ພິທີພົບປະສອງຝ່າຍ ລະຫວ່າງ ຜູ້​ນໍາ​ອາ​ຊຽນ ແລະ ​ບັນດາ​ຜູ້​ຕາງໜ້າ​ຊາວ​ໜຸ່ມ​ອາ​ຊຽນ ໄດ້ຈັດຂຶ້ນໃນ​ວັນ​ທີ 9 ຕຸລາ 2024 ທີ່ນະຄອນຫຼວງວຽງຈັນ ໂດຍການເປັນປະທານຂອງທ່ານ ສອນໄຊ ສີພັນດອນ ນາຍົກລັດຖະມົນຕີ ເພື່ອປຶກສາຫາລື, ​ແລກປ່ຽນ​ຄວາມ​ຄິ​ດ​ເຫັນ ​ແລະ ສະ​ເໜີ​ທິດ​ທາງ ກ່ຽວ​ກັບການ​ພັດທະນາ ​ແລະ ການ​ເສີມ​ຂະຫຍາຍບົດບາດ​ຂອງ​ຊາວ​ໜຸ່ມ​ອາ​ຊຽນ. ໃນ​ກອງປະຊຸມພົບ​ປະຄັ້ງນີ້, ຕາງໜ້າ​ຊາວ​ໜຸ່ມ​ອາຊຽນ ​ໄດ້​ນໍາ​ສະ​ເໜີ​ຖະແຫຼງການຊາວໜຸ່ມອາຊຽນຕໍ່ຜູ້​ນໍາ​ອາ​ຊຽນ ເພື່ອຮັບ​ຊາບ ​ແລະ ​ໃຫ້​ທິດ​ຊີ້​ນໍາ, ທັງ​ເປັນ​ເວທີທີ່​ມີ​ຄວາມ​ສຳຄັນ ​ເພາະເປັນ​ການ​ແລກປ່ຽນ​ຄວາມ​ຄິ​ດ​ເຫັນ ​ແລະ ສະ​ເໜີ​ທິດ​ທາງກ່ຽວ​ກັບການ​ພັດທະນາ ​ແລະ ການ​ເສີມ​ຂະຫຍາຍບົດບາດ​ຂອງ​ຊາວ​ໜຸ່ມ​ອາ​ຊຽນ ແນໃສ່ ປະກອບສ່ວນເຂົ້າໃນຄວາມພະຍາຍາມໃນການສ້າງປະຊາຄົມອາຊຽນໃຫ້ມີຄວາມເຂັ້ມແຂງ ແລະ ໃຫ້ບັນລຸຕາມເປົ້າໝາຍການພັດທະນາແບບຍືນຍົງ. ສປປ ລາວ ​ໃນ​ນາມປະທານອາຊຽນປີ 2024 ​ໄດ້ສະແດງຄວາມ​ຊົມ​ເຊີຍຕໍ່ການ​ປະກອບສ່ວນ​ອັນ​ສຳຄັນ​ຂອງ​ຊາວໜຸ່ມອາຊຽນ​ເຂົ້າ​ໃນ​ວຽກ​ງານຕ່າງໆຂອງອາ​ຊຽນ ກໍຄື ຂະບວນການ​ສ້າງ​ປະຊາ​ຄົມ​ອາ​ຊຽນ​ຕະຫຼອດໄລຍະຜ່ານມາ ແລະ ໄດ້ຊຸກຍູ້ໃຫ້ຊາວໜຸ່ມອາຊຽນ​ ສືບ​ຕໍ່ເສີມຂະຫຍາຍການຮ່ວມມື​ໃນດ້ານຕ່າງໆຢ່າງ​ສ້າງສັນ ​ແລະ ມີ​ຄວາມ​ຮັບຜິດຊອບ​ສູງ​ ​ເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງອາຊຽນ. ພ້ອມດຽວກັນນີ້, ຍັງໄດ້ສະເໜີໃຫ້ຂະແໜງການຊາວໜຸ່ມອາຊຽນ ສືບຕໍ່ປະກອບສ່ວນຜັນຂະຫຍາຍ ແລະ ຈັດຕັ້ງປະຕິິບັດວິໄສທັດປະຊາຄົມອາຊຽນ […]

ກອງປະຊຸມພົບປະລະຫວ່າງ ອາຊຽນ ແລະ ຜູ້ຕາງໜ້າຈາກສະມັດຊາລັດຖະສະພາລະຫວ່າງຊາດອາຊຽນ (AIPA-ໄອປາ) ໄດ້ມີຂຶ້ນໃນຕອນບ່າຍຂອງວັນທີ 9 ຕຸລາ 2024 ທີ່ຫໍປະຊຸມແຫ່ງຊາດ ໂດຍການເປັນປະທານຂອງພະນະທ່ານ ສອນໄຊ ສີພັນດອນ ນາຍົກລັດຖະມົນຕີ ແລະ ພະນະທ່ານ ໄຊສົມພອນ ພົມວິຫານ ປະທານສະພາແຫ່ງຊາດລາວ ໃນນາມປະທານໄອປາ ຄັ້ງທີ 45. ໃນກອງປະຊຸມພົບປະດັ່ງກ່າວ, ພະນະທ່ານ ນາຍົກລັດຖະມົນຕີ ສອນໄຊ ສີພັນດອນ ໄດ້ແຈ້ງໃຫ້ຝ່າຍ ໄອປາ ຊາບ ກ່ຽວກັບສະພາບການຂອງອາຊຽນໃນປະຈຸບັນ ໂດຍສະເພາະຄວາມຄືບໜ້າຂອງການຈັດຕັ້ງປະຕິບັດວິໄສທັດປະຊາຄົມອາຊຽນ 2025 ແລະ ຜົນສຳເລັດການຈັດຕັ້ງປະຕິບັດບັນດາຂົງເຂດບູລິມະສິດການເປັນປະທານອາຊຽນ ຂອງ ສປປ ລາວ ພາຍໃຕ້ຄໍາຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”  ແນໃສ່ເຮັດໃຫ້ພາກພື້ນມີການເຊື່ອມຈອດ ແລະ ມີຄວາມເຂັ້ມແຂງ ເພື່ອນຳໃຊ້ກາລະໂອກາດ ແລະ ຮັບມືກັບສິ່ງທ້າທາຍຕ່າງໆໃນທ່າມກາງສະພາບການຂອງພາກພື້ນ ແລະ ຂອງໂລກທີ່ພວມຜັນແປຢ່າງໄວວາ ແລະ ສະຫຼັບສັບຊ້ອນ. ນອກຈາກນີ້, ພະນະທ່ານ ສອນໄຊ […]

ພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ຄາດວ່າ ປະຊາຄົມອາຊຽນ ຈະກາຍເປັນພື້ນຖານເສດຖະກິດທີ່ໃຫຍ່ຢູ່ອັນດັບ 4 ຂອງໂລກໃນປີ 2030 ຊຶ່ງປັດຈຸບັນຢູ່ອັນດັບ 3 ຂອງອາຊີ ແລະ ອັນດັບ 5 ຂອງໂລກ ແລະ ມີປະຊາກອນເກືອບ 700 ລ້ານຄົນ. ໃນພິທີເປີດກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ບັນດາກອງປະຊຸມສຸດຍອດທີ່ກ່ຽວຂ້ອງຢ່າງເປັນທາງການ ໃນວັນທິີ 9 ຕຸລາ 2024 ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ, ພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ມີຄໍາເຫັນ ໂດຍທ່ານໄດ້ຕີລາຕາສູງຕໍ່ຜົນສໍາເລັດຂອງອາຊຽນຕະຫລອດໄລຍະຜ່ານມາ ຊຶ່ງໄດ້ນໍາເອົາຜົນປະໂຫຍດຕົວຈິງມາສູ່ປະຊາຊົນອາຊຽນ, ພ້ອມທັງໄດ້ສະແດງໃຫ້ເຫັນວ່າ ຄວາມມຸ່ງມາດປາຖະໜາ, ເຈດຕະນາລົມອັນແຮງກ້າ, ຄວາມສາມັກຄີ ແລະ ຄວາມເປັນເອກະພາບກັນຂອງອາຊຽນໃນທ່າມກາງຄວາມຫຼາກຫຼາຍ ກໍຄື ການຮ່ວມມືຕາມວິຖີທາງຂອງອາຊຽນ […]

ກອງປະຊຸມສຸດຍອດອາຊຽນ ຄັ້ງທີ 45 (ແບບວົງແຄບ) ພາຍໃຕ້ຄຳຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ” ໄດ້ມີຂຶ້ນໃນວັນທີ 9 ຕຸລາ 2024 ທີ່ຫໍປະຊຸມແຫ່ງຊາດ ໂດຍການເປັນປະທານຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ ສປປ ລາວ, ມີບັນດາຜູ້ນຳປະເທດສະມາຊິກອາຊຽນເຂົ້າຮ່ວມ. ໃນກອງປະຊຸມ, ໄດ້ແລກປ່ຽນຄໍາຄິດເຫັນຢ່າງກົງໄປກົງມາ ກ່ຽວກັບບັນຫາພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ໂດຍສະເພາະບັນດາສິ່ງທ້າທາຍ ເຊັ່ນ: ຂໍ້ຂັດແຍ່ງຕ່າງໆ, ຄວາມຫຍຸ້ງຍາກດ້ານເສດຖະກິດ-ການເງິນ, ການປ່ຽນແປງດ້ານສະພາບດິນຟ້າອາກາດ, ໄພພິບັດທໍາມະຊາດ, ອາດຊະຍາກໍາຂ້າມຊາດ ແລະ ສະພາບການທີ່ພົ້ນເດັ່ນໃນພາກພື້ນທີ່ມີຄວາມສົນໃຈ ແລະ ເປັນຫ່ວງຮ່ວມກັນ. ພ້ອມກັນນີ້, ກອງປະຊຸມໄດ້ປຶກສາຫາລືກ່ຽວກັບການຈັດຕັ້ງປະຕິບັດ 5 ຂໍ້ຕົກລົງຂອງຜູ້ນໍາອາຊຽນກ່ຽວກັບມຽນມາ. ນອກຈາກນີ້, ກອງປະຊຸມໄດ້ສະແດງຄວາມຊົມເຊີຍ ສປປ ລາວ ໃນນາມປະທານອາຊຽນ ທີ່ໄດ້ປະຕິບັດໜ້າທີ່ຂອງຕົນ ສືບຕໍ່ຍຶດໝັ້ນຄວາມໝາຍໝັ້ນລວມຂອງອາຊຽນໃນການຈັດຕັ້ງປະຕິບັດ 5 ຂໍ້ຕົກລົງຂອງຜູ້ນໍາອາຊຽນ. ໃນນີ້, ກອງປະຊຸມໄດ້ຮັບຮອງເອົາເອກະສານການທົບທວນ ແລະ ຄໍາຕົກລົງຂອງຜູ້ນໍາອາຊຽນ […]

  ກອງປະຊຸມສຸດຍອດອາຊຽນ ຄັ້ງທີ 44  ແລະ 45 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ພາຍໃຕ້ຄຳຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ”  ໄດ້ມີພິທີເປິດຂຶ້ນຢ່າງເປັນທາງການ ໃນຕອນເຊົ້າຂອງວັນທີ 9 ຕຸລາ 2024 ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ ໂດຍໃຫ້ກຽດເປັນປະທານຂອງພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ແລະ ພະນະທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ, ມີບັນດາປະມຸກລັດ,​ ຫົວໜ້າລັດຖະບານປະເທດສະມາຊິກອາຊຽນ ແລະ ຕີມໍແລັດສະເຕ ພ້ອມດ້ວຍພັນລະຍາ, ບັນດາລັດຖະມົນຕີ ແລະ ເຈົ້າໜ້າທີ່ອາວຸໂສຂອງສາມເສົາຄໍ້າປະຊາຄົມອາຊຽນ,  ລັດຖະມົນຕີຕ່າງປະເທດ ແລະ ເຈົ້າໜ້າທີ່ອາວຸໂສປະເທດຕີມໍ ແລັດສະເຕ, ເລຂາທິການໃຫຍ່ ແລະ ຮອງເລຂາທິການໃຫຍ່ອາຊຽນ, ບັນດາຜູ້ຕາງໜ້າຖາວອນປະຈຳອາຊຽນ, ຫົວໜ້າກົມ, ບັນດາແຂກຂອງປະທານ ແລະ ຜູ້ແທນເຂົ້າຮ່ວມ. ໃນພິທີເປີດກອງປະຊຸມ, ພະນະທ່ານ […]

ກອງປະຊຸມສຸດຍອດທຸລະກິດ ແລະ ການລົງທຶນອາຊຽນ ປະຈໍາປີ 2024 ພາຍໃຕ້ຄຳຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ” ໄດ້ຈັດຂຶ້ນໃນວັນທີ 8 ຕຸລາ 2024 ທີ່ໂຮງແຮມແລນມາກ ໂດຍໃຫ້ກຽດເປັນປະທານໃນພິທີເປີດຂອງທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ, ມີບັນດາຜູ້ຕາງໜ້າຈາກສະພາທີ່ປຶກສາທຸລະກິດອາຊຽນ, ທຸຕານຸທູດ ແລະ ບັນດາຜູ້ນໍາທຸລະກິດທັງຈາກພາຍໃນ ສປປ ລາວ, ອາຊຽນ ແລະ ພາກພື້ນອື່ນໆເຂົ້າຮ່ວມ. ໂອກາດດັ່ງກ່າວ, ທ່ານ ນາຍົກລັດຖະມົນຕີ ໄດ້ກ່າວວ່າ: ການຮ່ວມມືຢ່າງເລິກເຊິ່ງລະຫວ່າງພາກລັດ ແລະ ພາກເອກະຊົນ ແມ່ນມີຄວາມສຳຄັນຢ່າງຍິ່ງໃນການປະກອບສ່ວນເຂົ້າການພັດທະນາແບບຍືນຍົງ ກໍຄືການແກ້ໄຂສິ່ງທ້າທາຍທີ່ເກີດຂຶ້ນທັງໃນປັດຈຸບັນ ແລະ ອະນາຄົດ ຊຶ່ງການຮ່ວມມືລະຫວ່າງທັງສອງພາກສ່ວນ ຈະຊ່ວຍດຶງດູດເອົາການຄ້າ ແລະ ການລົງທຶນໃໝ່ເຂົ້າໃນການພັດທະນາດ້ານພື້ນຖານໂຄງລ່າງ, ການຫັນເປັນດິຈິຕອນ, ການນໍາໃຊ້ພະລັງງານສະອາດ ແລະ ການເບິ່ງແຍງສຸຂະພາບ ແນໃສ່ເພື່ອສ້າງເສດຖະກິດໃຫ້ມີຄວາມເຂັ້ມແຂງ ສາມາດຕ້ານທານ ແລະ ສາມາດຮັບມືກັບສິ່ງທ້າທາຍຕ່າງໆ ເຊັ່ນ: ບັນຫາເສດຖະກິດຖົດຖອຍ […]

ກອງປະຊຸມສະພາປະສານງານອາຊຽນ ຄັ້ງທີ 35 ພາຍໃຕ້ຄຳຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ” ໄດ້ຈັດຂຶ້ນໃນວັນທີ 8 ຕຸລາ 2024 ທີ່ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ. ກອງປະຊຸມໄດ້ປຶກສາຫາລື ແລະ ຮັບຊາບຄວາມຄືບໜ້າກ່ຽວກັບການກະກຽມເຂົ້າເປັນສະມາຊິກອາຊຽນສົມບູນຂອງຕີມໍ ແລັດສະເຕ ໂດຍສະເພາະຄວາມຄືບໜ້າການຈັດຕັ້ງປະຕິບັດແຜນດໍາເນີນງານການເຂົ້າເປັນສະມາ ຊິກອາຊຽນສົມບູນຂອງຕີມໍ ແລັດສະເຕ ກໍຄື ການກະກຽມບັນດາຮ່າງເອກະສານທາງດ້ານກົດໝາຍສໍາລັບການເຂົ້າເປັັນສະມາຊິກອາຊຽນຂອງຕີມໍ ແລັດສະເຕ. ນອກຈາກນັ້ນ, ກອງປະຊຸມໄດ້ພິຈາລະນາ ແລະ ຮັບຮອງບັນດາບົດລາຍງານພາຍໃຕ້ 3 ເສົາຄໍ້າປະຊາຄົມອາຊຽນ ລວມທັງບົດລາຍງານຂອງເລຂາທິການໃຫຍ່ອາຊຽນ ກ່ຽວກັບການປະຕິບັດໜ້າທີ່ວຽກງານຂອງກອງເລຂາອາຊຽນ, ບົດລາຍງານຂອງຄະນະກໍາມະການຜູ້ຕາງໜ້າຖາວອນປະຈໍາອາຊຽນ, ບົດລາຍງານຂອງປະທານຄະນະສະເພາະກິດຮັບຜິດຊອບຂໍ້ລິເລີ່ມເພື່ອການເຊື່ອມໂຍງອາຊຽນ, ບົດລາຍງານຂອງຄະນະກໍາມະການປະສານງານການເຊື່ອມຈອດອາຊຽນ ແລະ ບົດລາຍງານຄວາມຄືບໜ້າ ປະຈໍາປີ 2024 ຂອງເຄືອຂ່າຍຕົວເມືອງອັດສະລິຍະອາຊຽນ ລວມທັງໝົດ 13 ບົດລາຍງານ. ນອກຈາກນີ້, ກອງປະຊຸມຍັງໄດ້ທົບທວນບັນດາເອກະສານຜົນຂອງກອງປະຊຸມສຸດຍອດອາຊຽນ ຄັ້ງທີ 44 ແລະ 45.​ ອັນສໍາຄັນກອງປະຊຸມໄດ້ຮັບຮອງເອົາການແຕ່ງຕັ້ງຮອງເລຂາທິການອາຊຽນຂອງເສົາຄໍ້າປະຊາຄົມວັດທະນະທຳ-ສັງຄົມອາຊຽນຄົນໃໝ່ຕາມຮອບວຽນຕົວອັກສອນ ຊື່ງແມ່ນທ່ານ San […]

 ກອງປະຊຸມສະພາປະຊາຄົມການເມືອງ-ຄວາມໝັ້ນຄົງອາຊຽນ ຄັ້ງທີ 28 ພາຍໃຕ້ຄຳຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ” ໄດ້ໄຂຂຶ້ນຢ່າງເປັນທາງການ ໃນຕອນເຊົ້້າວັນທີ 8 ຕຸລາ 2024 ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ ພາຍໃຕ້ການເປັນປະທານຂອງທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ, ໃນນາມປະທານອາຊຽນ, ມີບັນດາລັດຖະມົນຕີຕ່າງປະເທດອາຊຽນ, ເລຂາທິການໃຫຍ່ອາຊຽນ, ລັດຖະມົນຕີຕ່າງປະເທດຕີມໍ ແລັດສະເຕ ແລະ ບັນດາຜູ້ແທນເຂົ້າຮ່ວມ. ກອງປະຊຸມສະພາປະຊາຄົມການເມືອງ-ຄວາມໝັ້ນຄົງອາຊຽນ ຄັ້ງທີ 28 ໄດ້ທົບທວນຄືນ ແລະ ຕີລາຄາສູງຕໍ່ຄວາມຄືບໜ້າໃນການຈັດຕັ້ງປະຕິບັດແຜນແມ່ບົດເສົາຄໍ້າການເມືອງ-ຄວາມໝັ້ນຄົງອາຊຽນ 2025 ຊຶ່ງມາຮອດປັດຈຸບັນ ໄດ້ສຳເລັດແລ້ວ 99,6% ແລະ ຍັງເຫຼືອພຽງບາງກິດຈະກຳທີ່ອາຊຽນຈະຕ້ອງສືບຕໍ່ຈັດຕັ້ງປະຕິບັດໃຫ້ສໍາເລັດພາຍໃນປີ 2025. ນອກຈາກນີ້, ກອງປະຊຸມຍັງໄດ້ຮັບຊາບການຈັດຕັ້ງປະຕິບັດບັນດາໜ້າວຽກຂອງຂະແໜງການຕ່າງໆ ພາຍໃຕ້ເສົາຄໍ້າປະຊາຄົມການເມືອງ-ຄວາມໝັ້ນຄົງອາຊຽນ ສຳລັບປີ 2024 ທີ່ ສປປ ລາວ ເປັນປະທານ ເປັນຕົ້ນແມ່ນ ບັນດາຜົນ ແລະ ກິດຈະກຳຕ່າງໆຂອງກອງປະຊຸມລັດຖະມົນຕີປ້ອງກັນປະເທດອາຊຽນ (ADMM); ກອງປະຊຸມລັດຖະມົນຕີປ້ອງກັນປະເທດອາຊຽນບວກສາມ (ADMM […]