ.

ການແຂ່ງຂັນສະນຸກເກີ ໃນງານມະຫະກຳກີລາແຫ່ຊາດ ຄັ້ງທີ XII ມີ 7 ພາກສ່ວນເຂົ້າຮ່ວມ ປະກອບມີ: ນະຄອນຫຼວງວຽງຈັນ ເຈົ້າພາບ, ແຂວງຈຳປາສັກ, ແຂວງສະຫວັນນະເຂດ, ແຂວງອຸດົມໄຊ, ແຂວງຄຳມ່ວນ, ແຂວງວຽງຈັນ ແລະ ກະຊວງປ້ອງກັນປະເທດ, ມີນັກເຂົ້າຮ່ວມທັງໝົດ 33 ຄົນ ມີ 5 ປະເພດ ຄື: ປະເພດ 6 ແດງ ດ່ຽວຊາຍ, 6 ແດງ ຄູ່ຊາຍ; 15 ແດງ ດ່ຽວຊາຍ, 15 ແດງ ຊາຍຄູ່ ແລະ 15 ແດງ ທີມຊາຍ, ດໍາເນີນການແຂ່ງຂັນວັນທີ 16-23 ພະຈິກ 2025 ທີ່ສະໂມສອນ ເດິຄິງ ສະນຸກເກີຄັບ.