ວິທະຍາໄລຄູດົງຄໍາຊ້າງ ຈັດກອງປະຊຸມທົບທວນ ແລະ ປັບປຸງຫຼັກສູດສາຍສ້າງຄູ ໂດຍສະເພາະແມ່ນການຈັດຕັ້ງປະຕິບັດຫຼັກສູດຕໍ່ເນື່ອງ ສາຍຄູມັດທະຍົມ ລະດັບອະນຸປະລິນຍາ ແລະ ປະລິນຍາຕີ ຄົ້ນຄວ້າຂໍ້ສະດວກ, ຂໍ້ຫຍຸ້ງຍາກ ເພື່ອຫາວິທີແກ້ໄຂ ແລະ ວາງແຜນການຈັດຕັ້ງການຮຽນ-ການສອນໃນຕໍ່ໜ້າ ກໍຄືສົກຮຽນ 2026- 2027 ນີ້ ໃຫ້ໄດ້ຮັບຜົນດີ ຢ່າງມີປະສິດທິພາບ ແລະ ປະສິດທິຜົນ. ກອງປະຊຸມທົບທວນ ແລະ ປັບປຸງຫຼັກສູດສ້າງຄູພາຍໃນວິທະຍາໄລ ທັງນີ້ກໍເພື່ອປັບປຸງ ແລະ ທົບທວນເນື້ອໃນຫຼັກສູດສາຍສ້າງຄູກ່ອນໄວຮຽນ, ສາຍຄູປະຖົມສຶກສາ ແລະ ສາຍຄູມັດທະຍົມ ລະຫວ່າງວັນທີ 18-22 ພຶດສະພາ 2026 ທີ່ເມືອງແກ້ວອຸດົມ ແຂວງວຽງຈັນ ພາຍໃຕ້ການເປັນປະທານຂອງທ່ານ ໄພວັນ ບັນດາສັກ ຮອງຜູ້ອໍານວຍການວິທະຍາໄລດົງຄໍາຊ້າງ, ມີບັນດາຄະນະອໍານວຍການ, ຫົວໜ້າພາກວິຊາ- ຮອງພາກວິຊາ ແລະ ວິຊາການພາຍໃນວິທະຍາໄລເຂົ້າຮ່ວມ. ວິທະຍາໄລຄູ ດົງຄຳຊ້າງ ໄດ້ປັບດັດວິທີການຈັດຕັ້ງປະຕິບັດ ຫຼັກສູດສ້າງຄູກ່ອນໄວຮຽນ ແລະ ຄູປະຖົມ ພາກຕໍ່ເນື່ອງລະດັບອະນຸປະລິນຍາ ແລະ ປະລິນຍາຕີ […]

ດັ່ງຄຳສຸພາສິດບູຮານທີ່ວ່າ “ຄວາມພະຍາຍາມຢູ່ບ່ອນໃດ, ຄວາມສຳເລັດຢູ່ບ່ອນນັ້ນ” ຍັງຄົງເປັນສັດຈະທຳທີ່ຖືກ ພິສູດໃຫ້ເຫັນຢູ່ສະເໝີໃນທຸກຍຸກທຸກສະໄໝ. ໃນໂລກແຫ່ງການສຶກສາ, ຄວາມເກັ່ງກ້າສາມາດບໍ່ໄດ້ເກີດຂຶ້ນມາພຽງຂ້າມຄືນ ແລະ ບໍ່ໄດ້ມາດ້ວຍຄວາມບັງເອີນ ແຕ່ມັນແມ່ນໝາກຜົນຂອງການຝຶກຝົນຫຼໍ່ຫຼອມ, ຄວາມມີວິໄນ ແລະ ຄວາມອົດທົນທີ່ສະເໝີຕົ້ນສະເໝີປາຍ. ຫວ່າງບໍ່ດົນມານີ້, ຂົງເຂດວຽກງານຂະແໜງການສຶກສາ, ວິທະຍາສາດ ແລະ ກິລາ ຂອງ ສປປ ລາວ ເຮົາ ເວົ້າລວມ, ເວົ້າສະເພາະແມ່ນແຂວງຄຳມ່ວນ ໄດ້ຮ່ວມສະແດງຄວາມຍິນດີຢ່າງສຸດຊຶ້ງກັບຜົນສຳເລັດອັນສະຫງ່າງາມຂອງ ນາງ ມິລິນ ເກດສຸຍາ ນັກຮຽນເກັ່ງວິຊາຟີຊິກສາດ ຊັ້ນ ມ.7 ຈາກ ໂຮງຮຽນ ມ.ປາຍ ທ່າແຂກ ທີ່ສາມາດຄວ້າລາງວັນອັນດັບທີ 3 ໃນການສອບເສັງນັກຮຽນເກັ່ງລະດັບຊາດ ປະຈຳສົກຮຽນ 2025-2026. ນີ້ບໍ່ແມ່ນພຽງແຕ່ໄຊຊະນະສ່ວນຕົວເທົ່ານັ້ນ ແຕ່ແມ່ນບົດຮຽນອັນລ້ຳຄ່າທີ່ສົ່ງຕໍ່ເປັນແຮງບັນດານໃຈໃຫ້ແກ່ເພື່ອນນັກຮຽນໃນຂອບເຂດທົ່ວປະເທດ. ໂດຍຜົນງານຂອງ ນ້ອງມິລິນ ເກດສຸຍາ ເປັນຫຼັກຖານຢັ້ງຢືນເຖິງພັດທະນາການ ແລະ ຄວາມໝັ້ນຄົງໃນການຮຽນຮູ້. ຫາກເຮົາຫວນກັບໄປເບິ່ງເສັ້ນທາງການທົດສອບໃນແຕ່ລະຂັ້ນ ຈະເຫັນໄດ້ວ່າຄະແນນ ແລະ ຕຳແໜ່ງທີ່ນ້ອງໄດ້ຮັບນັ້ນລ້ວນແຕ່ຢູ່ໃນລະດັບແຖວໜ້າຢ່າງສະເໝີຕົ້ນສະເໝີປາຍ: -ຂັ້ນໂຮງຮຽນ ອັນດັບທີ 1 […]

ຫ້ອງການສຶກສາທິການ ແລະ ກິລາ ເມືອງຊົນນະບູລີ ແຂວງສະຫວັນນະເຂດ ໄດ້ຖະແຫຼງຄວາມພ້ອມ ແລະ ວາງຄາດໝາຍສູ້ຊົນສຳລັບບັ້ນການສອບເສັງເລື່ອນຂັ້ນ ແລະ ຈົບຊັ້ນ ພາກຮຽນທີ II ປະຈຳສົກຮຽນ 2025-2026 ເພື່ອຮັບປະກັນຄຸນນະພາບການສຶກສາ ແລະ ຍົກລະດັບການພັດທະນາຊັບພະຍາກອນມະນຸດພາຍໃນທ້ອງຖິ່ນ. ທ່ານ ກໍລະກັນ ໄຊຍະລິນ ກຳມະການພັກເມືອງ, ຫົວໜ້າຫ້ອງການສຶກສາທິການ ແລະ ກິລາ ເມືອງຊົນນະບູລີ ໄດ້ໃຫ້ສຳພາດວ່າ: ໃນສົກຮຽນນີ້ ທົ່ວເມືອງ ຊັ້ນປະຖົມສຶກສາ ມີໂຮງຮຽນທັງໝົດ 89 ແຫ່ງ, ມີນັກຮຽນຊັ້ນ ປ.1 – ປ.5 ທັງໝົດ 7,323 ຄົນ (ຍິງ 3,618 ຄົນ); ຊັ້ນມັດທະຍົມສຶກສາຕອນຕົ້ນ (ມ.1 – ມ.4) ມີໂຮງຮຽນທັງໝົດ 18 ແຫ່ງ, ມີນັກຮຽນທັງໝົດ 1,926 ຄົນ (ຍິງ 1,030 ຄົນ); […]

ໃນເຂດຊົນນະບົດທີ່ຫ່າງໄກຂອງແຂວງຫຼວງພະບາງ, ເລື່ອງລາວຂອງເດັກຍິງອາຍຸ 11 ປີ ຄົນໜຶ່ງ ທີ່ຊື່ວ່າ “ນ້ອງສອນ” ກຳລັງກາຍເປັນບົດຮຽນອັນລ້ຳຄ່າ ທີ່ສະທ້ອນໃຫ້ພວກເຮົາເຫັນວ່າ “ການສຶກສາ” ບໍ່ແມ່ນພຽງແຕ່ການຮຽນໜັງສື, ແຕ່ມັນຄືການປົກປ້ອງອະນາຄົດ ແລະ ຄວາມຝັນຂອງເດັກນ້ອຍຄົນໜຶ່ງ ຈາກມໍລະສຸມຂອງຊີວິດ.ເມື່ອຟ້າຝົນບໍ່ເປັນໃຈ ວິກິດທີ່ເກືອບເຮັດໃຫ້ຄວາມຝັນຢຸດສະງັກ ນ້ອງສອນ ນັກຮຽນຊັ້ນປະຖົມສຶກສາປີທີ 5 (ປ.5) ຜູ້ທີ່ມີຄວາມມຸ່ງໝັ້ນ, ແຕ່ຊີວິດພັດຖືກທົດສອບດ້ວຍບັນຫາຄອບຄົວ ແລະ ຄວາມຫຍຸ້ງຍາກທາງດ້ານການເງິນທີ່ທັບຖົມເຂົ້າມາ. ຄວາມຈຳເປັນບັງຄັບໃຫ້ນ້ອງຕ້ອງຍ້າຍໄປອາໄສຢູ່ກັບພີ່ນ້ອງຢູ່ຕ່າງເມືອງ, ເຮັດໃຫ້ເສັ້ນທາງການສຶກສາຂອງນ້ອງຖືກຕັດຂາດລົງ. ການປະລະການຮຽນໃນມື້ນັ້ນ ບໍ່ໄດ້ໝາຍເຖິງພຽງແຕ່ການຂາດຮຽນ, ແຕ່ມັນຄືການກ້າວເຂົ້າສູ່ “ຄວາມສ່ຽງ” ທີ່ໜ້າເປັນຫ່ວງ ທັງການຖືກໃຊ້ແຮງງານເດັກກ່ອນໄວອັນຄວນ ຫຼື ແມ່ນແຕ່ການແຕ່ງງານກ່ອນໄວ ທີ່ອາດຈະປ່ຽນຊີວິດຂອງເດັກຍິງຄົນນີ້ໄປຕະຫຼອດການ.ຍ້ອນຄວາມເອົາໃຈໃສ່ທີ່ປ່ຽນຊີວິດ: ບົດບາດຂອງ “ຄູ” ທີ່ຫຼາຍກວ່າຜູ້ສອນ ໃນຂະນະທີ່ແສງສະຫວ່າງຂອງໂອກາດກຳລັງຈະມອດລົງ, “ຄູປະຈຳຊັ້ນ” ຂອງນ້ອງສອນ ໄດ້ກາຍເປັນຜູ້ນຳທາງທີ່ສຳຄັນ. ດ້ວຍຄວາມເປັນຫ່ວງເປັນໄຍ ແລະ ສັງເກດເຫັນການຂາດຮຽນທີ່ຜິດປົກກະຕິ, ຄູບໍ່ໄດ້ປ່ອຍປະລະເລີຍ ແຕ່ໄດ້ເລີ່ມຕົ້ນສືບຖາມ ແລະ ປະສານຫາຄອບຄົວທັນທີ. ສິ່ງທີ່ເຮັດໃຫ້ການຊ່ວຍເຫຼືອຄັ້ງນີ້ມີປະສິດທິພາບ ແມ່ນຍ້ອນຄູໄດ້ຜ່ານການຝຶກອົບຮົມດ້ານການຄຸ້ມຄອງກໍລະນີ (Case Management) ຈາກໂຄງການປົກປ້ອງເດັກເພື່ອປ້ອງກັນການໃຊ້ແຮງງານເດັກ (Child […]

ໃນລະຫວ່າງວັນທີ 13-16 ພຶດສະພາ 2026, ຄະນະຜູ້ແທນຈາກກະຊວງສຶກສາທິການ ແລະ ກິລາ (ສສກ) ນໍາໂດຍ ທ່ານ ຮສ.ປອ ຫລ້າວັນ ວົງຄໍາສານ, ຄະນະປະຈຳພັກກະຊວງ, ຫົວໜ້າຫ້ອງການ ກະຊວງ ສສກ ແລະ ທ່ານ ອະນຸແພງ ແກ້ວວົງສາ ຮອງຫົວໜ້າກົມແຜນການ ກະຊວງ ສສກ, ທ່ານ ໄມເຄິນ ດຣາບໂບ (Michael Drabble) ນັກເສດຖະສາດອາວຸໂສ ແລະ ທ່ານ ລໍຣີ ບິນໂນເນັນ (Lauri Binonen) ຊ່ຽວຊານອາວຸໂສດ້ານການສຶກສາ ຈາກທະນາຄານໂລກ ໄດ້ລົງຢ້ຽມຢາມ ແລະ ຕິດຕາມການຈັດຕັ້ງປະຕິບັດ ໂຄງການກອງທຶນຮ່ວມມືສາກົນເພື່ອການສຶກສາ ໄລຍະ 3 ຫຼື ໂຄງການ “ການຮຽນຮູ້ ແລະ ຄວາມເທົ່າທຽມ” (GPE III-LEAP) ຢູ່ບັນດາເມືອງເປົ້າໝາຍໃນແຂວງສະຫວັນນະເຂດ. ການລົງເຄື່ອນໄຫວໃນຄັ້ງນີ້ ແມ່ນເພື່ອຕິດຕາມຄວາມຄືບໜ້າ ແລະ […]

ໃນວັນທີ 13 ພຶດສະພາ 2026 ທີ່ພະແນກສຶກສາທິການ ແລະ ກິລາແຂວງບໍລິຄຳໄຊ ໄດ້ມີພິທີພົບປະແລກປ່ຽນບົດຮຽນ ແລະ ລົງນາມບົດບັນທຶກຄວາມຮ່ວມມື ລະຫວ່າງ ພະແນກສຶກສາທິການ ແລະ ກິລາແຂວງບໍລິຄຳໄຊ ແລະ ສະມາຄົມມິດຕະພາບຫວຽດນາມ-ລາວ ປະຈຳແຂວງຖາຍຫງວຽນ ສສ ຫວຽດນາມ ເຊິ່ງຝ່າຍແຂວງບໍລິຄຳໄຊ ນຳໂດຍ ທ່ານ ໂພເພັດ ກຸນນາວົງ ຮອງຫົວໜ້າພະແນກສຶກສາທິການ ແລະ ກິລາແຂວງ ແລະ ຝ່າຍແຂວງຖາຍຫງວຽນ ນຳໂດຍ ສະຫາຍ ຫງວຽນ ກົງເຍືອງ ຮອງປະທານຜູ້ປະຈຳການ ສະມາຄົມມິດຕະພາບຫວຽດນາມ-ລາວ ປະຈຳແຂວງຖາຍຫງວຽນ ພ້ອມດ້ວຍຄະນະຜູ້ແທນທັງສອງຝ່າຍເຂົ້າຮ່ວມ. ກອງປະຊຸມໄດ້ປຶກສາຫາລື ແລະ ແລກປ່ຽນບົດຮຽນກ່ຽວກັບການຮ່ວມມືກໍ່ສ້າງ ແລະ ພັດທະນາຊັບພະຍາກອນມະນຸດ ໂດຍເນັ້ນໃສ່ການເຊື່ອມໂຍງລະຫວ່າງບັນດາໂຮງຮຽນວິທະຍາໄລ ເສດຖະກິດ-ເຕັກນິກ ຂອງແຂວງຖາຍຫງວຽນ ກັບແຂວງບໍລິຄຳໄຊ. ໃນໂອກາດນີ້, ຝ່າຍແຂວງຖາຍຫງວຽນ ໄດ້ເຫັນດີມອບທຶນການສຶກສາໃຫ້ແກ່ນັກສຶກສາແຂວງບໍລິຄຳໄຊ ເພື່ອໄປສຶກສາຕໍ່ໃນສົກຮຽນ 2026-2027 ດັ່ງນີ້: ວິທະຍາໄລທ່ອງທ່ຽວດາລາດ ມອບທຶນການສຶກສາ ຈຳນວນ […]

ພິທີມອບ-ຮັບປື້ມ ທີ່ມີຊື່ວ່າ “ຊີວິດຄືການເດີນທາງ ຫາກຂາດໂອກາດ ຄວາມສາມາດ ກໍບໍ່ເປັນປະໂຫຍດ” ໄດ້ມີຂຶ້ນເມື່ອວັນທີ 15 ພຶດສະພາ 2026 ໂດຍໃຫ້ກຽດມອບຂອງທ່ານ ພັນຄຳ ວິພາວັນ ອະດີດນາຍົກລັດຖະມົນຕີ, ອະດີດລັດຖະມົນຕີກະຊວງສຶກສາທິການ ແລະ ກິລາ ແລະ ຮັບໂດຍ ທ່ານ ປອ ວົງເພັດ ອຸດົມລິດ ຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ (ສວສ), ມີຜູ້ຕາງໜ້າຈາກສູນ ແລະ ພະນັກງານທີ່ກ່ຽວຂ້ອງເຂົ້າຮ່ວມ. ສຳລັບການມອບ ແລະ ເນື້ອໃນສຳຄັນຂອງປື້ມ ແມ່ນຜົນງານການຮິບໂຮມປະສົບການ ການຖ່າຍທອດເລື່ອງລາວຊີວິດຈິງ ແລະ ຄວາມຊົງຈຳຂອງທ່ານ ພັນຄຳ ວິພາວັນ ນັບຕັ້ງແຕ່ສະໄໝຍັງເຍົາໄວ, ວິຖີການດຳລົງຊີວິດ, ຈົນເຖິງໄລຍະການປະຕິບັດໜ້າທີ່ວຽກງານຮັບໃຊ້ປະເທດຊາດໃນຕຳແໜ່ງອັນສູງສົ່ງ ກ່ອນທີ່ທ່ານຈະພັກຜ່ອນຮັບບໍານານ. ໂອກາດດັ່ງກ່າວ, ທ່ານ ພັນຄຳ ວິພາວັນ ໄດ້ເນັ້ນຢ້ຳວ່າ ການມອບປື້ມໃນຄັ້ງນີ້ ມີສອງສ່ວນສຳຄັນ ຄື: ສ່ວນໜຶ່ງແມ່ນມອບໃຫ້ສະຖາບັນຄົ້ນຄວ້າວິທະຍາສາດການສຶກສາ (ສວສ) ເພື່ອເປັນເອກະສານອ້າງອີງ ແລະ ສ່ວນທີສອງແມ່ນຈຳນວນ 100 […]