ສະຫາຍ ບຸນໂຈມ ອຸບົນປະເສີດ ກໍາມະການສູນກາງພັກ, ເລຂາຄະນະບໍລິຫານງານພັກແຂວງສະຫວັນນະເຂດ ໄດ້ໃຫ້ສໍາພາດຕໍ່ສື່ມວນຊົນໃນວັນທີ 6 ມັງກອນ 2026 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໃນໂອກາດເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ວ່າ: ໃນນາມຕາງໜ້າອົງຄະນະພັກແຂວງສະຫວັນນະເຂດ ຮູ້ສຶກພາກພູມໃຈທີ່ສຸດທີ່ໄດ້ຮັບກຽດເປັນຕົວແທນໃຫ້ປະຊາຊົນບັນດາເຜົ່າ, ສະມາຊິກພັກທົ່ວແຂວງ ຊຶ່ງແຂວງສະຫວັນນະເຂດ ໄດ້ສ້າງຂະບວນການທີ່ຍິ່ງໃຫຍ່ ເພື່ອຂໍ່ານັບຮັບຕ້ອນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ.   ສະຫາຍ ບຸນໂຈມ ອຸບົນປະເສີດ ໃຫ້ຮູ້ວ່າ: ກ່ຽວກັບວຽກງານການຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ພາຍໃນແຂວງສະຫວັນນະເຂດ ພົ້ນເດັ່ນທີ່ສຸດໄດ້ນໍາເອົາມະຕິດັ່ງກ່າວມາຜັນຂະຫຍາຍເປັນໂຄງການລະອຽດ ໂດຍສະເພາະເນັ້ນໃສ່ການແກ້ໄຂຄວາມທຸກຍາກຂອງປະຊາຊົນ ແກ້ໄຂການຜະລິດຂອງປະຊາຊົນໃຫ້ເປັນສິນຄ້າ. ຕະຫຼອດໄລຍະ 5 ປີ ຜ່ານມາ ຖືວ່າຜົນສໍາເລັດອັນຍິ່ງໃຫຍ່ໄດ້ແກ້ໄຂຄວາມທຸກຍາກຂອງປະຊາຊົນພາຍໃນແຂວງ ຊຶ່ງສາມາດລົບລ້າງໄດ້ 5 ເມືອງເປັນເມືອງພົ້ນທຸກ ສາມາດແກ້ໄຂບັນດາຈຸດສຸມປະຊາຊົນທີ່ທຸກຍາກ ປະຊາຊົນທີ່ຢູ່ເຂດຫ່າງໄກສອກຫຼີກ ນໍາພາປະຊາຊົນຜະລິດເປັນສິນຄ້າ. ໄລຍະຜ່ານມາພົ້ນເດັ່ນທີ່ສຸດແມ່ນການຜະລິດເຂົ້າເປັນສິນຄ້າສະເລ່ຍເກືອບລ້ານໂຕນຕໍ່ປີ; ການຜະລິດເປັນສິນຄ້າສົ່ງອອກໂດຍສະເພາະແມ່ນການປູກໄມ້ອຸດສາຫະກໍາຂອງປະຊາຊົນສະໜອງໃຫ້ໂຮງງານເຈ້ຍ ເພາະຄວາມຕ້ອງການຜະລິດຕະພັນໄມ້ສໍາລັບປ້ອນໂຮງງານປະມານ 1 ລ້ານຫ້າແສນໂຕນຕໍ່ປີ […]

ອົງຄະນະພັກແຂວງອຸດົມໄຊ ໄດ້ກໍານົດວິໄສທັດ, ຍຸດທະສາດ ແລະ ແຜນການ ໃນການພັດທະນາແຂວງອຸດົມໄຊ ຕາມທິດ 4 ໃຈກາງ ຄື: ໃຈກາງທາງດ້ານປ້ອງກັນຊາດ- ປ້ອງກັນຄວາມສະຫງົບ, ໃຈກາງທາງດ້ານເສດຖະກິດ, ໃຈກາງທາງດ້ານວັດທະນະທໍາ-ສັງຄົມ ແລະ ໃຈກາງການບໍລິການ ແລະ ການທ່ອງທ່ຽວ ໂດຍສະເພາະດ້ານເສດຖະກິດ ແມ່ນໄດ້ສຸມໃສ່ພັດທະນາຕາມ 4 ທ່າແຮງຫລັກ ຄື: ພັດທະນາດ້ານກະສິກໍາ ຕິດພັນກັບການປຸງແຕ່ງ ແລະ ການສົ່ງອອກພັດທະນາດ້ານອຸດສາຫະກໍາປຸງແຕ່ງ ແລະ ພະລັງງານສະອາດ, ພັດທະນາດ້ານການບໍລິການ-ການທ່ອງທ່ຽວ ແລະ ພັດທະນາ ດ້ານການຂົນສົ່ງທາງບົກ ເຊື່ອມຕໍ່ເສັ້ນທາງລົດໄຟ ລາວ-ຈີນ.   ສະຫາຍ ບຸນຄົງ ຫຼ້າຈຽມພອນ ກຳມະການສຳຮອງສູນກາງພັກ, ເລຂາຄະນະບໍລິຫານງານພັກແຂວງອຸດົມໄຊ ໄດ້ປະກອບຄໍາເຫັນຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໃນວັນທີ 6 ມັງກອນ 2026 ໃນຫົວຂໍ້: “ບົດຮຽນການສົ່ງເສີມການລົງທຶນພາຍໃນ ແລະ ຕ່າງປະເທດ ຢູ່ແຂວງອຸດົມໄຊ” ໂດຍສະຫາຍໄດ້ຍົກໃຫ້ເຫັນຜົນງານ […]

ຕະຫຼອດໄລຍະ 5 ປີ ຜ່ານການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ດ້ວຍຄວາມຮັບຜິດຊອບສູງ ແລະ ເຮັດສຳເລັດໜ້າທີ່ການເມືອງຂອງຕົນຢ່າງໜ້າເພິ່ງພໍໃຈ, ເຖິງວ່າຈະພົບກັບຄວາມຫຍຸ້ງຍາກ ແລະ ອຸປະສັກນານາປະການ ແຕ່ພາຍໃຕ້ການນໍາພາ-ຊີ້ນຳໂດຍກົງ, ເດັດຂາດ ແລະ ຮອບດ້ານຂອງພັກ ຊຶ່ງມີຄະນະກຳມະການ ປກຊ-ປກສ ສູນກາງ ເປັນຜູ້ຊີ້ນໍາ, ບັນຊາໂດຍກົງ ບວກກັບຄວາມເປັນເອກະພາບສູງຂອງຄະນະພັກສອງກະຊວງ, ຄວາມພະຍາຍາມບຸກບືນ, ສູ້ຊົນຂອງຄະນະພັກແຕ່ລະຂັ້ນ ແລະ ການສະໜັບສະໜູນຈາກບັນດາຂະແໜງການອ້ອມຂ້າງສູນກາງ, ອົງການປົກຄອງທ້ອງຖິ່ນ, ປະຊາຊົນລາວບັນດາເຜົ່າ ແລະ ການຮ່ວມມືຂອງປະເທດເພື່ອນມິດຍຸດທະສາດ, ໄດ້ເຮັດໃຫ້ການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ກໍຄື ແນວທາງປ້ອງກັນຊາດ-ປ້ອງກັນຄວາມສະຫງົບ ໄດ້ຮັບການຈັດຕັ້ງປະຕິບັດຢ່າງຕັ້ງໜ້າ, ຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບໂດຍພື້ນຖານ, ສ້າງເງື່ອນໄຂອໍານວຍຄວາມສະດວກໃຫ້ແກ່ການພັດທະນາເສດຖະກິດ-ສັງຄົມ ໄດ້ດໍາເນີນໄປຢ່າງຕໍ່ເນື່ອງ.   ສະຫາຍ ພົທ ຄໍາລຽງ ອຸທະໄກສອນ ກຳມະການສູນກາງພັກ, ລັດຖະມົນຕີກະຊວງປ້ອງກັນປະເທດ ໄດ້ລາຍງານຕໍ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໃນວັນທີ 6 ມັງກອນ 2026 ວ່າ: […]

ສະຫາຍ ທອງລີ ສີສຸລິດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ໄດ້ໃຫ້ສໍາພາດ ໃນວັນທີ 6 ມັງກອນ 2026 ທີ່ຫໍປະຊຸມແຫ່ງຊາດ ວ່າ: ຮູ້ສຶກເປັນກຽດ ແລະ ພາກພູມໃຈເປັນຢ່າງຍິ່ງ ທີ່ໄດ້ເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນ ປະຕິວັດລາວ ຊຶ່ງເປັນຂີດໝາຍທີ່ສໍາຄັນການເຕີບໃຫຍ່ຂະຫຍາຍຕົວຂອງພັກ ໃນການນໍາພາປະເທດຊາດ ຕະຫຼອດ 70 ປີ ຜ່ານມາ ກໍຄືຜົນສໍາເລັດໃນການສ້າງສາພັດທະນາປະເທດຊາດ ຕະຫຼອດ 50 ປີຜ່ານມາ; ກອງປະຊຸມໃນຄັ້ງນີ້, ເປັນກອງປະຊຸມທີ່ມີຄວາມໝາຍຄວາມສໍາຄັນ ພັກຂອງພວກເຮົາຈະໄດ້ຮັບຮອງເອົາບັນດາເອກະສານທີ່ສໍາຄັນຕ່າງໆ.   ພ້ອມນີ້, ສະຫາຍ ທອງລີ ສີສຸລິດ ຍັງໃຫ້ຮູ້ວ່າ: ໃນການຮັບຟັງການນໍາສະເໜີໂຄງການການເມືອງ ສະບັບທີ III ບົດລາຍງານການເມືອງ ໂດຍສະຫາຍເລຂາທິການໃຫຍ່ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ X ໂດຍການສະເໜີຂອງສະຫາຍນາຍົກລັດຖະມົນຕີ ຊຶ່ງພວກເຮົາກໍຮັບຮູ້ ແລະ ເຂົ້າໃຈໄດ້ວ່າ ຕະຫຼອດໄລຍະການສ້າງສາພັດທະນາປະເທດຊາດ; ຊາວໜຸ່ມ, […]

ໃນໄລຍະ 5 ປີ ຜ່ານມາ, ລັດຖະບານ ໄດ້ສຸມໃສ່ປະຕິບັດມາດຕະການຕ່າງໆ ເພື່ອຟື້ນຟູເສດຖະກິດ ໂດຍສຸມໃສ່ຊຸກຍູ້ການຜະລິດ ແລະ ການບໍລິການ ໃຫ້ສືບຕໍ່ຂະຫຍາຍຕົວຢ່າງຕໍ່ເນື່ອງ ເປັນຕົ້ນ ການເປີດປະເທດຄືນໃໝ່ ພາຍຫລັງການລະບາດພະຍາດໂຄວິດ-19, ການຊຸກຍູ້ສົ່ງເສີມການຜະລິດ ເພື່ອທົດແທນການນໍາເຂົ້າ ແລະ ສົ່ງອອກ ຕິດພັນກັບການປ່ອຍສິນເຊື່ອເພື່ອຟື້ນຟູເສດຖະກິດ, ການປະຕິບັດໂຄງການທົດລອງແຮ່ທາດ, ການສົ່ງເສີມການທ່ອງທ່ຽວ, ການປັບປຸງການບໍລິການຂົນສົ່ງພາຍໃນ, ຕ່າງປະເທດ ແລະ ອື່ນໆ ເຮັດໃຫ້ເສດຖະກິດສືບຕໍ່ຂະຫຍາຍຕົວ ຢ່າງຕໍ່ເນື່ອງ.   ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ໄດ້ລາຍງານຕໍ່ກອງປະຊູມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໃນວັນທີ 6 ມັງກອນ 2026 ນີ້ວ່າ: ຜ່ານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໄລຍະ 5 ປີ ຜ່ານມາ, ລັດຖະບານ ໄດ້ສຸມໃສ່ຈັດຕັ້ງປະຕິບັດມາດຕະການຕ່າງໆ ເຮັດໃຫ້ເສດຖະກິດສືບຕໍ່ຂະຫຍາຍຕົວຢ່າງຕໍ່ເນື່ອງ, ລວມຍອດຜະລິດຕະພັນພາຍໃນ (GDP) ຂະຫຍາຍຕົວສະເລ່ຍໃນລະດັບ 4.24% ຊຶ່ງບັນລຸຄາດໝາຍທີ່ວາງໄວ້ […]

ໂຄງ​ການ​ການ​ເມືອງ ​ຂອງ​ພັກປະຊາຊົນປະຕິວັດລາວ ໄດ້​ວາງ 11 ແຜນ​ນະ​ໂຍ​ບາຍໃຫຍ່ ເພື່ອເຮັດໃຫ້ຈຸດໝາຍ, ທິດທາງ ໃນການບູລະນະລະບອບປະຊາທິປະໄຕປະຊາຊົນ ກ້າວຂຶ້ນສູ່ສັງຄົມນິຍົມ ໄດ້ຮັບການຜັນຂະຫຍາຍ ແລະ ຈັດຕັ້ງປະຕິບັດ ໃຫ້ເປັນຮູບປະທໍາຕົວຈິງ. ສະ​ຫາຍ ທອງ​ລຸນ ສີ​ສຸ​ລິດ ເລ​ຂາ​ທິ​ການ​ໃຫຍ່ ຄະ​ນະບໍ​ລິ​ຫານ​ງານ​ສູນ​ກາງ​ພັກ ໄດ້​ລາຍ​ງານ 11 ແຜນ​ງານ​ໃຫຍ່ ທີ່ນອນ​ຢູ່​ໃນ​ຮ່າງ​ໂຄງ​ການ​ການ​ເມືອງຕໍ່​ກອງ​ປະ​ຊຸມ​ໃຫຍ່ ຜູ້​ແທນ​ທົວ​ປະ​ເທດ ຄັ້ງ​ທີ XII ຂອງ​ພັກ ຊຶ່ງ​ໄດ້ໄຂ​ຂຶ້ນໃນຕອນ​ເຊົ້າວັນທີ 6 ມັງກອນ 2026 ທີ່ນະຄອນຫຼວງວຽງຈັນ ​ວ່າ: ໜຶ່ງ: ພັດທະນາເສດຖະກິດຕະຫຼາດຕາມທິດສັງຄົມນິຍົມ ໃຫ້ເປັນລະບົບ, ທັນສະໄໝ, ປະກອບດ້ວຍຫຼາຍພາກສ່ວນເສດຖະກິດ, ຫຼາຍຮູບແບບກຳມະສິດ, ຫຼາຍຮູບການຈັດຕັ້ງຜະລິດທຸລະກິດ ແລະ ຫຼາຍຮູບການແຈກຢາຍ, ໃນນັ້ນ ພາກສ່ວນເສດຖະກິດລັດ ດຳລົງບົດບາດເປັນເຈົ້າພາທາງ, ພາກສ່ວນເສດຖະກິດອື່ນໆ ປະກອບເປັນກຳລັງແຮງ ຂອງພື້ນຖານເສດຖະກິດແຫ່ງຊາດ; ສອງ: ຫັນເປັນອຸດສາຫະກໍາ, ຫັນເປັນທັນສະໄໝ, ຫັນເປັນດີຈີຕອນ ບົນພື້ນຖານການຄົ້ນຄວ້າ, ນຳໃຊ້ວິທະຍາສາດ-ເຕັກໂນໂລຊີ, ເສີມຂະຫຍາຍທ່າແຮງໄດ້ປຽບ, ຄວາມສາມາດບົ່ມຊ້ອນ […]

ກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ (ພັກ ປປລ) ໄດ້ເປີດຂຶ້ນຢ່າງສະຫງ່າຜ່າເຜີຍ ໃນຕອນເຊົ້າວັນທີ 6 ມັງກອນ 2026 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ, ໂດຍການເຂົ້າຮ່ວມເປັນຄະນະປະທານຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປປລ, ມີບັນດາສະຫາຍກໍາມະການກົມການເມືອງສູນກາງພັກ, ກໍາມະການຄະນະເລຂາທິການສູນກາງພັກ, ອະດີດເລຂາທິການໃຫຍ່ ສະຫາຍ ຈູມມະລີ ໄຊຍະສອນ ແລະ ສະຫາຍ ບຸນຍັງ ວໍລະຈິດ, ສະຫາຍ ພົນໂທ ແສງນວນ ໄຊຍະລາດ ປະທານສະຫະພັນນັກຮົບເກົ່າແຫ່ງຊາດລາວ, ບັນດາສະຫາຍຫົວໜ້າອົງການຈັດຕັ້ງມະຫາຊົນຂັ້ນສູນກາງ ແລະ ຕົວແທນວິລະຊົນແຫ່ງຊາດ. ພ້ອມນີ້, ກໍມີຜູ້ແທນເຂົ້າຮ່ວມທັງໝົດ 834 ສະຫາຍ ຍິງ 123 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທົ່ວປະເທດ 421,865 ສະຫາຍ, ຜູ້ແທນກອງປະຊຸມໃຫຍ່ ແມ່ນຮັບປະກັນທາງດ້ານໂຄງປະກອບ, ມີຄຸນນະພາບ, ມີມາດຕະຖານ ແລະ ເງື່ອນໄຂຖືກຕ້ອງຄົບຖ້ວນ, […]

ສູນທອນພົດ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ກ່າວໄຂກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກປະຊາຊົນປະຕິວັດລາວ ນະຄອນຫຼວງວຽງຈັນ, ວັນທີ 6 ມັງກອນ 2026 ຮຽນ : – ຄະນະປະທານກອງປະຊຸມໃຫຍ່ ທີ່ນັບຖື, – ບັນດາສະຫາຍຜູ້ແທນ, ແຂກຜູ້ມີກຽດ ທີ່ຮັກແພງ. ຂ້າພະເຈົ້າ,ຮູ້ສຶກເປັນກຽດ ຢ່າງຍິ່ງທີ່ມີໂອກາດ ໄດ້ຂຶ້ນມາກ່າວໄຂກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະຕິວັດລາວ, ເຊິ່ງເປັນເຫດການການເມືອງທີ່ສຳຄັນຂອງພັກ ແລະ ຂອງປະເທດເຮົາ ອີກຄັ້ງໜຶ່ງໃນມື້ນີ້. ພາຍຫຼັງການຜັນຂະຫຍາຍ ແລະ ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ເປັນເວລາ 5 ປີເຕັມ, ມື້ນີ້ ເປັນມື້ທີ່ມີຄວາມໝາຍສຳຄັນເປັນພິເສດ ອີກວັນໜຶ່ງ ທີ່ພັກເຮົາໄດ້ມີພິທີເປີດການດຳເນີນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກປະຊາຊົນປະ ຕິວັດລາວ. ການເປີດຂຶ້ນ […]