ທ່ານ ອະດີດນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະໂອລົມຄະນະຮັບຜິດຊອບວຽກງານການຄົ້ນຄວ້າພາສາລາວ ເພື່ອເປັນທິດເຍືອງທາງໃນການຈັດຕັ້ງປະຕິບັດວຽກງານໃຫ້ເກີດດອກອອກຜົນ, ຖືກຕ້ອງ, ໄດ້ຮັບໝາກຜົນ ແລະ ເປັນໄປຕາມແນວທາງຂອງພັກ-ລັດ. ພິທີພົບປະ ແລະ ຮັບຟັງການໂອ້ລົມຂອງທ່ານ ພັນຄຳ ວິພາວັນ ອະດີດນາຍົກລັດຖະມົນຕີ ແຫ່ງ ສປປ ລາວ ໄດ້ມີຂຶ້ນ ເມື່ອວັນທີ 7 ທັນວາ 2023 ທີ່ສະຖາບັນຄົ້ນຄວ້າວິທະຍາສາດການສຶກສາ ກະຊວງສຶກສາທິການ ແລະ ກິລາ ໂດຍມີທ່ານ ຮສ.ປອ ພຸດ ສິມມາລາວົງ ລັດຖະມົນຕີ ກະຊວງສຶກສາທິການ ແລະ ກິລາ, ພ້ອມດ້ວຍຄະນະກຳມະການຄົ້ນຄວ້າພາສາລາວ, ຄະນະທີ່ປຶກສາ, ອະນຸກຳມະການ, ຄະນະຮຽບຮຽງເອກະສານຫຼັກການພື້ນຖານການນໍາໃຊ້ພາສາລາວ, ຄະນະຮຽບຮຽງປຶ້ມວັດຈະນານຸກົມພາສາລາວ, ຄະນະຮຽບຮຽງປຶ້ມປະຫວັດວັນນະຄະດີ ຕະຫຼອດຮອດພະນັກງານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໂອກາດດັ່ງກ່າວ, ທ່ານ ຮສ.ປອ ພຸດ ສິມມາລາວົງ ໄດ້ຜ່ານບົດລາຍງານຫຍໍ້ຄວາມຄືບໜ້າຂອງການປະຕິບັດວຽກງານຄົ້ນຄວ້າຮຽບຮຽງເອກະສານຂອງຄະນະກໍາມະການຄົ້ນຄວ້າພາສາລາວ ປີ 2023 ວ່າ: […]

ໜ່ວຍຊາວໜຸ່ມສູນພັດທະນາຫຼັກສູດ ສະຖາບັນຄົ້ນຄວ້າວິທະຍາສາດການສຶກສາ (ສວສ) ກະຊວງສຶກສາທິການ ແລະ ກິລາ ໄດ້ຈັດກອງປະຊຸມໃຫຍ່ ຄັ້ງທີ I ເມື່ອວັນທີ 5 ທັນວາ 2023 ທີ່ຫ້ອງປະຊຸມ ສວສ ຕຶກໃໝ່ ໂດຍການເປັນປະທານຂອງສະຫາຍ ດອນບັນດິດ ບຽນທະນົງ ເລຂາຊາວໜຸ່ມຮາກຖານສະຖາບັນຄົ້ນຄວ້າວິທະຍາສາດການສຶກສາ, ມີສະຫາຍ ນາງ ເພັດສະໝອນ ສີບຸນເຮືອງ ຮອງເລຂາໜ່ວຍພັກສູນພັດທະນາຫຼັກສູດ, ພ້ອມດ້ວຍເລຂາໜ່ວຍຊາວໜຸ່ມ, ຕາງໜ້າ 3 ອົງການຈັດຕັ້ງມະຫາຊົນ ແລະ ສະມາຊິກຊາວໜຸ່ມເຂົ້າຮ່ວມ. ໃນກອງປະຊຸມຄັ້ງນີ້, ໄດ້ຮັບຟັງການຜ່ານບົດລາຍງານການເມືອງຂອງໜ່ວຍຊາວໜຸ່ມສູນພັດທະນາຫຼັກສູດ ໂດຍໄດ້ຕີລາຄາສະພາບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ 3 ຂອງຊາວໜຸ່ມຮາກຖານ ສະຖາບັນຄົ້ນຄວ້າວິທະຍາສາດການສຶກສາ ເປັນຕົ້ນແມ່ນວຽກງານການສຶກສາອົບຮົມການເມືອງແນວຄິດ, ວຽກງານດ້ານວິຊາສະເພາະວຽກງານປັບປຸງກໍ່ສ້າງການຈັດຕັ້ງຊາວໜຸ່ມ, ວຽກງານນໍາພາຊາວໜຸ່ມເຂົ້າສູ່ຂະບວນການດ້ານຕ່າງໆ;, ວຽກງານປົກປ້ອງສິດຜົນປະໂຫຍດຂອງຊາວໜຸ່ມ, ວຽກງານສົ່ງເສີມວິຊາຊີບຊາວໜຸ່ມ, ວຽກງານກໍ່ສ້າງຮາກຖານການເມືອງໃນວຽກງານຊາວໜຸ່ມ, ວຽກງານພົວພັນ ແລະ ຮ່ວມມືກັບຕ່າງປະເທດ ແລະ ວຽກກວດກາຂອງຄະນະຊາວໜຸ່ມປະຊາຊົນປະຕິວັດລາວ. ພ້ອມກັນນີ້, ຍັງໄດ້ຮັບຟັງກ່ຽວກັບທິດທາງແຜນການຂອງໜ່ວຍຊາວໜຸ່ມສູນພັດທະນາຫຼັກສູດໄລຍະແຕ່ປີ 2024-2028, ຮັບຟັງບົດສໍາຫຼວດນໍາພາລວມຂອງສູນພັດທະນາຫຼັກສູດ. ນອກຈາກນີ້, ໃນກອງປະຊຸມຍັງໄດ້ປ່ອນບັດເລືອກຕັ້ງເອົາຄະນະໜ່ວຍຊາວໜຸ່ມສູນພັດທະນາຫຼັກສູດຊຸດໃໝ່ […]

ກະຊວງສຶກສາທິການ ແລະ ກິລາ (ສສກ) ແລະ ລັດຖະບານອົດສະຕຣາລີ ໄດ້ຈັດກອງປະຊຸມສໍາມະນາລະນຶກວັນຄົນພິການສາກົນ ປີ 2023 ພາຍໃຕ້ຫົວຂໍ້: ເສີມສ້າງຄວາມຮັບຮູ້ ແລະ ຄວາມເຂົ້າໃຈກ່ຽວກັບວຽກງານຄົນພິການ, ການປົກປ້ອງ ແລະ ການປະຕິບັດທີ່ດີທີ່ສຸດສຳລັບການຮັກສາຄວາມປອດໄພສຳລັບເດັກໃຫ້ແກ່ພະນັກງານຂັ້ນກະຊວງ ສສກ ເມື່ອວັນທີ 5 ທັນວາ 2023 ທີ່ສະຖາບັນຄົ້ນຄວ້າວິທະຍາສາດການສຶກສາ ໂດຍເປັນກຽດເຂົ້າຮ່ວມຂອງທ່ານ ຮສ.ປອ ພຸດ ສິມມາລາວົງ ລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ພໍ ແຄລີ ລີ (Paul Kelly) ເອກອັກຄະລັດຖະທູດປະເທດອົດສະຕຣາລີ ປະຈໍາ ສປປ ລາວ, ພ້ອມດ້ວຍຮອງຫົວໜ້າກົມ, ຫົວໜ້າແຜນງານບີຄວາ, ຊຽວຊານ, ຄະນະຮັບຜິດຊອບວຽກງານກ່ຽວຂ້ອງ ແລະ  ພະນັກງານວິຊາການຢ່າງພ້ອມພຽງ. ການຈັດສຳມະນາໃນຄັ້ງນີ້, ເພື່ອສ້າງຄວາມເຂົ້າໃຈໃຫ້ກັບສັງຄົມ ແລະ ສົ່ງເສີມການຮັບຮູ້ ແລະ ຍອມຮັບຄົນພິການ, ທັງຮັບປະກັນໃຫ້ພະນັກງານທີ່ກ່ຽວຂ້ອງຈາກຂັ້ນກະຊວງມີຄວາມເຂົ້າໃຈຢ່າງເລິກເຊິ່ງກ່ຽວກັບສິ່ງທ້າທາຍຂອງເດັກພິການໃນລະບົບການສຶກສາ ແລະ […]

ກະຊວງເຕັກໂນໂລຊີ ແລະ ການສື່ສານ (ກຕສ) ໄດ້ຈັດງານພິທີພິທີມອບ-ຮັບອຸປະກອນການຮຽນອອນລາຍທາງໄກ ແລະ ລະບົບ G-Room Digital Learning Classroom ໃຫ້ແກ່ໂຮງຮຽນມັດທະຍົມສົມບູນ ຫຼື ມສ ໂພນທອງ ເມືອງນາຊາຍທອງ ນະຄອນຫຼວງວຽງຈັນ ທີ່ໄດ້ຮັບການສະໜັບສະໜູນຈາກອົງການສະຫະປະຊາຊາດ ເພື່ອການພັດທະນາ (UNDP) ປະຈໍາ ສປປ ລາວ ພາຍໃຕ້ໂຄງການຕົວແບບ (Pilot Project) ໃນວັນທີ 30 ພະຈິກ 2023 ທີ່ໂຮງຮຽນດັ່ງກ່າວ ກ່າວມອບໂດຍ ທ່ານ ປອ ທະວີສັກ ມະໂນທັມ ຫົວໜ້າສູນບໍລິຫານລັດດິຈິຕອນ ກະຊວງເຕັກໂນໂລຊີ ແລະ ການສື່ສານ ແລະ ກ່າວຮັບແມ່ນ ທ່ານ ພູວັນ ແກ້ວວົງເງິນ ຮັກສາການຜູ້ອຳນວຍການໂຮງຮຽນມັດທະຍົມສົມບູນໂພນທອງ, ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ແກ້ວວິສຸກ ໂສລະພົມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ທ່ານ […]

ສະຖາບັນ ຣັຕນະ ບໍລິຫານທຸລະກິດ ສ້າງບຸກຄະລາກອນອອກຮັບໃຊ້ສັງຄົມ ລະດັບປະລິນຍາຕີ ລະບົບ 4 ປີ ຮຸ່ນທີ 1 ແລະ ລະດັບຕໍ່ເນື່ອງ ປະລິນຍາຕີ ລະບົບ 2 ປີ ຮຸ່ນທີ 3 ປະຈຳສົກຮຽນ 2022-2023 ໄດ້ທັງໝົດ 357 ຄົນ, ໃນນັ້ນ ປະລິນຍາຕີ ຮຸ່ນທີ 1 ມີ 266 ຄົນ, ຍິງ 162 ຄົນ ແລະ ຕໍ່ເນື່ອງ ປະລິນຍາຕີ 91 ຄົນ, ຍິງ 53 ຄົນ. ເມື່ອວັນທີ 29 ພະຈິກ 2023 ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ສະຖາບັນ ຣັຕນະ ບໍລິຫານທຸລະກິດ ໄດ້ຈັດພິທີສະຫຼຸບການຈັດຕັ້ງການຮຽນການສອນ ປະຈຳສົກຮຽນ 2022-2023 ແລະ ມອບປະກາສະນິຍະບັດໃຫ້ແກ່ນັກສຶກສາທີ່ໄດ້ສຳເລັດການສຶກສາລະດັບປະລິນຍາຕີລະບົບ […]

ກະຊວງສຶກສາທິການ ແລະ ກິລາ ຫຼື ສສກ ຈັດພິທີປະກາດພະນັກງານການນຳຂັ້ນສູງ ອອກພັກການ-ຮັບອຸດໜູນບຳນານ ຢ່າງເປັນທາງການ ໃນວັນທີ 28 ພະຈິກ 2023 ທີ່ຕຶກໄອຊີທີ ກະຊວງ ສສກ ໂດຍໃຫ້ກຽດເຂົ້າຮ່ວມຂອງ ທ່ານ ຮສ.ປອ ພຸດ ສິມມາລາວົງ ລັດຖະມົນຕີ ກະຊວງສຶກສາທິການ ແລະ ກິລາ ພ້ອມດ້ວຍຄະນະລັດຖະມົນຕີ, ຫົວໜ້າຫ້ອງການ, ຫົວໜ້າກົມ-ຮອງຫົວໜ້າກົມ, ຜູ້ອຳນວຍການສະຖາບັນ, ສຳນັກພິມສຶກສາ ແລະ ກິລາ, ລັດວິສາຫາກິດໂຮງພິມສຶກສາ, ອະທິການບໍດີມະຫາວິທະຍາໄລແຫ່ງຊາດ, ສູນ, ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ ຕະຫຼອດຮອດແຂກຖືກເຊີນ ແລະ ພາກສ່ວນທີ່ກ່ຽວຂ້ອງຢ່າງພ້ອມພຽງ. ໃນພິທີ, ທ່ານ ດອນ ໄພວົງ ຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຜ່ານມະຕິຕົກລົງ ຂອງຄະນະເລຂາທິການສູນກາງພັກ ແລະ ດຳລັດຂອງນາຍົກລັດຖະມົນຕີ ວ່າດ້ວຍການອະນຸມັດໃຫ້ພະນັກງານການນຳຂັ້ນສູງ ຄື: ທ່ານ ນາງ […]

ກົມສາມັນສຶກສາ ກະຊວງສຶກສາທິການ ແລະ ກິລາ ຫຼື ສສກ ຈັດກອງປະຊຸມໜ່ວຍງານວິຊາການຂະແໜງການຍ່ອຍສາມັນສຶກສາ ປະຈຳໄຕມາດ 3 ຂອງປີ 2023 ແບບເຊິ່ງໜ້າ ແລະ ທາງໄກ ໃນວັນທີ 24 ພະຈິກ 2023 ທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ພາຍໃຕ້ການເປັນປະທານຂອງ ທ່ານ ນາງ ຄໍາປະເສີດ ກິຕິຍະວົງ ຫົວໜ້າກົມສາມັນສຶກສາ ກະຊວງ ສສກ, ທ່ານ ສຸກສັນ ແພງດີ ຕາງໜ້າຈາກອົງການຊ່ວຍເຫຼືອເດັກສາກົນ ຫຼື SCI ແລະ ທ່ານ ນາງ ທາກາໂຣ ຟູກາມິ ຕາງໜ້າຈາກອົງການອຸຍນິເຊັບ, ມີບັນດາຄູ່ຮ່ວມພັດທະນາ, ພະນັກງານ-ວິຊາການທີ່ກ່ຽວຂ້ອງເຂົ້າຮ່ວມ. ໃນກອງປະຊຸມ ບັນດາຜູ້ເຂົ້າຮ່ວມໄດ້ຮັບຟັງການລາຍງານຄວາມຄືບໜ້າໃນການຈັດຕັ້ງປະຕິບັດວຽກງານ 3 ຂະແໜງການຍ່ອຍສາມັນສຶກສາ ໃນໄຕມາດທີ 3 ພ້ອມທັງວາງແຜນໄຕມາດທີ 4 ແລະ ແຜນປີ 2024 ຈາກພະແນກກວດກາ, ຕິດຕາມ […]

ກົມຄຸ້ມຄອງວິທະຍາສາດ ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມປຶກສາຫາລືການເຂົ້າຮ່ວມເປັນພາຄີ ຂອງກົດການປະພຶດວ່າດ້ວຍການປ້ອງກັນຄວາມປອດໄພຂອງແຫຼ່ງກໍາເນີດລັງສີ ເພື່ອສ້າງຄວາມຮັບຮູ້, ເຂົ້າໃຈ ຕໍ່ກັບຫຼັກການ, ຜົນປະໂຫຍດ ແລະ ຄວາມສ່ຽງ ທີ່ອາດເກີດຂຶ້ນຈາກການນໍາໃຊ້ແຫຼ່ງກຳເນີດລັງສີ ແລະ ນິວເຄລຍ ໃຫ້ແກ່ຂະແໜງການທີ່ກ່ຽວຂ້ອງ. ກອງປະຊຸມດັ່ງກ່າວ ໄດ້ຈັດຂຶ້ນເມື່ອວັນທີ 28 ພະຈິກ 2023 ທີ່ໂຮງແຮມລາວພລາຊາ ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງ ທ່ານ ປອ ສຸລິອຸດົງ ສູນດາລາ ຮອງລັດຖະມົນຕີ ກະຊວງສຶກສາທິການ ແລະ ກິລາ, ມີຄະນະຜູ້ຊ່ຽວຊານ ຈາກອົງການພະລັງງານປະລໍາມະນຸສາກົນ (IAEA), ຜູ້ຕາງໜ້າຈາກກະຊວງອ້ອມຂ້າງ ພ້ອມດ້ວຍພະນັກງານທີ່ກ່ຽວຂ້ອງເຂົ້າຮ່ວມທັງເຊິ່ງໜ້າ ແລະ ອອນລາຍ. ກອງປະຊຸມໃນຄັ້ງນີ້ ກໍເພື່ອເປັນການສ້າງຄວາມຮັບຮູ້, ເຂົ້າໃຈ ຕໍ່ກັບຫຼັກການ, ຜົນປະໂຫຍດ ແລະ ຄວາມສ່ຽງ ທີ່ອາດເກີດຂຶ້ນຈາກການນໍາໃຊ້ແຫຼ່ງກຳເນີດລັງສີ ແລະ ນິວເຄລຍ ໃຫ້ແກ່ຂະແໜງການທີ່ກ່ຽວຂ້ອງ ຕໍ່ກັບກົດການປະພຶດວ່າດ້ວຍ ການປ້ອງກັນຄວາມປອດໄພຈາກແຫຼ່ງກຳເນີດລັງສີ ໃຫ້ແກ່ຂະແໜງການທີ່ກ່ຽວຂ້ອງ ໄດ້ຮັບຮູ້ […]