ພິທີເປີດປ້າຍ ໂຮງຮຽນລ້ຽງເດັກ-ອະນຸບານສຶກສາ ນິຣະດາເມືອງຈັນທະບູລີ ນະຄອນຫຼວງວຽງຈັນ (ນວ) ເປັນໂຮງຮຽນຕົວແບບຄຸນນະພາບ ນວ ໄດ້ຈັດຂຶ້ນວັນທີ 27 ພະຈິກ 2025 ທີ່ໂຮງຮຽນດັ່ງກ່າວ ໂດຍໃຫ້ກຽດເຂົ້າຮ່ວມໂດຍ ທ່ານ ຂັນໄຊ ແສງສຸນີ ຮອງຫົວໜ້າພະແນກສຶກສາທິການ ແລະ ກິລານະຄອນຫຼວງວຽງຈັນ, ມີຮອງຫົວໜ້າຫ້ອງວ່າການປົກຄອງເມືອງຈັນທະບູລີ, ທ່ານຫົວໜ້າຫ້ອງການສຶກສາເມືອງ, ຄະນະຜູ້ອຳນວຍການໂຮງຮຽນ, ແຂກຖືກເຊີນ, ພະນັກງານຄູ-ອາຈານ ແລະ ນັກຮຽນ ເຂົ້າຮ່ວມ. ໂອກາດດັ່ງກ່າວ, ທ່ານ ນາງ ນິລາພອນ ແກ້ວບຸນລ້ອມ ຜູ້ອຳນວຍການໂຮງຮຽນ ນິຣະດາ ໄດ້ລາຍງານໃຫ້ຮູ້ວ່າ: ໂຮງຮຽນລ້ຽງເດັກ-ອະນຸບານສຶກສາ ນິຣະດາ ຕັ້ງຢູ່ຖະໜົນອາຊຽນ ບ້ານສີບຸນເຮືອງ ເມືອງຈັນທະບູລີ ນະຄອນຫຼວງວຽງຈັນ ໄດ້ເລີ່ມເປີດໂຮງຮຽນລ້ຽງເດັກ-ອະນຸບານໃນວັນທີ 1 ກັນຍາ 1996 ແລະ ໃນເວລານັ້ນມີວິຊາການເປັນຄົນເຢຍລະມັນມີຊື່ວ່າ ມາດາມ ເອມສລິສ ຄຣິສເຕີນ. ຮອດສົກຮຽນ 1999-2000 ມີຊັ້ນປະຖົມສົມບູນ ມາຮອດສົກຮຽນ 2006-2007 […]

ເນື່ອງໃນໂອກາດ ຄົບຮອບ 50 ປີ ແຫ່ງການສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ແລະ ວັນເກີດປະທານໄກສອນ ພົມວິຫານ ຄົບຮອບ 105 ປີ ທີ່ຈະມາເຖິງນີ້. ທ່ານ ວິລະພັນ ຊາພູວົງ ເລຂາໜ່ວຍພັກ ຮາກຖານ, ຜູ້ອໍານວຍການວິທະຍາໄລສິລະປະແຫ່ງຊາດ (ວສຊ) ກະຊວງວັດທະນະທໍາ ແລະ ການທ່ອງທ່ຽວ (ວທ) ໄດ້ໃຫ້ທັດສະນະວ່າ: ວັນຊາດ 2 ທັນວາ ເປັນວັນທີ່ມີຄວາມໝາຍສຳຄັນຢ່າງຫຼວງຫຼາຍ ຕໍ່ປະເທດຊາດຂອງພວກເຮົາ ເປັນ ວັນທີ່ປະຊາຊົນລາວ ທັງຊາດຫວນຄືນ ແລະ ລະລຶກເຖິງມູນເຊື້ອນໍ້າໃຈການຕໍ່ສູ້ເດັດດ່ຽວບໍ່ຍອມຈໍານົນ ຢ່າງພິລະອາດຫານຂອງບັນພະບູລຸດລາວຜູ້ອົງອາດ ແລະ ປະຊາຊົນລາວບັນດາເຜົ່າ, ເປັນການຫວນຄືນໄຊຊະນະອັນຍິ່ງໃຫຍ່ຂອງການ ປະຕິວັດລາວ ໂດຍພາຍໃຕ້ການນໍາພາອັນສະຫຼາດສ່ອງໃສຂອງພັກ ປະຊາຊົນປະຕິວັດລາວ ຈົນສາມາດປົດປ່ອຍປະເທດຊາດ ໄດ້ຢ່າງສົມບູນ ແລະ ສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ […]

ໂຮງຮຽນລ້ຽງເດັກ-ອະນຸບານສຶກສາ ວິຣະຖາວອນ ເມືອງສີສັດຕະນາກ ນະຄອນຫຼວງວຽງຈັນ (ນວ) ໄດ້ຮັບການຢັ້ງຢືນ ເປັນໂຮງຮຽນຕົວແບບຄຸນນະພາບ ນະຄອນຫຼວງວຽງຈັນ ຢ່າງເປັນທາງການ ໃນວັນທີ 26 ພະຈິກ 2025 ທີ່ໂຮງຮຽນດັ່ງກ່າວ ໂດຍມີ ທ່ານ ພັນປະສົງ ໄຊຍະວົງສາ ຮອງປະທານຄະນະກຳມະການປົກຄອງເມືອງສີສັດຕະນາກ, ທ່ານ ຂັນໄຊ ແສງສຸນີ ຮອງຫົວໜ້າພະແນກສຶກສາທິການ ແລະ ກິລາ ນວ ແລະ ທ່ານ ນາງ ນີລາວັນ ວິຣະຖາວອນ ຜູ້ອຳນວຍການໂຮງຮຽນວິຣະຖາວອນ ພ້ອມດ້ວຍຫົວໜ້າຫ້ອງການສຶກສາທິການ ແລະ ກິລາເມືອງສີສັດຕະນາກ, ແຂກຖືກເຊີນ, ຄະນະອຳນວຍການໂຮງຮຽນ, ພະນັກງານ, ຄູ-ອາຈານ ແລະ ນັກຮຽນ ເຂົ້າຮ່ວມ. ໂອກາດນີ້ ທ່ານ ນາງ ນີລາວັນ ວິຣະຖາວອນ ລາຍງານໃຫ້ຮູ້ວ່າ: ໂຮງຮຽນລ້ຽງເດັກ-ອະນຸບານສຶກສາ ວິຣະຖາວອນ ຕັ້ງຢູ່ບ້ານຫາຍໂສກ ເມືອງສີສັດຕະນາກ ນະຄອນຫຼວງວຽງຈັນ ເລີ່ມຈັດຕັ້ງການຮຽນ ການສອນ […]

ໃນວັນທີ 25 ພະຈິກ 2025 ນີ້, ພະແນກສຶກສາທິການ ແລະ ກິລາ ແຂວງສາລະວັນ ຮ່ວມກັບຄະນະຮັບຜິດຊອບການຄັດເລືອກຮັບ ແລະ ບັນຈຸລັດຖະກອນໃໝ່ ຂັ້ນສູນກາງ ໄດ້ຈັດພິທີການຄັດເລືອກຮັບ ແລະ ບັນຈຸລັດຖະກອນໃໝ່ ປະຈຳປີ 2025 ຢູ່ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ, ໂດຍການເປັນປະທານຮ່ວມຂອງ ທ່ານ ກິຄຳ ພິມບຸນຍໍ ຮອງຫົວໜ້າກົມການສຶກສາກ່ອນໄວຮຽນ ກະຊວງສຶກສາທິການ ແລະ ກິລາ ແລະ ທ່ານ ຄໍາເຟືອງ ອິນທິສອນ ຮອງຫົວໜ້າພະແນກສືຶກສາທິການ ແລະ ກິລາແຂວງ, ມີຫົວໜ້າຂະແໜງການກ່ຽວຂ້ອງ ແລະ ລັດຖະກອນ ທີ່ຖືກບັນຈຸໃໝ່ເຂົ້າຮ່ວມ. ການຄັດເລືອກຮັບ ແລະ ບັນຈຸລັດຖະກອນໃໝ່ ປະຈຳປີ 2025 ຂອງພະແນກສຶກສາທິການ ແລະ ກິລາແຂວງສາລະວັນຄັ້ງນີ້ ແມ່ນປະຕິບັດຕາມຄຳແນະນຳຂອງລັດຖະມົນຕີກະຊວງສຶກສາທິການ ແລະ ກິລາ ສະບັບເລກທີ 2048/ສສກ, ລົງວັນທີ 07 […]

ກອງປະຊຸມຜູ້ບໍລິຫານການສຶກສາ ແລະ ກິລາທົ່ວເມືອງບໍ່ແຕນ ແຂວງໄຊຍະບູລີ ປະຈຳສົກຮຽນ 2024-2025 ໄດ້ຈັດຂຶ້ນໃນວັນທີ 25 ພະຈິກ 2025 ທີ່ຫ້ອງປະຊຸມໃຫຍ່ຂອງເມືອງ ພາຍໃຕ້ການເປັນປະທານຂອງ ທ່ານ ຂຸນທະວີ ບຸນທະວົງ ຫົວໜ້າຫ້ອງການສຶກສາ ແລະ ກິລາເມືອງ, ເປັນກຽດເຂົ້າຮ່ວມຂອງ ທ່ານ ອານຸສິດ ມະໂນສິນ ປະທານຄະນະກຳມະການປົກຄອງເມືອງ, ມີຄະນະພັດທະນາການສຶກສາຂັ້ນເມືອງ, ຂັ້ນບ້ານ, ຜູ້ບໍລິຫານການສຶກສາ ແລະ ກິລາ,ພະນັກງານ, ຄູ-ອາຈານວິຊາການທີກ່ຽວຂ້ອງເຂົ້າຮ່ວມ. ໃນກອງປະຊຸມໄດ້ຮັບຟັງການຜ່ານມະຕິກອງປະຊຸມ ຜູ້ບໍລິຫານການສຶກສາ ແລະ ກິລາ ທົ່ວປະເທດ ປະຈຳສົກຮຽນ2024-2025, ມະຕິກອງປະຊຸມຜູ້ບໍລິຫານການສຶກສາ ແລະ ກິລາທົ່ວແຂວງໄຊຍະບູລີ ປະຈຳສົກຮຽນ 2024-2025,ຮັບຟັງການການສະຫຼຸບຕີລາຄາຄືນການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ໃນທົ່ວເມືອງສົກຮຽນ 2024-2025 ແລະ ແຜນພັດທະນາການສຶກສາໃນສົກປີ 2025-2026, ລາຍງານການຈັດຕັ້ງປະຕິບັດວຽກງານກວດກາຮອບດ້ານສົກຮຽນ 2024-2025 ຍົກໃຫ້ເຫັນບັນດາຜົນງານການຈັດຕັ້ງປະຕິບັດວຽກງານການສຶກສາໃນທົ່ວເມືອງ, ດ້ານດີ, ດ້ານຄົງຄ້າງ ແລະ ວິທີທາງແກ້ໄຂໃນຕໍ່ໜ້າ, ພ້ອມທັງວາງທິດທາງວຽກງານຈຸດສຸມໃນຕໍ່ໜ້າເປັນຕົ້ນແມ່ນຜົນການຈັດຕັ້ງປະຕິບັດບັນດາ […]

ພະແນກສຶກສາທິການ ແລະ ກິລາແຂວງອຸດົມໄຊ ໄດ້ສົມທົບກັບພາກສ່ວນກ່ຽວຂ້ອງສຳພາດຄັດເລືອກຄູອາສາສະໝັກ ແລະ ບັນຈຸເປັນລັດຖະກອນຄູໃໝ່ ປະຈຳປີ 2025 ໃນຕອນເຊົ້າວັນທີ 26 ພະຈິກ 2025 ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງອຸດົມໄຊ ໄດ້ຈັດກອງປະຊຸມສະຫຼຸບ ແລະ ຕັດສິນຜົນການ ສຳພາດຄັດເລືອກລັດຖະກອນຄູໃໝ່ເພື່ອບັນຈຸເປັນລັດຖະກອນປີ 2025 ໂດຍການເປັນປະທານຂອງທ່ານ ປອ ວົງສະຫວັນ ໄຊຍະວົງ ຮອງເລຂາພັກແຂວງ, ປະທານຄະນະກຳມະການປົກຄອງແຂວງອຸດົມໄຊ, ມີຕາງໜ້າຈາກກະຊວງສຶກສາທິການ ແລະ ກິລາ, ຮອງຫົວໜ້າພະແນກສຶກສາທິການ ແລະ ກິລາແຂວງ, ຈັດຕັ້ງແຂວງ, ກວດກາແຂວງ, ຫ້ອງການສຶກສາທິການ ແລະ ກິລາເມືອງ, ຄະນະຮັບຜິດຊອບ ແລະ ຂະແໜງທີ່ກ່ຽວຂ້ອງ ເຂົ້າຮ່ວມ. ການຄັດເລືອກບັນຈຸສັບຊ້ອນລັດຖະກອນໃນຄັ້ງນີ້ ຄະນະຮັບຜິດຊອບແມ່ນອີງຕາມແຈ້ງການແນະນຳ ແລະ ໄດ້ສົມທົບກັບຕຳຫຼວດ, ໝໍ ກວດນ້ຳປັດສະວະ, ກວດເອກະສານຄວາມຖືກຕ້ອງ ແລະ ສຳພາດຄູອາສາ ຊຶ່ງທົ່ວແຂວງອຸດົມໄຊ ມີຄູອາສາທັງໝົດ 72 ທ່ານ, ຍິງ […]

ໜ່ວຍພັກຮາກຖານກົມແຜນການ ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ໃນວັນທີ 25 ພະຈິກ 2025 ທີ່ຫ້ອງປະຊຸມຊັ້ນ 4 ຕຶກໄອຊີທີ ກະຊວງສຶກສາທິການ ແລະ ກິລາ (ເຂດຊຽງຍືນ) ໂດຍພາຍໃຕ້ການເປັນປະທານຂອງສະຫາຍ ສີທອງ ສີຂາວ ເລຂາໜ່ວຍພັກຮາກຖານ, ຫົວໜ້າກົມແຜນການ ກະຊວງສຶກສາທິການ ແລະ ກິລາ, ສະຫາຍ ໜູໄກ ລາດຊະວົງ ຄະນະໜ່ວຍພັກຮາກຖານກົມຈັດຕັ້ງ ແລະ ພະນັກງານ, ຫົວໜ້າພະແນກກໍ່ສ້າງພັກ ແລະ ອົງການຈັດຕັ້ງມະຫາຊົນ ມີຄະນະພັກ, ຄະນະລົງຊຸກຍູ້-ຕິດຕາມ ຈາກກົມກວດກາ, ຕາງໜ້າຄະນະບໍລິຫານງານ 3 ອົງການຈັດຕັ້ງມະຫາຊົນ, ຄະນະວິຊາການຈາກກົມຈັດຕັ້ງ ແລະ ພະນັກງານ ແລະ ສະມາຊິກພັກຂອງໜ່ວຍພັກກົມແຜນການ ທຸກສະຫາຍ ເຂົ້າຮ່ວມ. ກອງປະຊຸມຄັ້ງນີ້, ແມ່ນໄດ້ຮັບຟັງການຜ່ານຮ່າງບົດສະຫຼຸການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ […]

ໃນຕອນເຊົ້າວັນທີ 25 ພະຈິກ 2025 ທີ່ຫ້ອງປະຊຸມພະແນກສຶກສາທິການ ແລະ ກິລາແຂວງ ຫຼື ສກຂ ຜົ້ງສາລີ ໄດ້ເປີດບັ້ນການຄັດເລືອກຄູອາສາສະໝັກ ບັນຈຸລັດຖະກອນຄູ ປະຈໍາປີ 2025 ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ບຸນຈັນ ໄມ່ຕ່ວນ ຮອງຫົວໜ້າພະແນກສຶກສາທິການ ແລະ ກິລາແຂວງ, ມີທ່ານ ແສງອາລຸນ ແກ້ວໄຊ ຮອງຫົວໜ້າກົມກິດຈະການນັກສຶກສາ ແລະ ທ່ານ ບຸນພອນ ວິລະກຽດ ຮອງຫົວໜ້າຄະນະຈັດຕັ້ງແຂວງ ພ້ອມດ້ວຍບັນດາຜູ້ຕາງໜ້າຈາກພະແນກການທີ່ກ່ຽວຂ້ອງ, ຄະນະຮັບຜິດຊອບ ແລະ ຄູອາສາເຂົ້າຮ່ວມລວມທັງໝົດ 77 ທ່ານ, ຍິງ 38 ທ່ານ. ການຄັດເລືອກຮັບເອົາຄູອາສາສະໝັກ ບັນຈຸລັດຖະກອນຄູ ປະຈໍາ 2025 ລວມມີ 62 ຄົນ, ຍິງ 31 ຄົນ ແລະ ຄັດເລືອກດ້ວຍວິທີການສໍາພາດ, ກວດກາເອກະສານ ກ່ຽວການສຶກສາໃນໄລຍະທີ່ຜ່ານມາຕາມແຕ່ລະຂັ້ນ ໂດຍອີງຕາມຄໍາສັ່ງແນະນໍາຂອງກະຊວງສຶກສາທິການ ແລະ […]