ກະຊວງສຶກສາທິການ ແລະ ກິລາ (ສສກ) ແລະ ສະຫະພາບເອີຣົບ ພົບປະຫາລືສືບຕໍ່ຮ່ວມມືໃນຂົງເຂດຕ່າງໆຂອງຂະແໜງການສຶກສາ ທີ່ເຫັນວ່າຄວນສືບຕໍ່ຮ່ວມມື ແລະ ຊຸກຍູ້ໃຫ້ໄດ້ຮັບການພັດທະນາໃຫ້ສູງຂຶ້ນ ເປັນຕົ້ນແມ່ນ ວຽກງານອາຊີວະສຶກສາ, ການສຶກສາຊັ້ນສູງ ແລະ ການຄົ້ນຄວ້າວິທະຍາສາດ, ການພັດທະນາຄູ, ຫຼັກສູດການຮຽນການສອນ ຕະຫຼອດຮອດການສົ່ງເສີມການຮ່ວມມືລະຫວ່າງພັກ-ລັດໃຫ້ພັດທະນາຂຶ້ນເທື່ອລະກ້າວ. ໃນວັນທີ 16 ຕຸລາ 2025 ທີ່ສໍານັກງານກະຊວງວສຶກສາທິການ ແລະ ກິລາ, ທ່ານ ຮສ.ປອ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ (ສສກ) ໄດ້ໃຫ້ກຽດຕ້ອນຮັບການເຂົ້າຢ້ຽມພົບປະ ທ່ານ ມາກ ກາລາເຮີ ເອກອັກຄະລັດຖະທູດ ສະຫະພາບເອີຣົບ ປະຈຳ ສປປ ລາວ ພ້ອມດ້ວຍຄະນະ, ມີຫົວໜ້າກົມ ແລະ ຄະນະຮັບຜິດຊອບກ່ຽວຂ້ອງເຂົ້າຮ່ວມ. ການພົບປະດັ່ງກ່າວ, ແມ່ນເພື່ອສະແດງຄວາມຍິນດີ ແລະ ຊົມເຊີຍ ຕໍ່ທ່ານ ຮສ.ປອ ທອງສະລິດ ມັງໜໍ່ເມກ ທີ່ໄດ້ຮັບມອບໝາຍໃຫ້ດຳລົງຕໍາແໜງ […]

ກະຊວງສຶກສາທິການ ແລະ ກິລາ (ສສກ) ແລະ ລັດຖະບານຮົງກາລີ ຫາລືສືບຕໍ່ຮ່ວມມືດ້ານການສຶກສາ ເພື່ອເພີ່ມທະວີສາຍພົວພັນຮ່ວມມືລະຫວ່າງສອງຝ່າຍໃຫ່ນັບມື້ແໜ້ນແຟ້ນຫຍິ່ງຂຶ້ນ ແນໃສ່ເຮັດໃຫ້ວຽກງານການສຶກສາຂອງລາວໃຫ້ນັບມື້ກ້າວໜ້າຂຶ້ນ. ເມື່ອວັນທີ 16 ຕຸລາ 2025 ທີ່ສໍານັກງານກະຊວງສຶກສາທິການ ແລະ ກິລາ, ທ່ານ ຮສ.ປອ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ລາດໂລ ຕາກັກ ເອກອັກຄະລັດຖະທູດຮົງກາລີ ປະຈຳ ສປປ ລາວ ພ້ອມດ້ວຍຄະນະ, ມີຄະນະຮັບຜິດຊອບເຂົ້າຮ່ວມ. ໃນໂອກາດດັ່ງກ່າວ, ທ່ານລັດຖະມົນຕີ ໄດ້ສະແດງຄວາມຍິນດີຕ້ອນຮັບທ່ານທູດຮົງກາລີ ພ້ອມດ້ວຍຄະນະ ທີ່ໄດ້ມາຮ່ວມເຮັດວຽກ ແລະ ຢ້ຽມຢາມກະຊວງສຶກສາທິການ ແລະ ກິລາ ໃນຄັ້ງນີ້, ຊຶ່ງຖືເປັນການປະກອບສ່ວນຍົກສູງການພົວພັນຮ່ວມມື ໃນນາມເປັນຄູ່ຮ່ວມມືຍຸດທະສາດ ລະຫວ່າງ ສປປ ລາວ ແລະ ຮົງກາລີ ໂດຍສະເພາະແມ່ນການພົວພັນຮ່ວມມືດ້ານການສຶກສາ ກໍຄືການສຶກສາຊັ້ນສູງຂອງສອງປະເທດ. ປະເທດລາວ ແລະ ຮົງກາລີ […]

ສະຖາບັນຣັຕນະບໍລິຫານທຸລະກິດ ໄດ້ຈັດພິທີສະຫຼຸບການຈັດຕັ້ງປະຕິບັດການຮຽນ ການສອນ ປະຈຳສົກສຶກສາ 2024-2025 ແລະ ແຜນການປະຈຳສົກສຶກສາ 2025-2026 ໃນຕອນບ່າຍວັນທີ 18 ຕຸລາ 2025 ທີ່ໂຮງແຮມດອນ ຈັນພາເລດ ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມມີ ທ່ານ ຮສ.ປອ ຫຼ້າວັນ ວົງຄຳສານ ຫົວໜ້າກົມການສຶກສາ ຊັ້ນສູງ ກະຊວງສຶກສາທິການ ແລະ ກິລາ, ທ່ານ ວິໄລພອນ ພົມມະຫາໄຊ ຫົວໜ້າກົມອາຊີວະສຶກສາ ກະຊວງສຶກສາທິການ ແລະ ກິລາ ແລະ ທ່ານ ປອ ສົມເພັດ ຣັຕນະສິມ ປະທານບໍລິຫານສະຖາບັນຣັຕນະບໍລິຫານທຸລະກິດ ພ້ອມດ້ວຍແຂກຖືກເຊີນ, ຄະນະອຳນວຍການສະຖາບັນ, ພະນັກງານ, ຄູ-ອາຈານ ແລະ ນັກສຶກສາ ຕະຫຼອດຮອດຍາດຕິພີ່ນ້ອງຜູ້ສຳເລັດການສຶກສາໃໝ່ ຮ່ວມສະແດງຄວາມຍິນດີນຳຢ່າງຫຼວງຫຼາຍ. ໃນພິທີ, ທ່ານ ປອ ບຸນເທືອງ ມູນລາສີ ຜູ້ອຳນວຍການສະຖາບັນຣັຕນະບໍລິຫານທຸລະກິດ ໄດ້ລາຍງານຜົນການຈັດຕັ້ງປະຕິບັດການຮຽນ ການສອນ ປະຈຳສົກສຶກສາ […]

ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີສະຫຼຸບສົກສຶກສາ 2024-2025 ພ້ອມໄຂສົກຮຽນໃໝ່ 2025-2026 ແລະ ສະເຫຼີມສະຫຼອງວັນຄູແຫ່ງຊາດ ຄົບຮອບ 31 ປີ (7 ຕຸລາ 1994-7 ຕຸລາ 2025) ໃນວັນທີ 15 ຕຸລາ 2025 ທີ່ສະໂມສອນ ມຊ ໂດຍການເປັນປະທານຂອງທ່ານ ສຈ.ປອ ເດຊານຸລາດ ແສນດວງເດດ ອະທິການບໍດີ ມຊ, ມີຮອງອະທິການບໍດີ, ຄູ-ອາຈານ, ນັກສຶກສາ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. ໃນພິທີ, ຮສ.ປອ ທ່ານ ສິນທະວອນ ດາລາວົງ ຮອງອະທິການບໍດີ ມຊ ໄດ້ຂຶ້ນຜ່ານບົດສະຫຼຸບການຈັດຕັ້ງເຄື່ອນໄຫວວຽກງານປະຈໍາສົກສຶກສາ 2024-2025 ແລະ ຜ່ານແຜນການສົກສຶກສາ 2025-2026 ວ່າ: ໃນສົກສຶກສາ 2024-2025 ໄດ້ເປີດຮັບນັກສຶກສາໃໝ່ເຂົ້າຮຽນທັງໝົດ 14.646 ຄົນ, ຍິງ 7.464 ຄົນ ສະຖິຕິນັກສຶກສາ (ເດືອນ […]

ວັນທີ 15 ຕຸລາ 2025 ທີ່ຫ້ອງວ່າການປົກຄອງແຂວງບໍ່ແກ້ວ ໄດ້ຈັດພິທີລົງນາມໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເມືອງປາກທາ ແຂວງບໍ່ແກ້ວ ພາຍໃຕ້ໂຄງການຂອບຮ່ວມມື “ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP)” ໂດຍໄດ້ຮັບທຶນການຊ່ວຍເຫຼືອລ້າຈາກລັດຖະບານຍີ່ປຸ່ນ ມູນຄ່າປະມານ 88.546 ໂດລາສະຫະລັດ, ໂດຍມີ ທ່ານ ແປ້ນຄໍາ ບຸດຈັນແພງ ເຈົ້າແຂວງບໍ່ແກ້ວ ແລະ ທ່ານ ໂຄອິຊຶມິ ຊຶໂຕະມຸ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ພ້ອມດ້ວຍຜູ້ຕາງໜ້າຈາກຫ້ອງການສຶກສາ ແລະ ກິລາເມືອງປາກທາ ແລະ ພາກສ່ວນກ່ຽວຂ້ອງເຂົ້າຮ່ວມ. ໂຄງການດັ່ງກ່າວ, ແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ ແລະ ສະໜອງອຸປະກອນເຄື່ອງໃຊ້ໃຫ້ໂຮງຮຽນມັດທະຍົມຕົ້ນບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອປະກອບສ່ວນເຂົ້າໃນການຍົກລະດັບສະພາບແວດລ້ອມການສຶກສາຮ່ຳຮຽນຂອງໂຮງຮຽນດັ່ງກ່າວ. ມາຮອດປັດຈຸບັນ, ລັດຖະບານຍີ່ປຸ່ນ ໄດ້ໃຫ້ການສະໜັບສະໜູນໃຫ້ແຂວງບໍ່ແກ້ວ ລວມເປັນມູນຄ່າຫຼາຍກວ່າ 870.000 ໂດລາສະຫະລັດ ໃນຂະແໜງການສຶກສາ, ສາທາລະນະສຸກ ແລະ ໂຍທາທິການ. ໂຄງການນີ້, ເປັນໂຄງການທີ 7 ໃນຂະແໜງສຶກສາ […]

ກົມສ້າງຄູ ກະຊວງສຶກສາທິການ ແລະ ກິລາ (ສສກ) ເປີດເວທີສົນທະນາການສຶກສາຄູ ປະຈໍາປີ 2025 ກ່ຽວກັບຫົວຂໍ້ “ການຫັນປ່ຽນການສຶກສາຄູ ເພື່ອກຽມຄວາມພ້ອມສໍາລັບການສຶກສາໃນອະນາຄົດ” ສ້າງໂອກາດໃຫ້ຄູ-ອາຈານ ໄດ້ມີເວທີສະເໜີຜົນງານການຄົ້ນຄວ້າດ້ານການຮຽນການສອນ; ສົນທະນາແລກປ່ຽນຄວາມຮູ້ ແລະ ປະສົບການຈັດການຮຽນການສອນ ທີ່ມີປະສິດທິພາບ ແລະ ປະສິດທິຜົນ; ເພື່ອໃຫ້ຜູ້ບໍລິຫານການສຶກສາ ແລະ ຄູ-ອາຈານໄດ້ສົນທະນາ ແລກປ່ຽນຄໍາຄິດເຫັນ ກ່ຽວກັບການຮູບແບບການຈັດຕັ້ງປະຕິບັດວຽກການພັດທະນາວິຊາຊີບຄູແບບຕໍ່ເນື່ອງ ທີ່ມີປະສິດຕິພາບ ແລະ ປະສິດທິຜົນ. ພິທີເປີດເວທີສົນທະນາການສຶກສາຄູ ປະຈໍາປີ 2025 ກ່ຽວກັບຫົວຂໍ້ “ການຫັນປ່ຽນການສຶກສາຄູ ເພື່ອກຽມຄວາມພ້ອມສໍາລັບການສຶກສາໃນອະນາຄົດ”  ຈັດຂຶ້ນໃນຕອນເຊົ້າວັນທີ 16 ຕຸລາ 2025 ທີ່ມະຫາວິທະຍາໄລແຫ່ງຊາດ, ພາຍໃຕ້ການເປັນປະທານຂອງ ທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີ ກະຊວງສຶກສາທິການ ແລລະ ກິລາ, ມີ ທ່ານ ຮສ ນາງ ວົງເດືອນ ໂອໃສ ຫົວໜ້າກົມສ້າງຄູ […]

ສະຖາບັນຄົ້ນຄວ້າວິທະຍາສາດການສຶກສາ (ສວສ) ກະຊວງສຶກສາທິການ ແລະ ກິລາ ຮ່ວມກັບ ກົມສິ່ງແວດລ້ອມ, ກະຊວງກະສິກໍາ ແລະ ສິ່ງແວດລ້ອມ ໂດຍໄດ້ຮັບການສະໜັບສະໜູນຈາກ ອົງການສະຫະປະຊາຊາດ ເພື່ອການພັດທະນາ (United Nation Development Programme : UNDP) ໄດ້ຈັກຝຶກອົບຮົມສຳລັບຄູທີ່ເຂົ້າຮ່ວມໂຄງການທົດລອງ ການສອດແຊກປຶ້ມຊຸດຄວາມຮູ້ເສີມການປ່ຽນແປງດິນຟ້າອາກາດ ເຂົ້າໃນການຮຽນການສອນ ຂຶ້ນໃນວັນທີ 16 ຕຸລາ 2025  ທີ່ຫ້ອງປະຊຸມ ໂຮງແຮມ S VangVieng Boutique ເມືອງວັງວຽງ ແຂວງວຽງຈັນ, ພາຍໃຕ້ການເປັນປະທານຂອງທ່ານ ອຸທິດ ທິບມະນີ ຮອງຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ ກະຊວງສຶກສາທິການ ແລະ ກິລາ ມີບັນດາກົມທີ່ກ່ຽວຂ້ອງ, ຄູນິເທດ, ໂຮງຮຽນເປົ້າໝາຍ, ຜູ້ປະສານງານໂຄງການ ແລະ ທີມງານຈັດຕັ້ງປະຕິບັດເຂົ້າຮ່ວມ. ໂອກາດດັ່ງກ່າວ, ທ່ານ ອຸທິດ ທິບມະນີ ໄດ້ກ່າວໃຫ້ຮູ້ກ່ຽວກັບຄວາມເປັນມາຂອງໂຄງການວ່າ: ໂຄງການສຶກສາສ້າງຈິດສຳນຶກ ກ່ຽວກັບການປ່ຽນແປງດິນຟ້າອາກາດ ເພື່ອສົ່ງເສີມເປົ້າໝາຍການພັດທະນາແບບຍືນຍົງ (Climate […]

ໃນວັນທີ 14 ຕຸລາ 2025 ຢູ່ທີ່ຫ້ອງປະຊຸມກຸ່ມເສດຖະກິດເມືອງປາກກະດິງ ແຂວງບໍລິຄໍາໄຊ ໄດ້ພິທີປາຖະກະຖາຫວນຄືນມູນເຊື້ອວັນຄູແຫ່ງຊາດ ຄົບຮອບ 31 ປີ (7 ຕຸລາ 1994-7 ຕຸລາ 2025), ພາຍໃຕ້ການເປັນປະທານຂອງທ່ານ ບຸນຄົບ ຈັນທະວົງ ເລຂາຄະນະບໍລິຫານງານພັກເມືອງປາກກະດິງ, ມີຫົວໜ້າຫ້ອງການສຶກສາທິການ ແລະ ກິລາເມືອງ ປາກກະດິງ ພ້ອມດ້ວຍພະນັກງານ, ຄູ-ອາຈານ ແລະ ພາກສ່ວນກ່ຽວຂ້ອງເຂົ້າຮ່ວມຮັບຟັງຢ່າງພ້ອມພຽງ. ໂອກາດນີ້, ທ່ານ ບຸນຄົບ ຈັນທະວົງ ໄດ້ໃຫ້ກຽດເລົ່າຄືນມູນເຊື້ອ ແລະ ປະຫວັດຄວາມເປັນມາຂອງວັນຄູແຫ່ງຊາດລາວວ່າ: ຄູໄດ້ມີບົດບາດປະກອບສ່ວນອັນສຳຄັນ ທີ່ບໍ່ມີໃຜ ແລະ ຊັ້ນຄົນໃດຈະປະຕິເສດໄດ້. ຄຳວ່າຄູແມ່ນຄຳທີ່ເວົ້າສືບທອດກັນມາແຕ່ຫຼາຍເຊັ່ນຄົນແລ້ວ, ຄູໝາຍເຖິງຄົນທີ່ມີຄວາມຮູ້ ແລະ ປະສົບການ ນຳມາຖ່າຍຖອດຄວາມຮູ້ ແລະ ປະສົບການໃຫ້ກັບຜູ້ອື່ນ, ຈາກຜູ້ຮູ້ໄປ ສູ່ຜູ້ທີ່ບໍ່ທັນຮູ້ ເອີ້ນວ່າການສິດສອນ. ຊຶ່ງໃນສັດຕະວັດທີ 14 ເຈົ້າຟ້າງຸ່ມ ກະສັດອົງທໍາອິດຂອງລາວ ໄດ້ນໍາເອົາສາສະໜາພຸດເຂົ້າມາເຜີຍແຜ່ ເຮັດໃຫ້ປະເທດລາວເຮົາມີວັດວາອາຮາມ ຊຶ່ງຖືວ່າເປັນໂຮງຮຽນແຫ່ງທຳອິດ […]