ກະຊວງສຶກສາທິການ ແລະ ກິລາ (ສສກ) ແລະ ລັດຖະບານອົດສະຕຣາລີ ເປີດຕົວວິດີໂອສອງເລື່ອງ ທີ່ເປັນແຮງບັນດານໃຈເພື່ອສົ່ງເສີມຄຸນຄ່າຂອງການສຶກສາ ພ້ອມທັງຍ້ອງຍໍຜູ້ທີ່ໄດ້ປະກອບສ່ວນເຂົ້າໃນວຽກງານ ເມື່ອວັນທີ 30 ມີນາ 2026 ທີ່ໂຮງແຮມ ຮໍລິເດອິນ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ ແລະ ທ່ານ ນາງ ເບັນນິຕາ ຊຳເມີວິວ ຮອງເອກອັກຄະລັດຖະທູດອົົດສະຕຣາລີ ປະຈຳລາວ ພ້ອມດ້ວຍຜູ້ຕາງໜ້າຈາກກົມສ້າງຄູ, ສະພາແຫ່ງຊາດ, ພະແນກສຶກສາທິການ ແລະ ກິລາແຂວງ, ຫ້ອງການສຶກສາທິການ ແລະ ກິລາເມືອງ, ວິທະຍາໄລຄູ, ມະຫາວິທະຍາໄລ, ສະຖາບັນ, ໂຮງຮຽນ, ສື່ມວນຊົນ, ສະຖານທູດອົດສະຕຣາລີ ແລະ ຄູ່ຮ່ວມພັດທະນາເຂົ້າຮ່ວມ. ໃນໂອກາດດັ່ງກ່າວ, ທ່ານ ປອ ນາງ ດາລາວອນ ກິດຕິພັນ ໄດ້ກ່າວວ່າ: […]

ສະມາຄົມການສຶກສາພາກເອກະຊົນ ລວມພະລັງນ້ຳໃຈທົ່ວປະເທດ ລະດົມທຶນຊ່ວຍເຫຼືອ 326 ຄອບຄົວ ຂອງໂຮງຮຽນພາກເອກະຊົນ ທີ່ໄດ້ຮັບຜົນກະທົບຈາກພະຍຸໝາກເຫັບ ຢູ່ເມືອງສີໂຄດຕະບອງ ນະຄອນຫຼວງວຽງຈັນ ເພື່ອເປັນການຊ່ວຍເຫຼືອເຊິ່ງກັນແລະ ກັນ ແລະເປັນກຳລັງໃຈໃຫ້ຄອບຄົວຂອງໂຮງຮຽນທີ່ຂຶ້ນກັບໄດ້ແປງເຮືອນຊານໃຫ້ມີສະພາບດີຂຶ້ນ. ພິທີມອບເງິນດັ່ງກ່າວ, ໄດ້ມີຂຶ້ນເມື່ອບໍ່ດົນມານີ້ ທີ່ສະພາການສຶກສາພາກເອກະຊົນ ໂດຍໃຫ້ກຽດມອບຂອງທ່ານ ບຸນຕີ ສິດທິນົນທອງ ຮອງປະທານສະມາຄົມການສຶກສາພາກເອກະຊົນ ແລະ ຕາງໜ້າຮັບຂອງປະທານສະມາຄົມກ່ນສຶກສາພາກເອກະຊົນ ປະຈຳ 7 ເມືອງໃນ ນວ, ພ້ອມດ້ວຍພະນັກງານງານແລະພາກສ່ວນທີ່ກ່ຽວຂ້ອງເຂົ້າຮ່ວມ. ສໍາລັບເງິນທີ່ມອບໃນຄັ້ງນີ້, ແມ່ນຄະນະບໍລິຫານງານສະມາຄົມການສຶກສາພາກເອກະຊົນ ຈຳນວນ 65 ທ່ານ ພ້ອມດ້ວຍການສຶກສາພາກເອກະຊົນປະຈຳເມືອງ (ສກອ), ແຂວງ ແລະ ໂຮງຮຽນພາກເອກະຊົນທົ່ວປະເທດ ຮ່ວມໃຈລະດົມທຶນຊ່ວຍເຫຼືອສຸກເສີນ ແກ່ຜູ້ປະສົບໄພພະຍຸໝາກເຫັບ ຢູ່ເມືອງສີໂຄດຕະບອງ ຈຳນວນ 326 ຄອບຄົວ ຂອງຄູ ແລະ ນັກຮຽນ ເປັນຈຳນວນເງິນ 100.000.000 ກີບ. ຂໍ້ມູນຂ່າວ:ການສຶກສາພາກເອກະຊົນ

ສະຖາບັນຣັຕນະ ບໍລິຫານທຸລະກິດ ໄດ້ຈັດງານແຂ່ງຂັນສິລະປະນັກສຶກສາ ປະຈຳສົກຮຽນ 2025-2026 ໃນວັນທີ 3 ເມສາ 2026 ທີ່ສະຖາບັນດັ່ງກ່າວ ໂດຍໃຫ້ກຽດເຂົ້າຮ່ວມຂອງທ່ານ ປອ ສົມພັດ ຣັຕນະສິມ ປະທານສະພາບໍລິຫານສະຖາບັນຣັຕນະ ບໍລິຫານທຸລະກິດ ແລະ ທ່ານ ບຸນເທືອງ ມູນລາສີ ຜູ້ອຳນວຍການສະຖາບັນຣັຕນະ ບໍລິຫານທຸລະກິດ, ມີແຂກຖືກເຊີນ, ບັນດາຄູ-ອາຈານ ແລະ ນ້ອງນັກສຶກສາ ເຂົ້າຮວ່ມຢ່າງເປັນຂະບວນຟົດຟື້ນ. ໃນພິທີ, ທ່ານ ບຸນເທືອງ ມູນລາສີ ໄດ້ກ່າວໃຫ້ຮູ້ວ່າ: ງານໃນມື້ນີ້ ແມ່ນເປັນກິດຈະກຳປະຈຳປີ ຂອງສະຖາບັນຣັຕນະ ບໍລິຫານທຸລະກິດ ເພື່ອຈັດຕັ້ງປະຕິບັດຕາມ 5 ຫຼັກມູນການສຶກສາຂອງກະຊວງສຶກສາທິການ ແລະ ກິລາ ແລະ ເພື່ອເປັນການຮັກສາມູນເຊື້ອສິລະປະ-ວັດທະນະທຳ ອັນດີງາມຂອງຊາດລາວເຮົາໃຫ້ໝັ້ນຄົງຕະຫຼອດໄປ. ໃນການແຂ່ງແມ່ນຈະແບ່ງອອກເປັນ 2 ລາຍການຄື: ຮ້ອງເພງ ແລະ ຟ້ອນ, ມີຕົວແທນນັກສຶກສາແຕ່ລະຫ້ອງ, ແຕ່ລະຊັ້ນທີ່ມີຄວາມມັກ, ມີຫົວຄິດປະດິດສ້າງ ແລະ ມີພອນສະຫວັນ […]

ກະຊວງສຶກສາທິການ ແລະ ກິລາ, ພະແນກຄວາມກ້າວໜ້າຂອງແມ່ຍິງ, ແມ່ ແລະ ເດັກ ຮ່ວມມືກັບອົງການອຸຍແນັດໂກ ບາງກອກ ແລະ ສະຖາບັນການວາງແຜນການສຶກສາຂອງອຸຍແນັດໂກ ໄອໄອອີພີ (IIEP) ຈັດກອງປະຊຸມນໍາສະເໜີແຜນດໍາເນີນງານຄວາມກ້າວໜ້າຂອງແມ່ຍິງ, ແມ່ ແລະ ເດັກ (ຄກມດ) ຄັ້ງທີ V (2026-2030) ແລະ ຜົນການຄົ້ນຄວ້າການປະເມີນຄວາມສະເໝີພາບຍິງ-ຊາຍ ໃນຂະແໜງການສຶກສາ, ວິທະຍາສາດ ແລະ ກິລາ ໃນວັນທີ 25 ມີນາ 2026 ທີ່ ໂຮງແຮມດັບເບີ້ນທຣີ ໂດຍການເປັນປະທານຂອງ ທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ມີທ່ານ ນາງ ເຈີແນວ ແບັບ (Ms. Jenelle Babb) ທີ່ປຶກສາ ລະດັບພາກພື້ນ ຈາກອົງການ ອຸຍແນັດໂກ ບາງກອກ, ທ່ານ […]

ມະຫາວິທະຍາໄລແຫ່ງຊາດ ແລະ ວິທະຍາໄລພະລັງງານໄຟຟ້າສົງຊິ້ງ (ວພຟສ) ສປ ຈີນ ຈັດຝຶກອົບຮົມໄລຍະສັ້ນ ໃນລະຫວ່າງວັນທີ 15-22 ມີນາ 2026 ທີ່ມະຫາວິທະຍາໄລແຫ່ງຊາດ ໂດຍໃຫ້ກຽດເຂົ້າຮ່ວມ ແລະ ເປີດດພິທີຂອງທ່ານ ສຈ.ປອ ເດຊານຸລາດ ແສນດວງເດດ ຜູ້ອໍານວຍການໃຫຍ່ ມະຫາວິທະຍາໄລແຫ່ງຊາດ (ມຊ) ແລະ ທ່ານ ສຈ.ປອ ຈົງເຫວີຍ ເລຂາຄະນະພັກວິທະຍາໄລພະລັງງານໄຟຟ້າສົງຊິ້ງ (ວພຟສ), ມີຄະນະອຳນວຍການສະຖາບັນຂົງຈື ແລະ ຄະນະອ້ອມຂ້າງ, ແຂກຖືກເຊີນ ຕະຫຼອດຮອດນັກສຶກສາຈາກຄະນະວິສະວະກໍາສາດ ແລະ ສະຖາບັນຂົງຈື ມຊ ເຂົ້າຮ່ວມ. ໃນໄລຍະການຝຶກອົບຮົມ ນັກສຶກສາໄດ້ມີການຝຶກເຕັກນິກດ້ານການໄຟຟ້າພື້ນຖານເຊັ່ນ: ການຕໍ່ໄຟ, ປ່ຽນຫຼອດໄຟ, ການປ່ຽນອຸປະກອນໄຟຟ້າໃນຄົວເຮືອນຊີວິດປະຈໍາວັນຕ່າງໆ. ນອກຈາກນັ້ນ, ຍັງມີການທັດສະນະສຶກສາ ແລະ ກິດຈະກໍາແລກປ່ຽນວັດທະນະທໍາລະຫວ່າງນັກສຶກສາ ລາວ-ຈີນ, ຊຶ່ງການຝຶກອົບຮົມແມ່ນໄດ້ດຳເນີນໄປເປັນເວລາ 8 ວັນ, ໂດຍມີນັກສຶກສາຈາກຄະນະວິສະວະກໍາສາດ ແລະ ສະຖາບັນຂົງຈືເຂົ້າຮ່ວມ, ສຳລັບ 3 ວັນ […]

ອົງການສະວິດຄອນແທັກ ປະຈຳລາວ ຈັດງານແຂ່ງຂັນຄວາມຄິດສ້າງສັນດ້ານເຕັກໂນໂລຊີ ແລະ ການເຊື່ອມສານດິຈິຕອນ ເຂົ້າໃນການສຶກສາຍຸກໃໝ່ ເມື່ອວັນທີ 25 ມີນາ 2026 ທີ່ໂຮງຮຽນ ມສ ວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ວົງສິນ ໄຊຍະວົງ ຮອງຫົວໜ້າກົມຮ່ວມມືກັບຕ່າງປະເທດ ກະຊວງສຶກສາທິການ ແລະ ກິລາ, ທ່ານ ມູຈີບູ ຮາຊານ ເຊຊານ ຜູ້ອໍານວຍການອົງການສະວິດຄອນແທກ ປະຈຳ ສປປ ລາວ, ທ່ານ ໂທມັດ ທຣຸບ ປະທານອົງການດາຣູ ປະເທດສະວິດເຊີແລນ ພ້ອມດ້ວຍຜູ້ຕາງໜ້າຈາກກະຊວງສຶກສາທິການ ແລະ ກິລາ, ພະແນກສຶກສາທິ ການ ແລະ ກິລາແຂວງຊຽງຂວາງ, ອຸດົມໄຊ, ຄຳມ່ວນ, ນະຄອນຫຼວງວຽງຈັນ ແລະ ບັນດາຄູອາຈານ, ນ້ອງໆນັກຮຽນ, ຄູ່ຮ່ວມພັດທະນາ ແລະ ຜູ້ຕາງໜ້າຈາກອົງການສະວິດຄອນແທັກເຂົ້າຮ່ວມ. ໂອກາດດັ່ງກ່າວ, ທ່ານ ວົງສິນ ໄຊຍະວົງ ໄດ້ກ່າວວ່າ: ງານແຂ່ງຂັນດັ່ງກ່າວ […]

ໃນຕອນເຊົ້າ ຂອງວັນທີ 26 ມິນາ 2026 ທີ່ນະຄອນໂຮຈີມິນ, ສສ ຫວຽດນາມ ໄດ້ມີພິທີລົງນາມ ບົດບັນທຶກຄວາມເຂົ້າໃຈຮ່ວມກັນ (MOU) ລະຫວ່າງ ກົມການສຶກສາກ່ອນໄວຮຽນ ກະຊວງສຶກສາ ແລະ ກິລາ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສະຖາບັນຄົ້ນຄ້ວາວິທະຍາສາດການສຶກສາ ນະຄອນໂຮຈີມິນ ສາທາລະນະລັດສັງຄົມນິຍົມຫວຽດນາມ, ຈັດຂຶ້ນທີ່ ໂຮງແຮມ ຄອນທີນັນໂທ ໄຊງ່ອນ, ນະຄອນໂຮຈີມິນ. ໃນພິທີລົງນາມຄັ້ງນີ້, ຝ່າຍລາວ ແມ່ນ ທ່ານ ກິຄຳ ພີມບຸນຍໍ ຮອງຫົວໜ້າກົມການສຶກສາກ່ອນໄວຮຽນ ແລະ ຝ່າຍຫວຽດນາມ ແມ່ນ ທ່ານ ນາງ ເຈິ່ນ ທິເກ້ຈີ່ ຮອງຫົວໜ້າສະຖາບັນຄົ້ນຄ້ວາວິທະຍາສາດການສຶກສາ ນະຄອນໂຮຈີມິນ ໂດຍການໃຫ້ກຽດເປັນສັກຂີພິຍານແລະ ເຂົ້າຮ່ວມຂອງທ່ານ ຮສ. ປອ ຫຼ້າວັນ ວົງຄຳສານ ຫົວໜ້າຫ້ອງການ ກະຊວງສຶກສາທິການ ແລະ ກິລາ, ທ່ານ […]

ອີງຕາມຮ່າງແຜນພັດທະນາເສດຖະກິດ-ສັງຄົມແຫ່ງ​ຊາດ 5 ປີ ຄັ້ງທີ X (2026-2030) ຂອງລັດຖະບານດ້ານຂົງເຂດການສຶກສາ ໄດ້ລະບຸວ່າ: ສືບຕໍ່ສຸມໃສ່ສົ່ງເສີມໃຫ້ມີການພັດທະນາເດັກ, ເບິ່ງແຍງ, ລ້ຽງດູ ແລະ ກຽມຄວາມພ້ອມຂອງເດັກຢ່າງໜ້ອຍ 1 ປີ ກ່ອນເຂົ້າຮຽນຊັ້ນປະຖົມສຶກສາຢ່າງເທົ່າທຽມ; ພັດທະນາ ແລະ ສ້າງຄວາມເຂັ້ມ​ແຂງໃຫ້ແກ່ສະຖາບັນຄອບຄົວ ໄດ້ມີສ່ວນຮ່ວມໃນການພັດທະນາເດັກ ແລະ ການກຽມຄວາມພ້ອມຂອງເດັກ ກ່ອນເຂົ້າຮຽນຊັ້ນປະຖົມສຶກສາ; ສ້າງແຜນທີ່ການສຶກສາຄືນໃໝ່ ແນໃສ່ສ້າງຄວາມເຂັ້ມແຂງໃຫ້ແກ່ການຄຸ້ມຄອງການຮຽນ-ການສອນ; ປັບປຸງ ແລະ ສ້າງຄວາມເຂັ້ມແຂງໃຫ້ລະບົບນິເທດພາຍໃນກຸ່ມໂຮງຮຽນ ຫຼື ພາຍໃນສຶກສາຕາແສງ; ສືບຕໍ່ສ້າງຄວາມເຂັ້ມແຂງໃຫ້ແກ່ການປະເມີນຜົນການຮຽນຂອງນັກຮຽນ ພ້ອມທັງປັບປຸງລະບົບການສອບ​ເສັງເລື່ອນຂັ້ນ ແລະ ຈົບຊັ້ນໃຫ້ມີຄຸນນະພາບ; ແກ້ໄຂບັນຫາການປະລະການຮຽນຂອງນັກຮຽນ ໂດຍສ້າງແຜນງານການນໍານ້ອງກັບຄືນສູ່ໂຮງຮຽນ; ປັບປຸງລະບົບການສຶກສາສາຍສາມັນຈາກ 5+4+3 ເປັນ 6+3+3 (ປະຖົມ 6 ປີ, ມ.ຕົ້ນ 3 ປີ ແລະ ມ.ປາຍ 3 ປີ). ພ້ອມດຽວກັນນັ້ນ, ສົ່ງເສີມໃຫ້ບັນດາວິທະຍາໄລຄູ ເຮັດ​ໜ້າທີ່ໃນການກໍ່ສ້າງຄູ, ຝຶກອົບຮົມຄູ; ກໍານົດເງື່ອນໄຂ […]