ບານສົ່ງໃນຮົ່ມຍິງ-ຊາຍ ລະດັບນັກຮຽນມັດທະຍົມສຶກສາ ຊີງຂັນທ່ານຮອງນາຍົກລັດຖະມົນຕີ, ລັດຖະມົນຕີ ກະຊວງສຶກສາທິການ ແລະ ກິລາ ດຳເນີນໄປດ້ວຍບັນຍາກາດຄຶກຄື້ນ

ປັດຈຸບັນສະຫະພັນບານສົ່ງແຫ່ງຊາດ ໄດ້ດຳເນີນການຈັດຕັ້ງປະຕີບັດໂຄງການພັດທະນານັກກິລາບານສົ່ງໃນຮົ່ມເຍົາວະຊົນຍິງ-ຊາຍ ໂດຍຈັດການແຂ່ງຂັນຊີງຂັນທ່ານ ຮອງນາຍົກລັດຖະມົນຕີ, ລັດຖະມົນຕີ ກະຊວງສຶກສາທິການ ແລະ ກິລາ ຫຼື ລາຍການ ELLSE SPIKE HERO ດຳເນີນແຂ່ງຂັນລະຫວ່າງວັນທີ 30 ກັນຍາ ຈົນໄປເຖິງວັນທີ 13 ທັນວາ 2026 ໂດຍໄດ້ຮັບການສະໜັບສະໜູນຫຼັກໂດຍ ຜະລິດຕະພັນເຂົ້າໜົມແຊບ ແອວເຊ້ (ELLSE).

ລາຍການນີ້ ມີນັກກິລາເຍົາວະຊົນຈາກ 12 ໂຮງຮຽນ ເຂົ້າຮ່ວມແຂ່ງຂັນປະກອບມີ:

1. ໂຮງຮຽນມັດທະຍົມສົມບູນວຽງຈັນ.

2. ໂຮງຮຽນນານາຊາດ ແສງດາລາ.

3. ໂຮງຮຽນ ມັດທະຍົມຕອນປາຍວຽງຈັນ-ໂຮ່ຈີມິນ.

4. ໂຮງຮຽນມັດທະຍົມສົມບູນ ນິຣະດາ.

5. ໂຮງຮຽນມັດທະຍົມຕອນປາຍ ຈັນທະບູລີ.

6. ໂຮງຮຽນມັດທະຍົມສົມບູນ ສີຄຳພັດທະນາ.

7. ໂຮງຮຽນສາມັນພອນສະຫວັນຊົນແຫ່ງຊາດ.

8. ໂຮງຮຽນມັດທະຍົມສົມບູນມິດຕະພາບລາວ-ຫວຽດນາມ.

9. ໂຮງຮຽນມັດທະຍົມຕອນປາຍທົ່ງປົ່ງ.

10. ໂຮງຮຽນມັດທະຍົມ ຊັບປັນຍາ.

11. ໂຮງຮຽນມັດທະຍົມ ວິລະຖາວອນ.

12. ໂຮງຮຽນມັດທະຍົມສົມບູນໜອງບອນ.

ນັບມາຮອດປັດຈຸບັນການແຂ່ງຂັນໄດ້ດຳເນີນໃນອາທິດ ທີ 3 ແລ້ວ ຂະນະທີ່ຜົນການແຂ່ງຂັນ ໂຮງຮຽນໃດ ຈະສາມາດຄອງແຊ໋ມໄດ້ທັງປະເພດທີມຍິງ ແລະ ທີມຊາຍ ທາງທີມງານສື່ມວນຊົນ ຂອງພະແນກໂຄສະນາຂ່າສານການສຶກສາ ແລະ ກິລາ ຈະຂໍລາຍງານໃຫ້ທ່ານຊາບຕື່ມອີກ.

ພາບ-ຂ່າວ ໂດຍ: ສົງການ ພັນແພງດີ