ກົມສາມັນສຶກສາ ກະຊວງສຶກສາທິການ ແລະ ກິລາ (ສສກ) ຮ່ວມກັບ ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ຈັດກອງປະຊຸມປືກສາຫາລືຮ່ວມກັບບັນດາສື່ມວນຊົນຈາກ 20 ພາກສ່ວນ ເພື່ອກະກຽມເນື້ອໃນວຽກງານການກິນຢາຂ້າແມ່ທ້ອງໃນໂຮງຮຽນ ຂອບເຂດທົ່ວປະເທດ ຊຶ່ງຈະເລີ່ມຈັດຕັ້ງປະຕິບັດໃນວັນທີ 13 ຕຸລາ 2023 ແລະ ຈະໃຫ້ສຳເລັດການໃຫ້ຢາແກ່ເດັກນ້ອຍລາວ ໃນຮຸ່ນອາຍຸ 5 ຫາ 14 ປີ ໃນລະດັບປະຖົມ ແລະ ມັດທະຍົມຕອນຕົ້ນ ໄດ້ກິນຢາພາຍໃນເດືອນດັ່ງກ່າວນີ້ ແລະ ປີນີ້ມີຕອບສະໜອງ 1 ລ້ານກວ່າເມັດ. ກອງປະຊຸມປືກສາຫາລືຂອງສອງກົມດັ່ງກ່າວ ແລະ ບັນດາສື່ມວນຊົນ ໄດ້ຈັດຂຶ້ນ ເມື່ອວັນທີ 4 ຕຸລາ ຜ່ານມາ ທີ່ກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໂດຍໃຫ້ກຽດເຂົ້າຮ່ວມຂອງທ່ານ ວິສິດ ຄຳລືຊາ ຫົວໜ້າສູນສະຖິຕິ ແລະ ຂ່າວສານສາທາລະນະສຸກ ກະຊວງສາທາລະນະສຸກ, ພ້ອມດ້ວຍຕາງໜ້າພະແນກຄວບຄຸມພະຍາດກາຝາກ, ກົມຄວບຄຸມພະຍາດຕິດຕໍ່, ຕາງໜ້າກົມສາມັນສຶກສາ ແລະ ວິຊາການພາກສ່ວນທີ່ກ່ຽວຂ້ອງ ຕະຫຼອດຮອດບັນດາສື່ມ່ວນຊົນທຸກສໍານັກເຂົ້າຮ່ວມຢ່າງພ້ອມພຽງ. […]

ວິທະຍາໄລ (ວລ) ເຕັກນິກ ສັບພະວິຊາ ໄດ້ຈັດຕັ້ງພິທີສະເຫຼີມສະຫຼອງວັນຄູແຫ່ງຊາດ ຄົບຮອບ 29 ປີ ( 7 ຕຸລາ 1994 – 7 ຕຸລາ 2023) ເມື່ອວັນທີ 6 ຕຸລາ ຜ່ານມາ ທີ່ວິທະຍາໄລດັ່ງກ່າວ ໂດຍໃຫ້ກຽດເປັນປະທານຂອງ ທ່ານ ໜູພັນ ອຸດສາ ຫົວໜ້າກົມອາຊີວະສຶກສາ, ມີທ່ານ ວິໄລພອນ ພົມມະຫາໄຊ ຜູ້ອຳນວຍການ ວິທະຍາໄລ ເຕັກນິກ ສັບພະວິຊາ ພ້ອມດ້ວຍຄະນະອໍານວຍການ, ຫົວໜ້າພະແນກ/ພາກວິຊາ, ພະນັກງານອາວຸໂສບໍານານ, ບັນດາແຂກຮັບເຊີນ, ພະນັກງານ ຄູອາຈານ ແລະ ນັກສຶກສາພາຍໃນວິທະຍາໄລເຂົ້າຮ່ວມ. ກ່ອນຈະມີພິທີມອບໃບຍ້ອງຍໍ ປະຈຳສົກຮຽນ 2022-2023 ປະເພດ 1-2 ແລະ ມອບຂອງຂວັນວັນຄູໃຫ້ແກ່ບຸກຄົນດີເດັ່ນ ກໍຄໍ ພະນັກງານ ຄູອາຈານ ແລະ ພະນັກງານບຳນານ ຜູ້ທີ່ສຸມຈິດໃຈປະກອບສ່ວນເຂົ້າໃນວຽກງານຂອງພັກ-ລັດ ກໍຄື […]

ກະຊວງສຶກສາທິການ ແລະ ກິລາ (ສສກ) ໄດ້ຈັດພິທີສະເຫຼີມສະຫຼອງວັນຄູແຫ່ງຊາດ ຄົບຮອບ 29 ປີ (7 ຕຸລາ 1994-7 ຕຸລາ 2023) ທົ່ວປະເທດ ແບບເຊິ່ງໜ້າ ແລະ ອອນລາຍ ເມື່ອວັນທີ 6 ຕຸລາ 2023 ທີ່ຫ້ອງປະຊຸມກະຊວງ (ຕຶກໄອຊີທີ) ໂດຍພາຍໃຕ້ການເປັນປະທານ ແລະ ກ່າວເປີດຂອງທ່ານ ຮສ.ປອ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ, ມີອະດີດການນໍາກະຊວງສຶກສາທິການ ແລະ ກິລາ, ພະນັກງານອາວຸໂສບໍານານ, ຮອງລັດຖະມົນຕີ, ຄະນະນໍາຈາກພາກສ່ວນຕ່າງໆ, ຜູ້ບໍລິຫານການສຶກສາ, ວິທະຍາສາດ ແລະ ກິລາທຸກຂັ້ນທົ່ວປະເທດ, ບັນດາພະນັກງານ, ຄູອາຈານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມທາງເຊິ່ງໜ້າ ແລະ ອອນລາຍ. ໃນພິທີ, ທ່ານ ຮສ.ປອ ພຸດ ສິມມາລາວົງ ໄດ້ກ່າວວ່າ:  ນັບແຕ່ປີ […]

ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍຜົນສຳເລັດກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ເພື່ອເຮັດໃຫ້ຄະນະພັກ ແລະ ຄະນະນໍາກະຊວງ ໄດ້ຮັບຮູ້ເຂົ້າໃຈ ແລະ ນໍາໄປເຜີຍແຜ່ແກ່ກົມກອງຂອງຕົນ. ກອງປະຊຸມດັ່ງກ່າວ, ໄດ້ຈັດຂຶ້ນເມື່ອວັນທີ 3 ຕຸລາ 2023 ທີ່ຫ້ອງປະຊຸມສະຖາບັນຄົ້ນຄວ້າວິທະຍາສາດການສຶກສາ ກະຊວງ ສສກ ໂດຍພາຍໃຕ້ການເປັນປະທານຂອງສະຫາຍ ຮສ.ປອ ພຸດ ສິມມາລາວົງ ກຳມະການສູນກາງພັກ, ເລຂາຄະນະບໍລິຫານງານພັກກະຊວງ, ລັດຖະມົນຕີກະຊວງສຶກສາທິການ ແລະ ກິລາ, ມີຄະນະພັກມະຫາວິທະຍາໄລແຫ່ງຊາດ, ຄະນະພັກຮາກຖານ ແລະ ໜ່ວຍພັກຮາກຖານທີ່ຂຶ້ນກັບອົງຄະນະພັກກະຊວງ, ຫົວໜ້າ-ຮອງກົມ ຫຼື ທຽບເທົ່າ, ຜູ້ອຳນວຍການ-ຮອງຜູ້ອຳນວຍການສະຖາບັນ, ສູນ, ຜູ້ອຳນວຍການ-ຮອງຜູ້ອຳນວຍການວິທະຍາໄລ, ຕາງໜ້າອົງການຈັດຕັ້ງມະຫາຊົນ (ຂັ້ນກະຊວງ) ເຂົ້າຮ່ວມ. ໃນໂອກາດດັ່ງກ່າວ, ສະຫາຍ ຮສ.ປອ ພຸດ ສິມມາລາວົງ ໄດ້ກ່າວວ່າ: ກອງປະຊຸມໃນຄັ້ງນີ້, ແມ່ນມີຄວາມໝາຍຄວາມສຳຄັນຫຼາຍ ເພາະຜູ້ເຂົ້າຮ່ວມຈະໄດ້ພ້ອມກັນຮັບຟັງ […]

ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ວິທະຍາໄລ (ວລ) ອ້ອມຂ້າງ ກະຊວງສຶກສາທິການ ແລະ ກິລາ (ສສກ)  ຈັດກອງປະຊຸມສະຫຼຸບສັງລວມ ແລະ ຕີລາຄາຄືນຜົນງານທີ່ພົ້ນເດັ່ນ ປະຈຳໄຕມາດ III ແລະ ວາງແຜນການ ປະຈໍາໄຕມາດ IV ປີ 2023 ເມື່ອວັນທີ 29 ກັນຍາ ຜ່ານມາ ທີ່ສູນພັດທະນາຜູ້ປະກອບການ ລາວ-ອິນເດຍ (ຫຼັກ 8) ນະຄອນຫຼວງວຽງຈັນ ພາຍໃຕ້ການເປັນປະທານຂອງສະຫາຍ ປອ ຕຸດາວັນ ໜໍ່ເມືອງເສດ ຄະນະພັກກະຊວງ, ຮອງຫົວໜ້າກົມຈັດຕັ້ງ ແລະ ພະນັກງານ, ເລຂາທິການສູນກາງຊາວໜຸ່ມ ປະຊາຊົນ ປະຕິວັດລາວ ທັງເປັນເລຂາຄະນະບໍລິຫານງານຊາວໜຸ່ມ ກະຊວງ ສສກ ແລະ ສະຫາຍ ໄພວັນ ບັນດາສັກ ຮອງເລຂາຄະນະບໍລິຫານງານຊາວໜຸ່ມ ສສກ ທັງເປັນເລຂາ ຄຊປປລ ວິທະຍາໄລ ອ້ອມຂ້າງກະຊວງ ສສກ, […]

ຄະນະນຳ ກະຊວງສຶກສາທິການ ແລະ ກິລາ (ສສກ) ນໍາໂດຍທ່ານ ນາງ ຂັນທະລີ ສີຣິພົງພັນ ຮອງລັດຖະມົນຕີກະຊວງສຶກສາທິການ ແລະ ກິລາ ໄດ້ເຂົ້າຮ່ວມກອງປະຊຸມ ຈີນ-ອາຊຽນ ປະຈໍາປີ 2023 ກ່ຽວກັບການຮ່ວມມື ແລະ ພັດທະນາວຽກງານອາຊີວະສຶກສາ “2023 China-ASEAN Conference on Vocational Education Cooperation and Development” ແລະ ກອງປະຊຸມ ຈີນ-ອາຊຽນ ປະຈໍາປີ 2023 ກ່ຽວກັບວຽກງານອາຊີວະສຶກສາດ້ານກະສິກໍາ “2023 China-ASEN Vocational Education Forum Agriculture” ໃນລະຫວ່າງວັນທີ 14-18 ກັນຍາ 2023 ທີ່ແຂວງກວາງຊີ ສປ ຈີນ, ມີບັນດາການນໍາຂັ້ນສູງ ແລະ ການນໍາຂອງຂະແໜງການສຶກສາ ກໍຄື ຄູອາຈານຈາກບັນດາສະຖານການສຶກສາ ແລະ ພາກສ່ວນທີ່ກ່ຽວຂ້ອງຮ່ວມຕິດຕາມ. ກອງປະຊຸມດັ່ງກ່າວນີ້, […]

ຫ້ອງ​ການ​ເລ​ຂາ​ຄະ​ນະ​ກຳ​ມາ​ທິ​ການ​ແຫ່ງ​ຊາດ​ລາວ ເພື່ອ​ອຸຍ​ແນັດສະ​ໂກ ກົມ​ຮ່ວມ​ມື​ກັບ​ຕ່າງ​ປະ​ເທດ ກະ​ຊວງ​ສຶກ​ສາ​ທິ​ການ ແລະ ກິ​ລາ ໄດ້ຈັດ​ກອງ​ປະ​ຊຸມ​ປຶດ​ສາ​ຫາ​ລື​ລະ​ດັບ​ຊາດ ເພື່ອ​ສ້າງແຜນດໍາເນີນການກະກຽມສະເໜີແຫຼ່ງອຸທິຍານທໍລະນີ (Geopark) ໃນ ສປປ ລາວ ເມື່ອວັນ​ທີ 27 ກັນ​ຍາ 2023 ທີ່​ເມືອງວັງ​ວຽງ ​ແຂວງວຽງ​ຈັນ ໂດຍພາຍ​ໃຕ້​ການ​ເປັນ​ປະ​ທານ​ຂອງ​ທ່ານ ຮສ.ປອ ​ພຸດ ສິມ​ມາ​ລາ​ວົງ ລັດ​ຖະ​ມົນ​ຕີ​ກະ​ຊວງ​ສຶກ​ສ​ທິ​ການ ແລະ ກິ​ລາ, ປະ​ທານ​ຄະ​ນະ​ກຳ​ມາ​ທິ​ການ​ແຫ່ງ​ຊາດ​ລາວ ເພື່ອ​ອຸຍ​ແນັດ​ສ​ະໂກ, ມີຜູ້ຕາງ​ໜ້າຈາກກົມ​ປ່າ​ໄມ້ ກະ​ຊວງ​ກະ​ສິ​ກຳ ແລ​ະ ປ່າ​ໄມ້, ກົມ​ທໍ​ລະ​ນີ​ສາດ ແລະ ແຮ່​ທາດ ກະ​ຊວງ​ພະ​ລັງ​ງານ ແລະ ບໍ່​ແຮ່, ກົມ​ພັດ​ທະ​ນາ​ການ​ທ່ອງ​ທ່ຽວ, ກົມ​ໂຄ​ສະ​ນາ​ການ​​ທ່ອງ​ທ່ຽວ ກ​ະ​ຊວງ​ຖະແຫຼ່ງ​ຂ່າວ, ວັດ​ທະ​​ນະ​ທຳ ແລະ ທ່ອງ​ທ່ຽວ (ຖວ​ທ), ກົມ​ຄຸ້ມ​ຄອງວິ​ທະ​ຍາ​ສາດ ກະ​ຊວງ​ສຶກ​ສາ​ທິ​ການ ແລະ ກິ​ລາ, ຄະ​ນະ​ສິ່ງ​ແວດ​ລ້ອມ ​ມະ​ຫາ​ວິ​ທະ​ຍາ​ໄລ​ແຫ່ງ​ຊາດ, ຫ້ອງວ່າ​ການ​ສຳ​ນັກ​ງານ​ນາ​ຍົກ​ລັດ​ຖະ​ມັນ​ຕີ, ຫ້ອງ​ການ​ເລ​ຂາ​ຄະ​ນະ​ກຳ​ມາ​ທິ​ການ​ແຫ່ງ​ຊາດ​ລາວ ເພື່ອ​ອຸຍ​ແນ​ັດສ​ະໂກ​, ຮອງ​ຫົວ​ໜ້າ​ພະ​ແນກ​ກະ​ສິ​ກຳ ແລະ […]