​ຝົນຕົກໜັກຢູ່ນະຄອນໂຮ່ຈີມິນ ນໍ້າຖ້ວມສູງຮອດແອວ ລົດເພຕາຍກາງທາງຫຼາຍຈຸດ

​ໃນຕອນແລງຂອງວັນທີ 15 ມິຖຸນາ 2026, ນະຄອນໂຮ່ຈີມິນ ປະເທດຫວຽດນາມ ໄດ້ປະເຊີນກັບຝົນຕົກໜັກ ແລະ ລົມພັດແຮງເປັນເວລາດົນກວ່າ 1 ຊົ່ວໂມງ ສົ່ງຜົນໃຫ້ຫຼາຍພື້ນທີ່ເກີດນໍ້າຖ້ວມຂັງ ໂດຍສະເພາະແມ່ນເຂດເຖົາດ້ຽນ (Thao Dien) ແລະ ເຂດອານຄານ (An Khanh) ເຊິ່ງລະດັບນໍ້າບາງຈຸດສູງເກືອບຮອດແອວ ເຮັດໃຫ້ລົດຈັກ ແລະ ລົດໃຫຍ່ຈຳນວນຫຼາຍເພຕາຍຢູ່ກາງທາງ ປະຊາຊົນຕ້ອງໄດ້ຍູ້ລົດຝ່ານໍ້າເພື່ອຮີບກັບເຮືອນ.

​ເສັ້ນທາງສາຍສໍາຄັນຫຼາຍສາຍ ເປັນຕົ້ນແມ່ນ ຖະໜົນ ກວກເຮືອງ (Quoc Huong), ຊວນຖຸຍ (Xuan Thuy), ດິງໂບ້ລີງ (Dinh Bo Linh) ແລະ ທາງຫຼວງຮ່າໂນ້ຍ ແມ່ນມີນໍ້າຖ້ວມຂັງຢ່າງໜັກ ສົ່ງຜົນກະທົບຕໍ່ການສັນຈອນໄປມາ, ໃນຂະນະທີ່ກະແສນໍ້າໄຫຼພັດແຮງໃນບາງພື້ນທີ່ ເຮັດໃຫ້ການເດີນທາງເປັນໄປດ້ວຍຄວາມຫຍຸ້ງຍາກລຳບາກ.

​ກົມອຸຕຸນິຍົມວິທະຍາພາກໃຕ້ຂອງຫວຽດນາມ ລະບຸວ່າ: ສາເຫດແມ່ນຍ້ອນອິດທິພົນຂອງລົມມໍລະສຸມຕາເວັນຕົກສ່ຽງໃຕ້ທີ່ພັດປົກຄຸມ ປະກອບກັບການກະທົບກັນຂອງກະແສລົມໃນລະດັບສູງ ເຮັດໃຫ້ເກີດກຸ່ມເມກຝົນຟ້າຄະນອງຂະໜາດໃຫຍ່ ໂດຍຫຼາຍພື້ນທີ່ມີປະລິມານຝົນຕົກສະສົມ 20-30 ມິນລິແມັດ ແລະ ຄາດວ່າຝົນຈະຍັງຄົງຕົກຕໍ່ເນື່ອງໃນຫຼາຍເຂດຂອງນະຄອນໂຮ່ຈີມິນໃນຄໍ່າຄືນນີ້.

​ພາບ-ຂ່າວໂດຍ: VnExpress

ໜັງສືພິມສຶກສາ-ກິລາລາຍວັນ

• ຈີນ ເລັ່ງຊຸກດັນ AI ເຂົ້າສູ່ລະບົບການສຶກສາແຕ່ອະນຸບານຮອດມະຫາວິທະຍາໄລ ຫວັງສ້າງຄົນຮຸ່ນໃໝ່ສູ້ກັບຍຸກເຕັກໂນໂລຊີ
• ອັງກິດ ກຽມຫ້າມເດັກອາຍຸຕ່ຳກວ່າ 16 ປີ ນຳໃຊ້ໂຊຊຽວມີເດຍ ເພື່ອປົກປ້ອງເຍົາວະຊົນ
• ​ຝົນຕົກໜັກຢູ່ນະຄອນໂຮ່ຈີມິນ ນໍ້າຖ້ວມສູງຮອດແອວ ລົດເພຕາຍກາງທາງຫຼາຍຈຸດ
• ຈີນ ບຸກທະລຸຕະຫຼາດເຕັກໂນໂລຊີ! ສົ່ງອອກຫຸ່ນຍົນອຸດສາຫະກຳກວ່າ 25,000 ເຄື່ອງໃນເດືອນດຽວ
• WHO ປະກາດພາວະສຸກເສີນ “ອີໂບລາສາຍພັນຫາຍາກ” ລະບາດໃນ ຄອງໂກ-ຢູກັນດາ ອາດແຜ່ລາມກວ້າງກວ່າທີ່ຄິດ ຫຼັງພົບຄວາມຊັກຊ້າໃນການຮັບມື
• ອູການດາ ຢືນຢັນພົບຜູ້ເສຍຊີວິດຈາກເຊື້ອອີໂບລາ 1 ລາຍ ຂະນະທີ່ ຄອງໂກ ຍອດຜູ້ເສຍຊີວິດເພີ່ມສູງຂຶ້ນຢ່າງຕໍ່ເນື່ອງ
• ສາຍການບິນຫວຽດເຈັດ ມີຜົນກຳໄລເກີນຄາດໝາຍ 21%
• ກິດຈະກໍາການຜະລິດຂອງ ອາເມຣິກາ ຫຼຸດລົງຕໍ່າສຸດ ໃນຮອບ 8 ເດືອນ
• ຈີນ ມີຍອດມູນຄ່າການຄ້າສິນຄ້າປະເພດຈັບຕ້ອງໄດ້ຢູ່ແຖວໜ້າຂອງໂລກ 7 ປີຊ້ອນ
• ການປະຕິຮູບຊັບສິນລັດ ແລະ ລັດວິສາຫະກິດຂອງຈີນ ໄດ້ຮັບການບຸກທະລຸທີ່ສຳຄັນ