ທີມງານທົດສອບຈາກກະຊວງສຶກສາທິການ ແລະ ກິລາ (ສສກ) ສປປ ລາວ ໂດຍການສະໜັບສະໜູນຈາກລັດຖະບານອົດສະຕຣາລີ ແລະ ອົງການສາກົນເພື່ອການພັດທະນາສາຫະລັດອາເມຣິກາ (USAID) ຜ່ານແຜນງານປັບປຸງຄຸນນະພາບ ແລະ ຂະຫຍາຍໂອກາດເຂົ້າເຖິງການສຶກສາຂັ້ນພື້ນຖານ ໃນ ສປປ ລາວ (ແຜນງານ ບີຄວາ)ໄດ້ສໍາເລັດການທົດສອບທັກສະພາສາລາວຂອງນັກຮຽນຊົນເຜົ່າໃນ 21 ເມືອງເປົ້າໝາຍທີ່ຢູ່ໃນໂຄງການຝຶກເວົ້າພາສາລາວ ໃນ 10 ແຂວງ ກະຊວງ ສສກ ເມື່ອບໍ່ດົນຜ່ານມາ  ຊຶ່ງທີມງານທົດສອບ ປະກອບມີ ຜູ້ຕາງໜ້າຈາກສະຖານບັນຄົ້ນຄວ້າວິທະຍາສາດການສຶກສາ (ສວສ), ກົມສ້າງຄູ, ກົມສາມັນສຶກສາ ກະຊວງ ສສກ, ວິທະຍາໄລຄູດົງຄຳຊ້າງ ແລະ ໂຮງຮຽນມັດທະຍົມໃນນະຄອນຫຼວງວຽງຈັນ. ຜົນໄດ້ຮັບຈາກການທົດສອບຈະຊ່ວຍໃຫ້ກະຊວງ ສສກ ສາມາດປະເມີນໂຄງການຝຶກເວົ້າພາສາລາວ ເພື່ອປັບປຸງທັກສະພາສາລາວຂອງນັກຮຽນຊົນເຜົ່າທີ່ເວົ້າພາສາອື່ນທີ່ບໍ່ແມ່ນພາສາລາວຢູ່ເຮືອນ. ໂຄງການຝຶກເວົ້າພາສາລາວ ໄດ້ຖືກຂະຫຍາຍເວລາຕື່ມ ຫຼັງຈາກການທົດລອງປະສົບຜົນສໍາເລັດຢູ່ໃນ 7 ເມືອງ ໃນສົກຮຽນ 2021-2022. ປັດຈຸບັນໄດ້ທົດລອງກັບນັກຮຽນ ຂັ້ນ ປ.1 ໃນ 105 ໂຮງຮຽນໃນ 21 […]

ກຳມະບານ ກະຊວງປ້ອງກັນປະເທດ (ປກຊ) ໄດ້ເຂົ້າອວຍພອນສະຫະພັນກຳມະບານ ກະຊວງສຶກສາທິການ ແລະ ກິລາ (ສສກ) ເນື່ອງໃນໂອກາດວັນຄູແຫ່ງຊາດ ຄົບຮອບ 29 ປີ (7 ຕຸລາ 1994-7 ຕຸລາ 2023) ເພື່ອເປັນການຮັດແໜ້ນຄວາມສາມັກຄີ ມິດຕະພາບ ແລະ ເຫັນໄດ້ເຖິງຄວາມສຳຄັນຂອງວຽກງານໃນຂະແໜງການສຶກສາ ແລະ ກິລາ. ພິທີພົບປະອວຍພອນດັ່ງກ່າວ, ໄດ້ມີຂຶ້ນເມື່ອວັນທີ 13 ຕຸລາ 2023 ທີ່ຫ້ອງປະຊຸມສະຖາບັນຄົ້ນຄວ້າວິທະຍາສາດການສຶກສາ ກະຊວງ ສສກ ໂດຍໃຫ້ກຽດນຳພາອວຍພອນຂອງສະຫາຍ ພັອ ບຸນຄ່ອງ ອຸດທະຈັນດີ ຄະນະບໍລິຫານງານ ສູນກາງສະຫະພັນກຳມະບານລາວ, ຫົວໜ້າຫ້ອງການກຳມະບານ ກະຊວງປ້ອງກັນປະເທດ ແລະ ໃຫ້ການຕ້ອນຮັບໂດຍສະຫາຍ ຮສ.ປອ ອານຸລົມ ວິໄລພອນ ຄະນະພັກກະຊວງ, ປະທານສະຫະພັນກຳມະບານກະຊວງ, ທັງເປັນຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ, ມີຄະນະ ແລະ ສະຫະພັນກໍາມະບານທັງສອງຝ່າຍເຂົ້າຮ່ວມ. ໃນໂອກາດດັ່ງກ່າວ, ສະຫາຍ ພັອ ບຸນຄ່ອງ ອຸດທະຈັນດີ […]

ສະຖາບັນຄົ້ນຄວ້າວິທະຍາສາດການສຶກສາ (ສວສ) ກະຊວງສຶກສາທິການ ແລະ ກິລາ ໄດ້ຈັດກອງປະຊຸມຝຶກອົບຮົມຄູຂັ້ນແຂວງກ່ຽວກັບການນຳໃຊ້ປື້ມຄູ່ມືຄູ ຂັ້ນ ມ.3 ແລະ ມ.6 ສຳລັບສູນທີ 2 ພາກກາງ ເມື່ອວັນທີ 16 ຕຸລາ 2023 ທີ່ສະໂມສອນວິທະຍາໄລຄູບ້ານເກິນ ແຂວງວຽງຈັນ ໂດຍພາຍໃຕ້ການເປັນປະທານຂອງທ່ານ ອຸທິດ ທິບມະນີ ຮອງຜູ້ອຳນວຍການ ສະຖາບັນຄົ້ນຄວ້າວິທະຍາສາດການສຶກສາ, ມີທ່ານ ຄຳພັນ ພິມສີປະສົມ ຫົວໜ້າທີມໂຄງການພັດທະນາຂະແໜງການສຶກສາເພື່ອການຈ້າງງານ (EESDP), ທ່ານ ນາງ ຈັນທະມາລາ ສຸທໍາມະວົງ ຜູ້ອໍານວຍການວິທະຍາໄລຄູບ້ານເກິນ ພ້ອມດ້ວຍຜູ້ອຳນວຍການ-ຮອງອຳນວຍການສູນ, ຫົວໜ້າ-ຮອງຫົວໜ້າພະແນກ, ຫົວໜ້າຫ້ອງການຄຸ້ມຄອງໂຄງການ, ທີ່ປຶກສາພາຍໃນ ແລະ ຕ່າງປະເທດ, ພະນັກງານອາວຸໂສບຳນານ, ຄູຝຶກ ແລະ ຄູສອນຈາກສະຖາບັນ, ກົມ, ຄູສຶກສານິເທດຊັ້ນມັດທະຍົມຈາກນະຄອນຫຼວງວຽງຈັນ, ແຂວງວຽງຈັນ, ບໍລິຄຳໄຊ, ຊຽງຂວາງ, ໄຊຍະບູລີ ແລະ ແຂວງໄຊສົມບູນ, ຄະນະສຶກສາສາດ ມຊ, ວິທະຍາໄລ, […]

ກົມກວດກາ ກະຊວງສຶກສາທິການ ແລະ ກິລາ (ສສກ) ໄດ້ລົງເຄື່ອນໄຫວເຜີຍແຜ່ເອກະສານທີ່ສຳຄັນຈຳນວນໜຶ່ງທີ່ກ່ຽວຂ້ອງໃນຂະແໜງການສຶກສາ ແລະ ກິລາ ທີ່ແຂວງຊຽງຂວາງ ໃນລະຫວ່າງວັນທີ 10-13 ຕຸລາ ຜ່ານມາ ນໍາໂດຍທ່ານ ນາງ ບຸນໂຮມ ຈັນທະສັກ ຮອງຫົວໜ້າກົມກວດກາ ກະຊວງ ສສກ, ມີທ່ານ ອ່ອນສີ ແກ້ວພັກດີ ຮອງຫົວໜ້າພະແນກສຶກສາທິການ ແລະ ກິລາແຂວງ (ສກຂ) ຊຽງຂວາງ, ພ້ອມດ້ວຍຄະນະນຳຈາກກົມກວດກາ, ຫົວໜ້າຂະແໜງ ແລະ ວິຊາການຈາກຂະແໜງທີ່ກ່ຽວຂ້ອງຂອງພະແນກເຂົ້າຮ່ວມ. ໂອກາດນີ້, ຄະນະທີມງານໄດ້ລົງເຄື່ອນໄຫວວຽກຢູ່ 4 ຈຸດເປົ້າໝາຍຂອງແຂວງ ຄື: ພະແນກ ສກຂ, ຫ້ອງການສຶກສາທິການ ແລະ ກິລາເມືອງ (ສກມ) ແປກ, ວິທະຍາໄລຄູຄັງໄຂ, ວິທະຍາໄລເຕັກນິກ-ວິຊາຊີບ ແບບປະສົມແຂວງ. ຈຸດປະສົງ ນອກຈາກຈະໄດ້ຮັບຟັງການລາຍງານສະພາບການເຄື່ອນໄຫວໂດຍຫຍໍ້ ກ່ຽວກັບວຽກສະກັດກັ້ນ ແລະ ຕ້ານປະກົດການຫຍໍ້ທໍ້ໃນຂະແໜງການສຶກສາ-ກິລາຂອງແຂວງໃນໄລຍະຜ່ານມາແລ້ວ, ບັນດາແຂກເຂົ້າຮ່ວມຍັງໄດ້ຮັບຟັງການຜ່ານຂໍ້ຕົກລົງ ແລະ ຄຳສັ່ງແນະນຳ […]

ເປີດນໍາໃຊ້ໂຄງການກໍ່ສ້າງວິທະຍາໄລ (ວລ) ເຕັກນິກ-ວິຊາຊີບການລົດໄຟລາວ ຊຶ່ງເປັນສະຖານການສຶກສາແຫ່ງທຳອິດຂອງ ສປປ ລາວ ເລີ່ມກໍ່ສ້າງວັນທີ 20 ກັນຍາ 2021 ໂດຍກຸ່ມບໍລິສັດ ກໍ່ສ້າງ-ລົງທຶນ ແລະ ຖືຮຸ້ນແຂວງຢຸນນານ ຈໍາກັດ ເປັນຜູ້ຮັບເໝົາ ແລະ ກຸ່ມບໍລິສັດ ສະຖາບັນອອກແບບແຂວງຢຸນນານ ຈໍາກັດ, ບໍລິສັດ ວິສະວະກໍາກໍ່ສ້າງຢຸນນານ ຈໍາກັດ ເປັນທີ່ປຶກສາຄຸ້ມຄອງໂຄງການ. ພິທີມອບ-ຮັບ ແລະ ເປີດນໍາໃຊ້ໂຄງການກໍ່ສ້າງວິທະຍາໄລເຕັກນິກ-ວິຊາຊີບການລົດໄຟລາວ ໄດ້ຈັດຂຶ້ນ ເມື່ອວັນທີ 12 ຕຸລາ 2023 ທີ່ໂຮງຮຽນດັ່ງກ່າວ ບ້ານໂພນຄໍາ ເມືອງໄຊທານີ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມລັ່ນຄ່ອງ 9 ບາດ ເພື່ອເປັນສີຣິມຸງຄຸນໂດຍພະນະທ່ານ ທອງລຸນ ສີສຸລິດ ປະທານປະເທດແຫ່ງ ສປປ ລາວ, ທ່ານ ສຈ.ປອ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ສປປ ລາວ, ທ່ານ ທອງສະລິດ ມັງໜໍ່ເມກ […]

ສູນພັດທະນາການສຶກສານອກໂຮງຮຽນ (ສພນ) ໄດ້ຮັບການຍ້ອງຍໍຈາກຄະນະນຳ ກະຊວງສຶກສາທິການ ແລະ ກິລາ ຫຼື ສສກ ຢ່າງສົມກຽດ ພາຍຫຼັງມີຜົນງານທີ່ພົ້ນເດັ່ນໃນການຈັດຕັ້ງປະຕິບັດຂະບວນການຮັກຊາດ ແລະ ພັດທະນາ 5 ປີ 2016-2020 ໃນໂອກາດສະເຫຼີມສະຫຼອງວັນຄູແຫ່ງຊາດ ຄົບຮອບ 29 ປີ (7 ຕຸລາ 1994 ຫາ 7 ຕຸລາ 2023). ພິທີສະເຫຼີມສະຫຼອງວັນຄູແຫ່ງຊາດ (7 ຕຸລາ) ຄົບຮອບ 29 ປີ ແລະ ການຍ້ອງຍໍຂະບວນການຮັກຊາດ ແລະ ພັດທະນາ 5 ປີ (2016-2020) ດັ່ງກ່າວ, ໄດ້ຈັດຂຶ້ນ ເມື່ອວັນທີ 5 ຕຸລາ ຜ່ານມາ ທີ່ສູນພັດທະນາການສຶກສານອກໂຮງຮຽນ ໂດຍພາຍໃຕ້ການເປັນປະທານຂອງທ່ານ ປອ ນາງ ສີສຸກ ວົງວິຈິດ ຄະນະປະຈຳພັກ, ຮອງລັດຖະມົນຕີ ກະຊວງສຶກສາທິການ ແລະ […]

ທ່ານ ນາງ ກິມເຟືອງ ເຮືອງມະນີ ຈາກແຂວງເຊກອງ ໄດ້ຮັບລາງວັນກຽດຕິຍົດຂອງສົມເດັດເຈົ້າຟ້າມະຫາຈັກກຣີ ປະເທດໄທ ເປັນຮຸ່ນທີ 5 ຂອງຄູລາວ ຊຶ່ງລາງວັນດັ່ງກ່າວເປັນລາງວັນເພື່ອຍ້ອງຍໍເຊີດຊູກຽດຄູຜູ້ມີຜົນງານດີເດັ່ນ ແລະ ສ້າງຄຸນປະໂຫຍດຕໍ່ການສຶກສາໃນປະເທດຕ່າງໆໃນພາກພື້ນອາຊີຕາເວັນອອກສ່ຽງໃຕ້ ກໍຄື ຊາດສະມາຊິກຂົງເຂດອາຊຽນ ລວມມີ 11 ປະເທດ. ຄະນະມູນນິທິລາງວັນສົມເດັດເຈົ້າຟ້າມະຫາຈັກກຣີ ໄດ້ພົບປະກັບບັນດາຄູລາວທີ່ໄດ້ຮັບລາງວັນສົມເດັດເຈົ້າຟ້າມະຫາຈັກກຣີ ໃນວັນທີ 4 ຕຸລາ ຜ່ານມາ ທີ່ສະຖານເອກອັກຄະຣາຊະທູດ ແຫ່ງ ຣາຊະອານາຈັກໄທ ປະຈຳ ສປປ ລາວ ຊຶ່ງມີພາກສ່ວນທີ່ກ່ຽວຂ້ອງ ແລະ ສີື່ມວນຊົນເຂົ້າຮ່ວມ. ໃນການພົບປະຄັ້ງນີ້, ໄດ້ຮັບຟັງການນໍາເໜີຄວາມເປັນມາຂອງລາງວັນສົມເດັດເຈົ້າຟ້າມະຫາຈັກກຣີ ຊຶ່ງລາງວັນດັ່ງກ່າວ ເປັນລາງວັນເພື່ອຍ້ອງຍໍເຊີດຊູກຽດຄູຜູ້ມີຜົນງານດີເດັ່ນ ແລະ ສ້າງຄຸນປະໂຫຍດຕໍ່ການສຶກສາໃນປະເທດຕ່າງໆໃນພາກພື້ນອາຊີຕາເວັນອອກສ່ຽງໃຕ້ ລວມມີ 11 ປະເທດ ຄື: ປະເທດບຣູໄນ, ອິນໂດເນເຊຍ, ກຳປູເຈຍ, ລາວ, ມາເລເຊຍ, ມຽນມາ, ຟີລິບປິນ, ສິງກະໂປ, ຕີມໍ ເລັດສະເຕ, ຫວຽດນາມ ແລະ […]

ທ່ານ ລັດຖະມົນຕີ ກະຊວງສຶກສາທິການ ແລະ ກິລາ (ສສກ) ເນັ້ນໜັກໃຫ້ຄະນະຊາວໜຸ່ມ ແລະ ສະມາຊິກຊາວໜຸ່ມແຕ່ລະຂັ້ນທີ່ສັງກັດຢູ່ໃນການຈັດຕັ້ງ ທີ່ເຄື່ອນໄຫວວຽກງານການສຶກສາ, ວິທະຍາສາດ ແລະ ກິລາ ສຸມໃສ່ປະຕິບັດໜ້າທີ່ການເມືອງຢ່າງໜັກແໜ້ນ ແນໃສ່ເຮັດໃຫ້ວຽກງານໄດ້ຮັບໝາກຜົນ ແລະ ເປັນໄປຕາມແຜນທີ່ກຳນົດໄວ້. ເມື່ອບໍ່ດົນມານີ້, ທີ່ຫ້ອງປະຊຸມ ກະຊວງສຶກສາທິການ ແລະ ກິລາ (ຕຶກໄອຊີທີ) ໄດ້ມີພິທີພົບປະໂອ້ລົມຂອງສະຫາຍເລຂາຄະນະບໍລິຫານງານພັກກະຊວງຕໍ່ຄະນະບໍລິຫານງານຊາວໜຸ່ມ, ສະມາຊິກຊາວໜຸ່ມທົ່ວຂະແໜງສຶກສາ-ກິລາ ໂອກາດສະເຫຼີມສະຫຼອງວັນຄູແຫ່ງຊາດ (7 ຕຸລາ) ຄົບຮອບ 29 ປີ ພ້ອມທັງປະກາດການແຕ່ງຕັ້ງຄະນະບໍລິຫານງານ ສະມາຄົມຊາວໜຸ່ມນັກຮຽນ, ນັກສຶກສາຂອງ ຄຊປປລ ກະຊວງສຶກສາທິການ ແລະ ກິລາ ສະໄໝທີ I ໂດຍພາຍໃຕ້ການເປັນປະທານ ແລະ ໂອ້ລົມຂອງສະຫາຍ ຮສ.ປອ ພຸດ ສິມມາລາ​ວົງ ກຳມະການ​ສູນ​ກາງ​ພັກ ເລຂາຄະນະບໍລິຫານ​ງານ​ພັກ​ກະຊວງ, ລັດຖະມົນຕີ ກະຊວງສຶກສາທິການ ແລະ ກິລາ, ມີສະຫາຍ ນາງ ວຽງແກ້ວ […]