Author: Mitlandone Thepninhom

ຈາລຶກປະຫວັດສາດໜ້າໃໝ່! ການແຂ່ງຂັນເທັນນິດແກຣນສະແລມທີ 3 ຂອງປີ ລາຍການ “ວິນເບິນດັນ 2026” ທີ່ສະໜາມ ອໍ ອິງແລນ ເທັນນິດ ຄລັບ (All England Tennis Club) ນະຄອນຫຼວງລອນດອນ ປະເທດອັງກິດ ເມື່ອຄືນວັນພະຫັດ ທີ 9 ກໍລະກົດ 2026 ທີ່ຜ່ານມາ ໃນຮອບຮອງຊະນະເລີດ ປະເພດຍິງດ່ຽວ ເກີດແມັດດຣາມ້າລະດັບຫ້າດາວຂຶ້ນ ເມື່ອ ຄາໂຣລີນາ ມູໂຊວາ (Karolina Muchova) ນັກເທັນນິດສາວຫົວໃຈນັກສູ້ ມືວາງອັນດັບ 10 ຂອງລາຍການຈາກ ສາທາລະນະລັດເຊັກ ພິກສະຖານະການເຊັບແມັດພອຍ ກ່ອນບຽດເອົາຊະນະ ໂຄໂຄ ກັອບ (Coco Gauff) ມືວາງອັນດັບ 7 ຂອງລາຍການຈາກ ສະຫະລັດອາເມຣິກາ ໄປໄດ້ຢ່າງສຸດລະທຶກ 2-1 ເຊັດ ດ້ວຍຄະແນນ 6-2, 1-6 ແລະ 7-6 (ໄທເບຣກ 12-10)...

ໃນຕອນບ່າຍວັນທີ 8 ກໍລະກົດ 2026 ນີ້ ທີ່ໂຮງແຮມ ເພັດພູໄຊ ເທດສະບານແຂວງອຸດົມໄຊ ໄດ້ມີພິທີລົງນາມເຊັນສັນຍາຮັບເໝົາ ໂຄງການກໍ່ສ້າງ ໂຮງຮຽນມັດທະຍົມສົມບູນ (ມສ) ບ້ານຂ້ອນ, ເມືອງແບງ, ແຂວງອຸດົມໄຊ ລະຫວ່າງ ພະແນກສຶກສາທິການ ແລະ ກິລາ ແຂວງ (ໃນນາມເຈົ້າຂອງໂຄງການ) ແລະ ບໍລິສັດ ອິນດາລາ ກໍ່ສ້າງເຄຫາສະຖານ ຈຳກັດຜູ້ດຽວ (ໃນນາມຜູ້ຮັບເໝົາ), ລົງນາມໂດຍ ທ່ານ ສີວອນ ເພັງມີໄຊ ຮັກສາການຫົວໜ້າພະແນກສຶກສາທິການ ແລະ ກິລາແຂວງອຸດົມໄຊ ແລະ ທ່ານ ບົວພັນ ພຸດທະວົງ ຜູ້ອຳນວຍການ ບໍລິສັດ ອິນດາລາ ກໍ່ສ້າງເຄຫາສະຖານ ຈຳກັດຜູ້ດຽວ, ເຂົ້າຮ່ວມເປັນສັກຂີພິຍານໃນພິທີຄັ້ງນີ້ມີ ທ່ານ ສຸຫວັດ ມະຫາວົງສະນັ່ນ ກຳມະການປະຈຳພັກແຂວງ, ຮອງປະທານຄະນະກຳມະການປົກຄອງແຂວງອຸດົມໄຊ,...

ເພື່ອເປັນການສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ ອັນເປັນມູນເຊື້ອ ແລະ ຄວາມສາມັກຄີຮັກແພງຖານບ້ານໃກ້ເຮືອນຄຽງ ລະຫວ່າງ ສອງຊາດ ລາວ ແລະ ກຳປູເຈຍ ເວົ້າລວມ, ເວົ້າສະເພາະແມ່ນແຂວງຈຳປາສັກ ແລະ ແຂວງສຽມລຽບ ໃຫ້ແໜ້ນແຟ້ນຍິ່ງໆຂຶ້ນ ພ້ອມທັງເປັນການຮ່ວມກັນສະຫຼອງວັນປະຫວັດສາດທີ່ສຳຄັນຂອງວົງການກິລາແຫ່ງຊາດລາວ ກໍຄືວັນສ້າງຕັ້ງກິລາ-ກາຍຍະກຳແຫ່ງຊາດ ຄົບຮອບ 60 ປີ (13 ກໍລະກົດ 1966-13 ກໍລະກົດ 2026) ຈະໄດ້ມີການຈັດການແຂ່ງຂັນເຕະບານມິດຕະພາບ ນັດພິເສດ (International Friendly Match) ລະຫວ່າງ ທີມ VIP ຂອງທັງສອງປະເທດ ພາຍໃຕ້ຄຳຂວັນ “ໜຶ່ງເກມການແຂ່ງຂັນ • ໜຶ່ງມິດຕະພາບ • ໜຶ່ງພາກພື້ນ ຫຼື One Game • One Friendship • One Region”...

​ທີມຊາດຝຣັ່ງ ຍັງຄົງເດີນໜ້າຢ່າງແຂງແກ່ນໃນການແຂ່ງຂັນບານໂລກ 2026 ຫຼັງເອົາຊະນະ ທີມຊາດມາຣົກ (ໂມຣັອກໂກ) 2-0 ຜ່ານເຂົ້າສູ່ຮອບຮອງຊະນະເລີດ ໄດ້ເປັນສະໄໝທີ 3 ຕິດຕໍ່ກັນ. ​ຕະຫຼອດເຄິ່ງເວລາທຳອິດ ຝຣັ່ງ ເປັນຝ່າຍຄອງເກມ ແລະ ສ້າງໂອກາດໄດ້ຢ່າງຫຼວງຫຼາຍ ແຕ່ຕ້ອງຊົມ ເຢດຊີນ ບູນູ ທີ່ໂຊຟອມສຸດໜຽວ ລວມທັງເຊັບລູກຈຸດໂທດຂອງ ຄີລີຢັນ ເອັມບັບເປ ເອົາໄວ້ໄດ້. ​ຢ່າງໃດກໍຕາມ ເຄິ່ງເວລາຫຼັງແຜງເກມຮັບຂອງ ມາຣົກ ຕ້ານທານບໍ່ຢູ່ ເມື່ອ ເອັມບັບເປ ຊັດປະຕູປົດລັອກໃນນາທີ 60 ກ່ອນຈະແອດຊິດໃຫ້ ອຸດສະມານ ເດັມເບເລ ຍິງປິດທ້າຍພິຊິດໄຊຊະນະ 2-0. ​ໄຊຊະນະນັດນີ້ສົ່ງໃຫ້ ຝຣັ່ງ ຜ່ານເຂົ້າສູ່ຮອບຮອງຊະນະເລີດ ແລະ ລໍຖ້າພົບຜູ້ຊະນະລະຫວ່າງ ແອັດສະປາຍ (ສະເປນ) ຫຼື ແບນຊິກ...

ກະຊວງສຶກສາທິການ ແລະ ກິລາ ຫຼື ສສກ ກຽມຈະຈັດກິດຈະກຳຫຼາຍລາຍການ ເປັນຕົ້ນ ແມ່ນເຜີຍແຜ່ມູນເຊື້ອປະຫວັດຄວາມເປັນມາຂອງກິລາ-ກາຍຍະກຳລາວ, ການຮັບຟັງທິດຊີ້ນຳໃນການພັດທະນາກິລາ ຈາກການນຳຂັ້ນສູງ ກໍຄື ຄະນະ ລັດຖະມົນຕີ ສສກ, ການວາງສະແດງຜົນງານ ແລະ ມູນເຊື້ອຂອງບັນດາສະຫະພັນກິລາຕ່າງໆ ທີ່ມີຜົນສຳເລັດໃນໄລຍະຜ່ານມາ ພ້ອມທັງຍ່າງເພື່ອສຸຂະພາບ ແລະ ເຕັ້ນແອໂຣບິກ ທີ່ສະໜາມກິລາສະຖາບັນກິລາ-ກາຍຍະກຳ ໃນວັນທີ 13 ກໍລະກົດ 2026ນີ້. ທ່ານ ວິລະວັນ ບຸນສຸກໄທ ຄະນະພັກກະຊວງ, ຫົວໜ້າກົມກິລາມວນຊົນ, ພະລະ ແລະ ສິລະປະສຶກສາ ກະຊວງສຶກສາທິການ ແລະ ກິລາ ທັງເປັນຫົວໜ້າຄະນະຮັບຜິດຊອບຈັດກິດຈະກຳດັ່ງກ່າວ ໃຫ້ຮູ້ວ່າ:...

ກະຊວງສຶກສາທິການ ແລະ ກິລາ (ສສກ) ຈະສຸມໃສ່ປັບປຸງ, ແກ້ໄຂຫຼາຍບັນຫາສຳ ຄັນຕິດພັນກັບການພັດທະນາ ດ້ານການສຶກສາ ກໍຄື ການຮຽນ-ການສອນ ຢູ່ເຂດຊົນນະບົດ, ຫ່າງໄກສອກຫຼີກ ມີຄຸນນະພາບ ແລະ ເທົ່າທຽມກັບ ຕົວເມືອງ. ທ່ານ ຮສ.ປອ ທອງສະລິດ ມັງໜໍ່ເມກ ຮອງນາຍົກລັດຖະມົນຕີ, ລັດຖະມົນຕີກະຊວງສຶກສາທິການ ແລະ ກິລາ ໄດ້ຊີ້ແຈງຕໍ່ຄຳຊັກຖາມຂອງສະພາແຫ່ງຊາດ ໃນຫຼາຍບັນຫາສຳຄັນກ່ຽວກັບການສຶກສາ ໃນກອງປະຊຸມສະໄໝວິສາມັນເທື່ອທີ 1 ຂອງສະພາແຫ່ງຊາດ ຊຸດທີ X ໃນວັນທີ 8 ກໍລະກົດ 2026 ນີ້ວ່າ: ເພື່ອເຮັດໃຫ້ການສຶກສາ ຢູ່ເຂດຊົນນະບົດ, ຫ່າງໄກສອກຫຼີກ ມີຄຸນນະພາບ ແລະ ເທົ່າທຽມກັບຕົວເມືອງ ກະຊວງສຶກສາທິການ ແລະ ກິລາ ຈະສຸມໃສ່ການຂະຫຍາຍ ແລະ ສະໜອງອາຫານທ່ຽງໃນໂຮງຮຽນ...

ໃນວັນທີ 7 ກໍລະກົດ 2026 ທີ່ຜ່ານມາ ທີ່ຫ້ອງປະຊຸມໃຫຍ່ຂອງພະແນກສຶກສາທິການ ແລະ ກິລາແຂວງ ໄດ້ດຳເນີນກອງປະຊຸມເຜີຍແຜ່ ແລະ ເຊື່ອມຊຶມເນື້ອໃນມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ປະຊາຊົນປະຕິວັດລາວ ຢ່າງເປັນທາງການ ໃຫ້ກຽດເຂົ້າຮ່ວມ ແລະ ຊີ້ນຳໂດຍ ສະຫາຍ ວາລິຍະ ສີຈັນທອງທິບ ຮອງເລຂາຄະນະບໍລິຫານງານພັກແຂວງ, ຜູ້ຊີ້ນຳວຽກງານການເມືອງ-ແນວຄິດ, ວຽກງານພັກ-ພະນັກງານ, ອົງການຈັດຕັ້ງມະຫາຊົນ ຂັ້ນແຂວງ, ມີສະຫາຍ ອະນຸສອນ ສຸດທິວົງ ຮັກສາການເລຂາພັກຮາກຖານ, ວ່າການຫົວໜ້າພະແນກສຶກສາທິການ ແລະ ກິລາແຂວງ, ຄະນະພັກຮາກຖານພະແນກສຶກສາແຂວງ, ຕາງໜ້າຈາກຄະນະຈັດຕັ້ງແຂວງ, ຄະນະໂຄສະນາອົບຮົມແຂວງ, ຄະນະກວດກາພັກ-ລັດແຂວງ, ຄະນະພັກຮາກຖານຫ້ອງການສຶກສາທິການ...

ກົມສາມັນສຶກສາ, ກະຊວງສຶກສາທິການ ແລະ ກິລາ (ສສກ) ຮ່ວມກັບ ອົງການອຸຍນີເຊັບ (UNICEF) ປະຈຳ ສປປ ລາວ ໄດ້ຈັດກອງປະຊຸມ ຜ່ານ ແລະ ຮັບຮອງດ້ານວິຊາການ ຄູ່ມືສົ່ງເສີມການຈັດຕັ້ງປະຕິບັດວຽກງານສົ່ງເສີມໂພຊະນາການ ສຳລັບຊັ້ນມັດທະຍົມສຶກສາ ຂຶ້ນຢ່າງເປັນທາງການ ໃນວັນທີ 9 ກໍລະກົດ 2026 ທີ່ໂຮງແຮມ ຄຣາວ ພລາຊາ, ນະຄອນຫຼວງວຽງຈັນ ໂດຍພາຍໃຕ້ການເປັນປະທານຮ່ວມຂອງ ທ່ານ ນາງ ນວມຄຳ ຈັນທະບູລີ ຫົວໜ້າກົມສາມັນສຶກສາ ກະຊວງສຶກສາທິການ ແລະ ກິລາ ແລະ ທ່ານ ນາງ ຄາຣີນາ ໂລເປດ (Karina Lopez) ຫົວໜ້າແຜນງານໂພຊະນາການ ຂອງອົງການອຸຍນີເຊັບ ປະຈຳ ສປປ ລາວ, ມີຜູ້ຕາງໜ້າຈາກບັນດາກະຊວງ, ກົມກ່ຽວຂ້ອງ, ອົງການຈັດຕັ້ງສາກົນ ແລະ ຄູ່ຮ່ວມພັດທະນາ. ນອກນັ້ນ, ຍັງມີ ກົມອາຫານແລະຢາ,...