ພະແນກສຶກສາທິການ ແລະ ກິລາ ແຂວງສາລະວັນ ໄດ້ຈັດພິທີສອບເສັງຄັດເລືອກບັນຈຸທົດແທນລັດຖະກອນຄູ ປະຈຳປີ 2026 ໃນວັນທີ 26 ມີນາ 2026 ທີ່ສູນການສຶກສານອກໂຮງຮຽນ, ໂດຍການເຂົ້າຮ່ວມ ແລະ ເປີດຫົວບົດສອບເສັງຂອງ ທ່ານ ສຸນີ ນາມມະບົວລີ ຫົວໜ້າພະແນກສຶກສາທິການ ແລະ ກິລາແຂວງ, ມີ ທ່ານ ສຸກສະເຫຼີມພອນ ໄມມະນີ ຮອງຫົວໜ້າຄະນະຈັດຕັ້ງແຂວງ, ທ່ານ ບຸນຖາວອນ ທໍາມະພັດ ຮອງຫົວໜ້າພະແນກການເງິນແຂວງ, ມີບັນດາຄະນະຮັບຜິດຊອບການສອບເສັງ, ຜູ້ຕາງໜ້າຈາກຫ້ອງການສຶກສາທິການ ແລະ ກິລາ ຈາກ 8 ເມືອງ, ຄະນະອະນຸກໍາມະການ, ພ້ອມດ້ວຍນັກສອບເສັງເຂົ້າຮ່ວມ. ໃນພິທີ, ທ່ານ ບຸນເກີດ ອິນທະນຸດ ຮອງຫົວໜ້າຂະແໜງການຈັດຕັ້ງ ແລະ ພະນັກງານ ພະແນກສຶກສາທິການ ແລະ ກິລາແຂວງ ໄດ້ຜ່ານຂໍ້ຕົກຂອງຄະນະກໍາມະການປົກຄອງແຂວງ ເລກທີ 183/ຄປຂ.ສວ, ວ່າດ້ວຍການແຕ່ງຕັ້ງຄະນະຮັບຜິດຊອບຊີ້ນຳ ແລະ ກອງເລຂາການບັນຈຸທົດແທນລັດຖະກອນຄູ […]

ໃນວັນທີ 31 ມີນາ 2026, ຄະນະຮັບຜີດຊອບ ໄດ້ລົງປະກາດ ໂຮງຮຽນ ມສ ນາຊານ ແລະ ໂຮງຮຽນ ມ.ຕົ້ນ ພູຫວດ ເມືອງງາ ແຂວງອຸດົມໄຊ ເປັນໂຮງຮຽນປອດຢາເສບຕິດ 10 ສົກຮຽນຊ້ອນ (ແຕ່ປີ 2013-2023) ຢູ່ທີ ໂຮງຮຽນ ມສ ນາຊານ ພາຍໃຕ້ການເປັນປະທານຮ່ວມໂດຍ ທ່ານ ຄໍາພຸດ ຕາວິລົມ ຄະນະປະຈໍາພັກເມືອງ, ເລຂາຄະນະພັກຮາກຖານ, ຫົວໜ້າກອງບັນຊາການ ປກສ ເມືອງ ແລະ ທ່ານ ສີທອງ ທັນຂັນຕິ ຮອງຫົວໜ້າພະແນກສຶກສາທິການ ແລະ ກິລາແຂວງອຸດົມໄຊ, ມີຄະນະຕາແສງ, ຜູ້ອໍານວຍການໂຮງຮຽນ ຄູ-ອາຈານ, ຄະນະພັດທະນາການສຶກສາຂັ້ນບ້ານ, ເຖົ້າແກ່ແນວໂຮມ, ພໍ່ແມ່ນັກຮຽນ ແລະ ນັກຮຽນທັງໝົດເຂົ້າຮ່ວມ. ໃນພິທີ, ໄດ້ຜ່ານຂໍ້ຕົກລົງຂອງຫົວໜ້າພະແນກສຶກສາທິການ ແລະ ກິລາແຂວງ ວ່າດ້ວຍການຮັບຮອງເອົາໂຮງຮຽນທັງ 2 ແຫ່ງ […]

ຕອນບ່າຍຂອງວັນທີ 3 ເມສາ 2026 ນີ້, ທີ່ພະແນກສຶກສາທິການ ແລະ ກິລາ ແຂວງຫຼວງພະບາງ ໄດ້ຈັດກອງປະຊຸມຮັບຮອງ ແລະປະກາດນຳໃຊ້ຫຼັກສູດທ້ອງຖິ່ນ “ການອະນຸລັກຮັກສາມໍລະດົກໂລກ ນະຄອນ ຫຼວງພະບາງ” ສຳລັບນັກຮຽນຊັ້ນປະຖົມສຶກສາ ແລະມັດທະຍົມສຶກສາຕອນຕົ້ນ, ໂດຍການເປັນປະທານຂອງ ທ່ານ ປອ ວົງເພັດ ອຸດົມລິດ ຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ ກະຊວງສຶກສາທິການ ແລະ ກິລາ, ທ່ານ ນາງ ກອງມະນີ ວາດຕະນາ ຫົວໜ້າກົມການເງິນ ກະຊວງສຶກສາທິການແລະກິລາ, ທ່ານ ສຸລິເດດ ແກ້ວບົວລະເພັດ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ, ມີຜູ້ຕາງໜ້າພະແນກການ, ກົມກອງ ແລະພາກສ່ວນທີ່ກ້ຽວຂ້ອງເຂົ້າຮ່ວມ. ໂອກາດນີ້, ທ່ານ ປອ ວົງເພັດ ອຸດົມລິດ ໄດ້ມີຄໍາເຫັນກ່າວໃນພິທີວ່າ: ກອງປະຊຸມຄັ້ງນີ້, ເພື່ອຮັບຮອງ ແລະການປະກາດນຳໃຊ້ຫຼັກສູດທ້ອງຖິ່ນ, ເນື້ອໃນປື້ມແບບຮຽນ ແລະປື້ມຄູ່ມືຄູ ການອະນຸລັກຮັກສາມໍລະດົກໂລກ ນະຄອນຫຼວງພະບາງ ສຳລັບຊັ້ນປະຖົມສຶກສາ ປ.3 […]

ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ຈັດກອງປະຊຸມຄົ້ນຄວ້າບັນຈຸທົດແທນລັດຖະກອນຄູ ຕາມຈຳນວນທີ່ສິ້ນສຸດໃນຮູບການຕ່າງໆ ໃນງວດ II ປະຈຳ ປີ 2026 ໃນວັນທີ 23 ມີນາ 2026 ທີ່ພະແນກສຶກສາທິການ ແລະ ກິລາແຂວງ ໂດຍພາຍໃຕ້ການເປັນປະທານຂອງ ທ່ານ ນາງ ວຽນວິໄລ ດີລະພັນ ຄະນະປະຈຳພັກແຂວງ, ຮອງປະທານຄະນະກຳມະການປົກຄອງແຂວງຫຼວງພະບາງ, ມີຫົວໜ້າ-ຮອງຫົວໜ້າພະແນກສຶກສາທິການ ແລະ ກິລາແຂວງ, ຫົວໜ້າ-ຮອງຫົວໜ້າພະແນກການກ່ຽວຂ້ອງຂອງແຂວງ, ຫົວໜ້າຫ້ອງການສຶກສາທິການ ແລະ ກິລາເມືອງ/ນະຄອນ, ຫົວໜ້າ-ຮອງຫົວໜ້າຂະແໜງພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ໃນການສອບເສັງຄັດເລືອກຄັ້ງນີ້ ມີພະນັກງານມາລົງທະບຽນເຂົ້າຮ່ວມການສອບເສັງຕົວຈິງທັງໝົດ 102 ຄົນ, ຍິງ 67 ຄົນ ມາຈາກ 11 ຕົວເມືອງ ແລະ 1 ນະຄອນ, ຊຶ່ງຄະນະຮັບຜິດຊອບການສອບເສັງຈະໄດ້ຮ່ວມກັນຄົ້ນຄວ້າ ພິຈາລະນາໂດຍອີງໃສ່ມາດຖານເງື່ອນໄຂ ແລະ ຜົນການສອບເສັງຢ່າງມີເຫດຜົນ ຖືກຕ້ອງຕາມລະບຽບຫຼັກການ ຈຶ່ງສາດຮັບຮອງເອົາການຄົ້ນຄ້ວາໃນການບັນຈຸ ທົດແທນລັດຖະກອນຄູ ຕາມຈຳນວນທີ່ສິ້ນສຸດໃນຮູບການຕ່າງໆ ໃນງວດ II […]

ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ຈັດກອງປະຊຸມເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ແລະ ມະຕິກອງປະຊຸມໃຫຍ່ ຜູ້ແທນອົງຄະນະພັກແຂວງຫຼວງພະບາງ ຄັ້ງທີ IX ໂດຍເປັນປະທານຂອງ ສະຫາຍ ນາງ ວຽນວິໄລ ດີລະພັນ ຄະນະປະຈຳພັກແຂວງ, ຮອງປະທານຄະນະກຳມະການປົກຄອງແຂວງຫຼວງພະບາງ, ມີຫົວໜ້າ-ຮອງຫົວໜ້າພະແນກສຶກສາທິການ ແລະ ກິລາແຂວງ, ຫົວໜ້າ-ຮອງຂະແໜງ,ບັນດາພະນັກງານລັດຖະກອນ, ສະມາຊິກພັກພ້ອມດ້ວຍວິຊາການ ເຂົ້າຮ່ວມຮັບຟັງຢ່າງພ້ອມພຽງ. ໂອກາດນີ້, ສະຫາຍ ນາງ ວຽນວິໄລ ດີລະພັນ ໄດ້ນຳເອົາເນື້ອໃນຈິດໃຈຂອງເອກະສານສຳຄັນ 3 ສະບັບມາເຜີຍແຜ່ເຊື່ອມຊຶມ ຄື: ໂຄງການ ການເມືອງ ຂອງພັກປະຊາຊົນປະຕິວັດລາວ, ບົດລາຍງານການເມືອງ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ, ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ, ການເຊື່ອມຊຶມເອກະສານຄັ້ງນີ້ ກໍເພື່ອເປັນການເສີມຂະຫຍາຍທາດແທ້ອັນດີງາມຂອງພັກ ແລະຜົນງານອັນລໍ້າເລີດຂອງພັກ, ສືບຕໍ່ຢຶດໝັ້ນແນວທາງນະໂຍບາຍຂອງພັກ, ເສີມຂະຫຍາຍແນວທາງປ່ຽນແປງໃໝ່ຮອບດ້ານ ແລະມີຫຼັກການຂອງພັກເຮົາ, ລົງເລິກໃນການບູລະນະລະບອບປະຊາທິປະໄຕ […]

ໃນຕອນບ່າຍຂອງວັນທີ 16 ມີນາ 2026 ທີ່ຫ້ອງຮັບແຂກພະແນກສຶກສາທິການ ແລະ ກິລາແຂວງ ຫຼື ສກຂ ສະຫວັນນະເຂດ, ທ່ານ ປອ ສຸກສົມພອນ ອະໂນໄທ ຫົວໜ້າພະແນກສຶກສາທິການ ແລະ ກິລາແຂວງ ໄດ້ໃຫ້ກຽດຕ້ອນຮັບ ແລະ ໃຫ້ສຳພາດຕໍ່ຄະນະຜູ້ແທນສື່ມວນຊົນ (ໜັງສືພິມ, ວິທະຍຸ ແລະ ໂທລະພາບ) ຈາກນະຄອນດານັງ ສສ ຫວຽດນາມ ໃນໂອກາດເດີນທາງມາເຄື່ອນໄຫວເກັບກຳຂໍ້ມູນຂ່າວສານ ແລະ ຢ້ຽມຢາມບັນດາໂຄງການຮ່ວມມືຢູ່ພາຍໃນແຂວງ ເຊິ່ງທ່ານໄດ້ຍົກໃຫ້ເຫັນເຖິງຜົນສຳເລັດການຮ່ວມມືກໍ່ສ້າງຊັບພະຍາກອນມະນຸດ ແລະ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີງາມລະຫວ່າງ ແຂວງສະຫວັນນະເຂດ ແລະ ນະຄອນດານັງ ໃນໄລຍະຜ່ານມາ ໂດຍທ່ານໄດ້ເນັ້ນໜັກວ່າ: ນະຄອນດານັງ ໄດ້ໃຫ້ການຊ່ວຍເຫຼືອອັນລ້ຳຄ່າໃນການກໍ່ສ້າງພື້ນຖານໂຄງລ່າງດ້ານການສຶກສາທີ່ທັນສະໄໝ ເຊັ່ນ: ສູນພາສາຫວຽດນາມ ແລະ ໂຮງຮຽນມັດທະຍົມສົມບູນສຶກສາມິດຕະພາບ ລາວ-ຫວຽດນາມ. ບັນດາໂຄງການເຫຼົ່ານີ້ ໄດ້ກາຍເປັນບ່ອນບົ່ມເພາະ ແລະ ສ້າງບຸກຄະລາກອນທີ່ມີຄຸນນະພາບ ໃຫ້ແກ່ແຂວງສະຫວັນນະເຂດຢ່າງຫຼວງຫຼາຍ, ເຊິ່ງເປັນປັດໄຈສຳຄັນໃນການພັດທະນາເສດຖະກິດ-ສັງຄົມຂອງແຂວງ. ສຳລັບ ທິດທາງແຜນການ […]

ມະຫາວິທະຍາໄລ ສະຫວັນນະເຂດ ຫຼື ມຂ ແລະ ບໍລິສັດ ແກ້ວມະນີວົງ ການຄ້າຂາອອກ-ຂາເຂົ້າ ຈໍາກັດຜູ້ດຽວ ຮ່ວມກັນລົງນາມເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມືທາງດ້ານວິຊາການ ເພື່ອຊຸກຍູ້ສົ່ງເສີມອຸປະກອນການສຶກສາ, ເຄື່ອງໃຊ້ຫ້ອງການ, ປະກັນໄພຄຸ້ມຄອງອຸປະຕິເຫດຄູ-ອາຈານ ແລະ ນັກສຶກສາຂອງມະຫາວິທະຍາໄລ ສະຫວັນນະເຂດ ໃນໄລຍະເວລາ 20 ປີ. ພິທີເຊັນບົດບັນທຶກຄວາມເຂົ້າໃຈ (MOU) ວ່າດ້ວຍການຮ່ວມມືທາງດ້ານວິຊາການ ລະຫວ່າງ ມຂ ສະຫວັນນະເຂດ ແລະ ບໍລິສັດ ແກ້ວມະນີວົງ ການຄ້າຂາອອກ-ຂາເຂົ້າ ຈໍາກັດຜູ້ດຽວ ຈັດຂຶ້ນໃນວັນທີ 18 ມີນາ 2026 ທີ່ຮ້ານໂຊກໄຊ ກາເຟ ບ້ານວຽງຈະເລີນ ເມືອງໄຊເຊດຖາ ນະຄອນຫຼວງວຽງຈັນ, ເປັນການລົງນາມກັນລະຫວ່າງ ທ່ານ ຮສ.ປອ ສິດທິໄຊ ໄຊຍະວົງ ຮັກສາການແທນຜູ້ອໍານວຍການມະຫາວິທະຍາໄລ ສະຫວັນນະເຂດ ແລະ ທ່ານ ບຸນທະນອງ ແກ້ວມະນີວົງ ຜູ້ອໍານວຍການບໍລິສັດ ແກ້ວມະນີວົງ ການຄ້າຂາອອກ-ຂາເຂົ້າ […]

ເພື່ອເປັນການກະກຽມຄວາມພ້ອມດ້ານບຸກຄະລາກອນໃຫ້ແກ່ການເປີດສົກຮຽນໃໝ່, ໃນວັນທີ 16 ມີນາ 2026 ທີ່ຫ້ອງປະຊຸມໃຫຍ່ ພະແນກສຶກສາທິການ ແລະ ກິລາ ແຂວງຄໍາມ່ວນ ໄດ້ຈັດກອງປະຊຸມປະຖົມນິເທດຄູອາສາສະໝັກຕາມສັນຍາ ກ່ອນລົງປະຕິບັດໜ້າທີ່ຕົວຈິງໃນສົກຮຽນ 2025-2026 ໂດຍການເປັນປະທານຂອງ ທ່ານ ນາງ ສຸກຂະເສີມ ສິດທິເດດ ຫົວໜ້າພະແນກສຶກສາທິການ ແລະ ກິລາແຂວງຄໍາມ່ວນ, ມີບັນດາຫົວໜ້າຂະແໜງ, ຮອງຂະແໜງ, ພະນັກງານວິຊາການທີ່ກ່ຽວຂ້ອງ ພ້ອມດ້ວຍຄູອາສາສະໝັກ ຈຳນວນ 53 ຄົນ ເຂົ້າຮ່ວມຢ່າງພ້ອມພຽງ. ກອງປະຊຸມໃນຄັ້ງນີ້ ມີວັດຖຸປະສົງເພື່ອໃຫ້ຄູອາສາສະໝັກໄດ້ຮັບຊາບ ແລະ ເຂົ້າໃຈແຈ້ງກ່ຽວກັບພາລະບົດບາດ, ສິດ ແລະ ໜ້າທີ່ຮັບຜິດຊອບຂອງຕົນ ລວມໄປເຖິງລະບຽບການຕ່າງໆ ຂອງຂະແໜງການສຶກສາ. ນອກຈາກນີ້, ຍັງເປັນການແນະນຳກ່ຽວກັບການຈັດຕັ້ງປະຕິບັດການຮຽນ-ການສອນ, ຈັນຍາບັນຂອງຄູ ແລະ ການດຳລົງຊີວິດຮ່ວມກັບຊຸມຊົນໃນເຂດທີ່ຕົນເອງຈະໄດ້ລົງໄປປະຕິບັດໜ້າທີ່. ໃນໂອກາດນີ້, ທ່ານ ນາງ ສຸກຂະເສີມ ສິດທິເດດ ໄດ້ໃຫ້ທິດຊີ້ນຳ ແລະ ໂອ້ລົມຕໍ່ຄູອາສາສະໝັກທັງ 53 ຄົນ ໂດຍທ່ານໄດ້ເນັ້ນໜັກໃຫ້ທຸກຄົນຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງທີ່ໄດ້ຮັບມອບໝາຍ, ມີຄວາມອົດທົນພາກພຽນ […]

ຕອນເຊົ້າວັນທີ 17 ມີນາ 2026 ນີ້, ກອງບັນຊາການທະຫານແຂວງຫົວພັນ ໄດ້ຈັດພິທີປະກາດການທຽບຊັ້ນໃຫ້ຄູອາສາສະໝັກ ເຂົ້າເປັນລັດຖະກອນປ້ອງກັນຊາດ ຢູ່ສະໂມສອນກອງບັນຊາການທະຫານແຂວງ ໂດຍການເຂົ້າຮວ່ມເປັນປະທານຂອງສະຫາຍ ພຸດພັນ ແກ້ວວົງໄຊ ກຳມະການສູນກາງພັກ, ເລຂາຄະນະບໍລິຫານງານພັກແຂວງຫົວພັນ, ມີສະຫາຍ ພົວ ເນກ ວິຂະຈັນ ເລຂາຄະນະພັກ, ຫົວໜ້າການເມືອງ ກອງບັນຊາການທະຫານແຂວງ, ສະຫາຍພົວ ຄຳເມືອງ ໂຄດວົງຄູນ ຄະນະປະຈຳພັກແຂວງ, ຫົວໜ້າການທະຫານກອງບັນຊາການທະຫານແຂວງ ແລະ ສະຫາຍ ສົມເພັດ ອິນທະສອນ ຮອງຫົວໜ້າພະແນກສຶກສາທິການ ແລະ ກິລາເເຂວງ ພ້ອມດ້ວຍຫົວໜ້າ-ຮອວຫົວໜ້າຫ້ອງການສຶກສາທິການ ແລະ ກິລາເມືອງ, ແຂກຖືກເຊີນ, ຄະນະພັກ-ຄະນະບັນຊາ ພະນັກງານຫຼັກແຫຼ່ງ ອົງການ 5 ຫ້ອງ, ຕະຫຼອດຮອດພະນັກງານຄູອາສາສະໝັກ, ນາຍ ແລະ ພົນທະຫານ ທີ່ໄດ້ຮັບການເລື່ອນຊັ້ນເຂົ້າຮ່ວມນຳ. ໃນພິທີ, ສະຫາຍ ພັທ ສຸວິໄລ ສີສົມບັດ ຫົວໜ້າພະແນກພະນັກງານ ຫ້ອງການເມືອງ ກອງບັນຊາການທະຫານແຂວງຫົວພັນໄດ້ຂຶ້ນຜ່ານຂໍ້ຕົກລົງຂອງກະຊວງປ້ອງກັນປະເທດ […]

ພິທີປະກາດພະນັກງານດໍາລົງຕໍາແໜ່ງບໍລິຫານອອກພັກການ-ຮັບອຸດໜູນບໍານານ ແລະ ປະກາດແຕ່ງຕັ້ງພະນັກງານດຳລົງຕໍາແໜ່ງບໍລິຫານຜູ້ໃໝ່ຂອງວິທະຍາໄລຄູປາກເຊ ແຂວງຈຳປາສັກ ມີຂຶ້ນໃນຕອນບ່າຍວັນທີ 13 ມີນາ 2026 ຢູ່ທີ່ວິທະຍາໄລດັ່ງກ່າວ, ໃຫ້ກຽດເປັນປະທານຂອງທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ມີທ່ານ ພູວົງ ອະໄພ ຫົວໜ້າພະແນກສຶກສາທິການ ແລະ ກິລາແຂວງຈໍາປາສັກ, ແຂກເຊີນຈາກກະຊວງສຶກສາທິການ ແລະ ກິລາ, ວິທະຍາໄລຄູຄັງໄຂ, ວິທະຍາໄລຄູ ສະຫວັນນະເຂດ, ວິທະຍາໄລຄູ ສາລະວັນ ແລະ ຄະນະອໍານວຍການ, ຄູອາຈານ ວິທະຍາໄລຄູປາກເຊ ເຂົ້າຮ່ວມ. ໃນພິທີໄດ້ຜ່ານຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການອະນຸມັດໃຫ້ພະນັກງານ-ລັດຖະກອນອອກພັກການ-ຮັບອຸດໜູນບໍານານ ໂດຍເຫັນດີອະນຸມັດໃຫ້ທ່ານ ປອ ສົມໄຊ ເທບສົມບັດ ອອກພັກການ-ຮັບອຸດໜູນບໍານານ. ອາຍຸກະສຽນ 60 ປີ, ລວມປີການ 37 ປີ. ພ້ອມນັ້ນຍັງໄດ້ຜ່ານຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍ […]