ສປປ ລາວ ສືບຕໍ່ດໍາເນີນກອງປະຊຸມລະດັບສູງ ເພື່ອທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (3RC-CCM), ໂດຍການເປັນປະທານຂອງທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ທັງເປັນປະທານຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ, ມີຄະນະຜູ້ແທນສາກົນ, ຜູ້ຕາງໜ້າອົງການຈັດຕັ້ງສາກົນ ແລະ ພາກສ່ວນທີ່ກ່ຽວຂ້ອງ ເຂົ້າຮ່ວມ. ທ່ານ ທອງສະຫວັນ ພົມວິຫານ ໄດ້ຍົກໃຫ້ເຫັນຈຸດປະສົງ ແລະ ລະດັບຄາດໝາຍ ຂອງກອງປະຊຸມຄັ້ງນີ້ ເພື່ອຄວາມກວດກາຄືນຄວາມຄືບໜ້າຜ່ານມາ ແລະ ກຳນົດທິດທາງໃນການຮ່ວມມືໃນອະນາຄົດ ເປັນຕົ້ນແມ່ນ ໄດ້ຮຽກຮ້ອງໃຫ້ປະເທດສະມາຊິກ ກໍຄືວົງຄະນະຍາດສາກົນ ເອົາໃຈໃສ່ປະຕິບັດສົນທິສັນຍາດັ່ງກ່າວໃຫ້ເກີດຜົນເປັນຈິງ, ເພີ່ມທະວີຄວາມສາມັກຄີ, ຖືເອົາປະຊາຊົນ ແລະ ຜູ້ລອດຊີວິດເປັນໃຈກາງ, ຫຼີກລ່ຽງການສ້າງພາລະເພີ່ມໃຫ້ແກ່ປະເທດທີ່ໄດ້ຮັບຜົນກະທົບ, ເລັ່ງລັດຈັດຕັ້ງປະຕິບັດສົນທິສັນຍາ, ເພີ່ມທະວີການບຸກເບີກພື້ນທີ່, ໃຫ້ການສຶກສາກ່ຽວກັບຄວາມສ່ຽງດ້ານລະເບີດ, ຊ່ວຍເຫຼືອຜູ້ປະສົບເຄາະຮ້າຍ, ຊຸກຍູ້ການເຂົ້າຮ່ວມເປັນພາຄີທົ່ວໂລກ, ເພີ່ມທະວີການຮ່ວມມື ແລະ ລະດົມທຶນຮອນຈາກສາກົນ. ‎ໃນກອງປະຊຸມ, ທ່ານ ນາງ ອາມິດາ ອາລິດຈາບານາ […]

ກອງປະຊຸມທົບທວນສົນທິສັນຍາ ວ່າດ້ວຍການເກືອດຫ້າມລະເບີດລູກຫວ່ານ ຮອບວຽນທີ 3 (The 3rd Review Conference of Convention on Cluster Munitions) ເປີດຂຶ້ນຢ່າງເປັນທາງການ ໃນວັນທີ 14 ກັນຍາ 2026 ຢູ່ນະຄອນຫລວງວຽງຈັນ ໂດຍການເປັນປະທານຂອງ ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ, ທັງເປັນປະທານຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງຢູ່ລາວ. ເປັນກຽດເຂົ້າຮ່ວມໂດຍ ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ, ທ່ານ ນາງ ອາມິດາ ຊານຊີອາ ອາລິດຈາບານາ (Armida Salsiah Alisjahbana) ຮອງເລຂາທິການໃຫຍ່ອົງການ ສປຊ ແລະ ເລຂາທິການ ຄະນະກຳມາທິການເສດຖະກິດ-ສັງຄົມ ສະຫະປະຊາຊາດ ປະຈຳພາກພື້ນອາຊີ-ປາຊີຟິກ(UN ESCAP), ມີການນຳພັກ, ລັດ, ຄະນະຜູ້ແທນສາກົນ ຈາກ […]

(08 ກັນຍາ 1966 – 08 ກັນຍາ 2026) ຮຽນ: • ບັນດາທ່ານ ການນຳພັກ-ລັດ, ພະນັກງານ, ທະຫານ, ຕຳຫຼວດ • ຄູ-ອາຈານ, ນັກຮຽນຮູ້-ປັນຍາຊົນ, ນັກຮຽນ-ນັກສຶກສາ • ພໍ່ຄ້າຊາວຂາຍ, ຜູ້ປະກອບການ, ຊາວຜູ້ອອກແຮງງານ • ຕະຫຼອດຮອດ ພໍ່ແມ່ພີ່ນ້ອງ ປະຊາຊົນລາວບັນດາເຜົ່າໃນທົ່ວປະເທດ ທີ່ເຄົາລົບ ແລະ ຮັກແພງຢ່າງຍິ່ງ. ອົງການສຶກສາ, ວິທະຍາສາດ ແລະ ວັດທະນະທຳ ແຫ່ງ ສະຫະປະຊາຊາດ (UNESCO) ໄດ້ປະກາດເອົາວັນທີ 8 ກັນຍາ ຂອງທຸກໆປີ ເປັນ “ວັນສາກົນແຫ່ງການຮູ້ໜັງສື” (International Literacy Day) ນັບແຕ່ປີ 1966 ເປັນຕົ້ນມາ. ມາຮອດປີ 2026 ນີ້, ວັນສຳຄັນດັ່ງກ່າວ ໄດ້ໝູນວຽນມາບັນຈົບຄົບຮອບ 60 ປີພໍດີ […]

ຄະນະຜູ້ແທນກະຊວງສຶກສາທິການ ແລະ ກິລາ (ສສກ) ແຫ່ງ ສປປ ລາວ ນຳພາໂດຍ ທ່ານ ສຸກສະຫວາດ ສີຫາປັນຍາ ຫົວໜ້າກົມຄຸ້ມຄອງວິທະຍາສາດ ກະຊວງສຶກສາທິການ ແລະ ກິລາ ພ້ອມດ້ວຍ ທ່ານ ປອ ພອນສະຫວັນ ລັດດາວົງ ຫົວໜ້າພະແນກຄຸ້ມຄອງຄວາມປອດໄພລັງສີ ແລະ ນິວເຄຼຍ ແລະ ທ່ານ ກິດຕິພອນ ເທື່ອມບຸນມີ ວິຊາການພະແນກຄຸ້ມຄອງຄວາມປອດໄພລັງສີ ແລະ ນິວເຄຼຍ ໄດ້ເດີນທາງເຂົ້າຮ່ວມກອງປະຊຸມສຳມະນາ ພາຍໃຕ້ຫົວຂໍ້: “ຍຸດທະສາດການຄຸ້ມຄອງ ແລະ ຈັດການແຫຼ່ງກຳເນີດລັງສີທີ່ໝົດອາຍຸການນຳໃຊ້ (Focus Group on Strategizing the End-Of-Life Management of Radioactive Sources East Asia Regional)” ທີ່ນະຄອນຫຼວງຈາກາຕ້າ, ປະເທດອິນໂດເນເຊຍ ໃນລະຫວ່າງວັນທີ 31 ສິງຫາ ຫາ 03 […]

ມື້ນີ້, ແມ່ນວັນໜຶ່ງທີ່ມີຄວາມສໍາຄັນຂອງປວງຊົນລາວບັນດາເຜົ່າໃນຂອບເຂດທົ່ວປະເທດ ເວົ້າລວມ, ເວົ້າສະເພາະ ກໍແມ່ນປວງຊົນບັນດາເຜົ່າ ແລະ ຜູ້ທີ່ມີລູກຫຼານໃນໄວສຶກສາຮໍ່າຮຽນ ທົ່ວແຂວງໄຊສົມບູນ ຂອງພວກເຮົາ, ເຊິ່ງຈະໄດ້ກັບເຂົ້າມາສຶກສາ, ຮໍ່າຮຽນ ໃນສົກຮຽນ 2026-2027 ພາຍຫຼັງທີ່ໄດ້ພັກສິ້ນປີຮຽນນັບແຕ່ເດືອນມິຖຸນາເປັນຕົ້ນມາ. ເນື່ອງໃນໂອກາດວັນໄຂສົກຮຽນໃໝ່ ວັນທີ 1 ກັນຍາ 2026 ນີ້ ຂ້າພະເຈົ້າຂໍຕາງໜ້າໃຫ້ແກ່ ອົງຄະນະພັກແຂວງ-ຄະນະກຳມະການປົກຄອງແຂວງ ຂໍຝາກຄວາມຢ້ຽມຢາມຖາມຂ່າວ, ຄວາມເປັນຫ່ວງເປັນໄຍ, ສາມັກຄີຮັກແພງມາຍັງຜູ້ບໍລິຫານການສຶກສາ, ຄູ-ອາຈານ ແລະ ລູກຫຼານນັກຮຽນ ແຕ່ລະຂັ້ນ, ແຕ່ລະຊັ້ນໃນທົ່ວແຂວງໄຊສົມບູນ. ບັນດາທ່ານທີ່ນັບຖື ແລະ ຮັກແພງທັງຫຼາຍ ໃນນາມການນໍາຂອງພັກ ແລະ ອຳນາດການປົກຄອງແຂວງໄຊສົມບູນ ຂອງພວກເຮົາ ຍາມໃດກໍຖືເອົາວຽກງານການສຶກສາ ແລະ ກິລາ ເປັນວຽກງານທີ່ສໍາຄັນ ຖືເອົາການສຶກສາໄປກ່ອນກ້າວໜຶ່ງ, ເອົາຄົນເປັນເປົ້າໝາຍ ເປັນໃຈກາງໃນການພັດທະນາເສດຖະກິດສັງຄົມຂອງທ້ອງຖິ່ນລວມໄປ ເຖິງການພັດທະນາຂອງປະເທດຊາດ; ການສຶກສາແມ່ນເປັນພື້ນຖານຂອງການພັດທະນາຊັບພະຍາກອນມະນຸດ ໃຫ້ມີຄວາມຮູ້ ຄວາມສາມາດ ມີຄຸນສົມບັດສິນທຳປະຕິວັດ, ມີສຸຂະພາບ ແຂງແຮງທັງຮ່າງກາຍ ແລະ ຈິດໃຈ, ຮັກຄວາມກ້າວໜ້າ, ຮັກການອອກແຮງງານ […]

ເນື່ອງໃນໂອກາດວັນໄຂສົກຮຽນໃໝ່ ສົກຮຽນ 2026-2027 – ຜູ້ບໍລິຫານການສຶກສາ, ວິທະຍາສາດ ແລະ ກິລາ, ພະນັກງານ, ຄູ-ອາຈານ, ນັກຮຽນ-ນັກສຶກສາ, – ພີ່ນ້ອງປວງຊົນລາວທັງຊາດ ທີ່ນັບຖື ແລະ ຮັກແພງ. ມື້ນີ້ ເປັນອີກວັນໜຶ່ງ ທີ່ມີຄວາມໝາຍຄວາມສໍາຄັນຂອງຂະແໜງການສຶກສາ, ວິທະຍາສາດ ແລະ ກິລາ ຊຶ່ງນັກຮຽນ-ນັກສຶກສາ, ຄູ-ອາຈານ ຕະຫຼອດຮອດພໍ່ແມ່ຜູ້ປົກຄອງທຸກຖ້ວນໜ້າ ໃນຂອບເຂດທົ່ວປະເທດ ຢູ່ໃນບັນຍາກາດກຽມຈິດໃຈ ເພື່ອເຂົ້າຮຽນ ໃນສົກຮຽນໃໝ່ 2026-2027. ເນື່ອງໃນໂອກາດ ວັນໄຂສົກຮຽນໃໝ່ ປະຈໍາສົກຮຽນ 2026-2027 ນີ້, ໃນນາມຕາງໜ້າໃຫ້ແກ່ສູນກາງພັກ, ລັດຖະບານ, ຂ້າພະເຈົ້າ ຂໍຝາກຄວາມຢ້ຽມຢາມຖາມຂ່າວອັນອົບອຸ່ນ, ຄວາມສາມັກຄີຮັກແພງອັນສະໜິດສະໜົມ ແລະ ສົ່ງຄວາມເປັນຫ່ວງເປັນໄຍຢ່າງຈິງໃຈ ມາຍັງຜູ້ບໍລິຫານການສຶກສາ, ວິທະຍາສາດ ແລະ ກິລາ ທຸກຂັ້ນ, ພ້ອມດ້ວຍ ຄູ-ອາຈານ ແລະ ນັກຮຽນ-ນັກສຶກສາທຸກຊັ້ນ, ທຸກສາຍ, ທຸກລະດັບ, ທຸກຂົງເຂດ ທັງພາກລັດ […]

ໃນວັນທີ 27 ສິງຫາ 2026 ທີ່ສະຖານທູດເອກອັກຄະລັດຖະທູດ ສສ ຫວຽດນາມ ປະຈຳ ສປປ ລາວ, ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ກະຊວງສຶກສາທິການ ແລະ ກິລາ ພ້ອມດ້ວຍຄະນະ ໄດ້ພົບປະ ແລະ ອວຍພອນ ທ່ານ ຫງວຽນ ມິງ ເຕິມ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ ເນື່ອງໃນໂອກາດວັນຊາດ ສສ ຫວຽດນາມ ຄົບຮອບ ຄົບຮອບ 81 ປີ (02/09/1945-02/09/2026) ແລະ ເສີມຂະຫຍາຍກໍາລັງການຮ່ວມມືດ້ານການສຶກສາ ແລະ ກິລາ. ໃນໂອກາດດັ່ງກ່າວນີ້, ທ່ານຮອງລັດຖະມົນຕີ ກະຊວງສຶກສາທິການ ແລະ ກິລາ ໄດ້ຕາງໜ້າໃຫ້ຄະນະນຳກະຊວງສຶກສາທິການ ແລະ ກິລາ ສະແດງຄວາມຂອບໃຈຢ່າງເລິກເຊິ່ງ ເຖິງພັກ, ລັດ, […]

ວັນທີ 14 ສິງຫາ 2026 ນີ້ ທີ່ຫໍປະຊຸມແຫ່ງຊາດ, ບັນດາການນຳ, ອະດີດການນຳພັກ-ລັດ ພ້ອມດ້ວຍມວນຊົນໃນນະຄອນຫຼວງວຽງຈັນ ນຳໂດຍສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ ແລະ ສະຫາຍ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ໄດ້ຮ່ວມໃສ່ບາດຖວາຍສັງຂະທານແດ່ພະສົງ ເພື່ອອຸທິດສ່ວນບຸນສ່ວນກຸສົນໃຫ້ແກ່ສະຫາຍ ໄຊສົມພອນ ພົມວິຫານ ອະດີດກຳມະການກົມການເມືອງສູນກາງພັກ, ອະດີດປະທານສະພາແຫ່ງຊາດ ທີ່ໄດ້ເຖິງແກ່ມໍລະນະກຳໃນວັນທີ 8 ສິງຫາ ຜ່ານມາ ລວມອາຍຸໄດ້ 70 ປີ. ການໃສ່ບາດຖວາຍສັງຂະທານໃນຄັ້ງນີ້ ດຳເນີນໄປຕາມຮີດຄອງປະເພນີ ແລະ ຫຼັກພຸດທະສາສະໜາ ໂດຍໄດ້ຟັງທຳມະເທດສະໜາ; ຫຼັງຈາກນັ້ນ, ກໍໄດ້ຮ່ວມກັນໃສ່ບາດຖວາຍສັງຂະທານແດ່ພະສົງ ດ້ວຍຈິດໃຈເຄົາລົບ ແລະ ສຳລວມ ເພື່ອອຸທິດສ່ວນບຸນສ່ວນກຸສົນໃຫ້ແກ່ສະຫາຍ ໄຊສົມພອນ ພົມວິຫານ ຕາມຄວາມເຊື່ອຖືທາງພຸດທະສາສະໜາ, ທັງສະທ້ອນໃຫ້ເຫັນເຖິງການສືບສານຮັກສາຮີດຄອງປະເພນີ ແລະ ຂະນົບທຳນຽມອັນດີງາມຂອງຊາດລາວເຮົາ ທີ່ໄດ້ສືບທອດກັນມາແຕ່ອະດີດຈົນຮອດປັດຈຸບັນ.