Author: Mitlandone Thepninhom

ສະຖາບັນຄົ້ນຄວ້າວິທະຍາສາດການສຶກສາ (ສວສ), ກະຊວງສຶກສາທິການ ແລະ ກິລາ, ໄດ້ຈັດກອງປະຊຸມສຳມະນາວິທະຍາສາດການສຶກສາ ປະຈຳປີ 2025 ຂຶ້ນຢ່າງເປັນທາງການ ໃນຕອນເຊົ້າມື້ນີ້ 22 ມັງກອນ 2026 ທີ່ຫ້ອງປະຊຸມໃຫຍ່ ມະຫາວິທະຍາໄລແຂວງສະຫວັນນະເຂດ (ມຂ) ເພື່ອລະດົມຄວາມຄິດ ແລະ ເຜີຍແຜ່ຜົນການຄົ້ນຄວ້າວິທະຍາສາດ ທີ່ຈະເປັນບ່ອນອີງສຳຄັນໃນການວາງນະໂຍບາຍພັດທະນາການສຶກສາແຫ່ງຊາດ. ກອງປະຊຸມຄັ້ງນີ້ ໄດ້ຮັບກຽດເປັນປະທານໂດຍ ທ່ານ ປອ ນາງ ດາລາວອນ ກິດຕິພັນ, ຮອງລັດຖະມົນຕີ ກະຊວງສຶກສາທິການ ແລະ ກິລາ ຊຶ່ງມີບັນດາທ່ານ ອະດີດການນຳຂອງກະຊວງ ສສກ, ຫົວໜ້າກົມ, ສະຖາບັນ, ສູນ, ພະແນກສຶກສາທິການ...

ກົມການສຶກສານອກໂຮງຮຽນ ກະຊວງສຶກສາທິການ ແລະ ກິລາ, ຄະນະວິຊາຄະນະສຶກສາສາດ, ສູນພັດທະນາການສຶກສານອກໂຮງຮຽນ ແລະ ຫ້ອງການ ດີວີວີ ອິນເຕີເນເຊິນແນວ ຮ່ວມມືດ້ານວຽກງານການສຶກສານອກໂຮງຮຽນ ແລະ ການຮຽນຮູ້ຕະຫຼອດຊີວິດ ສໍາລັບ ສປປ ລາວ ໂດຍສຸມໃສ່ການຈັດຕັ້ງປະຕິບັດດຳລັດວ່າດ້ວຍການຮຽນຮູ້ຕະຫຼອດຊີວິດ ລວມທັງການຈັດຕັ້ງປະຕິບັດຫຼັກສູດການຮຽນຮູ້ຕະຫຼອດຊີວິດໃນສະຖາບັນສ້າງຄູໃນທົ່ວປະເທດ. ພິທີເຊັນສັນຍາດັ່ງກ່າວ, ໄດ້ມີຂຶ້ນເມື່ອວັນທີ 21 ມັງກອນ 2026 ທີ່ຫ້ອງການ ດີວີວີ ອິນເຕີເນເຊິນແນວ ນະຄອນຫຼວງວຽງຈັນ ໂດຍໃຫ້ກຽດລົງນາມລະຫວ່າງ ທ່ານ ສຸພາບ ຄູນວິໄຊ...

ນາງ ລັດສະໝີ ສີປະເສີດ ສາວນັກກິລາຍົກນໍ້າໜັກຄົນພິການທີມຊາດລາວ ສ້າງຜົນງານໄດ້ຕາມເປົ້າໝາຍທີ່ທາງສະຫະພັນກິລາຍົກນໍ້າໜັກຄົນພິການແຫ່ງຊາດລາວ ຕັ້ງຄວາມຫວັງໄວ້ ຈະໃຫ້ຕິດ 1 ໃນ 3 ໃນງານກິລາອາຊຽນ ພາຣາເກມ 2025 ຈັດຂຶ້ນທີ່ນະຄອນຣາຊະສີມາ ປະເທດໄທ ຮັບກຽດເປັນເຈົ້າພາບ ລະຫວ່າງວັນທີ 20-26 ມັງກອນ 2026. ປະເພດກິລາດັ່ງກ່າວ ມີການຊີງໄຊຫຼາຍລາຍການ ແລະ ມີນັກກິລາຍົກນໍ້າໜັກໃນຂົງເຂດອາຊຽນເຂົ້າຮ່ວມ ສະເພາະສປປ ລາວ ກໍຄື ສະຫະພັນກິລາຍົກນໍ້າໜັກຄົນພິການແຫ່ງຊາດລາວ ສົ່ງນັກກິລາເຂົ້າຮ່ວມພຽງ 2 ຄົນ ປະກອບມີ ນາງ ລັດສະໝີ ສີປະເສີດ ຈາກແຂວງໄຊຍະບູລີ ແລະ ນາງ ແດງມະນີ ສີບຸນເຮືອງ...

ສາວທັບນັກກິລາບານບ້ວງລໍ້ເລື່ອນຄົນພິການທີມຊາດລາວ ປະເພດ 3×3 ທີມຍິງ ຄວ້າຫຼຽນທອງ ຊຶ່ງເປັນຫຼຽນທຳອິດ ໃຫ້ທັບນັກກິລາຄົນພິການລາວ ໃນງານກິລາອາຊຽນ ພາຣາເກມ 2025 ຈັດຂຶ້ນທີ່ນະຄອນຣາຊະສີມາ ປະເທດໄທ ຮັບກຽດເປັນເຈົ້າພາບ. ສຳລັບທັບນັກກິລາຄົນພິການລໍ້ເລື່ອນທີມຊາດລາວ ຊຸດນີ້ ປະກອບມີ ນາງ ນິດ ຕະທິວົງ ເປັນຫົວໜ້າທີມ, ນາງ ພູໂຂງ, ນາງ ພິດສະໄໝ ແກ້ວປະເສີດ, ນາງ ໜູຫ້ຽນ ກະສຽນ ແລະ ນາງ ຕຸລາໄຊ ຕະອ່ອນເກດ ໄດ້ລົງສະໜາມແຂ່ງຂັນ 4 ນັດ ໃນຮອບຄັດເລືອກ ຊະນະໄດ້ພຽງ 1 ນັດ ແລະ ເສຍ 3 ນັດ ກໍຄື ນັດທຳອິດ ລາວ ເສຍໃຫ້ ເຈົ້າພາບ ໄທ 5-16 ຄະແນນ, ນັດທີ 2 ລາວ ຊະນະ ຟິລິບປິນ...

ໃນຕອນບ່າຍວັນທີ 21 ມັງກອນ 2026 ທີ່ຫ້ອງປະຊຸມໃຫຍ່ ພະແນກສຶກສາທິການ ແລະ ກິລາແຂວງ ຫຼື ສກຂ ສະຫວັນນະເຂດ, ທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ປອ ຫຸມພັນ ແກ້ວອຸ່ນຄຳ ຮອງຫົວໜ້າກົມສາມັນສຶກສາ ກະຊວງສຶກສາທິການ ແລະ ກິລາ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ພົບປະໂອ້ລົມ ພະນັກງານຫຼັກແຫຼ່ງຂະແໜງການສຶກສາ ແລະ ກິລາ ແຂວງສະຫວັນນະເຂດ ຊຶ່ງໃຫ້ກຽດຕ້ອນຮັບໂດຍ ທ່ານ ປອ ສຸກສົມພອນ ອະໂນໄທ ຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍຄະນະພະແນກ, ຫົວໜ້າຂະແໜງການ, ຫົວໜ້າຫ້ອງການສຶກສາທິການ ແລະ ກິລານະຄອນ/ເມືອງ, ຜູ້ອຳນວຍການໂຮງຮຽນ, ພະນັກງານວິຊາການ ແລະ ຄູ-ອາຈານ...

ເປີດສາກຂຶ້ນຢ່າງເປັນທາງການ ງານມະຫະກຳກິລາຄົນພິການອາຊຽນ ຄັ້ງທີ 13 (ASEAN Para Games 2025) ທີ່ປະເທດໄທ ຮັບກຽດເປັນເຈົ້າພາບ ໃນຕອນຄ່ຳວັນທີ 20 ມັງກອນ 2026 ທີ່ສະໜາມກິລາ 80 ພັນສາ ນະຄອນຣາຊະສີມາ, ໂດຍພະບາດສົມເດັດ ພະວະຊິຣະເກົ້າເຈົ້າຢູ່ຫົວ ແຫ່ງ ຣາຊະອານາຈັກໄທ ໄດ້ມອບໝາຍໃຫ້ ທ່ານ ພົນເອກ ພະວໍລະວົງເທີ ພະອົງເຈົ້າ ສະເຫຼີມສຶກ ຢຸຄົນ ເປັນຕົວແທນເຂົ້າຮ່ວມເປັນປະທານໃນພິທີເປີດ. ສ່ວນ ສປປ ລາວເຮົາ ນຳໂດຍ ທ່ານ ນາງ ຂັນທະລີ ສິຣິພົງພັນ ອະດີດຮອງລັດຖະມົນຕີ ກະຊວງສຶກສາທິການ ແລະ ກິລາ ທັງເປັນປະທານຄະນະກຳມະການພາຣາແລມປິກແຫ່ງຊາດລາວ (ຄພລ). ນອກນີ້ຍັງມີຄະນະນຳ, ຄູຝຶກ ແລະ ນັກກິລາ ຈາກຊາດສະມາຊິກອາຊຽນ ເຂົ້າຮ່ວມ ບໍ່ມີພຽງແຕ່ຣາຊະອານາຈັກກຳປູເຈຍ...

ທ່ານ ຄອນພະຈັນ ໄຊຍະສຸກ ປະທານສະຫະພັນຍົກນໍ້າໜັກຄົນພິການແຫ່ງຊາດລາວ ພ້ອມໃຫ້ເງິນໂບນັດເພື່ອເປັນກຳລັງໃຈໃຫ້ນັກກິລາຍົກນໍ້າໜັກຄົນພິການທີມຊາດລາວ ຫາກສາມາດສ້າງຜົນງານດີ ໃນງານມະຫະກຳກິລາຄົນພິການອາຊຽນ ຄັ້ງທີ 13 ຫຼື ອາຊຽນ ພາຣາເກມ 2025 ທີ່ນະຄອນຣາຊະສີມາ ປະເທດໄທ ເປັນເຈົ້າພາບ. ທ່ານ ຄອນພະຈັນ ໄຊຍະສຸກ ໃຫ້ສຳພາດວ່າ: ຂໍສົ່ງແຮງເຊຍເພື່ອເປັນກຳລັງໃຈໃຫ້ທັບນັກກິລາຄົນພິການລາວ ທຸກປະເພດກິລາ ໂດຍສະເພາະແມ່ນນັກກິລາຍົກນໍ້າໜັກຄົນພິການທີມຊາດລາວ ຈົ່ງພ້ອມກັນສູ້ຊົນຢ່າງສຸດຄວາມສາມາດ ຍົກສູງຈິດໃຈຊາດ ສ້າງຜົນງານຄວ້າໄຊຊະນະ ສ້າງກຽດ ແລະ ຊື່ສຽງມາສູ່ປະເທດຊາດ. ...

ພິທີມອບໃບຍ້ອງຍໍໃຫ້ແກ່ ທ່ານ ນາງ ວາເນັດຊາ ເຮັກກາທີ ເລຂາເອກ ສະຖານທູດອົດສະຕຣາລີ ປະຈໍາ ສປປ ລາວ ໄດ້ມີຂຶ້ນເມື່ອວັນທີ 15 ມັງກອນ 2026 ທີ່ຫ້ອງປະຊຸມສໍານັກງານກະຊວງສຶກສາທິການ ແລະ ກິລາ ໂດຍເປັນກຽດມອບຂອງທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ມີຫົວໜ້າກົມ, ຮອງຫົວໜ້າກົມ ແລະ ຄະນະຮັບຜິດຊອບວຽກງານກ່ຽວຂອງເຂົ້າຮ່ວມເປັນສັກຂີພິຍານ. ໂອກາດນີ້, ທ່ານ ສີທອງ ສີຂາວ ຫົວໜ້າກົມແຜນການ ກະຊວງສຶກສາທິການ ແລະ ກິລາ ໄດ້ລາຍງານກ່ຽວກັບຜົນງານຂອງທ່ານ ນາງ ວາເນັດຊາ ເຮັກກາທີ ທີ່ໄດ້ປະກອບສ່ວນເຂົ້າໃນການພັດທະນາວຽກງານສຶກສາຢ່າງຫຼວງຫຼາຍ...