ກອງປະຊຸມປິ່ນອ້ອມທີ່ກ່ຽວຂ້ອງກັບກອງປະຊຸມຫົວໜ້າຕຳຫຼວດອາຊຽນ ຄັ້ງທີ 41 ໄດ້ຈັດຂຶ້ນໃນລະຫວ່າງວັນທີ 17-18 ຕຸລາ 2023 ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ຊຶ່ງປະກອບມີກອງປະຊຸມອະນຸກໍາມະການ ກໍ, ອະນຸກຳມະການ ຂໍ ແລະ ອະນຸກຳມະການ ຄໍ ເພື່ອຄົ້ນຄວ້າ, ປຶກສາຫາລື ກ່ຽວກັບບັນດາວຽກງານວິຊາສະເພາະຂອງກຳລັງຕຳຫຼວດບັນດາປະເທດອາຊຽນ ເປັນຕົ້ນແມ່ນການຮ່ວມມືໃນການແກ້ໄຂບັນຫາອາຊະຍາກໍາຂ້າມຊາດ, ການລັກລອບຄ້າ-ຂາຍຢາເສບຕິດ, ການກໍ່ການຮ້າຍ, ການຄ້າມະນຸດ, ການຄ້າ-ຂາຍອາວຸດ, ການຄ້າ-ຂາຍສັດປ່າທີ່ຜິດກົດໝາຍ, ອາຊະຍາກໍາທາງທະເລ, ອາຊະຍາກໍາທາງດ້ານການຄ້າ ແລະ ການປອມແປງບັດເຄຣດິດ, ການສໍ້ໂກງຂ້າມຊາດ, ການປອມແປງເອກະສານເດີນທາງ, ອາຊະຍາກໍາທາງຄອມພິວເຕີ ແລະ ອາຊະຍາກໍາອື່ນໆ...

ໃນໂອກາດການເຂົ້າຮ່ວມກອງປະຊຸມເວທີສົນທະນາ ລະດັບສູງ “ໜຶ່ງແລວ ໜຶ່ງເສັ້ນທາງ” ຄັ້ງທີ 3 ທີ່ ນະຄອນຫຼວງປັກກິງ ສປ ຈີນ ໃນວັນທີ 17 ຕຸລາ 2023, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ພົບປະຫາລືກັບ ທ່ານ ວະລາດີເມຍ ປູຕິນ ປະທານາທິບໍດີ ແຫ່ງ ສ ຣັດເຊຍ ພ້ອມດ້ວຍຄະນະ. ໃນໂອກາດນີ້, ຜູ້ນໍາທັງສອງຝ່າຍໄດ້ຕີລາຄາສູງຕໍ່ການຮ່ວມມືລະຫວ່າງ 2 ປະເທດ ທີ່ສືບຕໍ່ມີບາດກ້າວຂະຫຍາຍຕົວຢ່າງໜັກແໜ້ນ ໂດຍສະເພາະໃນດ້ານການເມືອງ, ປ້ອງກັນຊາດ-ປ້ອງກັນຄວາມສະຫງົບ, ເສດຖະກິດ-ການຄ້າ, ການລົງທຶນ, ການສຶກສາ, ວັດທະນະທໍາ ແລະ ທ່ອງທ່ຽວ. ພ້ອມດຽວກັນນັ້ນ, 2 ຝ່າຍ...

ລັດຖະບານ ຈະໄດ້ສືບຕໍ່ສຸມໃສ່ແກ້ໄຂບັນຫາເຄັ່ງຮ້ອນທາງດ້ານເສດຖະກິດ ເປັນຕົ້ນແມ່ນບັນຫາເງິນເຟີ້, ອັດຕາແລກປ່ຽນ, ລາຄາສິນຄ້າ ແລະ ໜີ້ສິນຕ່າງປະເທດ ແລະ ແຜນຈຸດສຸມການແກ້ໄຂບັນຫາທີ່ຕິດພັນກັບ 2 ວາລະແຫ່ງຊາດ ພ້ອມທັງເລັ່ງສືບຕໍ່ຈັດຕັ້ງປະຕິບັດໃນ 7 ຂົງເຂດວຽກງານທີ່ສຳຄັນ. ກອງປະຊຸມສະໄໝສາມັນຂອງລັດຖະບານ ປະຈຳເດືອນຕຸລາ 2023 ໄດ້ຈັດຂຶ້ນໃນວັນທີ 17 ຕຸລາ ແລະ ໄດ້ປິດລົງໃນວັນດຽວກັນ ທີ່ສຳນັກງານນາຍົກລັດຖະມົນຕີ ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ ນາຍົກລັດຖະມົນຕີ, ມີບັນດາຮອງນາຍົກລັດຖະມົນຕີ, ສະມາຊິກລັດຖະບານ ແລະ ຜູ້ຕາງໜ້າກະຊວງ-ອົງການເຂົ້າຮ່ວມ. ...

ທີມຊາດ ສ.ເກົາຫຼີ ຂົນນັກເຕະຊຸດໃຫຍ່ລົງສະໜາມຄົບໜ້າຄົບຕາ ກ່ອນເປີດບ້ານໄລ່ຖະຫຼົ່ມ ທີມຊາດຫວຽດນາມ ໄປແບບຂາດຮອຍ 6-0 ປະຕູ ໃນການແຂ່ງຂັນເຕະບານອຸ່ນເຄື່ອງທີມຊາດ ເມື່ອວັນທີ 17 ຕຸລາ 2023 ສົ່ງທ້າຍກ່ອນເຂົ້າສູ່ການແຂ່ງຂັນເຕະບານໂລກ 2026 ຮອບຄັດເລືອກ. ທີມຊາດ ສ.ເກົາຫຼີ ທີມຍັກໃຫຍ່ຈາກຂົງເຂດອາຊີ ຈັດທີມແບບບໍ່ມີຄຳວ່າອອມມືເຖິງວ່າຈະເປັນພຽງເກມອຸ່ນເຄື່ອງກໍຕາມ ໂດຍສົ່ງບັນດານັກເຕະດາວເດັ່ນທີ່ຄ້າແຄ່ງໃນເອີຣົບລົງສະໜາມແບບຄົບໜ້າຄົບຕາ ນຳໂດຍ ຊອນ ເຮືອງມິນ ກອງໜ້າຫົວໜ້າທີມຈາກ ສະໂມສອນ ທັອດແນມ ຮອດສະເປີ, ອີ...

ທັບນັກກິລາເຕະບານທີມຊາດລາວ ຊຸດໃຫຍ່ ລົງສະໜາມນັດທີ 2 ຖືກ ທີມຊາດເນປານ ບຸກມາເອົາຊະນະຄາບ້ານ 1-0 ປະຕູ ລວມຜົນສອງນັດ ລາວ ເສຍ ເນປານ 1-2 ສົ່ງຜົນໃຫ້ ທີມຊາດລາວ ຕ້ອງຈອດພຽງຮອບນີ້ເທົ່ານັ້ນ ໃນການແຂ່ງຂັນກິລາເຕະບານໂລກ ປີ 2026 ຮອບຄັດເລືອກ ຂົງເຂດອາຊີ ຮອບທີ 1 (FIFA World Cup 2026 Preliminary Joint Qualification R1) ສ່ວນ ເນປານ ຜ່ານເຂົ້າຮອບໄປຢູ່ໃນກຸ່ມ H ຮ່ວມກັບ ສະຫະລັດອາຣັບ ເອມິເຣດ, ບາເຣນ ແລະ ເຢເມນ. ການແຂ່ງຂັນເຕະບານໂລກ ປີ 2026 ຮອບຄັດເລືອກ ຂົງເຂດອາຊີ ຮອບທີ 1 (FIFA World Cup 2026 Preliminary Joint Qualification R1) ນັດທີ 2 ລະຫວ່າງທີມຊາດລາວ...

ສະຫະພັນແມ່ຍິງ 2 ກະຊວງແຮກສ່ຽວ ກໍຄື ກະຊວງປ້ອງກັນປະເທດ (ປກຊ) ແລະ ກະຊວງປ້ອງກັນຄວາມສະຫງົບ (ປກສ) ຮ່ວມກັນມາພົບປະອວຍພອນຄະນະບໍລິຫານງານສະຫະພັນແມ່ຍິງ ກະຊວງສຶກສາທິການ ແລະ ກິລາ (ສສກ) ທີ່ເປັນຕົວແທນໃຫ້ແກ່ບັນດາເອື້ອຍນ້ອງແມ່ຍິງທີ່ປະຕິບັດການສິດສອນຢູ່ບັນດາສະຖານການສຶກສາໃນຂອບເຂດທົ່ວປະເທດ ເນື່ອງໃນໂອກາດສະເຫຼີມສະຫຼອງວັນຄູແຫ່ງຊາດ ຄົບຮອບ 29 ປີ (7 ຕຸລາ 1994 ຫາ 7 ຕຸລາ 2023). ພິທີພົບປະອວຍພອນໃນຄັ້ງນີ້, ໄດ້ມີຂຶ້ນ ເມື່ອບໍ່ດົນມານີ້ ທີ່ສໍານັກກະຊວງ ສສກ (ຕຶກສີສະເກດ) ໂດຍໃຫ້ກຽດເຂົ້າຮ່ວມອວຍພອນມີສະຫາຍ ພັອ ນາງ ໄພວອນ ອິນທະບຸດ ປະທານຫ້ອງການສະຫະພັນແມ່ຍິງກະຊວງ ປກຊ...

ຕາມການລາຍງານ ຈາກ Mirror ລະບຸວ່າ: ລິເວີພູ ສະໂມສອນໃຫຍ່ແຫ່ງ ພຣີເມຍລີກ ພ້ອມທຸ້ມເງິນທຳລາຍສະຖິ ຕິຊື້ນັກເຕະຂອງຕົນເອງເພື່ອຄວ້າ ລີຣອຍ ຊາເນ ຈາກ ບາເຢິນ ມິວນິກ ມາຮ່ວມທີມແທນ ໂມຮາເໝັດ ຊາລາ ທີ່ອາດຈະຍ້າຍທີມໃນອະນາຄົດ ໂມຮາເໝັດ ຊາລາ ກອງໜ້າທີມຊາດອີຢິບຕົກເປັນຂ່າວວ່າໄດ້ຮັບການທາບທາມຈາກສະໂມສອນໃນ ຊາອຸດີ ອາຣະ ເບຍ ໃນຊ່ວງທ້າຍ ຂອງຕະຫຼາດຊື້ຂາຍນັກເຕະໃນຊຳເມີຜ່ານມາ ດ້ວຍຂໍ້ສະເໜີສູງເຖິງ 150 ລ້ານປອນ. ເຖິງວ່າຂໍ້ສະເໜີດັ່ງ ກ່າວໄດ້ຖືກປະຕິເສດໄປ ແລະ ຢືນຢັນວ່າກອງໜ້າອາຍຸ 31 ປີ ຈະສືບຕໍ່ເຕະບານອາຊີບຢູ່ທີ່ ແອນຟີວ ຕໍ່ໄປ ແຕ່ພວກ ເຂົາມີແນວໂນ້ມທີ່ຈະເສຍນັກເຕະໃນອະນາຄົດອັນໃກ້ ຖ້າທາງຊາອຸ ຍັງເດີນໜ້າກັບການເຈລະຈາຄັ້ງນີ້. ...

ການແຂ່ງຂັນສະນຸກເກີ ລາຍການ ອູຮັນ ໂອເພັນ 2023 (Wuhan Open 2023) ທີ່ນະຄອນອູຮັນ ສປ ຈີນ ຮອບຊີງຊະນະເລີດ ຈັດທຣຳ ມື 4 ຂອງລາຍການ ຈາກອັງກິດ ພົບກັບ ອາລີ ຄານເຕີ ເພື່ອນຮ່ວມຊາດ ໂດຍ ເຊັດ ທຳອິດ ອາລີ ຄາຣເຕີ ຂຶ້ນນຳ 5-4 ເຟຣມ, ແຕ່ມາເຊັດທີ 2 ຈັດທຣຳ ເກັບ 6 ເຟຣມ ແຊງຊະນະ ຄານເຕີ 10-7 ເຟຣມ ຄວ້າແຊ໋ມໄປຄອງ. ຈາກການຄວ້າແຊ໋ມໃນຄັ້ງນີ້ ເຮັດໃຫ້ ຈັດທຣຳ ຮັບເງິນລາງວັນ 140.000 ປອນ, ສ່ວນ ຄານເຕີ ຮອງແຊ໋ມຈະໄດ້ຮັບ 63.000 ປອນ ແລະ ຍັງໄດ້ອີກ 5.000 ປອນ ຈາກການເຂົ້າເບຣກສູງສຸດ 145 ຄະແນນ. ສຳລັບ ສະນຸກເກີລະດັບໂລກລາຍການຕໍ່ໄປແມ່ນ Northern Ireland Open ຈະແຂ່ງຂັນວັນທີ 22–29 ຕຸລານີ້ ຊີງເງິນລາງວັນລວມ 427.000 ປອນ ທີ່ນະຄອນຫຼວງເບວຟາດ...