Author: Mitlandone Thepninhom

ກະຊວງສຶກສາທິການ ແລະ ກິລາ ແຫ່ງ ສປປ ລາວ ລົງນາມເຊັນສັນຍາການຮ່ວມມືກັບ ສະຖາບັນຄົ້ນຄວ້າວິທະຍາສາດການສຶກສາ ແລະ ກໍ່ສ້າງ ນະຄອນໂຮ່ຈີມິນ ແຫ່ງ ສສ ຫວຽດນາມ ໃນການຈັດຕັ້ງປະຕິບັດໂຄງການເພດສຶກສາ ແລະ ທັກສະການປ້ອງກັນການລ່ວງລະເມີດທາງເພດ ສຳລັບເດັກອາຍຸ 3-5 ປີ “ERA Kids” ໄລຍະຍາວ. ພິທີລົງນາມເຊັນສັນຍາການຮ່ວມມືກັນຂອງທັງສອງຝ່າຍໃນຄັ້ງນີ້ ໄດ້ຈັດຂຶ້ນໃນວັນທີ 28 ກໍລະກົດ 2026 ທີ່ສຳນັກງານກະຊວງ ສສກ (ເຂດຕຶກເຈົ້າອານຸວົງ) ລະຫວ່າງ ທ່ານ ນາງ ຈອມແພງ ວົງສາ ຫົວໜ້າກົມການສຶກສາກ່ອນໄວຮຽນ ກະຊວງສຶກສາທິການ ແລະ ກິລາ ແລະ ທ່ານ ນາງ ເຈີ່ນ ທິ ເກວ້ ຈີ່ (Trần Thị Quế Chi)...

ໃນວັນທີ 24 ກໍລະກົດ 2026 ທີ່ກະຊວງສຶກສາທິການ ແລະ ກິລາ, ໄດ້ຈັດພິທີລົງນາມເຊັນບົດທຶກຄວາມເຂົ້າໃຈ ກ່ຽວກັບການຮ່ວມມືທາງວິຊາການ ສໍາລັບ “ໂຄງການເສີມສ້າງສະມັດຖະນະການສອນ ແລະ ການຮຽນຮູ້ສໍາລັບການສຶກສາຄະນິດສາດຂັ້ນປະຖົມ” (ITEAM3) ເປັນການຮ່ວມມືລະຫວ່າງກະຊວງສຶກສາທິການ ແລະ ກິລາ ກັບ ອົງການຮ່ວມມືຂອງຍີ່ປຸ່ນ (JICA) ໂດຍການຮ່ວມລົງນາມຂອງ ທ່ານ ປອ ຫຼ້າວັນ ວົງຄໍາສານ ຫົວໜ້າຫ້ອງການ ກະຊວງສຶກສາທິການ ແລະ ກິລາ ແລະ ທ່ານ ທາຄາໂອະ ມະຣຸຢາມະ (Takao MARUYAMA), ຫົວໜ້າຄະນະສໍາຫຼວດເພື່ອຈັດທໍາແຜນລາຍລະອຽດ ອົງການ JICA, ມີບັນດາຫົວໜ້າ-ຮອງຫົວໜ້າກົມ, ສະຖາບັນ ແລະ ພາກສ່ວນທີ່ກ່ຽວຂ້ອງ...

ທັບນັກກິລາກະຕໍ້ ແຂວງຈຳປາສັກ ປະກາດຄວາມພ້ອມ 100% ເຂົ້າຮ່ວມການແຂ່ງຂັນກິລາກະຕໍ້ ຊີງແຊ້ມທົ່ວປະເທດ ຄັ້ງທີ 1 ຊີງຂັນ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ປະຈຳປີ 2026 ໂດຍສົ່ງເຂົ້າຮ່ວມ 3 ລາຍການ ແລະ ຕັ້ງເປົ້າໝາຍສູ້ຊົນຄວ້າແຊ້ມມາຄອງໃຫ້ໄດ້ຢ່າງໜ້ອຍ 1 ລາຍການ. ​ທ່ານ ໂອດອນ ໄຊຍະສາດ ປະທານສະຫະພັນກີລາກະຕໍ້ ແຂວງຈຳປາສັກ ທັງເປັນຫົວໜ້າຄູຝຶກ ໄດ້ໃຫ້ສໍາພາດວ່າ: ໃນການແຂ່ງຂັນຄັ້ງນີ້ ແຂວງຈຳປາສັກ ໄດ້ສົ່ງນັກກິລາເຂົ້າຮ່ວມທັງໝົດ 3 ລາຍການ ປະກອບມີ: ​ທີມດ່ຽວຊາຍ ຮຸ່ນທົ່ວໄປ, ​ທີມຊາຍ 4 ຄົນ ຮຸ່ນທົ່ວໄປ ແລະ ​ທີມດ່ຽວຊາຍ ຮຸ່ນອາຍຸບໍ່ເກີນ 16 ປີ. ​ສຳລັບການກຽມຄວາມພ້ອມ ແລະ ການຝຶກຊ້ອມ ແມ່ນໄດ້ແບ່ງອອກເປັນ 2 ສະຖານທີ່ ຄື:...

ພະແນກສຶກສາທິການ ແລະ ກິລາ ນະຄອນຫຼວງວຽງຈັນ (ສສກ.ນວ) ຈະສຸມໃສ່ການຊ່ວຍເຫຼືອນັກຮຽນທຸກຍາກ ໂດຍຊຸກຍູ້ໂຮງຮຽນພາກລັດສືບຕໍ່ນະໂຍບາຍຍົກເວັ້ນຄ່າຊຸກຍູ້ພັດທະນາ ແລະ ບໍລິຫານໂຮງຮຽນ ໃຫ້ແກ່ນັກຮຽນທີ່ມີຄວາມຫຍຸ້ງຍາກ ແລະ ຄອບຄົວມີອ້າຍນ້ອງຫຼາຍຄົນ ເພື່ອແກ້ໄຂການປະະລະການຮຽນ ພາຍໃນນະຄອນຫຼວງວຽງຈັນ ໃຫ້ບັນລຸຄາດໝາຍທີ່ວາງໄວ້. ສສຫ.ນວ ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ວາງທິດທາງແຜນການ 6 ເດືອນທ້າຍປີ 2026 ຂຶ້ນໃນວັນທີ 24 ກໍລະກົດ 2026, ທີ່ຫ້ອງການ ສສກ.ນວ ພ້ອມທັງຕອບຄຳຖາມເຈາະຈີ້ມ ເພື່ອແກ້ໄຂບັນຫາທ້າທາຍຕ່າງໆ...

ກະຊວງສຶກສາທິການ ແລະ ກິລາ (ສສກ) ແຫ່ງ ສປປ ລາວ ຮ່ວມກັບ ລັດຖະບານອົດສະຕຣາລີ ຜ່ານແຜນງານບີຄວາ (BEQUAL) ໄດ້ຈັດພິທີສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຢ່າງຟົດຟື້ນ ພ້ອມຈັດກິດຈະກຳຝຶກອົບຮົມເພື່ອສົ່ງເສີມຄວາມສະເໝີພາບຍິງ-ຊາຍ, ຄວາມເປັນຜູ້ນຳຂອງແມ່ຍິງ ແລະ ການປົກປ້ອງເດັກ ໃນຂະແໜງການສຶກສາ, ວິທະຍາສາດ ແລະ ກິລາ ໃນລະຫວ່າງວັນທີ 27-28 ກໍລະກົດ 2026 ທີ່ນະຄອນຫຼວງວຽງຈັນ ພາຍໃຕ້ການເປັນປະທານຮ່ວມໂດຍ ທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ ແລະ ທ່ານ ນາງ ເບັນນິຕາ ຊຳເມີວິວ (Benita Sommerville) ຮອງເອກອັກຄະລັດຖະທູດອົດສະຕຣາລີ ປະຈຳ ລາວ. ໂດຍມີແຂກຖືກເຊີນຈາກພາກສ່ວນຕ່າງໆ, ຫົວໜ້າຫ້ອງການກະຊວງ,...

​ໃນລະຫວ່າງວັນທີ 20-23 ກໍລະກົດ 2026 ທີ່ຜ່ານມາ, ທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ ໄດ້ນໍາພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມລັດຖະມົນຕີສຶກສາອາຊຽນ ຄັ້ງທີ 14 (14th ASEAN Education Ministers Meeting), ກອງປະຊຸມລັດຖະມົນຕີສຶກສາອາຊຽນບວກສາມ ຄັ້ງທີ 8 (8th ASEAN Plus Three Education Ministers Meeting) ແລະ ກອງປະຊຸມລັດຖະມົນຕີສຶກສາອາຊຽນໃນຂອບອາຊີຕາເວັນອອກ ຄັ້ງທີ 8 (8th East Asia Summit Education Ministers Meeting) ທີ່ ສາທາລະນະລັດ ສິງກະໂປ. ​ກອງປະຊຸມດັ່ງກ່າວ ຈັດຂຶ້ນໂດຍ ກະຊວງສຶກສາ ແຫ່ງ ສາທາລະນະລັດ ສິງກະໂປ ໃນນາມປະທານແຜນງານການສຶກສາອາຊຽນ ສຳລັບໄລຍະປີ 2026-2027 ພາຍໃຕ້ຫົວຂໍ້:...

ໃນວັນທີ 25 ກໍລະກົດ 2026 ທີ່ໂຮງແຮມ ແລນມາກ ລີເວີໄຊ, ສະຫະພັນກິລາປິ່ງປ່ອງແຫ່ງຊາດລາວ (ສປລ) ໄດ້ຈັດພິທີຖະແຫຼງຂ່າວຢ່າງເປັນທາງການ ເພື່ອປະກາດຄວາມພ້ອມໃນການເປັນເຈົ້າພາບຈັດງານແຂ່ງຂັນກິລາປິ່ງປ່ອງຊາວໜຸ່ມ-ເຍົາວະຊົນໂລກ ແລະ ຮຸ່ນທົ່ວໄປ ລາຍການ “WTT Youth Contender” (ຄັ້ງທີ 4) ແລະ “WTT Feeder Series” (ຄັ້ງທີ 2) ປະຈຳປີ 2026. ງານແຂ່ງຂັນລະດັບໂລກຄັ້ງນີ້ ຈະຈັດຂຶ້ນໃນລະຫວ່າງວັນທີ 30 ກໍລະກົດ ຫາ 8 ສິງຫາ 2026 ຢູ່ທີ່ ສູນການຄ້າ ລາວ-ໄອເຕັກ (ມໍ ຊັ້ນ 7) ນະຄອນຫຼວງວຽງຈັນ. ງານຖະແຫຼ່ງການຄັ້້ງນີ້ໃຫ້ກຽດເຂົ້າຮ່ວມໂດຍ ທ່ານ ກິ່ງມະໂນ...

ໃນຕອນເຊົ້າຂອງວັນທີ 27 ກໍລະກົດ 2026 ທີ່ຫ້ອງປະຊຸມຂອງສະຖາບັນຄົ້ນຄວ້າວິທະຍາສາດການສຶກສາ, ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມຝຶກອົບຮົມວຽກງານການຈັດຊື້-ຈັດຈ້າງ ໃນຂະແໜງການສຶກສາ ແລະ ກິລາ ໃຫ້ຜູ້ຮັບຜິດຊອບຂອງບັນດາຫົວໜ່ວຍການເງິນທີ່ຂຶ້ນກັບກະຊວງ ພາຍໃຕ້ການເປັນປະທານຂອງ ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີກະຊວງສຶກສາທິການ ແລະ ກິລາ, ມີຫົວໜ້າກົມ-ຮອງກົມ, ຜູ້ຮັບຜິດຊອບຂອງບັນດາຫົວໜ່ວຍການເງິນ ທີ່ຂຶ້ນກັບກະຊວງ ລວມທັງສະຖາບັນ, ວິທະຍາໄລ, ສູນ ແລະ ໂຮງຮຽນ ແລະ ພະນັກງານທີ່ກ່ຽວຂ້ອງເຂົ້າຮ່ວມ. ກອງປະຊຸມໃນຄັ້ງນີ້...