ໃນຕອນເຊົ້າວັນທີ 17 ພະຈິກ 2025 ຢູ່ທີ່ໂຮງຮຽນສາມັນກິນນອນຊົນເຜົາແຂວງຜົ້ງສາລີ ໄດ້ຈັດພິທີມອບຮັບເຄື່ອງຊ່ວຍເຫຼືອຈາກພະແນກແຮງງານ ແລະ ສະຫວັດດີການສັງຄົມແຂວງ ໂດຍໃຫ້ກຽດກ່າວມອບຂອງ ທ່ານ ບຸນສາລີ ຈິດດາພອນ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ແລະ ກ່າວຮັບຂອງ ທ່ານ ສະກຸນໄທ ແສງເດືອນ ຜູ້ອໍານວຍການໂຮງຮຽນສາມັນກິນນອນຊົນເຜົ່າແຂວງ ຕະຫຼອດຮອດຄູ-ອານຈານ ແລະ ນ້ອງນັກຮຽນຕາງໜ້າເຂົ້າຮ່ວມເປັນສັກຂີພະຍານ. ສໍາລັບເຄື່ອງທີ່ນໍາມາມອບໃນຄັ້ງນີ້ ເປັນເຄື່ອງທີ່ໄດ້ຮັບອຸປະຖໍາຈາກ ອົງການຢູນີເຊັບ (UNICEF) ຊຶ່ງປະກອບມີເຄື່ອງອຸປະໂພກ ແລະ ບໍລິໂພກຄື: ຢາຖູແຂ້ວ, ແປງຖູແຂ້ວ, ສະບູກ້ອນ, ຖັງນໍ້າ (ຮ້ອນ-ເຢັນ), ຢາສະຜົມ, ເຈວລ້າງມື, ນໍ້າຢາລ້າງຈານ, ຟອຍລ້າງຖ້ວຍ, ຖົງມືຢາງ, ແຟັບຊັກເຄື່ອງ, ນໍ້າຢາລ້າງຫ້ອງນໍ້າ, ແປງລ້າງຫ້ອງນໍ້າ, ຟອຍປັດເຮືອນ, ຖັງໃສ່ຂີ້ເຫຍື້ອ, ຖົງໃສ່ຂີ້ເຫຍື້ອ ແລະ ຜ້າແຊັດໂຕ ລວມທັງໝົດ 8.563 ຢ່າງ. ໂອກາດນີ້, ທ່ານຜູ້ອໍານວຍການໂຮງຮຽນ ໄດ້ກ່າວສະແດງຄວາມຮູ້ບຸນຄຸນ […]

ໃນລະຫວ່າງ ວັນທີ 14-18 ພະຈິກ 2025 ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ ຫຼື ສກຂ ຜົ້ງສາລີ ໄດ້ຈັດກອງປະຊຸມຝຶກອົບຮົມໃຫ້ຜູ້ດູແລເດັກ ກ່ຽວກັບການນໍາໃຊ້ຄູມືການຮຽນ ການສອນຜ່ານການຫຼິ້ນເຂົ້າໃນການຈັດຕັ້ງກຸ່ມພັດທະນາເດັກໃນຊຸມຊົນສໍາລັບເປົ້າໝາຍ 2 ເມືອງຄື: ເມືອງຂວາ ແລະ ເມືອງສໍາພັນ ໂດຍໃຫ້ກຽດເຂົ້າຮ່ວເປັນປະທານຂອງ ທ່ານ ສອນ ທອງປະເສີດ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີທ່ານ ນາງ ບຸນຮຽງ ສີງວົງສາ ຫົວໜ້າພະແນກອະນຸບານສຶກສາ ພ້ອມດ້ວຍແຂກຂັ້ນກະຊວງ-ຂັ້ນແຂວງ ຕະຫຼອດຮອດພະນັກງານວິຊາການຂັ້ນເມືອງ ແລະ ຄູສອນ-ຜູ້ດູແລເດັກເຂົ້າຮ່ວມຢ່າງພ້ອມພຽງ. ໃນກອງປະຊຸມໄດ້ທົບທວນຄືນພາບລວມຂອງການຈັດຕັ້ງປະຕິບັດກຸ່ມພັດທະນາເດັກໃນຊຸມຊົນ, ກິດຈະກໍາການຮຽນ ການສອນ ແລະ ສົ່ງເສີມວິທີການຮຽນໃນຫ້ອງ, ໄດ້ສົນທະນາແລກປ່ຽນບົດຮຽນ ຢ່າງເປັນຂະບວນຟົດຟື້ນ ແລະ ສ້າງສັນ ກ່ຽວກັບເນື້ອໃນບັນດາເອກະສານຄື: ຄວາມສໍາຄັນຂອງການຫຼິ້ນ, ລະດັບການຫຼິ້ນຂອງເດັກນ້ອຍ, ກິດຈະກໍາຜ່ານການຫຼິ້ນໃນຫ້ອງຮຽນ, ວິທີການນໍາໃຊ້ຄູ່ມືການຮຽນ ການສອນຜ່ານການຫຼິ້ນ, ການນໍາໃຊ້ປຶ້ມຕິດຕາມ, ການນໍາໃຊ້ອຸປະກອນ, ປະຕິບັດຕົວຈິງກ່ຽວກັບວິທີການຫຼິ້ນໃນແຕ່ລະແບບໃນປຶ້ມຄູ່ມື. ໃນໂອກາດນີ້, ປະທານກອງປະຊຸມໄດ້ສະແດງຄວາມຊົມເຊີຍຕໍ່ຜູ້ເຂົ້າຮ່ວມກອງປະຊຸມແຕ່ລະພາກສ່ວນທີ່ຮ່ວມກັນຈັດຕັ້ງປະຕິບັດດ້ວຍຄວາມພະຍາຍາມສູງ […]

ໃນວັນທີ 15 ພະຈິກ 2025, ການນຳຂັ້ນສູງຂອງແຂວງສາລະວັນ ນຳພາໂດຍ ທ່ານ ແຫວນເພັດ ລັດດາວົງ ຄະນະປະຈຳພັກແຂວງ, ຮອງປະທານຄະນະກຳມະການປົກຄອງແຂວງ ແລະ ທ່ານ ສຸນີ ນາມມະບົວລີ ກຳມະການພັກແຂວງ, ຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍຄະນະ ແລະ ທີມງານ ໄດ້ເຂົ້າຮ່ວມສະເຫຼີມສະຫຼອງ ຄົບຮອບ 50 ປີ ຂອງການເຊື່ອມໂຍງ ແລະ ການພັດທະນາມະຫາວິທະຍາໄລສ້າງຄູ-ມະຫາວິທະຍາໄລດານັງ ແລະ ການມອບ-ຮັບ ໃບຍ້ອງຍໍໃຫ້ກົມກອງ ແລະ ບຸກຄົນທີ່ມີຜົນງານດີເດັ່ນໃນການປະກອບສ່ວນກໍ່ສ້າງຊັບພະຍາກອນມະນຸດໃຫ້ແກ່ແຂວງພາກກາງ ແລະ ພາກໃຕ້ຂອງ ສປປ ລາວ ທີ່ນະຄອນດານັງ ສສ ຫວຽດນາມ. ໃນໄລຍະຜ່ານມາ ເຖິງປັດຈຸບັນ ມະຫາວິທະຍາໄລສ້າງຄູ-ມະຫາວິທະຍາໄລດານັງ ໄດ້ປະກອບສ່ວນສໍາຄັນເຂົ້າໃນການບຳລຸງ ກໍ່ສ້າງຊັບພະຍາກອນມະນຸດໃຫ້ບັນດາທ້ອງຖິ່ນ ແລະ ສາທາລະນະລັດ ປະຊາທິປະໄຕ ປະຊາຊົນລາວ ດ້ວຍ 3 ດ້ານພື້ນຖານ ຄື: ບຳລຸງກໍ່ສ້າງຊັບພະຍາກອນມະນຸດດ້ານພາສາຫວຽດນາມ […]

ພິທີປະກາດແຕ່ງຕັ້ງຮອງຫົວໜ້າພະແນກສຶກສາທິການ ແລະ ກິລາແຂວງ (ສກຂ) ຊຽງຂວາງ ຜູ້ໃໝ່ ໄດ້ມີຂຶ້ນໃນຕອນເຊົ້າຂອງວັນທີ 14 ພະຈິກ 2025 ທີ່ຫ້ອງວ່າການແຂວງຊຽງຂວາງ, ໂດຍໃຫ້ກຽດເຂົ້າຮ່ວມຂອງທ່ານ ຄໍາພາ ພິລາວົງ ຄະນະປະຈໍາພັກແຂວງຊຽງຂວາງ, ມີຄະນະນໍາພ້ອມດ້ວຍພະນັກງານຫ້ອງວ່າການແຂວງ, ພະແນກ ສກຂ, ພະແນກເຕັກໂນໂລຊີ ແລະ ການສື່ສານແຂວງ, ວິທະຍາໄລເຕັກນິກ-ວິຊາຊີບ ແບບປະສົມແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໂອກາດນີ້, ທ່ານ ຄໍາສີ ວິໄລສັກ ຮອງຄະນະຈັດຕັ້ງແຂວງຊຽງຂວາງ ໄດ້ຂຶ້ນຜ່ານຂໍ້ຕົກລົງ ວ່າດ້ວຍການແຕ່ງຕັ້ງຮອງຫົວໜ້າພະແນກ ສກຂ, ສະບັບເລກທີ 1149/ຊຂ, ລົງວັນທີ 31 ຕຸລາ 2025 ຂອງທ່ານເຈົ້າແຂວງຊຽງຂວາງ ຊຶ່ງໄດ້ຕົກລົງແຕ່ງຕັ້ງທ່ານ ຄໍາສອນ ແສນທະວົງ ຫົວໜ້າຂະແໜງການສຶກສານອກໂຮງຮຽນ ແລະ ຝຶກອົບຮົມວິຊາຊີບຂັ້ນພື້ນຖານ ຂຶ້ນເປັນຮອງຫົວໜ້າພະແນກສຶກສາທິການ ແລະ ກິລາແຂວງຜູ້ໃໝ່ ພ້ອມທັງເຮັດໜ້າທີ່ຕາມພາລະບົດບາດນັບແຕ່ມື້ປະກາດແຕ່ງຕັ້ງເປັນຕົ້ນໄປ.   ໂດຍ: ຂ່າວສານພະແນກ ສກຂ  

ໃນຕອນເຊົ້າວັນທີ 12 ພະຈິກ 2025 ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງຜົ້ງສາລີ ໄດ້ຈັດພິທີມອບ-ຮັບທຶນການສຶກສາໃຫ້ແກ່ນ້ອງນັກຮຽນ ເປັນກຽດມອບໂດຍ ທ່ານ ຢາງ ປິ່ງ ຮອງຫົວໜ້າຫ້ອງການຕົວແທນການຄ້າແຂວງຢູນນານ ປະຈໍາລາວ ແລະ ກ່າວຮັບໂດຍ ທ່ານ ພອນໄຊ ອ່ອນສາ ກໍາມະການປະຈໍາພັກແຂວງ, ຫົວໜ້າພະແນກສຶກສາທິການ ແລະ ກິລາແຂວງຜົ້ງສາລີ, ມີແຂກຖືກເຊີນຈາກພະແນກການອ້ອມຂ້າງແຂວງ, ພ້ອມດ້ວຍຕົວແທນຄູ-ອາຈານ ແລະ ນ້ອງນັກຮຽນເຂົ້າຮ່ວມ. ການມອບ-ຮັບທຶນຊ່ວຍເຫຼືອການສຶກສາຄັ້ງນີ້ ມີນັກຮຽນໄດ້ຮັບທຶນທັງໝົດ 25 ນ້ອງ, ຍິງ 8 ນ້ອງ ຊຶ່ງໄດ້ຄັດເລືອກຈາກບັນດາໂຮງຮຽນພາຍໃນ 7 ເມືອງທົ່ວແຂວງຜົ້ງສາລີ ແລະ ມູນຄ່າໄດ້ຮັບການຊ່ວຍເຫຼືອແມ່ນ 1.500 ຢວນ/ຄົນ ລວມທັງໝົດເທົ່າກັບ 37.500 ຢວນ (ສະກຸນເງິນ ສປ ຈີນ). ໃນໂອກາດນີ້, ທ່ານ ພອນໄຊ ອ່ອນສາ ໄດ້ລາຍງານສະພາບລວມ ກ່ຽວກັບວຽກງານສຶກສາ ແລະ ກິລາໂດຍຫຍໍ້ […]

ການດໍາເນີນກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ IX ເມື່ອວັນທີ 11 ພະຈິກຜ່ານມາ ໂດຍການເປັນປະທານຂອງທ່ານ ປອ ນາງ ສູນທອນ ໄຊຍະຈັກ ຮອງປະທານສະພາເເຫ່ງຊາດ, ສະມາຊິກສະພາແຫ່ງຊາດ (ສສຊ) ແຕ່ລະເຂດເລືອກຕັ້ງ ໄດ້ສືບຕໍ່ຄົ້ນຄວ້າ, ປະກອບຄໍາເຫັນໃສ່ບົດລາຍງານຂອງລັດຖະບານ ທີ່ສະເໜີໂດຍທ່ານ ສອນໄຊ ສີພັນດອນ ນາຍົກລັດຖະມົນຕີ ເພື່ອຮັບປະກັບເຮັດໃຫ້ບົດລາຍງານສະບັບນີ້ ມີເນື້ອໃນຄົບຖ້ວນ, ສາມາດຈັດຕັ້ງປະຕິບັດໄດ້ຢ່າງມີປະສິດທິພາບ ເເລະ ປະສິດທິຜົນຫຼາຍຂຶ້ນກວ່າເກົ່າ; ການປະກອບຄໍາເຫັນສ່ວນໃຫຍ່ ເເມ່ນເປັນໄປຕາມຄຳເຫັນເຈາະຈີ້ມຂອງປະທານກອງປະຊຸມ ລວມເຖິງບັນດາຄໍາສະເໜີຂອງປະຊາຊົນທີ່ສາມາດຮວບຮວມໄດ້. ທ່ານ ນິສິດ ເເກ້ວປັນຍາ ສສຊ ປະຈຳເຂດເລືອກຕັ້ງທີ 4 ແຂວງອຸດົມໄຊ ສະເໜີໃຫ້ລັດຖະບານປັບປຸງບາງເນື້ອໃນຂອງບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ໂດຍສະເພາະເນື້ອໃນທີ່ເວົ້າເຖິງການຍົກລະດັບພື້ນຖານໂຄງລ່າງຄົມມະນາຄົມຢູ່ລາວເຮົາ ເຫັນວ່າຍັງບໍ່ທັນສອດຄ່ອງກັບສະພາບເງື່ອນໄຂຕົວຈິງເທົ່າທີ່ຄວນ. ທ່ານ ນາງ ມະນີວັນ ເຍຍປາວເຮີ ສສຊ ປະຈຳເຂດເລືອກຕັ້ງທີ 6 ແຂວງຫຼວງພະບາງ ສະເໜີໃຫ້ລັດຖະບານກໍານົດເເຜນພັດທະນາວຽກງານການສຶກສາ ຕິດພັນກັບເເຜນພັດທະນາປົກປ້ອງສັງຄົມເເຫ່ງຊາດ ໃຫ້ເປັນອັນລະອຽດຈະເເຈ້ງໃນປີຕໍ່ໆໄປ ໂດຍສະເພາະການບັນຈຸຫຼັກສູດການຮຽນການສອນໃຫ້ຄົນພິການ ພ້ອມທັງເອົາໃຈໃສ່ພັດທະນາສີມືເເຮງງານໄປນໍາ ເພື່ອເຮັດໃຫ້ເຂົາເຈົ້າສາມາດສ້າງອາຊີບ […]

ກະຊວງສຶກສາທິການ ແລະ ກິລາ (ສສກ) ໄດ້ຊີ້ແຈ້ງຫຼາຍບັນຫາກ່ຽວກັບການຈັດສັນງົບປະມານ,ເພື່ອໃຫ້ໂຮງຮຽນຮຽນລັດມີຄຸນນະພາບ ແລະ ດຶງດູດ ໃຫ້ນັກຮຽນມາຮຽນເພີ່ມຂຶ້ນ, ການປະຕິບັດລະບົບການສຶກສາ ທີ່ປ່ຽນຈາກ 5+4+3 ມາເປັນ 6+3+3 ເຂົ້າໃນຂະແໜງສຶກສາທິການ ແລະ ກິລາຕໍ່ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກນີ້ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ. ທ່ານ ສໍາລານ ພັນຄະວົງ ຮອງລັດຖະມົນຕີ ກະຊວງສຶກສາທິການ ແລະ ກິລາ ໄດ້ຊີ້ແຈ້ງວ່າ: ໃນຊຸມປີຜ່ານມາ ລັດຖະບານ ໄດ້ຈັດສັນເພີ່ມງົບປະມານ 215.30 ຕື້ກີບ ເຂົ້າໃນ ວຽກບູລິມະສິດຕ່າງໆ ເປັນຕົ້ນແມ່ນເພີ່ມອັດຕາເງິນອາຫານທ່ຽງໃນໂຮງຮຽນໃຫ້ນັກຮຽນປະຖົມທີ່ຢູ່ເຂດຫ່າງໄກສອກຫຼີກ ຈາກ 1,000 ກີບ ມາເປັນ 5,000 ກີບ/ຄົນ/ມື້, ຈໍານວນ: 127.65 ຕື້ກີບ ເພື່ອເສີມສ້າງໃຫ້ນ້ອງນັກຮຽນ ໄດ້ຮັບໂພຊະນາການທີ່ດີ […]

ວັນທີ​ 12​ ພະຈິກ​ 2025​ນີ້, ສະຫາຍ​ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,  ປະທານປະເທດ ແຫ່ງ ສປປ ລາວ ໄດ້ພົບປະໂອ້ລົມຫຼານນ້ອຍເຍົວວະຊົນທັນວາທົ່ວປະເທດໃນໂອກາດທີ່ເຂົ້າຮ່ວມງານພົບປະຕັ້ງຄ້າຍເຍົາວະຊົນທັນວາ ທົ່ວປະເທດ ຄັ້ງທີ 6 ທີ່ນະຄອນຫຼວງວຽງຈັນ ເປັນເຈົ້າພາບຈັດຂຶ້ນວັນທີ 10-12ພະຈິກ 2025 ທີ່ສະໜາມກິລາແຫ່ງຊາດ (ຫຼັກ16) ນະຄອນຫຼວງວຽງຈັນ. ການລົງໄປພົບປະຄັ້ງນີ້ຖືກຕ້ອນຮັບໂດຍ ສະຫາຍ ທອງລີ ສີສຸລິດ​ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິ ວັດລາວ, ມີ ສະຫາຍ ອານຸພາບ​ ຕຸນາລົມ ເລຂາຄະນະພັກປະທານສະພາປະຊາຊົນ ນະຄອນຫຼວງວຽງຈັນ, ສະຫາຍ ຮສ.ປອ ທອງສະລິດ​ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ​, ພ້ອມດ້ວຍບັນດາເລຂາຄະນະບໍລິຫານງານຊາວໜຸ່ມນະຄອນຫຼວງ ແລະ ແຂວງ ເຂົ້າຮ່ວມ. ໂອກາດດັ່ງກ່າວ, ສະຫາຍ ທອງລຸນ ສີສຸລິດ​ ໄດ້ສະແດງຄວາມດີໃຈທີ່ເຫັນຫຼານນ້ອຍເຍົາວະຊົນມີຄວາມຍິ້ມແຍ້ມແຈ່ມໃສເຫັນໄດ້ຜູ້ທີ່ເປັນອະນາຄົດທີ່ດີຂອງປະເທດຊາດ ພ້ອມທັງເນັ້ນໃຫ້ພວກຫຼານນ້ອງ ເອົາໃຈໃສ່ຫຼາຍບັນຫາທີ່ຝາກໄວ້ກັບເຍົາວະຊົນຄົນຮຸ່ນໃໝ່ […]