ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ ໄດ້ໃຫ້ກຽດໂອ້ລົມຕໍ່ກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ພາຍໃຕ້ຫົວຂໍ້: “ເພີ່ມທະວີບົດບາດການນໍາພາຂອງພັກ, ພັດທະນາວຽກງານສື່ມວນຊົນໃຫ້ຫັນປ່ຽນສູ່ຄຸນນະພາບໃໝ່ຢ່າງແຂງແຮງ” ໃນວັນທີ 15 ກໍລະກົດນີ້ ທີ່ຫໍປະຊຸມແຫ່ງຊາດ, ໂດຍມີທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ, ທ່ານ ພົນເອກ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຫົວໜ້າຄະນະຊີ້ນໍາກອງປະຊຸມ, ທ່ານ ຄຳພັນ ເຜີຍຍະວົງ ກຳມະການກົມການເມືອງສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ (ຄອສພ) ຮອງປະທານສະພາທິດສະດີສູນກາງພັກ, ມີບັນດາການນໍາ, ອະດີດການນໍາຂັ້ນສູງ, ຜູ້ແທນສື່ມວນຊົນຈາກສູນກາງ ແລະ ທ້ອງຖິ່ນ ເຂົ້າຮ່ວມ. ໂອກາດນີ້, ທ່ານ ທອງລຸນ ສີສຸລິດ ໄດ້ໃຫ້ກຽດໂອ້ລົມ ໂດຍສະແດງຄວາມຍ້ອງຍໍຊົມເຊີຍ ແລະ ຝາກຄວາມສາມັກຄີຮັກແພງ, […]

ສະຫາຍ ຄຳພັນ ເຜີຍຍະວົງ ກຳມະການກົມການເມືອງສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ຮອງປະທານສະພາທິດສະດີສູນກາງພັກ, ຜູ້ປະຈຳການຄະນະຊີ້ນໍາກອງປະຊຸມ ໄດ້ລາຍງານຕໍ່ກອງປະຊຸມວຽກງານສື່ມວນຊົນທົ່ວປະເທດຄັ້ງທີ I ທີ່ໄຂຂຶ້ນໃນວັນທີ 14 ກໍລະກົດ 2026 ທີຫໍປະຊຸມແຫ່ງຊາດ ກ່ຽວກັບການເຕີບໃຫຍ່ຂະຫຍາຍຕົວຂອງສື່ມວນຊົນລາວ ແລະ ຜົນສຳເລັດອັນພົ້ນເດັ່ນໃນການເຄື່ອນໄຫວວຽກງານສື່ມວນຊົນໃນໄລຍະຜ່ານມາ ແລະ ທິດທາງແຜນການພັດທະນາວຽກງານສື່ມວນໄປສູ່ຄຸນນະພາບໃໝ່ຢ່າງແຂງແຮງ.ເພື່ອສືບຕໍ່ຜັນຂະຫຍາຍມະຕິກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ຄະນະໂຄສະນາອົບຮົມສູນກາງພັກຕາມທິດ “ຕັ້ງໜ້າສ້າງການຫັນປ່ຽນໃນວຽກງານໂຄສະນາອົບຮົມ ໄປສູ່ຄຸນນະພາບໃໝ່ຢ່າງແຂງແຮງ”, ໜຶ່ງໃນວຽກງານສໍາຄັນຂອງໂຄສະນາອົບຮົມ ແມ່ນການປັບປຸງວຽກງານສື່ມວນຊົນ, ສ້າງຄວາມເຂັ້ມງວດໃນການຄຸ້ມຄອງບັນຊາສື່ມວນຊົນ, ພັດທະນາຖັນແຖວສື່ມວນຊົນໃຫ້ຕອບສະໜອງກັບເງື່ອນໄຂໃໝ່, ສ້າງການຫັນປ່ຽນໃນການຄຸ້ມຄອງນໍາໃຊ້ພາຫະນະ, ອຸປະກອນສື່ໃຫ້ກຸ່ມຄ່າ ແລະ ເກີດປະໂຫຍດສູງສຸດ ບົນຈິດໃຈປະຕິບັດນະໂຍບາຍປະຢັດຢ່າງມີປະສິດທິຜົນ. ໃນຊຸມປີຕໍ່ໜ້ານີ້, ຄະນະໂຄສະນາອົບຮົມສູນກາງພັກ ເດັດດ່ຽວຕັດສິນໃຈສືບຕໍ່ພັດທະນາວຽກງານສື່ມວນຊົນ ຕາມທິດຕົ້ນຕໍດັ່ງນີ້: ປ່ຽນແປງຈິນຕະນາການໃໝ່ ດ້ວຍການເຊື່ອມຊຶມ ແລະ ຜັນຂະຫຍາຍແນວຄິດຊີ້ນໍາ ຂອງສະຫາຍ ເລຂາທິການໃຫຍ່ປະທານປະເທດ ເນື່ອງໃນໂອກາດວັນສ້າງຕັ້ງສື່ມວນຊົນຄົບຮອບ 70 ປີ ໃຫ້ປະກົດຜົນເປັນຈິງ ຕາມທິດທີ່ວ່າ […]

ທ່ານ ທອງລີ ສີສຸລິດ ກຳມະການສູນກາງພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ສຊປລ) ໄດ້ປະກອບຄຳເຫັນຕໍ່ກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ໃນຫົວຂໍ້: “ສື່ມວນຊົນເປັນກະບອກສຽງໃນການສຶກສາອົບຮົມຊາວໜຸ່ມ-ໄວໜຸ່ມ ໃນເງື່ອນໄຂໃໝ່” ໃນວັນທີ 14 ກໍລະກົດນີ້ ທີ່ຫໍປະຊຸມແຫ່ງຊາດ. ທ່ານ ທອງລີ ສີສຸລິດ ກ່າວວ່າ: ເພື່ອເຮັດໃຫ້ສື່ມວນຊົນກາຍເປັນ “ກະບອກສຽງ” ທີ່ມີຄວາມສັກສິດ, ທັນສະໄໝ ແລະ ເຂົ້າເຖິງໃຈຂອງຊາວໜຸ່ມໃນເງື່ອນໄຂໃໝ່ ໄດ້ສະເໜີ 5 ວິໄສທັດ ດັ່ງນີ້: 1. ການຫຼັ່ງໄຫຼເຂົ້າມາຂອງສື່ອອນລາຍ ແມ່ນກະແສຟອງທີ່ພວກເຮົາປະຕິເສດບໍ່ໄດ້, ແຕ່ທ່າມກາງຜົນປະໂຫຍດອັນມະຫາສານກໍໄດ້ເຊື່ອງຊ້ອນໄພຄຸກຄາມອັນຮ້າຍແຮງຕໍ່ສັງຄົມ ໂດຍສະເພາະແມ່ນກົນອຸບາຍອັນເລິກແລບຂອງກຸ່ມມິດສາຊີບ ແລະ ສະແກມເມີ (Scammers) ທີ່ສ້າງຄວາມເສຍຫາຍທາງດ້ານຊັບສິນ ແລະ ທໍາລາຍຄວາມສະຫງົບສຸກຂອງສັງຄົມ. ດັ່ງນັ້ນ, ສື່ມວນຊົນລາວ ຕ້ອງເຮັດໜ້າທີ່ເປັນ “ຮົ້ວປ້ອງກັນຊາດ, ເປັນເກາະປ້ອງກັນໄພ” ໃຫ້ປະຊາຊົນດ້ວຍການເລັ່ງສ້າງພູມຄຸ້ມກັນທາງປັນຍາໃຫ້ທົ່ວສັງຄົມ ຮູ້ທັນທຸກກົນອຸບາຍສໍ້ໂກງ ແລະ ສາມາດນໍາໃຊ້ສື່ຍຸກໃໝ່ໄດ້ຢ່າງປອດໄພ. ທີ່ສໍາຄັນທີ່ສຸດ, ພວກເຮົາຕ້ອງຮ່ວມກັນບຳລຸງສ້າງຊາວໜຸ່ມ-ເຍົາວະຊົນ ຊຶ່ງເປັນໜໍ່ແໜງ ແລະອະນາຄົດຂອງຊາດໃຫ້ມີສະຕິຕື່ນຕົວ, […]

ກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ພາຍໃຕ້ຫົວຂໍ້: “ເພີ່ມທະວີບົດບາດການນໍາພາຂອງພັກ ພັດທະນາວຽກງານສື່ມວນຊົນໃຫ້ຫັນປ່ຽນສູ່ຄຸນນະພາບໃໝ່ຢ່າງແຂງແຮງ” ໄດ້ເປີດຂຶ້ນຢ່າງເປັນທາງການ ໃນວັນທີ 14 ກໍລະກົດນີ້ ທີ່ຫໍປະຊຸມແຫ່ງຊາດ ໂດຍການເປັນກຽດເຂົ້າຮ່ວມຂອງທ່ານ ພົນເອກ ວິໄລ ຫຼ້າຄໍາຟອງ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ໂດຍການເປັນປະທານຂອງທ່ານ ຄຳພັນ ເຜີຍຍະວົງ ກຳມະການກົມການເມືອງສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ (ຄອສພ), ຮອງປະທານສະພາທິດສະດີສູນກາງພັກ, ມີທ່ານ ອານຸພາບ ຕຸນາລົມ ຄະນະເລຂາທິການສູນກາງພັກ, ຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ມີບັນດາຄະນະເລຂາທິການສູນກາງພັກ, ກຳມະການສູນກາງພັກສົມບູນ-ສຳຮອງ, ບັນດາອະດີດການນຳ, ພະນັກງານອາວຸໂສບໍານານ, ມີລັດຖະມົນຕີ-ຮອງລັດຖະມົນຕີ, ບັນດາຜູ້ແທນສື່ມວນຊົນຈາກສູນກາງ ແລະ ທ້ອງຖິ່ນ, ແຂກຖືກເຊີນເຂົ້າຮ່ວມ. ທ່ານ ພົນເອກ ວິໄລ ຫຼ້າຄໍາຟອງ ກ່າວເປີດກອງປະຊຸມວ່າ: ກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ໃນຄັ້ງນີ້, ມີຄວາມໝາຍສໍາຄັນຍິ່ງ, ຊຶ່ງໄດ້ພ້ອມກັນຮັບຟັງການສະຫຼຸບຕີລາຄາຄືນ ການຈັດຕັ້ງປະຕິບັດບັນດາທິດທາງວຽກງານສື່ມວນຊົນໃນໄລຍະຜ່ານມາ ກໍຄືການປະຕິບັດມະຕິ 36 ຂອງກົມການເມືອງສູນກາງພັກ […]

ສະຫາຍ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ, ປະທານສູນກາງແນວລາວສ້ງຊາດ, ປະທານສະພາທິດສະດີສູນກາງພັກ ໄດ້ກ່າວໃນກອງປະຊຸມສຳມະນາເຊື່ອມຊຶມເອກະສານກະກຽມໃຫ້ການດຳເນີນກອງປະຊຸມວຽກງານສື່ມວນຊົນທົ່ວປະເທດ ຄັ້ງທີ I ໃນວັນທີ 13 ກໍລະກົດນີ້ ທີ່ຫໍປະຊຸມແຫ່ງຊາດ ໂດຍເນັ້ນວ່າ: ໃນຍຸກສະໄໝປັດຈຸບັນການຂະຫຍາຍຕົວຂອງວິທະຍາສາດເຕັກໂນໂລຊີ ມີຄວາມກ້າວໜ້າກະໂດດ, ການຫັນເປັນດີຈີຕອນແມ່ນຄວາມຮຽກຮ້ອງຕ້ອງການ ທັງເປັນບັນຫາເລັ່ງທວງໃນການພັດທະນາປະເທດຊາດ ເພື່ອຕອບສະໜອງກັບລະດັບຄາດໝາຍນັບມື້ສູງຂຶ້ນ. ສະນັ້ນ, ການຍົກສູງຈັນຍາບັນສື່ມວນຊົນຕ້ອງຍຶດໝັ້ນຈັນຍາບັນຕາມ 5 ຫຼັກການ ຄື: 1. ຄວາມຖືກຕ້ອງ ແລະ ສັດຈະທຳ: ຕ້ອງນຳສະເໜີຄວາມຈິງ ທີ່ມີການກວດສອບແຫຼ່ງຂ່າວຢ່າງຄັກແນ່, ບໍ່ບິດເບືອນ, ບໍ່ສ້າງຂ່າວປອມ ແລະ ຫາກມີຄວາມຜິດພາດຕ້ອງຮີບຮ້ອນແກ້ໄຂທັນທີ. 2. ຄວາມເປັນກາງ ແລະ ເປັນທຳ: ຕ້ອງນຳສະເໜີຂໍ້ມູນໃຫ້ຮອບດ້ານ, ໃຫ້ໂອກາດທຸກຝ່າຍໄດ້ຊີ້ແຈງຄວາມຈິງ, ບໍ່ເລືອກຂ້າງ ແລະ ໃຫ້ຄວາມຄິດເຫັນສ່ວຕົວລົງໄປໃນເນື້ອຫາຂ່າວ. 3. ເອກະລາດ ແລະ ສັກສີວິຊາຊີບ: ຕ້ອງມີອິດສະຫຼະພາບໃນການເຮັດວຽກ, ບໍ່ຕົກຢູ່ພາຍໃຕ້ອິດທິພົນຂອງກຸ່ມທຶນ ຫຼື ຜົນປະໂຫຍດໃດໆ, ບໍ່ຮັບສິນບົນເພື່ອຜົນປະໂຫຍດໃຫ້ບຸກຄົນອື່ນ. 4. ຄວາມຮັບຜິດຊອບຕໍ່ສັງຄົມ: ຕ້ອງຄຳນຶງເຖິງຜົນກະທົບຕໍ່ຄວາມໝັ້ນຄົງ, […]

ທ່ານ ໄຊປັນຍາ ພົມວິຫານ ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 13 ແຂວງສະຫວັນນະເຂດ ໄດ້ປະກອບຄໍາເຫັນຕໍ່ບົດລາຍງານຂອງລັດຖະບານ ໃນການປັບປຸງລະບົບການສຶກສາ ແລະ ປັບປຸງກົດໝາຍ-ນິຕິກຳໃຕ້ກົດໝາຍ ກ່ຽວກັບການບໍລິການລັດ ໂດຍສະເໜີໃຫ້ເພີ່ມທະວີເອົາໃຈໃສ່ວຽກງານສຶກສາໃຫ້ຫຼາຍຂຶ້ນ, ສຸມໃສ່ແກ້ໄຂບັນຫາຕ່າງໆໃນຂົງເຂດການສຶກສາ ເປັນຕົ້ນແມ່ນ ຄູສອນ, ການເຂົ້າຮຽນຂອງນັກຮຽນ, ການພັດທະນາພື້ນຖານໂຄງລ່າງການສຶກສາ ເພື່ອເຮັດໃຫ້ບຸກຄະລາກອນຂອງປະເທດເຮົາມີຄຸນນະພາບສູງຂຶ້ນ; ພ້ອມນີ້, ທ່ານຍັງສະເໜີໃຫ້ຄົ້ນຄວ້າປັບປຸງບັນດາກົດໝາຍ, ນິຕິກຳໃຕ້ກົດໝາຍ ທີ່ກ່ຽວຂ້ອງກັບບັນດາກົງຈັກລັດທີ່ມີການປັບປຸງແລ້ວ ເພື່ອກຳນົດຂອບເຂດສິດໃຫ້ລະອຽດຂຶ້ນຕື່ມ ເຊິ່ງນັບແຕ່ປີ 2025 ມານີ້, ພວກເຮົາໄດ້ສຸມໃສ່ການປັບປຸງກົງຈັກການຈັດຕັ້ງຂອງລັດທັງສູນກາງ ແລະ ທ້ອງຖິ່ນ ໂຮມບັນດາກົງຈັກຈໍານວນໜຶ່ງເຂົ້າກັນ, ລັດຖະບານ ກໍມີການໂຮມບັນດາກະຊວງ, ສະພາແຫ່ງຊາດ ກໍມີການໂຮມບັນດາກຳມາທິການເຂົ້າກັນ ເຮັດໃຫ້ກົງຈັກມີຄວາມກະທັດຮັດ ແລະ ມີປະສິດທິພາບ ເພື່ອຮັບປະກັນການປັບປຸງພາລະບົດບາດ, ສິດ ແລະ ໜ້າທີ່ຂອງອົງການຈັດຕັ້ງລັດ ທັງສູນກາງ ແລະ ທ້ອງຖິ່ນ ໃຫ້ໄດ້ຮັບຜົນດີ. ແຫຼ່ງຂ່າວ: ຂ່າວຜູ້ແທນປະຊາຊົນ

ໃນວັນທີ 7 ກໍລະກົດ 2026 ທີ່ຜ່ານມາ ທີ່ຫ້ອງປະຊຸມໃຫຍ່ຂອງພະແນກສຶກສາທິການ ແລະ ກິລາແຂວງ ໄດ້ດຳເນີນກອງປະຊຸມເຜີຍແຜ່ ແລະ ເຊື່ອມຊຶມເນື້ອໃນມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ປະຊາຊົນປະຕິວັດລາວ ຢ່າງເປັນທາງການ ໃຫ້ກຽດເຂົ້າຮ່ວມ ແລະ ຊີ້ນຳໂດຍ ສະຫາຍ ວາລິຍະ ສີຈັນທອງທິບ ຮອງເລຂາຄະນະບໍລິຫານງານພັກແຂວງ, ຜູ້ຊີ້ນຳວຽກງານການເມືອງ-ແນວຄິດ, ວຽກງານພັກ-ພະນັກງານ, ອົງການຈັດຕັ້ງມະຫາຊົນ ຂັ້ນແຂວງ, ມີສະຫາຍ ອະນຸສອນ ສຸດທິວົງ ຮັກສາການເລຂາພັກຮາກຖານ, ວ່າການຫົວໜ້າພະແນກສຶກສາທິການ ແລະ ກິລາແຂວງ, ຄະນະພັກຮາກຖານພະແນກສຶກສາແຂວງ, ຕາງໜ້າຈາກຄະນະຈັດຕັ້ງແຂວງ, ຄະນະໂຄສະນາອົບຮົມແຂວງ, ຄະນະກວດກາພັກ-ລັດແຂວງ, ຄະນະພັກຮາກຖານຫ້ອງການສຶກສາທິການ ແລະ ກິລາ 14 ເມືອງ ແລະ 01 ນະຄອນ, ຄະນະໜ່ວຍພັກອ້ອມຂ້າງພະແນກ, ຜູ້ອຳນວຍການໂຮງຮຽນອ້ອມຂ້າງພະແນກ ແລະ ຜູ້ອຳນວຍການໂຮງຮຽນ ມສ, ມ.ປາຍ ຈາກ 14 ເມືອງ/ນະຄອນ, […]

ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 39 ປີ (26 ມິຖຸນາ 1987-26 ມິຖຸນາ 2026) ໃນຕອນເຊົ້າຂອງວັນທີ 26 ມິຖຸນາ 2026 ນີ້ ໄດ້ມີພິທີໂຮມຊຸມນຸມພາຍໃຕ້ຫົວຂໍ້ “ຊາວໜຸ່ມຍຸກໃໝ່ ຫ່າງໄກຢາເສບຕິດ” ໂດຍໃຫ້ກຽດເຂົ້າຮ່ວມໂດຍທ່ານ ພົນເອກ ຄໍາລຽງ ອຸທະໄກສອນ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ, ປະທານຄະນະກຳມະການແກ້ໄຂບັນຫາຢາເສບຕິດລະດັບຊາດ, ມີທ່ານ ພົນໂທ ວັນທອງ ກອງມະນີ ຄະນະເລຂາທິການສູນກາງພັກ, ລັດຖະມົນຕີກະຊວງປ້ອງກັນຄວາມສະຫງົບ (ປກສ) ພ້ອມດ້ວຍບັນດາຮອງລັດຖະມົນຕີກະຊວງ, ອົງການທຽບເທົ່າກະຊວງ, ອົງການຈັດຕັ້ງມະຫາຊົນອ້ອມຂ້າງສູນກາງ, ບັນດາການນໍາພັກ-ລັດ, ອົງການຈັດຕັ້ງທີ່ກ່ຽວຂ້ອງພາກລັດ-ເອກະຊົນ, ບັນດາທູຕານຸທູດ, ອົງການຈັດຕັ້ງສາກົນ ປະຈຳ ສປປ ລາວ ພ້ອມດ້ວຍແຂກຖືກເຊີນ. ໂອກາດດັ່ງກ່າວ, ທ່ານ ພົນເອກ ຄໍາລຽງ ອຸທະໄກສອນ ໄດ້ມີຄຳເຫັນໃນພິທີໂຮມຊຸມນຸມຄັ້ງນີ້ວ່າ: ຕໍ່ກັບສະພາບບັນຫາຢາເສບຕິດຢູ່ ສປປ ລາວ ໄດ້ແຜ່ລະບາດເປັນວົງກວ້າງນັບແຕ່ຕົວເມືອງຫາຊົນນະບົດລວມທັງເຂດຫ່າງໄກສອກຫຼີກເປັນສາເຫດຕົ້ນຕໍທີ່ພາໃຫ້ເກີດບັນຫາປະກົດການຫຍໍ້ທໍ້ ແລະ ອາຊະຍາກຳປະເພດຕ່າງໆ ຈຳນວນຄະດີຢາເສບຕິດ […]