ໂຮງຮຽນສິນໄຊ ສົ່ງນັກຮຽນເຂົ້າຮ່ວມສອບເສັງແຂ່ງຂັນນັກຮຽນເກັ່ງລະດັບຊາດ ຊັ້ນມັດທະຍົມ 2 ຄົນ

ໂຮງຮຽນຖົມ ແລະ ມັດທະຍົມສົມບູນສິນໄຊ ຕັ້ງຢູ່ຖະໜົນໄກສອນ ພົມວິຫານ ບ້ານສີບຸນເຮືອງ ເມືອງຈັນທະບູລີ ນະຄອນຫຼວງວຽງຈັນ (ນວ) ເປັນສະຖາບັນການສຶກສາພາກເອກະຊົນແຫ່ງໜຶ່ງທີ່ໄດ້ສົ່ງນັກຮຽນຊັ້ນມັດທະຍົມສຶກສາຕອນຕົ້ນ (ມ.4) ເຂົ້າຮ່ວມສອບເສັງແຂ່ງຂັນນັກຮຽນເກັ່ງຊັ້ນມັດທະຍົມສຶກສາລະດັບຊາດ ປະຈຳສົກຮຽນ 2025-2026 ຈຳນວນ 2 ຄົນ ໃນ 288 ຄົນ ທົ່ວປະເທດ ຈັດຂຶ້ນວັນທີ 20-24 ເມສາ 2026.

ທ່ານ ນາງ ອາລີ ພົນເສນາ ຜູ້ອຳນວຍການໂຮງຮຽນສິນໄຊ ໄດ້ໃຫ້ສຳພາດໃນໂອກາດທີ່ເຂົ້າຮ່ວມພິທີເປີດການສອບເສັງແຂ່ງຂັນນັກຮຽນເກັ່ງ ຄັ້ງນີ້ ວ່າ: ໂຮງຮຽນສິນໄຊໃນໄລຍະຜ່ານມາກໍໄດ້ສົ່ງນັກຮຽນເຂົ້າຮ່ວມການແຂ່ງຂັນລະດັບຊາດແຕ່ສົກຮຽນ 2010-2011 ເປັນຕົ້ນມາເຊິ່ງສາມາດຍາດໄດ້ອັນດັບທີ 1 ແລະ ອັນດັບທີ 2 ລະດັບຊັ້ນປະຖົມ ປ.5 ແລະ ຊັ້ນມັດທະຍົມຕອນຕົ້ນ ມ.4 ລວມທັງໝົດ 10 ຄົນ ຍິງ 8 ຄົນ ສຳລັບສົກຮຽນນີ້ໄດ້ສົ່ງເຂົ້າຮ່ວມ 2 ຄົນ ເປັນຍິງທັງໝົດ ເປັນນັກຮຽນເກັ່ງອັນດັບທີ 1 ຂອງຂັ້ນ ນວ ວິຊາພາສາລາວ ແລະ ວິຊາຄະນິດສາດ ຄື: ນາງ ເພັດອານົງ ວົງສຸດໃຈ ວິຊາພາສາລາວ ຊັ້ນ ມ.4 ແລະ ນາງ ອິນທິດາ ໄຊຍະສຸກ ວິຊາຄະນິດສາດ ຊັ້ນ ມ.4.

ສຳລັບແຜນການໃນຕໍ່ໜ້າໂຮງຮຽນສິນໄຊຈະສືບຕໍ່ຖືເອົາວຽກງານການສ້າງນັກຮຽນເກັ່ງເປັນບູລິມະສິດໜຶ່ງຂອງໂຮງຮຽນ ເພາະວ່າໂຮງຮຽນມີແຜນສ້າງນັກຮຽນເກັ່ງແຕ່ລະຂັ້ນໄປຄືຂັ້ນ ປ.5 ໄດ້ສຸມໃສ່ຄັດມາແຕ່ ປ.1 ແລະ ຂັ້ນ ມຕົ້ນ ກໍໄດ້ສ້າງມາໂດຍການຕິດຕາມເປັນປະຈຳ ແລະ ອັນໜຶ່ງອີກທີ່ໂຮງຮຽນສຸມໃສ່ເວລານັກຮຽນຈະມາເຂົ້າໂຮງຮຽນສິນໄຊ ທາງໂຮງຮຽນໄດ້ມີກາດສອບເສັງຄັດເລືອກເອົາໃຫ້ໄດ້ຕາມມາດຕະຖານທີ່ທາງໂຮງຮຽນກຳນົດໄວ້ ແລະ ອີກຢ່າງໜຶ່ງໂຮງຮຽນສິນໄຊເປັນໂຮງຮຽນຕົວແບບຄຸນນະພາບ ສະນັ້ນການຍົກສູງຄຸນນະພາບການຮຽນ-ການສອນແມ່ນໜ້າທີ່ສຳຄັນ ແລະ ຕົ້ນຕໍຂອງຄູອາຈານກໍຄືຜູ້ບໍລິຫານຕ້ອງໄດ້ເອົາໃຈໃສ່ເປັນພິເສດ.

ໜັງສືພິມສຶກສາ-ກິລາລາຍວັນ

• “ອິນທິລາ ນິດາະຫວາດວົງສາ” ຄວ້າລາງວັນອັນດັບ 1 ລະດັບຊາດ ວິຊາພາສາລາວ-ວັນນະຄະດີ ຊັ້ນ ມ.7 ເປັນຫຼຽນຄຳແຫ່ງປະຫວັດສາດ ຄັ້ງທີ 2 ຂອງ ໂຮງຮຽນຫ້ອມສະຫວັນ
• ສສກ ເປີດກອງປະຊຸມສະໄໝສາມັນ ຄັ້ງທີ 3 ຂອງສະພາການສຶກສາຊັ້ນສູງແຫ່ງຊາດ ຊຸດທີ II
• ນະຄອນຫຼວງວຽງຈັນ ຄວ້າຫຼາຍລາງວັນຊະນະເລີດ ສອບເສັງນັກຮຽນເກັ່ງລະດັບຊາດ ຊັ້ນ ມ.4 ແລະ ມ.7 ສົກຮຽນ 2025-2026
• ສສກ ເຜີຍແຜ່ວຽກງານການປັບປຸງກົງຈັກການຈັດຕັ້ງ ປີ 2026 ໃຫ້ຄະນະພັກ, ຄະນະນຳ ແລະ ພະນັກງານຫຼັກແຫຼ່ງ
• ສະຫາຍ ຮສ.ປອ ທອງສະລິດ ມັງໜໍ່ເມກ ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ເລຂາຄະນະພັກກະຊວງ, ລັດຖະມົນຕີກະຊວງສຶກສາທິການ ແລະ ກິລາ ຂຶ້ນບັນຍາຍໃຫ້ຄວາມຮູ້ແກ່ນັກສຶກສາທິດສະດີການເມືອງຂັ້ນຕົ້ນ ຊຸດທີ III ສສກ
• ຄືບໜ້າການກະກຽມເປັນເຈົ້າພາບຈັດກອງປະຊຸມ ລັດຖະມົນຕີ ວິທະຍາສາດ, ເຕັກໂນໂລຊີ ແລະ ນະວັດຕະກຳ ອາຊຽນ ຄັ້ງທີ 22 (AMMSTI-22)
• ສສກ ຮ່ວມກັບລັດຖະບານອົດສະຕຣາລີ ສ້າງເຄື່ອງມືການຄຸ້ມຄອງຄວາມສະເໝີພາບຍິງ-ຊາຍ
• ຄະນະນຳ ສຕລ ເນັ້ນໃຫ້ນັກກິລາທີມຊາດລາວ ຮຸ່ນອາຍຸບໍ່ເກີນ 17 ປີ ໂຟກັດນັດທີ່ຈະພົບກັບ ທີມຊາດມາເລເຊຍ
• ໂຮງຮຽນສິນໄຊ ສົ່ງນັກຮຽນເຂົ້າຮ່ວມສອບເສັງແຂ່ງຂັນນັກຮຽນເກັ່ງລະດັບຊາດ ຊັ້ນມັດທະຍົມ 2 ຄົນ
• ສະຫຼຸບການສອບເສັງແຂ່ງຂັນນັກຮຽນເກັ່ງ ປ.5, ມ.4 ແລະ ມ.7 ທົ່ວນະຄອນຫຼວງວຽງຈັນ ປະຈຳສົກຮຽນ 2025-2026