ໃນວັນທີ 28 ພຶດສະພາ 2026 ນີ້, ສູນຝຶກກິລາແຫ່ງຊາດ ໄດ້ຈັດກອງປະຊຸມຝຶກອົບຮົມວຽກງານສະກັດກັ້ນ ແລະ ຕ້ານອັກຄີໄພ ໃຫ້ແກ່ພະນັກງານ, ຄູ-ອາຈານ ແລະ ນັກຮຽນ-ນັກສຶກສາ ທົ່ວສະຖາບັນກິລາ-ກາຍຍະກຳ ເພື່ອສ້າງຄວາມຮ່ວມມື ແລະ ກຽມພ້ອມຮັບມືກັບເຫດການສຸກເສີນ, ໃຫ້ກຽດເຂົ້າຮ່ວມເປັນປະທານໂດຍ ທ່ານ ປອ ສອນເພັດ ຈັນດານຸວົງ, ຮອງຜູ້ອຳນວຍການສະຖາບັນກິລາ-ກາຍຍະກຳ, ມີຄະນະວິທະຍາກອນຜູ້ມີປະສົບການຈາກພະແນກຕຳຫຼວດ ປ້ອງກັນ, ສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນ ນຳໂດຍ ທ່ານ ພັຕ ບຸນມີ ແສງອາລຸນ, ຮອງກອງໂຄສະນາ ແລະ ທ່ານ ພັຕ ທີລະສັກ ສີຫາພົນ, ຮອງກອງໂຄສະນາ. ນອກນັ້ນ ຍັງມີບັນດາທ່ານຫົວໜ້າພະແນກ, ຮອງຫົວໜ້າພະແນກ, ຫົວໜ້າຂະແໜງ, ຫົວໜ້າໜ່ວຍງານ, ຮອງຫົວໜ້າໜ່ວຍງານ, ພະນັກງານ, ຄູ-ອາຈານ ຕະຫຼອດຮອດນ້ອງໆນັກຮຽນ ແລະ ນັກສຶກສາ ເຂົ້າຮ່ວມຢ່າງພ້ອມພຽງ. ການຈັດຝຶກອົບຮົມໃນຄັ້ງນີ້ ມີຈຸດປະສົງສຳຄັນເພື່ອຍົກສູງຄວາມຮູ້ຄວາມເຂົ້າໃຈ […]

ໃນຕອນເຊົ້າວັນທີ 1 ມິຖຸນາ 2026 ນີ້, ທີ່ຫ້ອງປະຊຸມພະແນກສຶກສາທິການ ແລະ ກິລາ (ສກຂ) ແຂວງຜົ້ງສາລີ ໄດ້ຈັດກອງປະຊຸມປຶກສາຫາລືກ່ຽວກັບການກະກຽມຄວາມພ້ອມສອບເສັງຈົບຊັ້ນມັດທະຍົມສຶກສາຕອນຕົ້ນ ມ.4 ແລະ ຕອນປາຍ ມ.7 ປະຈໍາສົກຮຽນ 2025-2026 ຢ່າງເປັນທາງການ, ໃຫ້ກຽດເປັນປະທານໂດຍ ທ່ານ ຄໍາເພັດ ຈິດປັນຍາ, ກໍາມະການພັກແຂວງ, ຫົວໜ້າພະແນກສຶກສາທິການ ແລະ ກິລາແຂວງ, ທັງເປັນຮອງປະທານຄະນະຮັບຜິດຊອບຊີ້ນໍາລວມ ແລະ ຕັດສິນຜົນການສອບເສັງຂັ້ນແຂວງ, ມີ ທ່ານ ຊາຍຄໍາ ຍືນສົມບັດ, ຮອງຫົວໜ້າພະແນກ ສກຂ ແຂວງ, ຜູ້ຮັບຜິດຊອບວຽກງານວິຊາການ, ພ້ອມດ້ວຍບັນດາທ່ານອະນຸກໍາມະການສອບເສັງຈາກແຕ່ລະພາກສ່ວນເຂົ້າຮ່ວມທັງໝົດ 25 ທ່ານ, ຍິງ 10 ທ່ານ. ໃນກອງປະຊຸມ, ຄະນະຮັບຜິດຊອບໄດ້ຜ່ານຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການແຕ່ງຕັ້ງຄະນະຊີ້ນໍາຂັ້ນແຂວງ, ຂໍ້ຕົກລົງຂອງປະທານຄະນະກໍາມະການຊີ້ນໍາຂັ້ນແຂວງ ວ່າດ້ວຍການແຕ່ງຕັ້ງອະນຸກໍາມະການຝ່າຍຕ່າງໆ, ລະບຽບການສອບເສັງ ແລະ ການເຄື່ອນໄຫວຂອງຄະນະສະເພາະກິດ. ພ້ອມດຽວກັນນັ້ນ, ຍັງໄດ້ຮ່ວມກັນສະຫຼຸບ […]

ແຂວງຈຳປາສັກ ກຽມພ້ອມຮອບດ້ານໃນການຈັດຕັ້ງການສອບເສັງຈົບຊັ້ນມັດທະຍົມສຶກສາ ມ.4 ແລະ ມ.7 ເອກະພາບທົ່ວປະເທດ ປະຈຳສົກຮຽນ 2025-2026 ໂດຍເນັ້ນໃສ່ຄວາມຍຸຕິທຳ, ໂປ່ງໃສ, ປອດໄພ ແລະ ຮັບປະກັນຄຸນນະພາບຢ່າງເຂັ້ມງວດ. ໃນວັນທີ 3 ມິຖຸນາ 2026, ທ່ານ ປະລິນຍາເອກ ພູວົງ ອະໄພ ກຳມະການພັກແຂວງ, ຫົວໜ້າພະແນກສຶກສາທິການ ແລະ ກິລາແຂວງຈຳປາສັກ ໄດ້ໃຫ້ກຽດຖະແຫຼງຂ່າວຕໍ່ສື່ມວນຊົນວ່າ: ໃນນາມພະແນກສຶກສາທິການ ແລະ ກິລາແຂວງຈຳປາສັກ ຂ້າພະເຈົ້າຂໍສະແດງຄວາມຍ້ອງຍໍຊົມເຊີຍ ແລະ ຂອບໃຈຢ່າງຈິງໃຈມາຍັງສື່ມວນຊົນແຂວງຈຳປາສັກ ແລະ ສື່ມວນຊົນຂະແໜງການສຶກສາ-ກິລາ ທີ່ໄດ້ເຮັດໜ້າທີ່ເປັນຂົວຕໍ່ຂໍ້ມູນຂ່າວສານອັນສຳຄັນໃນຄັ້ງນີ້. ພ້ອມກັນນັ້ນ, ທ່ານຍັງໄດ້ສົ່ງຄວາມຢ້ຽມຢາມຖາມຂ່າວອັນອົບອຸ່ນ ແລະ ຄວາມປາດຖະໜາດີມາຍັງ ພໍ່ແມ່ຜູ້ປົກຄອງ, ຄູ-ອາຈານ ແລະ ນ້ອງນັກຮຽນທຸກໆຄົນ ທີ່ກຳລັງຈະກ້າວເຂົ້າສູ່ບາດລ້ຽວອັນສຳຄັນຂອງຊີວິດການຮຽນ ໃນການສອບເສັງຈົບຊັ້ນມັດທະຍົມຕອນຕົ້ນ (ມ.4) ແລະ ຕອນປາຍ (ມ.7) ທີ່ກຳລັງຈະມາເຖິງນີ້. ພາຍໃຕ້ແສງສະຫວ່າງຂອງແນວທາງນະໂຍບາຍໄລຍະໃໝ່ຂອງພັກ ແລະ ລັດຖະບານ ທີ່ຖືເອົາ “ການສຶກສາເປັນໃຈກາງຂອງການພັດທະນາຊັບພະຍາກອນມະນຸດ […]

ໂຮງຮຽນອະນຸບານກະຊວງສຶກສາທິການ ແລະ ກິລາ ໄດ້ຈັດກິດຈະກໍາສະແດງສິລະປະ-ວັນນະຄະດີຫຼາຍລາຍການ ເນື່ອງໃນໂອກາດສ້າງຂະບວນການສະເຫຼີມສະຫຼອງວັນເດັກນ້ອຍສາກົນ ປະຈໍາປີ 2026 ຢ່າງຄືກຄື້ນ ຂຶ້ນໃນວັນທີ 29 ພຶດສະພາ 2026 ທີ່ໂຮງຮຽນດັ່ງກ່າວ ໂດຍເປັນກຽດເຂົ້າຮ່ວມຂອງທ່ານ ສົມໝາຍ ສີຫາວົງ ຮອງຜູ້ອໍານວຍການສໍານັກພິມສຶກສາ-ກິລາ ກະຊວງສຶກສາທິການ ແລະ ກິລາ ແລະ ທ່ານ ນາງ ຈູມມະລີ ສິດທິສັກ ວ່າການແທນຜຸ້ອໍານວຍການໂຮງຮຽນອະນຸບານກະຊວງສຶກສາທິການ ແລະ ກິລາ ພ້ອມດ້ວຍຄະນະອໍານວຍການໂຮງຮຽນ, ຕາງໜ້າຈາກກະຊວງສຶກສາທິການ ແລະ ກິລາ, ພະນັກງານ, ຄູອາຈານ, ພໍ່ແມ່ຜຸ້ປົກຄອງ ແລະ ນ້ອງນ້ອຍນັກຮຽນເຂົ້າຮ່ວມຢ່າງມ່ວນຊື່ນ. ໃນພິທີໄດ້ຮັບຊົມການສະແດງສິລະປະ-ວັນນະຄະດີຂອງນ້ອງນ້ອຍນັກຮຽນແຕ່ລະຊັ້ນຮຽນເຖິງ 10 ກວ່າລາຍການ ພ້ອມທັງໄດ້ຮັບຟັງການເລົ່າປະຫວັດຄວາມເປັນມາວັນເດັກນ້ອຍສາກົນ ແລະ ກໍໄດ້ມີພິທີມອບໃບຢັ້ງຢືນການຮຽນໃຫ້ນ້ອງນັກຮຽນທີ່ຈົບຊັ້ນອະນຸບານ 3 ຈໍານວນ 40 ນ້ອງ, ຍິງ 20 ນ້ອງ ພ້ອມທັງແຈກຢາຍເຂົ້າໜົມ ແລະ ອວຍພອນວັນເດັກ, ຮັບຊົມຮັບຟັງການເລົ່າກາບກອນສັ່ງລາຂອງນັກຮຽນຊັ້ນອະນຸບານ 3 […]

​”ປູກຕົ້ນໄມ້ໃນມື້ນີ້ ເພື່ອອະນາຄົດທີ່ສົດໃສ ຂອງນ້ອງນ້ອຍເຍົາວະຊົນໃນວັນໜ້າ” ​ວັນທີ 1 ມິຖຸນາ ຂອງທຸກໆປີ ແມ່ນວັນທີ່ມີຄວາມໝາຍຄວາມສຳຄັນຢ່າງສຸດຊຶ້ງສຳລັບທົ່ວປວງຊົນລາວທັງຊາດ ເພາະມັນແມ່ນການປະສານສົມທົບກັນລະຫວ່າງ ວັນເດັກນ້ອຍສາກົນ ຄົບຮອບ 102 ປີ (1 ມິຖຸນາ 1924 – 1 ມິຖຸນາ 2026) ແລະ ວັນປູກຕົ້ນໄມ້ແຫ່ງຊາດ ຄົບຮອບ 46 ປີ (1 ມິຖຸນາ 1980 – 1 ມິຖຸນາ 2026). ​ໃນໂອກາດອັນສະຫງ່າລາສີນີ້, ພວກເຮົາຂໍສະແດງຄວາມຊົມເຊີຍຢ່າງສຸດໃຈ ແລະ ຮຽກຮ້ອງມາຍັງທຸກພາກສ່ວນໃນສັງຄົມ ຈົ່ງພ້ອມກັນສ້າງ “ໂລກທີ່ຂຽວງາມ ແລະ ສົດໃສ” ໃຫ້ແກ່ໜໍ່ແໜງອະນາຄົດຂອງຊາດ. ​1. ບົວລະບັດຮັກສາເດັກນ້ອຍ: ປຽບເໝືອນການຫົດນ້ຳພູນດິນໃຫ້ເບ້ຍໄມ້ຈຸນ້ອຍ: ​ເດັກນ້ອຍໃນມື້ນີ້ ຄືກັບ “ເບ້ຍໄມ້” ທີ່ຫາກໍງອກງາມຂຶ້ນມາໃໝ່. ພວກເຂົາຕ້ອງການຄວາມຮັກ, ຄວາມອົບອຸ່ນ, ການປົກປ້ອງເບິ່ງແຍງ, ແລະ ສິ່ງສຳຄັນທີ່ສຸດຄື “ການສຶກສາທີ່ມີຄຸນນະພາບ” ເພື່ອເປັນສານອາຫານຫຼໍ່ລ້ຽງສະຕິປັນຍາ. […]

​​ພາຍຫຼັງການກໍ່ສ້າງຫ້ອງນ້ຳ, ລະບົບນ້ຳບາດານ ແລະ ສະໂຕໂດ່ນ້ຳ ໄດ້ສຳເລັດເປັນທີ່ຮຽບຮ້ອຍ, ມາໃນວັນທີ 27 ພຶດສະພາ 2026 ຈຶ່ງໄດ້ຈັດພິທີມອບ-ຮັບສິ່ງອຳນວຍຄວາມສະດວກດັ່ງກ່າວຂຶ້ນຢ່າງເປັນທາງການ ທີ່ໂຮງຮຽນປະຖົມສົມບູນບ້ານປາກຮາງ ເມືອງເຟືອງ ແຂວງວຽງຈັນ, ​ໃຫ້ກຽດກ່າວມອບໂດຍ ທ່ານ ຕຽງສັກ ອິນທະວົງ ຫົວໜ້າອົງການໃຈບຸນສາກົນເດເຊເຣັດ ແລະ ກ່າວຮັບໂດຍ ທ່ານ ວັນສຸກ ລາດວົງໄຊ ຜູ້ອຳນວຍການໂຮງຮຽນປະຖົມສົມບູນປາກຮາງ, ເປັນກຽດເຂົ້າຮ່ວມເປັນສັກຂີພິຍານຂອງ ທ່ານ ຄຳຜາ ຫຼວງສາມາດ ຮອງເຈົ້າເມືອງເຟືອງ, ທ່ານ ຄຳຫຼ້າ ສີສຸວົງ ຫົວໜ້າພະແນກການຕ່າງປະເທດແຂວງ ແລະ ທ່ານ ບຸນມີ ກາຢົງ ຫົວໜ້າຫ້ອງການສຶກສາທິການ ແລະ ກິລາ ເມືອງເຟືອງ. ນອກນັ້ນ ຍັງມີນາຍບ້ານ, ຜູ້ອຳນວຍການໂຮງຮຽນ, ຄູ-ອາຈານ, ວິຊາການຈາກໂຄງການ ຕະຫຼອດຮອດນ້ອງນ້ອຍນັກຮຽນຢ່າງພ້ອມພຽງ. ​ທ່ານ ຕຽງສັກ ອິນທະວົງ ໄດ້ກ່າວໃຫ້ຮູ້ວ່າ: ໂຄງການກໍ່ສ້າງສິ່ງອໍານວຍຄວາມສະດວກໃຫ້ແກ່ 3 ໂຮງຮຽນໃນຄັ້ງນີ້ ປະກອບມີ: […]

ສາມອົງການຈັດຕັ້ງມະຫາຊົນ ກະຊວງສຶກສາທິການ ແລະ ກິລາ (ສສກ) ຈັດແຂ່ງຂັນຖາມ-ຕອບ ແລະ ສໍາມະນາວິທະຍາສາດ ສະຫຼອງ 3 ວັນປະຫວັດສາດ ປີ 2025 ເມື່ອວັນທີ 29 ພຶດສະພາ 2026 ທີ່ວິທະຍາໄລເຕັກນິກປາກປາສັກ ໂດຍໃຫ້ກຽດເຂົ້າຮ່ວມຂອງ ສະຫາຍ ສີພອນ ສີບຸນເຮືອງ ຮອງເລຂາຄະນະບໍລິຫານງານຊາວໜຸ່ມ ສສກ, ສະຫາຍ ຄໍາມະນີ ຫຼວງອະໄພ ຮອງຜູ້ອຳນວຍການວິທະຍາໄລເຕັກນິກປາກປ່າສັກ ແລະ ສະຫາຍ ສາຄອນ ອຳຄາວົງ ເລຂາຊາວໜຸ່ມຮາກຖານ ວິທະຍາໄລເຕັກນິກປາກປ່າສັກ, ມີຄະນະຮັບຜິດຊອບ, ຄູ-ອາຈານ, ນັກສຶກສາ ແລະ ພາກສ່ວນທີ່ກ່ຽວຂ້ອງເຂົ້າຮ່ວມດ້ວຍບັນຍາກາດຟົດຟື້ນ. ການຈັດງານໃນຄັ້ງນີ້, ກໍເພື່ອເປັນການຈັດຕັ້ງສະເຫຼີມສະຫຼອງສາມວັນປະຫວັດສາດຂອງຊາດ ແລະ ຂອງພັກ ປີ 2025 ກໍຄື: ວັນສ້າງຕັ້ງພັກປະຊາຊົນປະຕິວັດລາວ 70 ປີ (22/3/1955-22/3/2025); ວັນສະຖາປະນາ ສປປ ລາວ 50 ປີ […]

ເມື່ອວັນທີ 29 ພຶດສະພາ 2026 ທີ່ໂຮງຮຽນ ອະນຸບານ-ປະຖົມພົມສຸວັນ ເມືອງສີໂຄຕະບອງ ນະຄອນຫຼວງວຽງຈັນ ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2026 ໂດຍການເຂົ້າຮ່ວມຂອງທ່ານ ສັນຕິ ວັນນະສຸກ ຄະນະປະຈຳພັກເມືອງ, ຮອງປະທານຄະນະກຳມະການປົກຄອງເມືອງສີໂຄດຕະບອງ, ທ່ານ ຄຳສິງ ດວງດາລາ ຫົວໜ້າຫ້ອງການສຶກສາທິການ ແລະ ກິລາເມືອງ, ມີຜູ້ອຳນວຍການ, ຄູ-ອາຈານ, ນ້ອງໆນັກຮຽນ ແລະ ແຂກທີ່ຖືກເຊີນ ຈຳນວນ 526 ຄົນ, ຍິງ 328 ຄົນ ເຂົ້າຮ່ວມດ້ວຍບັນຍາກາດຟົດຟື້ນ. ໃນພິທີດັ່ງກ່າວ, ທ່ານຫົວໜ້າຫ້ອງການສຶກສາທິການ ແລະ ກິລາເມືອງ ໄດ້ຂຶ້ນຜ່ານປະຫວັດຄວາມເປັນມາຂອງວັນເດັກນ້ອຍສາກົນວ່າ: ວັນເດັກໃນແຕ່ລະປີ ແມ່ນເຫດການພິເສດໜຶ່ງທີ່ມີຄວາມໝາຍຄວາມສຳຄັນຕໍ່ເດັກຈຸດປະສົງແມ່ນແນໃສ່ຊຸກຍູ້ສົ່ງເສີ່ມ, ພັດທະນາ ແລະ ປົກປ້ອງເດັກໃນທົ່ວໂລກ, ຍ້ອນເຫັນໄດ້ຄວາມສຳຄັນຂອງເດັກ ທີ່ເປັນອະນາຄົດຂອງຊາດ, ເປັນເມັດພືດ, ເປັນໜໍ່ແໜງທຶນຮອນແຫ່ງຊີວິດໃນມື້ນີ້ ເພື່ອກາຍເປັນອະນາຄົດອັນແຈ່ມໃສຂອງປະເທດຊາດໃນມື້ໜ້າ, ບັນນດາປະຊາຊາດໃນທົ່ງໂລກ ຈຶ່ງໄດ້ສະເຫຼີມສະຫຼອງວັນເດັກນ້ອຍສາກົນ […]