ກອງທຶນພັດທະນາວິທະຍາສາດ ແລະ ເຕັກໂນໂລຊີ (ກພວຕ) ໄດ້ຈັດກອງປະຊຸມຖອດຖອນບົດຮຽນກ່ຽວກັບການຈັດຕັ້ງວຽກງານຂອງຄະນະກຳມະການວິຊາການຄືນໃໝ່ໃນໄລຍະຜ່ານມາ ແລະ ປຶກສາຫາລືກ່ຽວກັບການປັບປຸງແຕ່ງຕັ້ງຄະນະກຳມະການວິຊາການຄືນໃໝ່ ເພື່ອກວດຜ່ານຫົວຂໍ້ຄົ້ນຄວ້າວິທະຍາສາດ ຂອງກອງທຶນພັດທະນາວິທະຍາສາດ ແລະ ເຕັກໂນໂລຊີ ໃນວັນທີ 5 ພຶດສະພາ 2026 ທີ່ຫ້ອງປະຊຸມຂອງຫ້ອງການສະພາວິທະຍາສາດແຫ່ງຊາດ (ໃນຮົ້ວສຳນັກງານນາຍົກລັດຖະມົນຕີ), ໂດຍການເປັນປະທານຂອງ ທ່ານ ແກ້ວອຸທອນ ລຸນແສງຈັນ ຄະນະສະພາບໍລິຫານ ກພວຕ ທັງເປັນຫົວໜ້າກອງເລຂາກອງທຶນ, ມີຄະນະກຳມະການວິຊາການກອງທຶນທັງ 6 ກຸ່ມ ຄື: ກຸ່ມວິທະຍາສາດກາຍະພາບ, ກຸ່ມວິທະຍາສາດຊີວະພາບ, ກຸ່ມວິທະຍາສາດສຸຂະພາບ, ກຸ່ມວິທະຍາສາດສັງຄົມ, ກຸ່ມວິທະຍາສາດການເມືອງ, ກຸ່ມວິທະຍາສາດເສດຖະກິດ ແລະ ພາກສ່ວນທີ່ກ່ຽວຂ້ອງຈຳນວນ 32 ທ່ານ, ຍິງ 13 ທ່ານ ເຂົ້າຮ່ວມຢ່າງພ້ອມພຽງ. ກອງປະຊຸມໃນຄັ້ງນີ້, ແມ່ນເພື່ອປຶກສາຫາລື ແລະ ເປັນເອກະພາບກັນໃນການຄັດເລືອກເອົານັກຄົ້ນຄວ້າວິທະຍາສາດລະດັບປະລິນຍາເອກ ເພື່ອແຕ່ງຕັ້ງເປັນຄະນະກຳມະການວິຊາການໃນການກວດຜ່ານຫົວຂໍ້ຄົ້ນຄວ້າວິທະຍາສາດ. ຄະນະກຳມະການດັ່ງກ່າວ ຈະມີບົດບາດສຳຄັນໃນການກວດຜ່ານ ແລະ ປະເມີນຄຸນນະພາບຂອງຫົວຂໍ້ຄົ້ນຄວ້າວິທະຍາສາດ ທີ່ຈະໄດ້ຮັບການສະໜັບສະໜູນຈາກກອງທຶນ, ເພື່ອຮັບປະກັນໃຫ້ວຽກງານການຄົ້ນຄວ້າວິທະຍາສາດ ແລະ ການພັດທະນາເຕັກໂນໂລຊີ […]

ແຂວງຫຼວງພະບາງ ໄດ້ຈັດພິທີຕ້ອນຮັບ ພ້ອມທັງມອບບໍາເນັດ ແລະ ຍ້ອງຍໍນັກຮຽນເກັ່ງລະດັບຊາດ, ຄູບໍາລຸງນັກຮຽນເກັ່ງທີ່ສ້າງຜົນງານໃນການເຂົ້າຮ່ວມການແຂ່ງຂັນນັກຮຽນເກັ່ງລະດັບຊາດ ຊັ້ນມັດທະຍົມສຶກສາ ສົກຮຽນ 2025-2026 ທີ່ນະຄອນຫຼວງວຽງຈັນ ໃນຕອນບ່າຍວັນທີ 7 ພຶດສະພາ 2026 ທີ່ຫ້ອງວ່າການແຂວງ ໂດຍການໃຫ້ກຽດເຂົ້າຮ່ວມຂອງທ່ານ ບຸນເລື່ອມ ມະນີວົງ ເລຂາພັກແຂວງ, ປະທານສະພາປະຊາຊົນແຂວງ, ມີທ່ານ ນາງ ວຽນວິໄລ ດີລະພັນ ຮອງປະທານຄະນະກຳມະການປົກຄອງແຂວງ, ມີຄະນະນໍາຂອງແຂວງ, ທ່ານຫົວໜ້າ-ຮອງຫົວໜ້າພະແນກສຶກສາທິການ ແລະ ກິລາແຂວງ, ຄູ-ອາຈານ, ຜູ້ປົກຄອງນັກຮຽນ ແລະ ນ້ອງນັກຮຽນເຂົ້າຮ່ວມ. ທ່ານ ປອ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາ ແຂວງ ໄດ້ລາຍງານໃຫ້ຮູ້ວ່າ: ການເຂົ້າຮ່ວມແຂ່ງຂັນສອບເສັງນັກຮຽນເກັ່ງລະດັບຊາດ ຊັ້ນມັດທະຍົມສຶກສາຄື: ການສອບເສັງແຂ່ງຂັນນັກຮຽນເກັ່ງລະດັບລະດັບຊາດ ສາຍສາມັນສຶກສາ ເປັນກິດຈະກຳໜຶ່ງທີ່ສໍາຄັນ ແລະ ເປັນກິດຈະກຳບຸລິມະສິດຂອງກະຊວງສຶກສາທິການ ແລະ ກິລາ ກໍຄືພະແນກສຶກ ສາທິການ ແລະ ກິລາແຂວງ […]

ໃນວັນທີ 30 ເມສາ 2026 ໄດ້ມີພິທີເຊັນສັນຍາການຮ່ວມມື ລະຫວ່າງ ວິທະຍາໄລ (ວລ) ລາວ-ທ໊ອບ ແລະ ບໍລິສັດ 108 Job ທີ່ຫ້ອງປະຊຸມວິທະຍາໄລດັ່ງກ່າວ ໂດຍການເຊັນສັນຍາລົງນາມລະຫວ່າງ ທ່ານ ພັນທະວິໄລ ນວນຮຸ່ນ ຜູ້ອຳນວຍການ ວິທະຍາໄລ ລາວ-ທ໊ອບ ແລະ ທ່ານ ແກ້ວວິສຸກ ດາລາສານ ຜູ້ອຳນວຍການ ບໍລິສັດ 108 Job, ມີບັນດາພະນັກງານ, ຄູ-ອາຈານ, ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ສຳລັບການຮ່ວມມືຂອງທັງສອງຝ່າຍໄດ້ຕົກລົງເອກະພາບກັນເຮັດບົດບັນທຶກຄວາມເຂົ້າໃຈ ເພື່ອເປັນບ່ອນອີງ ໃນໄລຍະຂອບເຂດ 1 ປີ ໃນການຈັດຕັ້ງປະຕິບັດວຽກງານ ໂດຍສະເພາະແມ່ນເພື່ອເປັນການແລກປ່ຽນຂໍ້ມູນຂ່າວສານເຊິ່ງກັນ ແລະ ກັນ, ສ້າງຄວາມຮ່ວມມື, ສ້າງຄວາມເຂັ້ມແຂງ, ພັດທະນາທັກສະ ແລະ ກຽມຄວາມພ້ອມໃຫ້ກັບນັກສຶກສາ ກ່ອນກ້າວເຂົ້າສູ່ຕະຫຼາດແຮງງານ ໂດຍການແລກປ່ຽນບົດຮຽນ, ເຊື່ອມໂຍງຂໍ້ມູນຂ່າວສານກ່ຽວກັບຕຳແໜ່ງງານ ໃນຕະຫຼາດແຮງງານ ແລະ ຂໍ້ມູນ ບໍລິສັດ ອົງກອນທີ່ເປີດຮັບນັກສຶກສາໃນການເຮັດວຽກອາສາສະໝັກ, ບ່ອນຝຶກງານ, […]

ວິສາຫະກິດສ່ວນບຸກຄົນ ໝາຍເວ ສະປອດ ແລະ ວິທະຍາໄລເຕັກນິກວິຊາຊີບ ມິດຕະພາບ ວຽງຈັນ-ຮ່າໂນ້ຍ ລົງນາມຮ່ວມມືກັນ ເປັນໄລຍະເວລາ 5 ປີ ເພື່ອສົ່ງເສີມການພັດທະນາຊັບພະຍາກອນມະນຸດ ກໍຄື ນັກສຶກສາ ຂອງວິທະຍາໄລດັ່ງກ່າວ ໃຫ້ມີທັກສະສີມືວິຊາຊີບ, ມີວິໄສທັດ, ມີປະສົບການໃໝ່ ແລະ ມີປະສິດທິພາບທີ່ສູງ ເພື່ອອອກຮັບໃຊ້ສັງຄົມຢ່າງມີຄຸນນະພາບ. ພິທີເຊັນສັນຍາບົດບັນທຶກຄວາມເຂົ້າໃຈໃນການຮ່ວມມືຊ່ວຍເຫຼືອເຊິ່ງກັນ ແລະ ກັນໃນຄັ້ງນີ້ ລະຫວ່າງ ທ່ານ ພຸດທະພອນ ສີວິໄຊ ປະທານວິສາຫະກິດສ່ວນບຸກຄົນ ໝາຍເວ ສະປອດ ແລະ ທ່ານ ຄຳດີ ບຸດຕະຂັນ ຜູ້ອຳນວຍການວິທະຍາໄລເຕັກນິກວິຊາຊີບ ມິດຕະພາບ ວຽງຈັນ-ຮ່າໂນ້ຍ ໄດ້ຈັດຂຶ້ນ ເມື່ອວັນທີ 30 ເມສາ ຜ່ານມາ ທີ່ວິທະຍາໄລດັ່ງກ່າວ ໂດຍມີທ່ານ ປອ ສາຍສະໝອນ ງາມສີ ຮອງຫົວໜ້າກົມອາຊີວະສຶກສາ ກະຊວງສຶກສາທິການ ແລະ ກິລາ ແລະ ທ່ານ ສີທົນ […]

ໃນວັນທີ 30 ເມສາ 2026 ທີ່ສູນກາງຊາວໜຸ່ມປະຊາຊົນປະຕິວັດລາວ (ສຊປລ), ໄດ້ມີພິທີເຊັນບົດບັນທຶກຄວາມເຂົ້າໃຈ (MOU) ລະຫວ່າງ ກົມອົບຮົມຊາວໜຸ່ມ ສຊປລ ແລະ ຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງສຶກສາທິການ ແລະ ກິລາ (ຄຊປປລ ສສກ), ໂດຍການເຊັນສັນຍາລະຫວ່າງ ທ່ານ ຢາງປາວ ປ່າເຢ້ວື່ ວ່າການແທນຫົວໜ້າກົມອົບຮົມຊາວໜຸ່ມ ແລະ ທ່ານ ປອ ຈັນທະວົງ ປັນຍາສິລິ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ກະຊວງສຶກສາທິການ ແລະ ກິລາ, ມີທ່ານ ສຸລິຍາ ແກ້ວພິລາວົງ ຮອງເລຂາຄະນະບໍລິຫານງານພັກ, ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ (ສຊປລ), ທ່ານ ຮສ.ປອ ສິນທະວອນ ດາລາວົງ ຄະນະປະຈຳພັກກະຊວງ, ປະທານກວດກາພັກ ກະຊວງສຶກສາທິການ ແລະ ກິລາ, ຮອງຜູ້ອຳນວຍການໃຫຍ່ມະຫາວິທະຍາໄລແຫ່ງຊາດ, ພ້ອມດ້ວຍບັນດາຫົວໜ້າກົມ, ຮອງຫົວໜ້າກົມ ແລະ ຄະນະນໍາຈາກທັງສອງຝ່າຍເຂົ້າຮ່ວມເປັນສັກຄີພະຍານ. ການເຊັນ MOU ໃນຄັ້ງນີ້ […]

ນາງ ອິນທິລາ ນິດສະຫວາດວົງສາ ສາມາດຄວ້າລາງວັນອັນດັບ 1 ລະດັບຊາດ ວິຊາພາສາລາວ-ວັນນະຄະດີ ຊັ້ນ ມ.7 ປະຈຳສົກຮຽນ 2025-2026 ຈາກອັນດັບທີ 1 ຂັ້ນເມືອງຫາດຊາຍຟອງ ສູ່ອັນດັບທີ 1 ຂັ້ນນະຄອນຫຼວງວຽງຈັນ ແລະ ສຸດທ້າຍກ້າວສູ່ ອັນດັບທີ 1 ລະດັບຊາດ ໄດ້ຢ່າງພາກພູມໃຈ. ໃນປີທີ່ຜ່ານມາ ນ້ອງຍັງສາມາດຄວ້າລາງວັນຊະນະເລີດອັນດັບ1 ດ້ານການແຕ້ມຮູບຂອງນັກຮຽນຊັ້ນມັດທະຍົມສຶກສາ ເປັນຕົວແທນຂອງ ສປປ ລາວ ໄປຮ່ວມວາງສະແດງຮູບແຕ້ມ ທີ່ໂຕກຽວ ປະເທດຍີ່ປຸ່ນ ຖືໄດ້ວ່ານ້ອງເປັນນັກຮຽນທີ່ມີຄວາມຮູ້ຄວາມສາມາດຫຼາຍດ້ານ ເປັນນັກຮຽນແບບຢ່າງທີ່ດີ. ຕໍ່ກັບຜົນງານທີ່ພົ້ນເດັ່ນດັ່ງກ່າວນີ້ ທາງໂຮງຮຽນຫ້ອມສະຫວັນ ຂໍສະແດງຄວາມຍ້ອງຍໍຊົມເຊີຍເປັນຢ່າງຍິ່ງ ຕໍ່ຄວາມຕັ້ງໃຈສຶກສາຮ່ຳຮຽນ ຄວາມມານະອົດທົນຂອງນ້ອງນັກຮຽນ ແລະທີ່ສຳຄັນທີ່ຂາດບໍ່ໄດ້ ກໍຄືຄູອາຈານຜູ້ສິດສອນທຸກທ່ານ ໂດຍສະເພາະ ອຈ ຊາຍທອງ ບຸນຄ້ຳ ແລະ ອຈ ບຸນແປງ ຮຸ່ງແສງແກ້ວ ລວມທັງພໍ່ແມ່ຜູ້ປົກຄອງນັກຮຽນ ທີ່ໃຫ້ການຮ່ວມມືດ້ວຍດີຕະຫຼອດມາ.

ນັກຮຽນຕົວແທນ ຈາກນະຄອນຫຼວງວຽງຈັນ ສາມາດສ້າງຜົນງານພົ້ນເດັ່ນ ຍາດໄດ້ລາງວັນຊະນະເລີດເຖິງ 5 ລາຍການ ຈາກຜົນງານຂອງນ້ອງນັກຮຽນໂຮງຮຽນມັດທະຍົມສຶກສາ (ມສ) ພອນສະຫວັນແຫ່ງຊາດ ເມືອງໄຊທານີ, ມສ ຫ້ອມສະຫວັນ ເມືອງຫາດຊາຍຟອງ ແລະ ໂຮງຮຽນສາມັນວິຣະຖາວອນ ເມືອງສີສັດຕະນາກ ສ່ວນລາງວັນອັນດັບທີ 2 ສອງລາຍການ ໄດ້ຈາກໂຮງຮຽນ ສິນໄຊ ເມືອງຈັນທະບູລີ ໃນການສອບເສັງນັກຮຽນເກັ່ງລະດັບຊາດ ຊັ້ນ ມ.4 ແລະ ມ.7 ປະຈຳສົກຮຽນ 2025-2026. ພິທີສະຫຼຸບການສອບເສັງນັກຮຽນເກັ່ງ ລະດັບຊາດ ຊັ້ນ ມ.4 ແລະ ມ.7 ທົ່ວປະເທດ ປະຈຳສົກຮຽນ 2025-2026 ໄດ້ຈັດຂຶ້ນ ໃນຕອນເຊົ້າວັນທີ 24 ເມສາ 2026 ພາຍຫຼັງໄດ້ດຳເນີນແຂ່ງຂັນມາແຕ່ວັນທີ 20 ເມສາ ຜ່ານມາ ໂດຍເປັນກຽດເຂົ້າຮ່ວມ ແລະ ມອບລາງວັນຕ່າງໆຂອງທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີ […]

ກະຊວງສຶກສາທິການ ແລະ ກິລາ(ສສກ) ມີຄວາມຄືບໜ້າຫຼາຍດ້ານໃນການຫ້າງຫາກະກຽມ ສຳລັບການເປັນເຈົ້າພາບຈັດກອງປະຊຸມລັດຖະມົນຕີວິທະຍາສາດ, ເຕັກໂນໂລຊີ ແລະ ນະວັດຕະກຳ ອາຊຽນ ຄັ້ງທີ 22 (AMMSTI-22), ກອງປະຊຸມເຈົ້າໜ້າທີ່ອາວຸໂສ ຄັ້ງທີ 89 ແລະ ກອງປະຊຸມປິ່ນອ້ອມອື່ນໆ ທີ່ຈະໄຂຂຶ້ນໃນລະຫວ່າງ ວັນທີ 22-26 ມິຖຸນາ 2026 ນີ້. ໃນຕອນເຊົ້າວັນທີ 23 ເມສາ ຜ່ານມາ, ທີ່ຫ້ອງປະຊຸມກະຊວງ ສສກ ພາຍໃຕ້ການເປັນປະທານຂອງ ທ່ານ ກິ່ງມະໂນ ພົມມະຫາໄຊ, ຮອງລັດຖະມົນຕີກະຊວງ ສສກທັງເປັນຮອງຄະນະຊີ້ນຳລວມ ໄດ້ມີການປະຊຸມເພື່ອລາຍງານຄວາມຄືບໜ້າ ຂອງບັນດາກໍາມະການ ແລະ ອະນຸກຳມະການຝ່າຍຕ່າງໆ ທັງແບບເຊິ່ງໜ້າ ແລະ ອອນລາຍ ຊຶ່ງມາຮອດປະຈຸບັນເຫັນວ່າມີຄວາມຄືບໜ້າໄປຫຼາຍດ້ານ ບໍ່ວ່າຈະເປັນດ້ານເນື້ອໃນ, ດ້ານພິທີການ, ການຮັບຕ້ອນ, ສະຖານທີ່ປະຊຸມ, ທີ່ພັກ, ຂົນສົ່ງ, ອາສາສະໝັກຕິດຕາມແຂກ, ປ້ອງກັນຄວາມສະຫງົບ, ແພດ ແລະ ດ້ານສື່ມວນຊົນ. ໃນກອງປະຊຸມ, […]