ໂຄງການການເມືອງ ແມ່ນຖະແຫຼງການສັງຮວມຫຍໍ້, ມີຄວາມຈະແຈ້ງ ແລະ ມີຄວາມຊັດເຈນ ຊີ້ໃຫ້ເຫັນທຸກໆບັນຫາ ທີ່ພັກຢາກບັນລຸໄດ້ຕາມຈຸດປະສົງເປົ້າໝາຍທີ່ຕັ້ງໄວ້, ທັງແມ່ນທິດສະດີປະຕິວັດຂອງພັກ, ປຽບເໝືອນທວນໄຟເຍືອງທາງ ໃຫ້ປະຊາຊົນລາວບັນດາເຜົ່າ ເຮັດການປະຕິວັດຢ່າງມີໄຊ. ສະຫາຍ ພົອ ວິໄລ ຫຼ້າຄຳຟອງ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ໄດ້ຍົກໃຫ້ເຫັນຄວາມໝາຍສໍາຄັນຂອງໂຄງການການເມືອງ ໃນກອງປະຊຸມເຜີຍແຜ່ ແລະ ເຊື່ອມຊຶມເອກະສານກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໃນວັນທີ 25 ກຸມພາ 2026 ວ່າ: ພັກເຮົາ ນັບແຕ່ມື້ສ້າງຕັ້ງຂຶ້ນໄດ້ວາງໂຄງການການເມືອງ ອອກ 2 ຄັ້ງ ຄື: ຄັ້ງທີ I ໃນປີ 1955 ເປັນໂຄງການການເມືອງສະບັບທຳອິດຂອງພັກ ທີ່ໄດ້ກໍານົດທິດນໍາ ແລະ ຖືເປັນແນວທາງ ໃຫ້ພັກເຮົາດໍາເນີນພາລະກິດຕໍ່ສູ້ຕ້ານການຮຸກຮານ ຈາກຈັກກະພັດລ່າເມືອງຂຶ້ນ ແລະ ລູກມືຂາຍຊາດ; ຄັ້ງທີ II ໃນປີ 1972 ເປັນໂຄງການການເມືອງທີ່ວາງອອກ ເພື່ອເຮັດສໍາເລັດການປະຕິວັດຊາດ-ປະຊາທິປະໄຕ, ນຳພາປະເທດຊາດກ້າວຂຶ້ນສູ່ສັງຄົມນິຍົມ. ການສ້າງໂຄງການການ […]

ໃນຕອນເຊົ້າວັນທີ 25 ກຸມພາ 2026 ທີ່ຫໍປະຊຸມແຫ່ງຊາດ, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ໄດ້ໃຫ້ກຽດເປັນປະທານ ແລະ ກ່າວເປີດກອງປະຊຸມເຜີຍແຜ່, ເຊື່ອມຊຶມ ມະຕິກອງປະຊຸມໃຫຍ່ ຄັ້ງທີ XII ຂອງພັກ ຊຶ່ງມີບັນດາສະຫາຍ ກົມການເມືອງ, ຄະນະເລຂາທິການສູນກາງພັກ, ຄະນະພັກ, ພະນັກງານຫຼັກແຫຼ່ງ ຂັ້ນສູນກາງ ແລະ ທ້ອງຖິ່ນເຂົ້າຮ່ວມຮັບຟັງແບບເຊິ່ງຫນ້າ ແລະ ກອງປະຊຸມທາງໄກ. ໃນພິທີອັນສະຫງ່າລາສີນີ້, ສະຫາຍເລຂາທິການໃຫຍ່ ໄດ້ເນັ້ນໜັກເຖິງຄວາມໝາຍຄວາມສຳຄັນຂອງກອງປະຊຸມ ເຊິ່ງຖືເປັນການເປີດສາກໃຫ້ແກ່ການເລີ່ມຕົ້ນຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XII ຂອງພັກ ເພື່ອແນ່ໃສ່: ໜຶ່ງ: ສ້າງຄວາມຮັບຮູ້, ເຂົ້າໃຈ ທີ່ເລິກເຊິ່ງ ຕໍ່ເນື້ອໃນຈິດ ໃຈສໍາຄັນ ຂອງແນວທາງການເມືອງ ແລະ ແນວທາງ ການຈັດຕັ້ງ ທີ່ໄດ້ກຳນົດອອກ ໃນກອງປະຊຸມໃຫຍ່ ຄັ້ງທີ XII ຂອງ ພັກ ຢ່າງເປັນລະບົບ; […]

ກອງປະຊຸມສະໄໝສາມັນຂອງລັດຖະບານ ປະຈຳເດືອນມັງກອນ-ກຸມພາ 2026 ໄດ້ໄຂຂຶ້ນໃນຕອນເຊົ້າ ຂອງວັນທີ 24 ກຸມພາ 2026 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ, ມີບັນດາທ່ານ ຮອງນາຍົກລັດຖະມົນຕີ, ສະມາຊິກລັດຖະບານ ແລະ ຜູ້ຕາງໜ້າກະຊວງ-ອົງການ ເຂົ້າຮ່ວມ. ກອງປະຊຸມຄັ້ງນີ້ ຈະໄດ້ພ້ອມກັນຄົ້ນຄວ້າ, ປຶກສາຫາລື, ປະກອບຄຳເຫັນ ແລະ ພິຈາລະນາ ຕໍ່ບັນດາຫົວຂໍ້ທີ່ສໍາຄັນ ຄື: ວຽກງານຈຸດສຸມຮີບດ່ວນ ຄື: ຮ່າງເນື້ອໃນບົດເຜີຍແຜ່ ຂອງນາຍົກລັດຖະມົນຕີ ກ່ຽວກັບແຜນພັດທະ ນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ X (2026-2030); ຄວາມຄືບໜ້າໃນການແກ້ໄຂຜົນກະ ທົບດິນຍຸບ ຢູ່ເຂດບ້ານທົ່ງມັ່ງ, ເມືອງໄຊທານີ, ນະຄອນຫຼວງວຽງຈັນ; ສະພາບນັກທ່ອງທ່ຽວຢູ່ລາວ ໃນປີ 2025 ແລະ ສະເໜີທິດທາງສົ່ງເສີມການທ່ອງທ່ຽວໃນຕໍ່ໜ້າ; ການປະຕິບັດ ມະຕິ 08/ລບ, ລົງວັນທີ 04 […]

ໃນຕອນເຊົ້າຂອງວັນທີ 22 ກຸມພາ 2026 ນີ້, ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ທ່ານ ນາງ ນາລີ ສີສຸລິດ ໄດ້ໃຫ້ກຽດເດີນທາງມາໃຊ້ສິດປະຊາທິປະໄຕ ປ່ອນບັດເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະພາປະຊາຊົນຂັ້ນແຂວງ (ສປຂ) ຊຸດທີ V ທີ່ໜ່ວຍປ່ອນບັດເລືອກຕັ້ງທີ 40, ຫ້ອງການບ້ານທ່າພະລານໄຊ, ເມືອງສີສັດຕະນາກ, ນະຄອນຫຼວງວຽງຈັນ. ເມື່ອເດີນທາງມາເຖິງໜ່ວຍປ່ອນບັດ, ທ່ານປະທານປະເທດ ແລະ ພັນລະຍາ ໄດ້ຮັບການຕ້ອນຮັບຢ່າງອົບອຸ່ນ ໂດຍ ທ່ານ ອາດສະພັງທອງ ສີພັນດອນ, ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະກຳມະການເລືອກຕັ້ງຂັ້ນນະຄອນຫຼວງ, ຂັ້ນເມືອງ ແລະ ພໍ່ແມ່ປະຊາຊົນຊາວບ້ານທ່າພະລານໄຊ ທີ່ມາລໍຖ້າໃຊ້ສິດຂອງຕົນຢ່າງຄຶກຄື້ນ. ໃນໂອກາດນີ້, ທ່ານ ທອງລຸນ ສີສຸລິດ ໄດ້ປະຕິບັດຂັ້ນຕອນການປ່ອນບັດຢ່າງເປັນລະບຽບຮຽບຮ້ອຍ ເພື່ອຄັດເລືອກເອົາຜູ້ແທນທີ່ມີມາດຕະຖານ, […]

ວັນທີ 22 ມີນາ 2026 ເປັນວັນເລືອກຕັ້ງສະມາຊິກສະພາແຫ່ງຊາດ (ສສຊ) ຄັ້ງທີ X ແລະເລືອກຕັ້ງເອົາສະມາຊິກສະພາປະຊາຊົນແຂວງ(ສສຂ) ຊຸດທີ V ຊຶ່ງບັນຍາກາດການປ່ອນບັດເລືອກຕັ້ງຕາມຈຸດຕ່າງໆໃນທົ່ວແຂວງສະຫວັນນະເຂດ ແມ່ນເຕັມໄປດ້ວຍບັນຍາກາດທີ່ຄຶກຄື້ນ, ປະຊາຊົນຕື່ນຕົວອອກມາໃຊ້ສິດຂອງຕົນຢ່າງຫຼວງຫຼາຍ, ການນຳພັກ-ລັດແຕ່ລະຂັ້ນ, ລວມທັງຜູ້ອອກສະໝັກຮັບເລືອກຕັ້ງ ສສຊ ແລະ ສສຂ ປະຈຳເມືອງ-ນະຄອນ, ກໍ່ໄດ້ອອກມາປ່ອນບັດເລືອກຕັ້ງເຊັ່ນກັນ. ໃນໂອກາດທີ່ມີຄວາມໝາຍສຳຄັນນີ້, ການນໍາແຂວງ ນຳໂດຍທ່ານ ບຸນໂຈມ ອຸບົນປະເສີດ, ທ່ານ ຄຳຜຸຍ ສີບຸນເຮືອງ, ທ່ານ ວາລິຍະ ສີຈັນທອງທິບ ແມ່ນໄດ້ປ່ອນບັດເລືອກຕັ້ງຢູ່ຈຸດເລືອກຕັ້ງ ວັດສຸນັນທາ ນະຄອນໄກສອນ ພົມວິຫານ, ທ່ານ ປອ ນາງ ສູນທອນ ໄຊຍະຈັກ ແລະຜູ້ສະໝັກຮັບເລືອກຕັ້ງບາງທ່ານ ແມ່ນໄດ້ປ່ອນບັດເລືອກຕັ້ງຢູ່ໂຮງຮຽນປະຖົມ ໄຊຍະພູມ ນະຄອນ ໄກສອນພົມວິຫານ, ທ່ານ ນາງ ດາວວອນ ໄຊສຸລຽນ, ທ່ານ ທອງໃສ ໄຊຍະວົງຄຳດີ ແມ່ນໄດ້ໃຊ້ສິດເລືອກຕັ້ງຢູ່ຈຸດປ່ອນບັດ ວັດໂນນຫີນແຮ່ […]

ໃນຕອນເຊົ້າວັນທີ 22 ກຸມພາ 2026 ຢູ່ໜ່ວຍເລືອກຕັ້ງຫ້ອງ ການ ບ້ານໂພນສີນວນ ເມືອງສີສັດຕະນາ ນະຄອນຫຼວງວຽງຈັນ, ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ແລະ ພັນລະຍາ ພ້ອມດ້ວຍບັນດາການນຳພັກ-ລັດ ແລະ ປະຊາຊົນລາວບັນດາເຜົ່າ ໄດ້ພ້ອມພຽງກັນໄປໃຊ້ສິດປະຊາທິປະໄຕຂອງຕົນເອງ ປ່ອນບັດເລືອກສະມາຊິກສະ ພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະ ຊາຊົນ ນະຄອນຫຼວຽງຈັນ (ສສ ນວ) ຢ່າງຄຶກຄື້ນ. ໂອກາດນີ້, ທ່ານ ສະເຫຼີມໄຊ ກົມມະສິດ ໃຫ້ຮູ້ວ່າ: ມື້ນີ້ເປັນມື້ທີ່ມີຄວາມໝາຍຄວາມສຳຄັນຢ່າງຍິ່ງຕໍ່ປະເທດຊາດ ບັ້ນເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນ ຂັ້ນແຂວງ (ສສຂ) ຊຸດທີ V ແມ່ນເຫດການການເມືອງໜຶ່ງທີ່ສຳຄັນ ເພື່ອໃຫ້ພົນລະ ເມືອງລາວຜູ້ມີສິດເລືອກຕັ້ງ ໄດ້ເລືອກເອົາບຸກຄົນທີ່ມີມາດ ຖານ ແລະ ເງື່ອນໄຂຄົບຖ້ວນກວ່າໝູ່ […]

ຕອນເຊົ້າວັນທີ 22 ກຸມພາ 2026, ທ່ານ ປອ ອານຸພາບ ຕຸນາລົມ ຫົວໜ້າໂຮງຮຽນການເມືອງ-ການປົກຄອງແຫ່ງຊາດ, ປະທານສະພາປະຊາຊົນ ນະຄອນຫຼວງວຽງຈັນ ພ້ອມດ້ວຍພັນລະຍາ ໄດ້ໄປບ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ X ປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ ແລະ ສະ ພາປະຊາຊົນ ນະຄອນຫຼວງວຽງຈັນ ຊຸດທີ V ຢູ່ຈຸດໜ່ວຍເລືອກຕັ້ງບ້ານຊຽງຍືນ (ວັດຊຽງຍືນ) ເມືອງຈັນທະບູລີ ນະຄອນຫຼວງວຽງຈັນ ໂດຍການຂອງຮັບຂອງທ່ານ ນາງ ສຸມາລີ ທຳມະວົງ ກຳມະການປະຈຳພັກນະຄອນຫຼວງວຽງຈັນ ເລຂາຄະນະພັກເມືອງຈັນທະບູລີ ພ້ອມຄະນະກຳມະການປະຈຳໜ່ວຍເລືອກຕັ້ງ ເລຂາພັກບ້ານ-ນາຍບ້ານ ຕະຫຼອດຮອດພໍ່ແມ່ປະຊາ ຊົນພາຍໃນບ້ານຊຽງຍືນ. ຈຸດປະສົງຂອງຫຼັກການເລືອກຕັ້ງຄັ້ງນີ້ ແມ່ນການຈັດຕັ້ງປ່ອນບັດເລືອກຕັ້ງເອົາສະມາຊິກສະພາແຫ່ງຊາດ ຊຸດທີ X ປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ ແລະ ສະພາປະຊາຊົນ ນະຄອນຫຼວງ ວຽງຈັນ ຊຸດທີ V ເຊິ່ງແມ່ນການເສີມຂະຫຍາຍຢ່າງແຂງແຮງ ການປະຕິບັດສິດ ປະຊາທິປະໄຕ ຂອງ […]

ໃນຕອນບ່າຍວັນທີ 17 ກຸມພາ 2026 ນີ້, ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັນ ພ້ອມດ້ວຍຄະນະຂັ້ນແຂວງ, ຂັ້ນເມືອງ ໄດ້ນຳພາຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 10 ຈຳນວນ 5 ທ່ານ, ຍິງ 2 ທ່ານ ໃນນັ້ນມີ: ຜູ້ສະໝັກເລືອກຕັ້ງນໍ້າເບີ 1 ທ່ານ ຮສ.ປອ ທອງສະລິດ ມັງໜໍ່ເມກ ກຳມະການກົມການເມືອງສູນກາງພັກ, ລັດຖະມົນຕີກະຊວງສຶກສາທິການ ແລະ ກິລາ, ນໍ້າເບີ 4 ທ່ານ ສີທົນ ແສງພະຈັນ ກຳມະການປະຈຳພັກແຂວງວຽງຈັນ, ນໍ້າເບີ 5 ທ່ານ ນາງ ເພັດສະໝອນ ສອນ ກຳມະການປະຈຳພັກກະຊວງ ຫົວໜ້າສູນສະຖິຕິແຫ່ງຊາດ ກະຊວງການເງິນ, ນໍ້າເບີ 7 ທ່ານ ນາງ ວົງເດືອນ ວັດຕະໂສ […]