ປະທານຍົກນໍ້າໜັກລາວ ພ້ອມມອບເງິນໂບນັດໃຫ້ນັກກິລາ ຫາກສ້າງຜົນງານດີໃນ ອາຊຽນ ພາຣາເກມ 2025

ທ່ານ ຄອນພະຈັນ ໄຊຍະສຸກ ປະທານສະຫະພັນຍົກນໍ້າໜັກຄົນພິການແຫ່ງຊາດລາວ ພ້ອມໃຫ້ເງິນໂບນັດເພື່ອເປັນກຳລັງໃຈໃຫ້ນັກກິລາຍົກນໍ້າໜັກຄົນພິການທີມຊາດລາວ ຫາກສາມາດສ້າງຜົນງານດີ ໃນງານມະຫະກຳກິລາຄົນພິການອາຊຽນ ຄັ້ງທີ 13 ຫຼື ອາຊຽນ ພາຣາເກມ 2025 ທີ່ນະຄອນຣາຊະສີມາ ປະເທດໄທ ເປັນເຈົ້າພາບ.

ທ່ານ ຄອນພະຈັນ ໄຊຍະສຸກ ໃຫ້ສຳພາດວ່າ: ຂໍສົ່ງແຮງເຊຍເພື່ອເປັນກຳລັງໃຈໃຫ້ທັບນັກກິລາຄົນພິການລາວ ທຸກປະເພດກິລາ ໂດຍສະເພາະແມ່ນນັກກິລາຍົກນໍ້າໜັກຄົນພິການທີມຊາດລາວ ຈົ່ງພ້ອມກັນສູ້ຊົນຢ່າງສຸດຄວາມສາມາດ ຍົກສູງຈິດໃຈຊາດ ສ້າງຜົນງານຄວ້າໄຊຊະນະ ສ້າງກຽດ ແລະ ຊື່ສຽງມາສູ່ປະເທດຊາດ.

ປະທານສະຫະພັນຍົກນໍ້າໜັກຄົນພິການແຫ່ງຊາດລາວ ຍັງໄດ້ບອກອີກວ່າ: ເພື່ອເປັນກຳລັງໃຈໃຫ້ແກ່ທັບນັກກິລາຍົກນໍ້າໜັກຄົນພິການລາວ ສ້າງຜົນງານ ໃນງານດັ່ງກ່າວ ຫາກສາມາດຍາດໄດ້ຫຼຽນຄຳ ທາງສະຫະພັນ ພ້ອມຈະສະໜັບສະໜູນ ໂດຍຫຼຽນຄຳ 20 ລ້ານກວ່າກີບ (30.000 ບາດ ສະກຸນເງິນໄທ), ຫຼຽນເງິນ 13 ລ້ານກວ່າກີບ (20.000 ຊາດ) ແລະ ຫຼຽນທອງ 6 ລ້ານກວ່າກີບ (10.000 ບາດ) ສ່ວນຄູຝືກແມ່ນ 3 ລ້ານກວ່າກີບ (5.000 ບາດ).

ສຳລັບກິລາຍົກນໍ້າໜັກຄົນພິການລາວ ແມ່ນສົ່ງນັກກິລາເຂົ້າຮ່ວມແຂ່ງຂັນພຽງແຕ່ 2 ຄົນ ໃນຮຸ່ນນໍ້າໜັກດຽວກັນ 41 ກິໂລກຼາມ ນາງ ລັດສະໝີ ສີປະເສີດ ຈາກແຂວງໄຊຍະບູລີ ແລະ ນາງ ແດງມະນີ ສີບຸນເຮືອງ ຈາກແຂວງເຊກອງ ເຂົ້າຮ່ວມແຂ່ງຂັນ ແລະ ຈະລົງ

ພາບ-ຂ່າວໂດຍ: ສົງການ ພັນແພງດີ