ໂຮງຮຽນປະຖົມ ແລະ ມັດທະຍົມສຶກສາ ວິຣະຖາວອນ ແລະ ໂຮງຮຽນອະນຸບານ ນານາຊາດ ແລັບຫຼັງບ້ານ ຮ່ວມກັນມອບອຸປະກອນການສຶກສາ ແລະ ອຸປະກອນກິລາ ເພື່ອຊ່ວຍເຫຼືອບັນດາໂຮງຮຽນ ໃນໄລຍະໄຂສົກຮຽນໃໝ່ ແລະ ບັນດາສະຖານການສຶກສາກ່ອນໄວຮຽນ ໃນຂອບເຂດທົ່ວປະເທດ ທີ່ໄດ້ຮັບຜົນກະທົບຈາກໄພພິບັດທຳມະຊາດ ນໍ້າຖ້ວມ ໃນປັດຈຸບັນ. ເມື່ອບໍ່ດົນມານີ້ ທີ່ໜ້າຫ້ອງການກົມການສຶກສາກ່ອນໄວຮຽນ ກະຊວງສຶກສາທິການ ແລະ ກິລາ ຫຼື ສສກ ໄດ້ມີສອງໂຮງຮຽນ ກໍຄື ທ່ານ ນາງ ນີລາວັນ ວີຣະຖາວອນ ຜູ້ອຳນວຍການໂຮງຮຽນ ວິຣະຖາວອນ ແລະ ທ່ານ ນາງ ສຸກດາລອນ ພົມມະເທບ ຜູ້ປະກອບການ ໂຮງຮຽນອະນຸບານ ນານາຊາດ ແລັບຫຼັງບ້ານ ໄດ້ນຳເອົາອຸປະກອນການສຶກສາ ຈຳນວນຫຼາຍລາຍການ ມາມອບຊ່ວຍເຫຼືອບັນດາໂຮງຮຽນທີ່ໄດ້ຮັບຜົນກະທົບຈາກໄພພິບັດທຳມະຊາດ ນໍ້າຖ້ວມ ໃນປັດຈຸບັນ ຕາງໜ້າຮັບໂດຍທ່ານ ນາງ ຈອມແພງ ວົງສາ ຫົວໜ້າກົມການສຶກສາກ່ອນໄວຮຽນ ມີທ່ານ ກິຄຳ […]

ໃນຕອນເຊົ້າວັນທີ 4 ກັນຍາ 2026 ນີ້ ຢູ່ທີ່ໂຮງຮຽນມັດທະຍົມຕອນຕົ້ນ ສົບແວກ ບ້ານສົບແວກ, ເມືອງແອດ, ແຂວງຫົວພັນ ໄດ້ຈັດພິທີມອບ-ຮັບ ໂຄງການກໍ່ສ້າງອາຄານໂຮງຮຽນມັດທະຍົມຕອນຕົ້ນ ສົບແວກ ຫຼັງໃໝ່ ຢ່າງເປັນທາງການ ຫຼັງຈາກການກໍ່ສ້າງສຳເລັດ 100% ​ໃຫ້ກຽດເຂົ້າຮ່ວມມີ ​ທ່ານ ວົງໄຊ ຍະສິງທອນ, ກຳມະການພັກແຂວງ, ຫົວໜ້າພະແນກສຶກສາທິການ ແລະ ກິລາ ແຂວງຫົວພັນ, ​ທ່ານ ນາງ ມະນີວອນ ສອນມະນີ, ຮອງເລຂາພັກ ເມືອງແອດ. ​ພ້ອມນີ້ຍັງມີຄະນະຮັບຜິດຊອບກວດກາ ແລະ ຄຸ້ມຄອງໂຄງການຂັ້ນແຂວງ, ຂັ້ນເມືອງ, ອຳນາດການປົກຄອງທ້ອງຖິ່ນ 4 ບ້ານ ເຂດຕາແສງເມືອງຊືມ, ຄູ-ອາຈານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ. ​ໂຄງການກໍ່ສ້າງໂຮງຮຽນມັດທະຍົມຕອນຕົ້ນ ສົບແວກ ແມ່ນມີ ພະແນກສຶກສາທິການ ແລະ ກິລາແຂວງຫົວພັນ ເປັນເຈົ້າຂອງໂຄງການ ແລະ ບໍລິສັດ ວັນໂນພອນ ກໍ່ສ້າງ ເປັນຜູ້ຮັບເໝົາ. […]

ກະຊວງສຶກສາທິການ ແລະ ກິລາ ຫຼື ສສກ ເປີດກອງປະຊຸມປຶກສາຫາລືຮີບດ່ວນ ຊ່ວຍເຫຼືອສະຖານສຶກສາທີ່ໄດ້ຮັບຜົນກະທົບຈາກໄພນໍ້າຖ້ວມ ຢູ່ສອງແຂວງພາກເໜືອ ກໍຄື ແຂວງຫຼວງນໍ້າທາ ແລະ ແຂວງອຸດົມໄຊ ໃນພາວະສຸກເສີນຂຶ້ນເມື່ອວັນທີ 2 ກັນຍາ 2026 ໃນຮູບແບບເຊິ່ງໜ້າ ແລະ ທາງອອນລາຍ ໃນຫົວຂໍ້ປຶກສາຫາລືເພື່ອຮັບມືກັບໄພພິບັດນໍ້າຖ້ວມ ທີ່ໄດ້ຮັບຜົນກະທົບຢ່າງໜັກໜ່ວງ ຢູ່ດັ່ງກ່າວ ໃຫ້ກຽດເປັນປະທານໂດຍ ທ່ານ ຮສ.ປອ ຫຼ້າວັນ ວົງຄໍາສານ ຫົວໜ້າຫ້ອງການ ສສກ, ພ້ອມດ້ວຍຜູ້ຕາງໜ້າຈາກກົມຕ່າງໆພາຍໃນກະຊວງ, ພະແນກສຶກສາທິການ ແລະ ກິລາ ແຂວງຫຼວງນໍ້າທາ ແລະ ແຂວງອຸດົມໄຊ, ກະຊວງແຮງງານ ແລະ ສະຫວັດດີການສັງຄົມ ຕະຫຼອດຮອດອົງການຈັດຕັ້ງສາກົນ (ອົງການຊ່ວຍເຫຼືອເດັກສາກົນ ປະຈໍາ ສປປ ລາວ ແລະ ອົງການອຸຍນີເຊັບ). ຈາກສະພາບຝົນຕົກຢ່າງໜັກຕິດຕໍ່ກັນຫຼາຍຊົ່ວໂມງ ໃນໄລຍະວັນທີ 29-30 ສິງຫາ 2026 ຜ່ານມາ ເຊິ່ງມີສາເຫດມາຈາກການປ່ຽນແປງສະພາບອາກາດ ໄດ້ສົ່ງຜົນເຮັດໃຫ້ເກີດນໍ້າຖ້ວມໄຫຼຊຸ, ນໍ້າລົ້ນຕາຝັ່ງ […]

ໃນຕອນເຊົ້າຂອງວັນທີ 2 ກັນຍາ 2026 ນີ້, ຢູ່ທີ່ສະໂມສອນໂຮງຮຽນມັດທະຍົມສົມບູນ ຕົ້ນແຫນ ເມືອງໄຊບູລີ ແຂວງສະຫວັນນະເຂດ ໄດ້ຈັດພິທີໄຂສົກຮຽນໃໝ່ ປະຈຳສົກຮຽນ 2026-2027 ຢ່າງເປັນທາງການ ໃຫ້ກຽດເຂົ້າຮ່ວມໂດຍ ທ່ານ ວັນໄຊ ສີປັດໃຈ ກຳມະການປະຈຳພັກເມືອງ, ປະທານຄະນະກຳມະການປົກຄອງເມືອງໄຊບູລີ, ມີ ທ່ານ ນາງ ມະລາຍວັນ ວຽງມະນີ ກຳມະການພັກເມືອງ, ເລຂາພັກຮາກຖານກຸ່ມບ້ານເວີນ, ທ່ານ ອາຈານ ທອງ ສິດທິຈັກ ຜູ້ອຳນວຍການໂຮງຮຽນ ມສ ຕົ້ນແຫນ ແລະ ທ່ານ ກິແກ້ວ ອົນວິລາ ຕາງໜ້າຫ້ອງການສຶກສາທິການ ແລະ ກິລາເມືອງ, ພ້ອມດ້ວຍຜູ້ບໍລິຫານການສຶກສາ 14 ບ້ານ ທີ່ຂຶ້ນກັບຮາກຖານກຸ່ມບ້ານເວີນ, ຄະນະຄູ-ອາຈານ, ແຂກຖືກເຊີນ ແລະ ນ້ອງນັກຮຽນ ເຂົ້າຮ່ວມຢ່າງພ້ອມພຽງ. ໃນພິທີ, ທ່ານ ອາຈານ ທອງ ສິດທິຈັກ ຜູ້ອຳນວຍການໂຮງຮຽນ […]

ໃນຕອນເຊົ້າຂອງວັນທີ 1 ກັນຍາ 2026 ເຊິ່ງເປັນມື້ໄຂສົກຮຽນໃໝ່ ປະຈຳສົກຮຽນ 2026-2027, ທ່ານ ອະນຸສອນ ສຸດທິວົງ ວ່າການຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດ ໄດ້ລົງເຄື່ອນໄຫວຢ້ຽມຢາມຖາມຂ່າວ ແລະ ຊຸກຍູ້ການເປີດສົກຮຽນໃໝ່ ຢູ່ບັນດາໂຮງຮຽນທີ່ຂຶ້ນກັບການຄຸ້ມຄອງຂອງພະແນກສຶກສາທິການ ແລະ ກິລາແຂວງສະຫວັນນະເຂດ ເຊິ່ງປະກອບມີ: ໂຮງຮຽນມັດທະຍົມສົມບູນສະຫວັນ, ໂຮງຮຽນມັດທະຍົມສົມບູນໂພນສະຫວັນ ແລະ ໂຮງຮຽນມັດທະຍົມສົມບູນອຸດົມວິໄລ. ການລົງເຄື່ອນໄຫວໃນຄັ້ງນີ້ ແມ່ນເພື່ອສະແດງເຖິງຄວາມເປັນຫ່ວງເປັນໄຍ ແລະ ໃຫ້ກຳລັງໃຈມາຍັງຄະນະຜູ້ບໍລິຫານໂຮງຮຽນ ຄູ-ອາຈານ ຕະຫຼອດຮອດລູກຫຼານນັກຮຽນ ໃນມື້ເລີ່ມຕົ້ນຂອງການສຶກສາຮ່ຳຮຽນໃນສົກໃໝ່ ໂດຍໄດ້ຮັບການຕ້ອນຮັບຢ່າງອົບອຸ່ນຈາກຄະນະອຳນວຍການ ພ້ອມດ້ວຍຄູ-ອາຈານ ແລະ ນ້ອງນັກຮຽນຂອງແຕ່ລະໂຮງຮຽນ. ໂອກາດທີ່ລົງຢ້ຽມຢາມແຕ່ລະຈຸດ ທ່ານ ອະນຸສອນ ສຸດທິວົງ ໄດ້ໂອ້ລົມ ແລະ ໃຫ້ທິດຊີ້ນຳທີ່ສຳຄັນ ໂດຍໄດ້ເນັ້ນໜັກເຖິງຄວາມສຳຄັນຂອງວຽກງານການສຶກສາວ່າ ເປັນວຽກງານທີ່ເປັນໃຈກາງ ແລະ ເປັນກຸນແຈສຳຄັນທີ່ສຸດໃນການພັດທະນາຊັບພະຍາກອນມະນຸດ ເພື່ອນຳໄປສູ່ການພັດທະນາປະເທດຊາດໃຫ້ມີຄວາມຈະເລີນກ້າວໜ້າ. ປະເທດຊາດຈະເຂັ້ມແຂງໄດ້ ແມ່ນຂຶ້ນກັບການສຶກສາທີ່ມີຄຸນນະພາບ ແລະ ການສ້າງຄົນໃຫ້ມີທັງຄວາມຮູ້ຄວາມສາມາດຄຽງຄູ່ກັບການມີຄຸນສົມບັດສິນທຳ. ພ້ອມກັນນັ້ນ ທ່ານຍັງໄດ້ຮຽກຮ້ອງໃຫ້ຄະນະຜູ້ບໍລິຫານ ແລະ ຄູ-ອາຈານ […]

ໃນວັນທີ 31 ສິງຫາ 2026 ຢູ່ເມືອງຊ່ອນ ແຂວງຫົວພັນ ໄດ້ມີພິທີມອບ-ຮັບໂຄງການກໍ່ສ້າງໂຮງຮຽນມັດທະຍົມຕອນຕົ້ນ ບວມຟາດ ຢ່າງເປັນທາງການ ໂດຍໃຫ້ກຽດເຂົ້າຮ່ວມຂອງ ທ່ານ ວົງໄຊ ຍະສິງທອນ ຫົວໜ້າພະແນກສຶກສາທິການ ແລະ ກິລາແຂວງຫົວພັນ ແລະ ທ່ານ ສະຫຼັກໃຈ ກຸມມະນີຄໍາຊ້ອຍ ຮອງຄະນະກໍາມະການປົກຄອງເມືອງຊ່ອນ, ພ້ອມດ້ວຍຄະນະກຳມະການຄຸ້ມຄອງໂຄງການຂັ້ນແຂວງ, ຂັ້ນເມືອງ, ອຳນາດການປົກຄອງທ້ອງຖິ່ນ, ຄູ-ອາຈານ, ນ້ອງຫຼານນັກຮຽນ ແລະ ຕົວແທນຈາກບໍລິສັດຜູ້ຮັບເໝົາເຂົ້າຮ່ວມເປັນສັກຂີພິຍານ. ໃນພິທີ, ທ່ານ ຮຽວຄຳ ຍອດສີເມືອງ ຜູ້ອຳນວຍການ ບໍລິສັດ ນິລະກອນ ກໍ່ສ້າງ, ຕິດຕັ້ງ ແລະ ສ້ອມແປງ ເຄຫາສະຖານ, ຊົນລະປະທານ ແລະ ການໄຟຟ້າ (ບໍລິສັດຜູ້ຮັບເໝົາ) ໄດ້ຂຶ້ນລາຍງານຜົນການຈັດຕັ້ງປະຕິບັດໂຄງການ. ທ່ານໄດ້ໃຫ້ຮູ້ວ່າ: ໂຄງການກໍ່ສ້າງໂຮງຮຽນມັດທະຍົມຕອນຕົ້ນບວມຟາດ ໂດຍແມ່ນໄດ້ຮັບທຶນການຊ່ວຍເຫຼືອຈາກ ບໍລິສັດນ້ຳເທີນ 2 ຜ່ານກະຊວງສຶກສາທິການ ແລະ ກິລາ, ດຳເນີນການໂດຍພະແນກສຶກສາທິການ ແລະ […]

ວັນທີ 1 ກັນຍາ ຂອງທຸກໆປີແມ່ນວັນໄຂສົກຮຽນໃໝ່ ຂອງໂຮງຮຽນສາມັນສຶກສາໃນຂອບເຂດທົ່ວປະເທດ; ໂດຍສະເພາະ ນະຄອນຫຼວງວຽງຈັນ ( ນວ) ຈຶ່ງເກີດມີການອັ່ງອໍຂອງຍານພາຫະນະ ເຮັດໃຫ້ການສັນຈອນຕິດຂັດເປັນບາງຊ່ວງຂອງສາຍທາງ. ສະນັ້ນ, ພະແນກຕຳຫຼວດຈະລາຈອນ ຫ້ອງຕຳຫຼວດ ກອງບັນຊາການ ປກສ ນະຄອນ ຫຼວງວຽງຈັນ ໄດ້ຈັດຕັ້ງກຳລັງວິຊາສະເພາະ ລົງອຳນວຍຄວາມສະດວກໃຫ້ພ່ໍແມ່ປະຊາຊົນ ຕາມສາຍທາງຫຼວງ ໂດຍສະເພາະ ກໍແມ່ນເຂດໂຮງຮຽນ. ພັທ ສັງຄົມ ພົມມະລາດ ຫົວໜ້າພະແນກຕຳຫຼວດຈະລາຈອນ ຫ້ອງຕຳຫຼວດ ກອງບັນຊາການ ປກສ ນະຄອນ ຫຼວງວຽງຈັນ ໄດ້ໃຫ້ສຳພາດຕໍ່ສື່ມວນຊົນ ປກສ ໃນວັນທີ 1 ກັນຍາ 2026 ໃຫ້ຮູ້ວ່າ: ເພື່ອອຳນວຍຄວາມສະດວກໃຫ້ພໍ່ແມ່ປະຊາຊົນ ຜູ້ນຳໃຊ້ລົດນຳໃຊ້ຖະໜົນ ໃນຊ່ວງໄລຍະໄຂສົກຮຽນໃໝ່ ເຈົ້າໜ້າທີ່ວິຊາສະເພາະຂອງພວກເຮົາ ໄດ້ຈັດວາງກຳລັງລະບາຍການສັນຈອນໃນທົ່ວ ນະຄອນຫຼວງວຽງຈັນ ທັງໝົດ 127 ຈຸດ; ໃນນີ້, ຢູ່ໜ້າໂຮງຮຽນມີ 45 ແຫ່ງ, ປ້ອມຍາມ 69 ແຫ່ງ, […]