ສະຫະພັນມວຍລາວແຫ່ງຊາດ ຈະຈັດການແຂ່ງຂັນຊົກມວຍລາວລະດັບຊາດ 3 ຮຸ່ນ ເພື່ອເປັນການຄັດເລືອກເອົານັກກິລາມວຍດາວເດັ່ນໜຶ່ງດຽວຂອງ ສປປ ລາວ ໃນແຕ່ລະຮຸ່ນ ກຽມສົ່ງເຂົ້າຮ່ວມແຂ່ງຂັນໃນລະດັບພາກພື້ນ ແລະ ສາກົນ ຈະເປີດສາກລະເບີດຄວາມມັນຢ່າງເປັນທາງການໃນວັນທີ 20 ມັງກອນນີ້ ທີ່ສູນການຄ້າພາກຊັນ ນະຄອນຫຼວງວຽງຈັນ. ຄຽງຄູ່ກັນນີ້ກໍເພື່ອເປັນການສ້າງຂະບວນການຂ່ຳນັບຮັບຕ້ອນ ແລະ ສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ແລະ ຕ້ອນຮັບປີທ່ອງທ່ຽວລາວ 2024 ໃຫ້ມີຂະບວນການຟົດຟື້ນ ແລະ ເບີກບານມ່ວນຊື່ນ. ທ່ານ ພຶດສະພາ ພູມມະສັກ ປະທານບໍລິສັດ ເອເຊຍລົງທຶນພັດທະນາ ແລະ ກໍ່ສ້າງ...

ການແຂ່ງຂັນເທັນນິດທີມປະສົມຊີງແຊ໋ມໂລກ ປະຈຳປີ 2024 ລາຍການ ຢູໄນເຕັດ ຄັບ 2024 ທີ່ນະຄອນເພີດ ແລະ ຊິດນີ ປະເທດອົດສະຕຣາລີ ເມື່ອທ້າຍອາທິດຜ່ານມາ ເປັນການແຂ່ງຂັນຄູ່ຊິງຊະນະເລີດ ລະຫວ່າງ ທີມຊາດໂປໂລຍ ຫຼື ໂປແລນ ທີ່ນຳໂດຍ ອີກາ ສະເວຍເຕັກ ມື 1 ຂອງໂລກ ທີ່ຜົນງານເດັ່ນສຸດໃນຮອບຜ່ານໆມາ ຄວ້າໄຊ 8 ຄູ່ລວດ ພົບກັບ ທີມຊາເເຢຍລະມັນ ທີ່ນຳໂດຍ ອາເລັກຊານເດີ ຊະເວເຣບ ມື 6 ຂອງໂລກ. ຄູ່ທຳອິດປະເພດຍິງດ່ຽວ ອີກາ ສະເວຍເຕັກ ເອົາຊະນະ ແອັງເຈລິກ ແກເບີ ອາດີດມື 1 ຂອງໂລກ 2-0 ເຊັດ 6-3 ແລະ 6-0 ຄະແນນ ຊ່ວຍໃຫ້ ໂປໂລຍ...

ສະໂມສອນ ອາຄາເດມີ ວຽງຈັນ ເອັບທີ ບຽດຊະນະ ສະໂມສອນ ເອັບຊີ ຕາລັນຕ້າ ໄປແບບຫວຸດຫວິດ 1-0 ປະຕູ ຄອງແຊ໋ມການແຂ່ງຂັນເຕະບານເຍົາວະຊົນຮຸ່ນອາຍຸ 12 ປີ ຫຼື ຢູ-12 ລາຍການ ເຄເອັມທີ ເອັບຊີ ຄັບ 2023 ຄັ້ງທີ 1 ໄປຄອງຢ່າງສົມສັກສີ. ການແຂ່ງຂັນລາຍການດັ່ງກ່າວ ຈັດຂຶ້ນເມື່ອວັນທີ 6 ມັງກອນ 2024 ທີ່ເດີ່ນບານຫຍ້າທ່ຽມ ເຄເອັມທີ ເອັບຊີ ບ້ານທ່າສະຫວ່າງ ເມືອງໄຊທານີ ນະຄອນຫຼວງວຽງຈັນ ໃຫ້ກຽດເຂົ້າຮ່ວມ ແລະ ມອບລາງວັນໂດຍ ທ່ານ ນາງ ບົວເງິນ ກໍ່າກາຊົມພູ ຮອງປະທານສະໂມສອນ ເຄເອັມທີ ເອັບຊີ ທັງເປັນຮອງປະທານຈັດງານ, ມີທ່ານ ບຸນມີ ສີລິແສງ ປະທານສະໂມສອນ ເອັບຊີ ຕາລັນຕ້າ ແລະ ທ່ານ ພອນເພັງ ຈັນທະວົງ ປະທານສະໂມສອນ ອາຄາເດມີ້ ວຽງຈັນ ເອັບທີ...

ກົມ​ການ​ສຶກ​ສາ​ກ່ອນ​ໄວ​ຮຽນ ກະຊວງສຶກສາທິການ ແລະ ກິລາ (ສສກ) ຈັດກອງ​ປະ​ຊຸມຖອດ​ຖອນ​ບົດ​ຮຽນກ່ຽວກັບການ​ຈັດ​ຕັ້ງ​ປະ​ຕິ​ບັດ​ວຽກ​ການ​ສຶກ​ສາ​ກ່ອນ​ໄວ​ຮຽນ ປະ​ຈຳ​ປີ 2023 ແລະ ວາງແຜນ​ວຽກ​ຈຸດ​ສຸມ ປະ​ຈຳ​ປີ 2024 ໃນຮູບແບບເຊິ່ງໜ້າ ແລະ ອອນລາຍ ເພື່ອເປັນການແລກປ່ຽນບົດຮຽນ ແລະ ປະສົບການໃນການຈັດຕັ້ງປະຕິບັດບັນດາໂຄງການ ແລະ ແຜນກິດຈະກຳທີ່ສະໜັບສະໜູນໃຫ້ແກ່ການຂະຫຍາຍໂອກາດການເຂົ້າເຖິງການສຶກສາກ່ອນໄວຮຽນ ເພື່ອເຮັດໃຫ້ການເບິ່ງແຍງລ້ຽງດູ ແລະ ການກຽມຄວາມພ້ອມທາງດ້ານການຮຽນຂອງເດັກກ່ອນໄວຮຽນໃຫ້ທົ່ວເຖິງ. ...

ກະຊວງສຶກສາທິການ ແລະ ກິລາ (ສສກ) ແລະ ລັດຖະບານອົດສະຕຣາລີ ໄດ້ເປີດກອງປະຊຸມຝຶກອົບຮົມຄູຝຶກຂັ້ນແຂວງ ກ່ຽວກັບວຽກງານພັດທະນາວິຊາຊີບຄູແບບຕໍ່ເນື່ອງສໍາລັບຜູ້ອໍານວຍການ (ຜອ) ໂຮງຮຽນປະຖົມສຶກສາ ເມື່ອວັນທີ 4 ມັງກອນ 2024 ທີ່ວິທະຍາໄລຄູ ສະຫວັນນະເຂດ ໂດຍໃຫ້ກຽດເປັນປະທານຮ່ວມຂອງທ່ານ  ອຳພອນ ຂາວເພ້ຍສຸພົມ ຮອງຜູ້ອໍານວຍການວິທະຍາໄລຄູສະຫວັນນະເຂດ ແລະ ທ່ານ ເຈບ ພິວກຣາມ ຜູ້ຈັດການດ້ານການພັດທະນາຫຼັກສູດຊັ້ນປະຖົມສຶກສາ ແຜນງານປັບປຸງຄຸນນະພາບ ແລະ ຂະຫຍາຍໂອກາດເຂົ້າຮຽນ ສໍາລັບການສຶກສາຂັ້ນພື້ນຖານໃນ ສປປ ລາວ (ແຜນງານບີຄວາ), ມີຕາງໜ້າຈາກພະແນກສຶກສາທິການ ແລະ ກິລາ ແຂວງສະຫວັນນະເຂດ, ຜູ້ປະສານງານ, ວິທະຍາກອນ, ສໍາມະນາກອນຈາກວິທະຍາໄລຄູສະຫວັນນະເຂດ ແລະ ຈາກ 11...

ກະຊວງສຶກສາທິການ ແລະ ກິລາ (ສສກ) ມອບໃບຍ້ອງຍໍ ແລະ ເງິນໂບນັດ ຈໍານວນ 10 ລ້ານກີບໃຫ້ແກ່ຫຼານນ້ອຍນັກກິລາ ສະໂມສອນ ດັບເບິນໄອຈີ ນາຄາ ຫຼື WIG NAGA ທີ່ສ້າງກຽດຊື່ສຽງໃຫ້ແກ່ປະເທດຊາດ ດ້ວຍການຄອງແຊ໋ມເຕະບານ 6 ຄົນ ຮັບ 1 ຄົນ ລາຍການ TAR Asia Qualifiers ຈາກໂຮງຮຽນ Oscar International School ທີ່ນະຄອນຫຼວງບາງກອກ ປະເທດໄທ ເປັນເຈົ້າພາບ ກາຍເປັນຕົວແທນໃຫ້ແກ່ ສປປ ລາວ ແລະ ປະເທດໃນຂົງເຂດອາຊີ ກຽມສືບຕໍ່ເຂົ້າຮ່ວມການແຂ່ງຂັນຮອບສຸດທ້າຍຂອງລາຍການ ທີ່ຫຼາຍສະໂມສອນໃນທົ່ວໂລກໄຝຝັນຢາກຈະໄປເມືອງນີ້ ເມືອງບາເຊໂລນ່າ ປະເທດແອັດສະປາຍ ຈະຈັດຂຶ້ນໃນເດືອນເມສາ 2024 ນີ້. ...

ສະຖາບັນຄົ້ນຄວ້າວິທະຍາສາດການສຶກສາ ຫຼື ສວສ ກະຊວງສຶກສາທິການ ແລະ ກິລາ (ສສກ) ໄດ້ຈັດກອງປະຊຸມປະເມີນລັດຖະກອນ ປະຈໍາປີ 2023 ແລະ ການປະເມີນແຜນກໍານົດພະນັກງານນໍາພາ-ຄຸ້ມຄອງ ເມື່ອວັນທີ 28 ທັນວາ 2023 ທີ່ຫ້ອງປະຊຸມສະຖາບັນດັ່ງກ່າວ ໂດຍໃຫ້ກຽດເປັນປະທານຮ່ວມຂອງທ່ານ ຮສ.ປອ ອະນຸລົມ ວິໄລພອນ ຜູ້ອໍານວຍການສະຖາບັນຄົ້ນຄວ້າວິທະຍາສາດການສຶກສາ ແລະ ທ່ານ ວຽງທອງ ພົມມະຈັກ ຮອງຫົວໜ້າກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ, ມີຄະນະອໍານວຍການສະຖາບັນ, ຄະນະອໍານວຍການສູນ, ພະແນກ, ຫົວໜ້າ-ຮອງຫົວໜ້າຂະແໜງ, ໜ່ວຍງານ ແລະ ພະນັກງານວິຊາການພາຍໃນສະຖາບັນເຂົ້າຮ່ວມ. ...

ທີມເຕະບານສູນໂຄສະນາຂ່າວສານການສຶກສາ ແລະ ກິລາ ຫຼື ໄອເອັມຊີ ຢູໄນເຕັດ ທີ່ຂຶ້ນກັບສະຖາບັນຄົ້ນຄວ້າວິທະຍາສາດການສຶກກສາ ແລະ ກິລາ ກະຊວງສຶກສາທິການ ແລະ ກິລາ ສາມາດຄອງຂັນຊະນະເລີດ ການແຂ່ງຂັນກິລາເຕະບານ 8 ຄົນ ຫຼື ເຕະ 7 ຮັບ 1 ຮຸ່ນອາຍຸ 40 ປີ ຂຶ້ນໄປ ໃນລາຍການ ເຟຣມຊິບ ຄັບ ກຸ່ມນໍ້າໃຈລາວ 2023 ຄັ້ງທີ I ປະຈໍາປີ 2023 ເພື່ອສ້າງຂະບວນການສະເຫຼີມສະຫຼອງວັນສ້າງຕັ້ງກຸ່ມນໍ້າໃຈລາວ ຄົບຮອບ 10 ປີ ເນື່ອງໃນໂອກາດສະຫຼອງສົ່ງທ້າຍປີເກົ່າ 2023 ແລະ ຕ້ອນຮັບປີໃໝ່ 2024. ການແຂ່ງຂັນລາຍການດັ່ງກ່າວ ຈັດຂຶ້ນເມື່ອວັນທີ 30 ທັນວາ 2023 ທີ່ີສະໜາມບານເຕະຫຍ້າທ່ຽມ ຊ້າງ ເອັບຊີ (ເດີ່ນ 3)...