Author: Souksakhone

ສປປ ລາວ ຈະສົ່ງນັກກິລາ 6 ປະເພດ ເຂົ້າຮ່ວມຊີງໄຊ ມະຫະກຳກິລານັກຮຽນອາຊຽນ ຄັ້ງທີ 13 ທີ່ ສສ ຫວຽດນາມ

ສປປ ລາວ ຈະສົ່ງຄະນະນຳ ແລະ ນັກກິລາ ກວ່າ 100 ຄົນ ໃນ 6 ປະເພດ ເຊັ່ນ: ແລ່ນ-ລານ, ລອຍນໍ້າ, ປັນຈັກສີລັດ, ຫວໍວິນນາມ, ບານບ້ວງ ແລະ ດອກປີກໄກ່, ເພື່ອເຂົ້າຮ່ວມການແຂ່ງຂັນມະຫະກຳກິລານັກຮຽນອາຊຽນ ຄັ້ງທີ 13 ຊຶ່ງຈະຈັດຂຶ້ນທີ່ ນະຄອນດານັງ, ສສ ຫວຽດນາມ ໃນລະຫວ່າງ ວັນທີ 22 ພະຈິກ ເຖິງ ວັນທີ 03 ທັນວາ 2023 ນີ້. ອີງຕາມຂໍ້ມູນຈາກກົມກິລາມວນຊົນ, ພະລະ ແລະ ສິລະປະສຶກສາ ໃຫ້ຮູ້ວ່າ: ມາຮອດປະຈຸບັນ, ໄດ້ມີຄວາມພ້ອມແລ້ວ 90% ແລ້ວ, ນັກກິລາທຸກປະເພດ ໄດ້ເລີ່ມເຂົ້າສູນຝຶກຊ້ອມ ແຕ່ວັນທີ 23 ຕຸລາ ເປັນຕົ້ນມາ ໃນນີ້ ກິລາ ແລ່ນ-ລານ ແລະ ປັນຈັກສີລັດ ໄດ້ຝຶກຊ້ອມຢູ່ສະຖາບັນກິລາກາຍະກຳສີເກີດ; ກິລາລອຍນໍ້າ ຝຶກຊ້ອມຢູ່ໂຮງຮຽນນານາຊາດ ສະລອຍນໍ້າສະມາຄົມຟູຈຽນ;...

ແມນ ຊິຕີ້ ບຸກໄປຖະຫຼົ່ມ ຢັງ ບອຍ ເຖິງຖິ່ນ 3-1 ຢູຟາ ແຊ໋ມປ້ຽນລີກ

“ເອີລິງ ຮາແລນ”, ສູນໜ້າອັນຕະລາຍ, ຍິງສອງປະຕູ ພາ ແມນເຊັສເຕີ ຊີຕີ້ ຍອດທີມຈາກເກາະອັງກິດ ບຸກໄປຖະຫຼົ່ມ ຢັງ ບອຍ 3 ປະຕູຕໍ່ 1 ເຖິງຖິ່ນສະວິດເຊີແລນ ໃນເກມ ຢູຟາ ແຊ໋ມປ້ຽນລີກ ຮອບແບງກຸ່ມ ກຸ່ມຈີ ຄືນວານນີ້ 25 ຕຸລາ. ແມນເຊັສເຕີ ຊີຕີ້ ໄດ້ປະຕູຂຶ້ນນຳ ໃນເຄິ່ງເວລາທີສອງ ນາທີ 48 ຈາກມານູເອວ ອາຄັນຈີ ແຕ່ 4 ນາທີຕໍ່ມາ, ກາຍເປັນເຈົ້າຖິ່ນ ຢັງ ບອຍ ທີ່ນຳຕີສະເໝີມາໄດ້ ເປັນ 1-1 ໃນນາທີໆ 52 ຈາກ ເມສຊັກ ອີເລຍ. ແຕ່ ເອີລິງ ຮາແລນ, ດາວເຕະທີມຊາດນໍເວ ຈະໄດ້ຍິງລູກໂທດເປນານຕີ ໃນນາທີໆ 67 ໃຫ້ ແມນ ຊີຕີ້ ໜີອອກໄປເປັນ 2-1 ແລະ ຍັງເປັນ ຮາແລນ ມາຍິງປະຕູທີສອງຂອງໂຕເອງ ແລະ ເປັນປະຕູ 3-1 ໃຫ້ ແມນ ຊີຕີ້ ໃນນາທີໆ 86 ກ່ອນເກມຈະຈົບລົງດ້ວຍຜົນດັ່ງກ່າວ ແລະ...

ສະເປີ ອັດ ຟູແລມ 2-0 ຄອງບັນລັງຈ່າຝູງ ພຣີເມຍລີກອາທິດນີ້!

ທອດແນມ ຮັອດສະເປີ ເປີດບ້ານໄລ່ອັດ ຟູແລມ ຜູ້ມາຢາມ ໄປຢ່າງສວຍງາມ 2 ປະຕູຕໍ່ 0 ໃນເກມ ລອນດອນ ດາບີ້ ນັດຕົກຄ້າງພຣີເມຍລີກ ພ້ອມທັງທະຍານຂຶ້ນຄອງຈ່າຝູງໃນອາທິດນີ້ ໂດຍແຊງທັງ ແມນ ຊີຕີ້ ແລະ ອາເຊນອລ 2 ຄະແນນ ຂະນະທີ່ ຟູແລມ ຫຼົ່ນລົງມາຢູ່ອັນດັບ 13 ຂອງຕາຕະລາງ. ເກມນັດຕົກຄ້າງພຣີເມຍລີກ ຄືນວານນີ້ (23 ຕຸລາ) ສະເປີ ເປີດບ້ານຕ້ອນຮັບການມາຢາມຂອງ ຟູແລມ ເຊິ່ງນັດນີ້ທີມເຈົ້າບ້ານເປີດເກມບຸກເຂົ້າໃສ່ຢ່າງໜັກທັງເກມ ເພື່ອຫວັງເກັບໄຊຫວັງແຊງຂຶ້ນເປັນຈ່າຝູງ ໃນອາທິດນີ້ໃຫ້ໄດ້ ແລະ ກໍມາປະສົບຄວາມສຳເລັດ ຕັ້ງແຕ່ນາທີໆ 36 ຈາກການຍິງສວຍງາມຂອງນັກເຕະຈາກແດນກິມຈິເກົາຫຼີ ຊອນ ເຮືອງ ມິນ ແລະ ສະເປີ ມາຢໍ້າໄຊຊະນະໄດ້ອີກຄັ້ງໃນນາທີ 54 ຈາກ ເຈມ ແມັດດີສັນ...

ພຣີເມຍລີກ ອັງກິດ: ວິນລາ ຍັງແຮງບໍ່ຢຸດ ຖະຫຼົ່ມເວສແຮມ ຜູ້ມາຢາມ ຂາດຮອຍ 4-1

ແອັສຕັນ ວິນລາ, ຍັງແຮງບໍ່ຢຸດຕໍ່ເນື່ອງເປັນນັດທີ 5 ຫຼັງຈາກເປີດບ້ານຖະຫຼົ່ມຜູ້ມາຢາມ ເວສແຮັມ ຢູໄນເຕັດ ໄປແບບຂາດຮອຍເຖິງ 4-1 ປະຕູ ຫຍັບຂຶ້ນມາຕິດທອ໋ບຟາຍ ແລະ ມີຄະແນນຕາມຫຼັງຈ່າຝູງ ແມນ ຊິດຕີ້ ພຽງສອງຄະແນນເທົ່ານັ້ນ ໃນຕາຕະລາງພຣີເມຍລີກ ອັງກິດ ໃນອາທິດນີ້. ເກມພຣີເມຍລີກ ຄືນວັນອາທິດ 22 ຕຸລາ ມີຄູ່ດຽວ ໂດຍ ແອັສຕັນ ວິນລາ ເປີດສະໜາມ ວິນລາ ພາກ ຮັບການມາຢາມຂອງ ເວສແຮັມ ຢູໄນເຕັດ ທີມອັນດັບທີ 7 ຂອງຕາຕະລາງ. ຜ່ານ 90 ນາທີຂອງການແຂ່ງຂັນ ປະກົດວ່າ ວິນລາ ຍັງຄົງຮັກສາຟອມເກັ່ງໄວ້ໄດ້ຢ່າງຕໍ່ເນື່ອງ ໂດຍໄດ້ປະຕູອອກນຳ ແຕ່ນາທີ 30 ແລະ 51 ຈາກ ດັກລັສ ຫຼຸຍ ຄົນດຽວ ກ່ອນທີ່ ເວສແຮມ ຜູ້ມາຢາມ ຈະໄລ່ມາເປັນ 1-2 ໃນນາທີ 57 ຈາກ ຈາຣອດ ໂບເວັນ....

ເຕະບານ ມິດຕະພາບນັດພິເສດ ເພື່ອຊົມເຊີຍວັນຄູແຫ່ງຊາດ ລະຫວ່າງ ວີໄອພີສຳນັກກະຊວງ ແລະ ກພສ

ເມື່ອບໍ່ດົນມານີ້, ທີມບານເຕະວີໄອພີ ສຳນັກກະຊວງສຶກສາທິການ ແລະ ກິລາ ແລະ ທີມບານເຕະ ກົມກິລາມວນຊົນ, ພະລະ ແລະ ສິລະປະສຶກສາ (ກພສ), ວິທະຍາໄລສິລະປະສຶກສາ ແລະ ວິທະຍາໄລພະລະສຶກສາ ພ້ອມກັນຈັດບັນດາກິດຈະກຳແຂ່ງຂັນກິລາເຕະບານ ນັດພິເສດ ມິດຕະພາບ ເພື່ອສ້າງຂະບວນການສະກັດກັ້ນ ແລະ ແກ້ໄຂບັນຫາຢາເສບຕິດ ປີ 2023 ຕິດພັນກັບວາລະແຫ່ງຊາດ ແລະ ແນໃສ່ສ້າງຂະບວນການສະເຫຼີມສະຫຼອງວັນຄູແຫ່ງຊາດ ຄົບຮອບ 29 ປີ ໃຫ້ຄວາມໝາຍເລິກເຊິ່ງ ແລະ ເປັນຂະບວນການຟົດຟື້ນ. ໃຫ້ກຽດເຂົ້າຮ່ວມໃນກິດຈະກຳຄັ້ງນີ້ ມີທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ວິລະວັນ ບຸນສຸກໄທ ຫົວໜ້າກົມກິລາມວນຊົນ, ພະລະ ແລະ ສິລະປະສຶກສາ, ບັນດາຮອງຫົວໜ້າກົມ,...

ຟີຟາ ເດ: ທີມຊາດໄທ ຖືກ ຈໍເຈຍ ຖະຫຼົ່ມ 8-0

ທີມຊາດໄທ ເຊິ່ງເປັນທີມແຖວໜ້າຂອງອາຊຽນ ຍົກທີມໄປຢາມຢູໂຣບ ຖືກ ທີມຊາດ ຈໍເຈຍ ຖະຫຼົ່ມແບບຂາດຮອຍ 8-0 ໃນເກມມິດຕະພາບ ອຸ່ນເຄື່ອງ ຟີຟາເດ ຄືນວັນພະຫັດທີ່ຜ່ານມາ. ທີມຊາດ ຈໍເຈຍ, ອັນດັບ 79 ຂອງໂລກ ເປີດບ້ານພົບ ທີມຊາດໄທ ອັນດັບ 112 ຂອງໂລກ ໂດຍພຽງເຄິ່ງເວລາທຳອິດ ຈໍເຈຍ ກໍຖະຫຼົ່ມໃສ່ທີມຊາດໄທແບບບໍ່ເກງໃຈ ເຖິງ 6 ປະຕູຕໍ່ 0. ແລະ ໃນເຄິ່ງເວລາຫຼັງ ກໍມາຍິງໄດ້ອີກ 2 ປະຕູ ຂະນະທີ່ ທີມຊາດໄທ ທັບໄຂ່ບໍ່ແຕກແມ່ນແຕ່ໜ່ວຍດຽວ. ຜົນຂອງເກມນັດນີ້ ຍັງເປັນການທຸບສະຖິຕິໃໝ່ຂອງທີມຊາດ ຈໍເຈຍ ທີ່ຊະນະຄູ່ຕໍ່ສູ້ໄດ້ຫຼາຍປະຕູທີ່ສຸດເປັນຄັ້ງທຳອິດຂອງຕົນ. *ນອກຈາກນີ້ ຍັງມີຜົນຄູ່ອື່ນໆໃນຫຼາຍພາກພື້ນອີກດັ່ງນີ້: – ຢູເອອີ – ຄູເວດ 1-0; – ບາເຣນ...

ລັດຖະມົນຕີຕ່າງປະເທດຍີ່ປຸ່ນ ຢ້ຽມຊົມສະໜາມກິລາເຈົ້າອານຸວົງ ແລະ ສູນກິລາບູໂດ

ທ່ານ ນາງ ຄາມິກາວະ ໂຢໂກະ ລັດຖະມົນຕີກະຊວງການຕ່າງປະເທດຍີ່ປຸ່ນ ພ້ອມດ້ວຍຄະນະ ໄດ້ຢ້ຽມຊົມສະໜາມກິລາເຈົ້າອານຸວົງ ແລະ ສູນບູໂດ ເຊັນເຕີ້ ໃນຕອນເຊົ້າວັນທີ 12 ຕຸລາ 2023 ໂດຍໄດ້ຮັບການຕ້ອນຮັບ ແລະ ນຳພາຢ້ຽມຊົມຈາກ ທ່ານ ປອ ນາງ ດາລາວອນ ກິດຕິພັນ ຫົວໜ້າຫ້ອງການກະຊວງສຶກສາທິການ ແລະ ກິລາ ແລະ ທ່ານ ສົມພູ ພົງສາ ຮອງປະທານຄະນະກໍາມະການໂອແລມປິກແຫ່ງຊາດລາວ. ເປັນກຽດເຂົ້າຮ່ວມຕິດຕາມຄະນະຍັງມີ ທ່ານ ໂຄບະຢະຊິ ເຄນອິຈິ ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ, ທ່ານ ອິໂຕ ໂນຣິຢູກິ...

ມຽນມາ ຄວ້າຫຼຽນຄຳກະຕໍ້ ປະເພດ 4 ຄົນ ໃນເອຊຽນ ເກມ 2023

ນັກກິລາກະຕໍ້ຊາຍ ປະເພດ 4 ຄົນ ທີມຊາດມຽນມາ ສາມາດສ້າງປະຫວັດສາດຄວ້າຫຼຽນຄຳ ຫຼຽນທຳອິດໃຫ້ກັບທັບນັກກິລາມຽນມາ ໃນເອຊຽນເກມ ຄັ້ງທີ 19 ທີ່ນະຄອນຫາງໂຈ, ມົນທົນເຈີຈຽງ, ສປ ຈີນ ຫຼັງຈາກເອົາຊະນະທີມຊາດອິນໂດເນເຊຍ ໄປໄດ້ແບບຂາດຮອຍ 2 ຕໍ່ 0 ເຊັດ 21-13 ແລະ 24-22 ໃນການແຂ່ງຂັນນັດຊີງຊະນະເລີດ ໃນວັນທີ 3 ຕຸລາ ຜ່ານມາ. ມຽນມາ ສົ່ງຄະນະນຳ, ຄູຝຶກ ແລະ ນັກກິລາເຂົ້າຮ່ວມໃນເອຊຽນ ເກມ ຄັ້ງທີ 19 ທັງໝົດ 137 ຄົນ ໃນນັ້ນເປັນ ນັກກິລາຊາຍ 63 ຄົນ ແລະ ນັກກິລາຍິງ 48 ຄົນ ໃນ 7 ປະເພດກິລາ . #ຮຽບຮຽງໂດຍ: ຄົນຂ້າງສະໜາມ ພາບຈາກອິນເທີເນັດ