ສກມ ຫີນເຫີບ ສຳເລັດການແຂ່ງຂັນກິລາ ສະຫຼອງວັນຄູແຫ່ງຊາດ ຄົບຮອບ 29 ປີ

ຫ້ອງການສຶກສາທິການ ແລະ ກິລາເມືອງ ຫຼື ສກມ ຫີນເຫີບ ແຂວງວຽງຈັນ ໄດ້ຈັດກິດຈະກຳການແຂ່ງຂັນກິລາບານສົ່ງ ແລະ ກິລາເປຕັງ ລະວ່າງພະນັກງານ, ຄູອາຈານ ໃນທົ່ວເມືອງ ຊີງຂັນຫົວໜ້າຫ້ອງການສຶກສາທິການ ແລະ ກິລາເມືອງ ເພື່ອເປັນການສ້າງຂະບວນກາານຂ່ຳນັບຮັບຕ້ອນ ແລະ ສະເຫຼີມສະຫຼອງວັນຄູແຫ່ງຊາດ ຄົບຮອບ 29 ປີ (7 ຕຸລາ 1994-7 ຕຸລາ 2023) ແລະ ວັນສໍາຄັນຂອງພັກ, ຂອງຊາດ ຢ່າງເປັນຂະບວນການຟົດຟື້ນ, ເບີກບານມ່ວນຊື່ນ ແລະ ມີຄວາມໝາຍສຳຄັນເລິກເຊິ່ງ.

ກິດຈະກຳແຂ່ງຂັນກິລາ 2 ປະເພດດັ່ງກ່າວ ໄດ້ຈັດຂຶ້ນເມື່ອບໍ່ດົນຜ່ານມາ ຊຶ່ງກິລາບານສົ່ງ 9 ທີມ, ກິລາເປຕັງຊາຍ 26 ທີມ ແລະ ເປຕັງຍິງ 23 ທີມ. ຫຼັງຈົບການແຂ່ງຂັນ: ກິລາບານສົ່ງຊາຍ ອັນດັບທີ 1 ໂຮງຮຽນ ມ.ຕົ້ນ ຜາບ່ອງ ໄດ້ຮັບຂັນ 1 ໜ່ວຍ ພ້ອມເງິນສົດ 1.000.000 ກີບ ແລະ ເສື້ອ 9 ຜືນ, ອັນດັບທີ 2 ທີມໂຮງຮຽນ ມສ ຫີນເຫີບ ໄດ້ຮັບເງິນສົດ 700.000 ກີບ ເສື້ອ 9 ຜືນ, ອັນດັບທີ 3 ທີມຫ້ອງການສຶກສາທິການ ແລະ ກິລາເມືອງ ໄດ້ຮັບເງິນສົດ 500.000 ກີບ, ເສື້ອ 9 ຜືນ; ກິລາເປຕັງຊາຍ ອັນດັບທີ 1 ທີມໂຮງຮຽນປະຖົມຫີນເຫີບເໜືອ ໄດ້ຮັບຂັນ 1 ໜ່ວຍ ພ້ອມເງິນສົດ 500.000 ກີບ ແລະ ເສື້ອ 4 ຜືນ, ອັນດັບທີ 2 ທີມໂຮງຮຽນປະຖົມສວນມອນ ໄດ້ຮັບເງິນສົດ 300.000 ກີບ ພ້ອມເສື້ອ 4 ຜືນ ແລະ ອັນດັບທີ 3 ທີມໂຮງຮຽນປະຖົມເຕົາຖ່ານ ໄດ້ຮັບເງິນສົດ 200.000 ກີບ ພ້ອມເສື້ອ 4 ຜືນ; ກິລາເປຕັງຍິງ ອັນດັບທີ 1 ທີມໂຮງຮຽນປະຖົມສົມສະໜຸກ ໄດ້ຮັບຂັນ 1 ໜ່ວຍ ພ້ອມເງິນສົດ 500.000 ກີບ ເສື້ອ 4 ຜືນ, ອັນດັບທີ 2 ທີມໂຮງຮຽນ ມສ ຄອນແກ້ວ ໄດ້ຮັບເງິນສົດ 300.000 ກີບ, ເສື້ອ 4 ຜືນ ແລະ ອັນດັບທີ 3 ທີມໂຮງຮຽນ ມ.ຕົ້ນ ສົມສະນຸກ ໄດ້ຮັບເງິນສົດ 200.000 ກີບ, ເສື້ອ 4 ຜືນ.

ຂ່າວ: ເມືອງຫີນເຫີບ