ບໍລິສັດ ລັດວິສາຫະກິດ ໂຮງພິມສຶກສາ ກະຊວງສຶກສາທິການ ແລະ ກິລາ (ສສກ) ໄດ້ຈັດພິທີປະກາດພະນັກງານການນຳອອກພັກການ-ຮັບອຸດໜູນບຳນານ ແລະ ປະກາດແຕ່ງຕັ້ງຜູ້ອຳນວຍການຜູ້ໃໝ່ ຂຶ້ນໃນວັນທີ 13 ມີນາ 2026 ທີ່ຫ້ອງປະຊຸມຂອງບໍລິສັດດັ່ງກ່າວ ໂດຍພາຍໃຕ້ການເປັນປະທານຂອງທ່ານ ປອ ຕຸດາວັນ ໜໍ່ເມືອງເສດ ຫົວໜ້າກົມຈັດຕັ້ງ ກະຊວງສຶກສາທິການ ແລະ ກິລາ, ມີທ່ານ ຮສ.ປອ ຫຼ້າວັນ ວົງຄຳສານ ຫົວໜ້າຫ້ອງການ ກະຊວງສຶກສາທິການ ແລະ ກິລາ, ທ່ານ ອຸບັນ ສຸພິດາ ຫົວໜ້າກົມຈັດຕັ້ງ ກະຊວງການເງິນ ພ້ອມດ້ວຍສະພາບໍລິຫານບໍລິສັດລັດວິສາຫະກິດໂຮງພິມສຶກສາ, ຄະນະປະຕິຮູບລັດວິສາຫະກິດ ຂັ້ນສູນກາງ, ຫົວໜ້າກົມ, ຜູ້ອຳນວຍການສະຖາບັນ, ຜູ້ອຳນວຍການສຳນັກພິມ, ຜູ້ອຳນວຍການ/ຮອງຜູ້ອຳນວຍການ, ຫົວໜ້່າພະແນກ/ຮອງຫົວນ້າພະແນກ, ພະນັກງານວິຊາການຈາກບໍລິສັດລັດວິສາຫະກິດໂຮງພິມສຶກສາ ແລະ ບໍລິສັດ ລັດວິສາຫະກິດ ອຸປະກອນການສຶກສາ ເຂົ້າຮ່ວມຢ່າງພ້ອມພຽງ. ໂອກາດດັ່ງກ່າວ, ທ່ານ ອຸບັນ ສຸພິດາ ຫົວໜ້າກົມຈັດຕັ້ງ […]

ການແຂ່ງຂັນຄັດເລືອກນັກຮຽນເກັ່ງຂັ້ນແຂວງ ທົ່ວແຂວງຊຽງຂວາງ ປະຈໍາສົກຮຽນ 2025-2026, ເຊິ່ງຈັດໂດຍພະແນກສຶກສາທິການ ແລະ ກິລາແຂວງ (ສກຂ) ຊຽງຂວາງ ດຳເນີນເປັນເວລາ 2 ວັນ ແລະ ສໍາເລັດລົງໃນຕອນບ່າຍຂອງວັນທີ 5 ມີນາ 2026 ທີ່ຫ້ອງປະຊຸມໃຫຍ່ພະແນກ ສກຂ, ພາຍໃຕ້ການເປັນປະທານຂອງທ່ານ ບຸນຄົງ ດວງພະວັນ ຫົວໜ້າພະແນກ ສກຂ ຊຽງຂວາງ, ມີທ່ານ ອ່ອນສີ ແກ້ວພັກດີ ຮອງຫົວໜ້າພະແນກ ສກຂ ຊຽງຂວາງ, ທ່ານ ສີພອນ ນັນທະພອນ ຫົວໜ້າຂະແໜງສາມັນສຶກສາ ພະແນກ ສກຂ ຊຽງຂວາງ ພ້ອມຄະນະ, ຄະນະຮັບຜິດຊອບການສອບເສັງ, ຄູນໍາພາ ພ້ອມດ້ວຍນ້ອງນັກສອບເຂົ້າຮ່ວມຢ່າງພ້ອມພຽງ. ສົກຮຽນ 2025-2026 ນີ້, ທົ່ວແຂວງຊຽງຂວາງ ມີນັກຮຽນທີ່ເປັນຕົວແທນໃຫ້ບັນດາເມືອງເຂົ້າຮ່ວມແຂ່ງຂັນຄັດເລືອກນັກຮຽນເກັ່ງຂັ້ນແຂວງທັງໝົດ 108 ນ້ອງ, ຍິງ 71 ນ້ອງ; ໃນນັ້ນ ຂັ້ນ ປ.5 […]

ແຂວງໄຊຍະບູລີ ສໍາເລັດການສອບເສັງແຂ່ງຂັນນັກຮຽນເກັ່ງສາຍສາມັນສຶກສາລະດັບແຂວງ ປະຈໍາສົກຮຽນ 2025 -2026 ຊຶ່ງດໍາເນີນມາແຕ່ວັນທີ 2 ມີນາ 2026 ແລະ ສໍາເລັດໃນຕອນເຊົ້າວັນທີ 4 ມີນາ 2026 ທີ່ສະໂມສອນໃຫຍ່ພະແນກສຶກສາທິການ ແລະ ກິລາແຂວງໄຊຍະບູລີ ເປັນກຽດເຂົ້າຮ່ວມຂອງທ່ານ ອາເມ ຊົງເຍ້ຽເລັ່ງ ຮອງປະທານຄະນະກໍາມະການປົກຄອງແຂວງ, ມີຫົວໜ້າ-ຮອງຫົວໜ້າພະແນກການ, ຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ, ຜູ້ອໍານວຍການໂຮງຮຽນອ້ອມຂ້າງແຂວງ, ສູນ, ແຂກທີ່ຖືກເຊີນ, ຄູ-ອາຈານ ພ້ອມດ້ວຍນັກຮຽນເກັ່ງ ເຂົ້າຮ່ວມ 300 ກວ່າຄົນ. ການສອບເສັງແຂ່ງຂັນນັກຮຽນເກັ່ງ ລະດັບແຂວງໃນຄັ້ງນີ້ ລ້ວນແຕ່ແມ່ນນັກຮຽນເກັ່ງ ທີ່ຜ່ານການສອບເສັ່ງຄັດເລືອກໃນລະດັບໂຮງຮຽນ, ລະດັບກຸ່ມໂຮງຮຽນ, ລະດັບເມືອງ ແລະ 1 ຫ້ອງພອນສະຫວັນ ມີນັກສອບເສັງທັງໝົດ 170 ນ້ອງ, ຍິງ 117 ນ້ອງ ໃນນີ້ ມີສໍາມະເນນ 1 ອົງ ແບ່ງອອກເປັນ 3 ຊັ້ນຮຽນ […]

ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ (ຄຊປປລ) ກະຊວງສຶກສາທິການ ແລະ ກິລາ (ສສກ) ໄດ້ຈັດກິດຈະກໍາໂຄສະນາປູກຈິດສໍານຶກໃຫ້ແກ່ຊາວໜຸ່ມ, ໄວໜຸ່ມ ນັກຮຽນ-ນັກສຶກສາ ກ່ຽວກັບການເປັນນັກວິທະຍາສາດ ເມື່ອວັນທີ 4 ມີນາ 2026 ທີ່ໂຮງຮຽນມັດທະຍົມສຶກສາສົມບູນ ຕານມີໄຊ ໂດຍໃຫ້ກຽດເຂົ້າຮ່ວມຂອງ ສະຫາຍ ນາງ ເພັດສະໝອນ ແກ້ວໂສພາ ກຳມະການສູນກາງຊາວໜຸ່ມ, ຮອງເລຂາຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ ກະຊວງ ສສກ, ສະຫາຍ ນາງ ແກ້ວລັດ ມະນີແສງ ເລຂາໜ່ວຍພັກ, ຜູ້ອຳນວຍການໂຮງຮຽນ ມສ ຕານມີໄຊ, ພ້ອມດ້ວຍບັນດາສະຫາຍຄະນະບໍລິຫານງານຊາວໜຸ່ມ, ສະຫະພັນແມ່ຍິງ, ສະຫະພັນກໍາມະບານ, ຄະນະຮັບຜິດຊອບຈັດກິດຈະກໍາ ສສກ, ຄູ-ອາຈານ, ນ້ອງໆນັກຮຽນ ແລະ ບັນດາທີມນັກຮຽນເຂົ້າຮ່ວມແຂ່ງຂັນຖາມ-ຕອບ ທາງດ້ານວິທະຍາສາດເຂົ້າຮ່ວມ. ໂອກາດດັ່ງກ່າວ, ນາງ ເພັດສະໝອນ ແກ້ວໂສພາ ໄດ້ກ່າວວ່າ: ໃນໄລຍະຜ່ານມາ ກິດຈະກໍານ້ອງຢາກເປັນນັກວິທະຍາສາດ ໄດ້ດໍາເນີນຈັດຕັ້ງປະຕິບັດຢູ່ກະຊວງວິທະຍາສາດ […]

ທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສືກສາ ແລະ ກິລາ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ພະແນກສຶກສາທິການ ແລະ ກິລາແຂວງສາລະວັນ ໃນວັນທີ 2 ມີນາ 2026, ໃຫ້ກຽດຕ້ອນຮັບຂອງ ທ່ານ ສຸນີ ນາມມະບົວລີ ຫົວໜ້າພະແນກສືກສາທິການ ແລະ ກິລາແຂວງ ພ້ອມດ້ວຍຄະນະພັກ, ຄະນະພະແນກ, ຫົວໜ້າຫ້ອງການສືກສາທິການ ແລະ ກິລາເມືອງ, ອຳນວຍການສູນ, ໂຮງຮຽນອ້ອມຂ້າງ, ຜູ້ບໍລິຫານການສືກສາ, ພະນັກງານຄູອາຈານເຂົ້າຮ່ວມ. ໃນພິທີ, ທ່ານ ສຸນີ ນາມມະບົວລີ ໄດ້ລາຍງານສະພາບລວມຂອງການຈັດຕັ້ງປະຕິບັດວຽກງານສຶກສາທິການ ແລະ ກິລາ ຢູ່ແຂວງສາລະວັນ ເຊິ່ງໄດ້ຍົກໃຫ້ເຫັນເຖິງດ້ານຕັ້ງໜ້າ ໂດຍສະເພາະການຈັດຕັ້ງປະຕິບັດ 10 ຄາດໝາຍ ສາມາດປະຕິບັດບັນລຸໄດ້ 9 ຄາດໝາຍ. ສໍາລັບຄາດໝາຍທີ່ບໍ່ບັນລຸຄື: ອັດຕາການປະລະການຮຽນຂອງນັກຮຽນ ຊັ້ນປະຖົມສຶກສາ ແລະ ໄດ້ລາຍງານບັນດາສິ່ງທ້າທາຍຕ່າງໆ, ຂໍ້ຄົງຄ້າງ […]

ກອງປະຊຸມຖອດຖອນບົດຮຽນກ່ຽວກັບວຽກງານການຄົ້ນຄວ້າວິທະຍາສາດ ປະຈຳປີ 2026 ຂອງກອງທຶນພັດທະນາວິທະຍາສາດ ແລະ ເຕັກໂນໂລຊີ ໄດ້ຈັດຂຶ້ນເມື່ອວັນທີ 6 ມີນາ 2026 ທີ່ຫ້ອງປະຊຸມ ວິທະຍາໄລເຕັກນິກການ ລົດໄຟ (ຫຼັກ 16) ໂດຍພາຍໃຕ້ການເປັນປະທານຂອງ ທ່ານ ຮສ.ປອ ທອງສະລິດ ມັງໜໍ່ເມກ ລັດຖະມົນຕີກະຊວງສຶກສາທິການ ແລະ ກິລາ, ປະທານສະພາບໍລິຫານກອງທຶນພັດທະນາວິທະຍາສາດ ແລະ ເຕັກໂນໂລຊີ, ມີຮອງລັດຖະມົນຕີ, ຫົວໜ້າ-ຮອງຫົວໜ້າກົມ, ຜູ້ຕາງໜ້າຈາກຫ້ອງການ, ກົມ, ສະຖາບັນ, ສູນ, ນັກຄົ້ຄວ້າວິທະຍາສາດ, ຕາງໜ້າຈາກມະຫາວິທະຍາໄລແຫ່ງຊາດ, ມະຫາວິທະຍາໄລຈຳປາສັກ, ມະຫາວິທະຍາໄລສະຫວັນນະເຂດ, ມະຫາວິທະຍາໄລສຸພານຸວົງ ຕະຫຼອດຮອດພະນັກງານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໃນໂອກາດດັ່ງກ່າວ, ທ່ານ ຮສ.ປອ ທອງສະລິດ ມັງໜໍ່ເມກ ໄດ້ກ່າວວ່າ: ກອງປະຊຸມໃນຄັ້ງນີ້ ແມ່ນມີຄວາມໝາຍຄວາມສຳຄັນຫຼາຍ ເພື່ອສູມໃສ່ທົບທວນຄືນວຽກງານຜ່ານມາ ພ້ອມທັງແກ້ໄຂບັນຫາສິ່ງທ້າທາຍ ແລະ ຄົງຄ້າງຕ່າງໆພ້ອມກັນແລກປ່ຽນຄໍາຄິດຄໍາເຫັນ ແລະ ຜົນງານການຄົ້ນຄວ້າຕ່າງໆດ້ານວິທະຍາສາດ, ສຳລັບວຽກຄົ້ນຄວ້າວິທະຍາສາດ […]

ກະຊວງສຶກສາທິການ ແລະ ກິລາ (ສສກ) ໂດຍໄດ້ຮັບການສະໜັບສະໜູນຈາກລັດຖະບານອົດສະຕຣາລີ ຜ່ານແຜນງານການປັບປຸງຄຸນນະພາບ ແລະ ຂະຫຍາຍໂອກາດເຂົ້າຮຽນການສຶກສາຂັ້ນຂັ້ນພື້ນຖານໃນ ສປປ ລາວ (ແຜນງານບີຄວາ), ໄດ້ເລີ່ມຕົ້ນການຄົ້ນຄວ້າວິໄຈປີທີສາມ ເພື່ອລະບຸການປະຕິບັດ ທີ່ເສີມສ້າງຄວາມຮູ້ສຶກຜູກພັນຂອງນັກຮຽນກັບໂຮງຮຽນ ຜ່ານການສຶກສາຄົ້ນຄວ້າການຮຽນການສອນແບບຮຽນຮ່ວມ. ໃນເດືອນກຸມພາ ແລະ ມີນາ 2026 ນີ້ ທີມງານນັກເກັບກຳຂໍ້ມູນ 21 ທ່ານ ຈາກກະຊວງສຶກສາທິການ ແລະ ກິລາ ແລະ ວິທະຍາໄລຄູ (ວຄ) ພ້ອມດ້ວຍພະນັກງານ 33 ທ່ານ ຈາກພະແນກສຶກສາທິການ ແລະ ກິລາແຂວງ (ສກຂ) ແລະ ຫ້ອງການສຶກສາທິການ ແລະ ກິລາເມືອງ (ສກມ) ຈະເດີນທາງໄປໂຮງຮຽນປະຖົມເພື່ອເກັບກຳຂໍ້ມູນດ້ານຄຸນນະພາບ. ທ່ານ ເພັດມະນີ ສີລັດມີນາ ຮອງຫົວໜ້າກົມສ້າງຄູ ກະຊວງສຶກສາທິການ ແລະ ກິລາ ໄດ້ກ່າວວ່າ: “ກົມສ້າງຄູ ໄດ້ນຳພາການຄັດເລືອກໂຮງຮຽນ ແລະ ການອອກແບບກິດຈະກຳການສຶກສາຄົ້ນຄວ້າພາກສະໜາມ ເພື່ອຮັບປະກັນດ້ານຫຼັກຖານທີ່ສາມາດປຽບທຽບໄດ້ […]

ຄະນະບໍລິຫານງານສະຫະພັນແມ່ຍິງກະຊວງສຶກສາທິການ ແລະ ກິລາ (ສສກ) ໄດ້ຈັດພິທີສະເຫຼີມສະຫຼອງວັນແມ່ຍິງສາກົນ ຄົບຮອບ 116 ປີ ໃນວັນທີ 26 ກຸມພາ 2026 ທີ່ວິທະຍາໄລເຕັກນິກປາກປ່າສັກ ໂດຍການເປັນປະທານຂອງ ສະຫາຍ ປອ ນາງ ດາລາວອນ ກິດຕິພັນ ຮອງເລຂາຄະນະບໍລິຫານງານພັກ, ຮອງລັດຖະມົນຕີກະຊວງສຶກສາທິການ ແລະ ກິລາ, ສະຫາຍ ນາງ ສຸດສາຍໃຈ ດວງສະຫວັນ ຄະນະບໍລິຫານງານສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງກະຊວງ ສສກ, ມີບັນດາສະຫາຍເລຂາພັກ, ຄະນະພັກຮາກຖານອ້ອມຂ້າງ ແລະ ມະຫາວິທະຍາໄລແຫ່ງຊາດ, ພ້ອມດ້ວຍ 2 ອົງການຈັດຕັ້ງພາຄີ ກໍຄື ສະຫະພັນກຳມະບານ ແລະ ຊາວໜຸ່ມປະຊາຊົນປະຕິວັດລາວ, ຄະນະບໍລິຫານງານສະຫະພັນແມ່ຍິງ ສສກ ແລະ ບັນດາສະມາຊິກແມ່ຍິງຮາກຖານອ້ອມຂ້າງກະຊວງ ແລະ ມະຫາວິທະຍາໄລແຫ່ງຊາດ ເຂົ້າຮວ່ມຢ່າງພ້ອມພຽງ. ໃນພິທີ, ສະຫາຍ ນາງ ສຸດສາຍໃຈ ດວງສະຫວັນ ໄດ້ໃຫ້ຄຳເຫັນ ແລະ […]